【@girlstyle.mag 】《星夢傳奇》炎明熹獨攬3獎成大贏家！
.
無綫歌唱比賽《星夢傳奇》決賽於昨晚舉行，16歲的炎明熹（Gigi）以大熱姿態獨攬三個大獎成三料冠軍！雖然 Gigi 的唱功一向備受肯定，但她於昨晚的表現就被指稍為失色，相反冼靖峰（Archie）與鍾柔美（Yumi）就狀態大勇...
【@girlstyle.mag 】《星夢傳奇》炎明熹獨攬3獎成大贏家！
.
無綫歌唱比賽《星夢傳奇》決賽於昨晚舉行，16歲的炎明熹（Gigi）以大熱姿態獨攬三個大獎成三料冠軍！雖然 Gigi 的唱功一向備受肯定，但她於昨晚的表現就被指稍為失色，相反冼靖峰（Archie）與鍾柔美（Yumi）就狀態大勇表演相當有驚喜，不少網民在宣布賽果後都紛紛抗議，直呼賽制非常不公平！
.
炎明熹成三料冠軍
《星夢傳奇》昨晚以直播形式舉行決賽，決賽共設有三個獎項，分別是專業評選大獎、觀眾熱選大獎、以及全場總冠軍《聲夢傳奇》傳奇新星，這三個獎項都由炎明熹（Gigi）一人獨得。
.
雖然 Gigi 一直是呼聲極高的一位，但她在昨晚的表現卻被指失色。她於首回合選擇以辛曉琪的《領悟》出戰，但就不慎在高音位走音失準，幸好充滿感情的演繹仍讓她獲得17盞燈並與獲得16盞燈的另一大熱姚焯菲（Chantel）晉級第二回合。
.
因為在第一回合二人都以慢歌出戰，根據賽制她倆都需以快歌比拼。Chantel演唱了鄭秀文的《Chotto 等等》，甜美輕快的演出讓人再度陷入初戀漩渦。而 Gigi 則以 Lady Gaga的名曲《Bad Romance》應戰，充滿壓台感的演出讓她以22比3盞燈力壓 Chantel 奪下大獎。
.
網民戥Archie同Yumi唔抵？
在昨晚決賽中，冼靖峰（Archie）選唱孫燕姿的《我懷念的》迎戰。他的演出受到評判高度讚賞，更獲得19盞燈成為五強中得分最高的一位，只可惜因為要加上觀眾投票而無緣晉級最後兩強。不少網民紛紛為他抱不平：「Archie今晚真的只是輸給賽制」、「其實個賽制係咩事，揀頭兩名點解唔係淨係用燈數？」、「50%觀眾投票，咁其實今晚唔洗唱啦。」、「觀眾投票就唔好影響賽果，應獨立設一個「最受觀眾歡迎獎」更好」
.
另外，擅長跳唱的鍾柔美（Yumi）昨晚繼《狂野之城》之後，再次選擇郭富城另一首名曲《第四晚心情》出戰，她的表演再次有驚喜！雖然她與 Gigi 同獲 17盞燈，但卻因觀眾分數較低而落敗，不少網民都為她感到可惜：「論表現今晚非一即二，輸給賽制，無語」、「今晚Yumi表演係最好睇最有魅力」、「只係fans唔夠gigi、chantel多」。大家又點睇呢？
.
陳奐仁疑暗寸周柏豪一成不變？
何晉樂（Rock）昨晚選擇以陳奕迅的《衝口而出》出戰，但就獲得不少劣評，�陳奐仁直言覺得他選錯歌，更疑似暗寸作為他導師的周柏豪沒有起到幫助：「柏豪真係由第一集開始到依家都冇變，都係咁保護自己學員，Rock今次係大失敗，你揀呢首歌頂盡得Eason七成，不過，都繼續支持你。」最後 Rock 只獲得 4盞燈，成為得分最低的學員。
.
事實上，Rock 雖然不算大熱，但他的唱功卻獲得不少人的欣賞。可惜經常因為選錯歌種加上心理壓力而屢次陷入被淘汰邊緣，有網民翻出他與張敬軒合唱《青春常駐》的片段，紛紛大讚好聽，認為他只要選對適合自己的歌路，絕對是前途無可限量！
.
大家又對比賽結果滿意嗎？
.
#女生Gossip熱話
.
✨ GirlStyle 女生日常 App ✨正式登陸 App Store 及 Google Play
📱 想隨時接收最新美妝時尚資訊及女生人氣熱話⁉️
立即Click入@girlstyle.mag Bio連結下載！🤳🏼
.
陳凱琳【維持幸福婚姻的秘訣】
Cover story vol.13
.
