我們都愛上了錯的人 受了傷害卻又一次次原諒 超載的愛，讓人難以離開 陷入反覆的心痛與猜忌 一點都不快樂，對嗎？ - #Kiwi郭子綺—全新單曲《#放手》 這次，我們一起放下恐懼，勇敢一次 「放手吧，你值得更好的生活。」 ——————————————————————— 🎵歡迎至各大音樂平台下載收聽 🔗 https://rock-mobile.lnk.to/kiwi ——————————————————————— #浪LIVE #浪星夢實現 #浪LIVE金曲 #千萬深耕 #音樂才藝主播 #每月發行單曲

*嚴禁劇透* *粗口自行過濾* *可瘋狂話戲屎但免人身攻擊* [方以文 問兩句][黃智雯] https://www.facebook.com/fongeman/photos/a.1091309747599736.1073741828.1059324757464902/1807611582636212/?type=3&theater [方以文 問兩句][編審 黎倩儀] https://www.facebook.com/fongeman/photos/a.1586026161461423.1073741834.1059324757464902/1799425913454779/?type=3 ***************************************** [1230隔夜超短劇評][無綫][三個女人一個因 EP17&18 大結局] [讚] 上個星期黃智雯已經表演過點樣喺冇剪接之下轉換人格，今個星期呢兩集繼續出現，真係要讚。誇張少少嘅演技今次用得係啱，喺轉人格嗰時先可以睇到佢哋嘅分別。不過當然如果可以減少少誇張都令到觀眾分清楚三個人格，咁就係神級演技。 有好多幕我都覺得好正。我諗好多人都會覺得因因入去自己嘅內心世界嗰吓好正，我都係，呢個係成長部分嚟，佢終於肯去面對另外兩個自己。但一入到去就直搗黃龍向阿愁入手問佢嘢，我覺得太快喎。本身訪問Mandy，佢都有講到呢一幕係佢期待嘅，因因入到去內心世界應該係放低晒戒備嘅狀態，所以我以為係三個人格互相認識或者互相坦白，但冇，有少少失望。 另一個係愁擘擘扮Evie叫Kai子去公園嗰一part（編審確認咗嗰個真係阿愁），Kai子喺阿愁面前話唔鍾意佢嗰下真係好hurt呀…但亦都係呢一幕，令到阿愁開始妒忌因因，以至後尾為守秘密而生嘅分裂人格居然會向主人格自己供出秘密，愛情嘅力量係好強大。好在Pina唔係鍾意Kai（定其實都鍾意只係咁多嗰裡面最少份量？），如果唔係Pina要搶阿Kai都唔知點搞。 等了又等，又係到呢兩集先多啲Theo、Evie、Kai嘅情感橋段。係趕啦，不過等咗咁耐佢有就算啦。方以因話好想知道阿愁鍾意Kai多啲定自己鍾意Kai多啲，嗰吓真係甜到糖尿。 不過最睇到我毛管棟嘅，係方以因話自己好想好似阿愁咁喊，好似Pina咁打人嗰段。睇咗18集，方以因終於都接受到自己喇~ 另外，其他人都係有成長嘅，包括咗Theo知道自己真係鍾意Evie但放手，都係好正。 * [彈] 所有Gigi姐嘅情節都係甩皮甩骨。因因向Easy坦白自己有病，叫佢返英國，因因話未見過阿媽係咁。之後Easy叫利記狄uncle捉因因去英國，冇啦啦又向啲記者發癲展現母愛。可以係合理嘅，因為Easy畀個女鬧完可能真係良心發現，之後都係決定捉個女返英國醫都得，但就係冇晒呢啲個人情緒轉變嘅戲份，搞到Easy都好似有病咁…好在Gigi姐好戲，如果唔係呢兩集由一個近乎仇恨嗰女嘅媽