FB: GirlStyle 女生日常⠀
『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀
.⠀⠀
#hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover
郭富城快歌 在 金成 Facebook 的最讚貼文
【這是一場甘苦與共！】
(2016年舊文。至少應驗了「前面有幾多意外幾多厄困沒有人知」。)
自己是黎明粉絲，屬於麻甩理智型，即是他好靚仔時我會說他好靚仔，他水腫時我會說他水腫，他唱歌好聽會說他唱歌好聽，他跳舞求其我也會說他跳舞求其。
四大天王那時代，把黎明的五官拆散比併，應該會輸盡給劉德華郭富城，只贏一個張學友，偏偏合起來時，除了有時水腫，他的樣子可以霎時間靚仔得散發仙氣(呢個形容係有私心)，而且客觀事實四人中他最高大，穿衣品味最好，他行出來英俊瀟灑的台型具有壓倒性。有可能是誇張記載：九十年代黎明最早攻佔韓國市場，據說他當年掠奪韓女芳心之哄動，不下於今天宋仲基掠奪港女們的程度。劉德華的靚仔向來公認是香港隊代表，只有黎明可以挑戰他而沒有處下風，他們的粉絲鬥得最天崩地裂！
黎明高大也有壞處，是跳舞不容易好看。這樣方面郭富城當然最強，但你看過張學友的演唱會，他跳舞的韻律和難度幾乎迫貼郭富城，可以知道他下了超強苦功。黎明呢，他最公子最貴氣，四天王的體能操練他應該最懶，跳舞亦明顯「求其」。有年又是TVB種的禍，甚麼勁歌總選，竟然要求他們四人一分鐘鬥舉啞鈴，不要以為郭富城大隻，劉華在鏡頭前那種拚搏牛逼不用多介紹，他一分鐘五十下，郭富城張學友死谷各接近四十，只見黎明真心求其舉，結果他應該僅及三十下。或者可以說，他看自己很準，他的有型從來不是來自大動作，於是早期唱〈我的親愛〉，雙手隨便練習幾下炒飯手勢，雙腳一時內八字一時外八字反來覆去翻動幾下，賣個傻痴痴的萌笑，問候聲：「May，你點呀！」粉絲們已經心滿意足。
黎明沒跳舞運卻有歌運，他曾經演唱〈對不起我愛你〉走音被笑足四份一世紀，然後他明白知恥近乎勇，他有努力練歌，後來遇上連串廣告歌從〈那麼有一天不想妳〉、〈情深說話未曾講〉等都唱得讓人刮目相看，成為九十年代香港最輝煌印記。他有很多歌的流行程度，甚至迫貼張學友。大概他成熟了，醒悟從前裝可愛扮天真去得太盡，四十幾歲男人老狗不可能再沒技巧賣萌地跳〈我的親愛〉，於是索性任何慢歌快歌都站得耿直，他的士兵式站姿簡直破壞所有快歌的第一傳，今天他唱〈我愛Ichiban〉時屁股作二十度搖晃已經是天大賞賜，結果開始有人埋怨，他在訪問也承認自己演唱會有點悶，於是今次換場地玩4D，結果惹了禍，同樣也成為考驗黎明成了超天王的契機。
張學友那張臉本來最能經歷風霜，劉德華到今天仍像牛般頑強謹慎，他的臉和鼻和身體都以零脂肪起角見稱，郭富城也超勤力，鑽研演技和溝女的操練從沒間斷，五官保持精緻銳利。如果以五十歲男兒計，最早退出江湖的黎明可能是最不襟老那位，近年看他，臉容有時浮腫厲害，五官也失卻過往神采。上天明顯仍眷戀黎明，他沉藉多年水腫多時，開唱片公司捧人成績不過不失，本來最好的衞蘭，操練體能方面跟他一樣隨心所欲，不願控制自己體重。但他變得很會說金句，其實四大天王沒有一位幽默，黎明只是完全放下偶像身段，不再顧忌說內心直話，直到用北京話直譯廣東話咁直。
從他三十年幾乎沒變的髮型和西裝畢挺，從他一直在四大天王中往往顯得離群獨處，可知道他是位個性超強的人，他的金句往往由衷而發，含金量極高，因為夠真心因為夠突然因為去得夠遠，所以笑死人。今次黎明演唱會每天都在逢迴路轉，他反而貼地應戰。他可以不化妝，頭髮還殘留cap帽柒印的狀態，便誠意滿分地拍片為場地問題解說一次又一次，然後把責任放在自己身上，有新鮮難題，他提出新鮮解難方案。這時候，你會發現黎明已經盡褪從前的脂粉和傻笑，沒以往英俊秀氣，卻變成一個隨心所欲型到爆烈和很會用臉書的中佬。
人和人好簡單，我們曾經這樣愛你，只要你真心努力過，遇上難題碰上困境，只要你坦誠告白，沒學那些官員玩語言偽術，香港人幾時輕易離棄你。你的演唱會要取消便取消吧，要拆帳蓬冇4D就拆帳蓬冇4D，入場混亂排隊要排兩個鐘就排兩個鐘，落雨照頭淋就照頭淋，唱唱下個電幕故障上不上去，你要朗誦歌詞便朗誦歌詞，你係鍾意唱快歌唔排舞便繼續唱快歌唔排舞。
我們喜歡你廿幾三十年，前面有幾多意外幾多厄困沒有人知，只相信黎明不會老點你，有事他會站出來拆掂，要金句有金句要膊頭有膊頭，於是歌迷大眾條氣會順，於是幾多甘苦都願意與你共同渡過，反過來更擔心黎明壓力太大食不飽睡不甜。香港人真係好易商量好易管，要把香港管到現在這種怨氣沖天的狀況，真的要好柒好Seven的領導人才做得到。題外話，同期開演唱會的林峯的鋒頭難免被蓋，接受訪問時他表示沒有看黎明演唱會新聞，記者又抵死，追問「而家我咪話俾你知！」，他只答了一聲「哦！」很明顯他沒有金句胸懷，個人亦懷疑吳千語可能曾經表態想睇黎明，所以他有少少介意。
郭富城快歌 在 Facebook 的最佳解答
【尋求無悔真生活。路漫長。也靜候』
每次睇返呢一句 都覺得好感動
我從來都冇覺得郭富城嘅歌感動過
就算愛的呼喚、強 嗰啲 我都係覺得
咪K歌一首…有乜特別呀
呢首 #木偶襲地球 細個聽
都覺得係郭富城數一數二好聽嘅快歌
冇喇……就係咁
但因為Alton 令我重新感受原來呢首歌
係咁有意思 唔止係一首跳舞歌咁簡單
相隔差唔多三年 聽佢再唱
除咗唱得進步咗之外
輕鬆駕馭 仲多咗份滑稽
我好唔同意當年sunny嘅comment係話
『郭富城首歌好型…但你唱得funny得滯』
將人哋嘅歌內化 變成自己嘅版本咁先有特色
姜濤唱羅志祥嘅所有歌都唱得好好
因為佢本身好羅志祥
所以你一聽會覺得好順耳 好舒服 好原版feel
sunny會話Alton funny得滯 做唔到郭富城嘅型
係因為佢唔認識王智德呢個人
佢根本就係一個funny嘅人
見佢當日同今日都係笑住唱呢首歌
就知道..除咗呢個就係Alton style之外
就係佢想表達…或者佢根本覺得
路漫長…但應該笑住等待
我由邊到認識德仔
講到口臭喇….
係呀…又係AK Youtube Channel呀
不過今次多咗個 就係Alton自己個Youtube channel
一個人打機嘅陣 個反應係最真實
而且佢channel有好多搞笑嘅點子
『發夢買比卡超』『正式開始(惡搞版)』『特_登(惡搞版)』
『人多骯髒惹的禍』……
我記得第一次睇『正式開始(惡搞版)』時
見到0:18嗰個Alton….嘩….咁靚仔嘅
『特_登』直頭將佢三個搞笑功力表露無遺
得閒去Alton 個channel坐下 睇下佢啲片啦
(雖然冇AK update得咁勤力)
喺Mirror入面
Alton 唔係數一數二嘅靚仔
但我覺得係數三
(我知好多人會話邊個邊個仲靚仔…
所以我唔會講一二係邊個
等你哋代入你自己嗰個 皆大歡喜)
有一個位 突然覺得Alton好charm
就係MirrorGo 澳門大三巴前做任務
係Anson Lo徬徨之際
Alton 好有型咁用韓文救返阿Lo
真係超有型！！！！
佢個人又好謙虛
學過韓文 有First Aid牌
人哋問佢 佢只會話『略懂』
當然人哋再追問佢點解會識
佢先會講話以前去過韓國學 考過咩咩咩教練牌
唔會覺得自己識就好似好威咁
佢喺Mirror嘅態度都係
唔會覺得自己Rap得好過人 跳得好過人
只會做好自己個part
成日覺得自己Rap詞寫得唔夠好
去到錄音前嗰一晚都不停改緊
Alton 你嘅認真專業 係會有人睇到㗎！
由全民造星開始
佢條路都唔係好順利個種
路漫長 希望終會等到機會
令人認識王智德 唔止係Mirror入面嘅Alton
佢嘅funny其實可以做到喜劇
之前做Chris1冇乜發揮
希望遲啲會有更好嘅機會平反一下
有型都可以funny
#王智德 #AltonWong #王勁 #肌肉就是力量
#尋求無悔真生活路漫長也靜候
-------------------------------------------
#調教你Mirror
#Mirror #梁祖堯 #花姐 #ViuTV
郭富城快歌 在 新Monday Facebook 的最讚貼文
【#頭號粉絲】疫情底下表演業及電影業界都進入寒冬時期，城城既係舞林王者又係影帝，決定聽日5pm 就於網上免費直播「郭富城鼓舞．動起來網上慈善演唱會」目的為舞蹈員及電影業基層工作人員籌款度過疫情難關，相信到時演唱會城城會同一班舞蹈員勁歌熱舞！而加先重溫下舞王歷年嘅經典快歌啦！
#新Monday #娛樂 #郭富城 #城城 #舞王 #影帝 #跳舞 #舞蹈員 #電影 #經典歌 #演唱會 #直播 #老爹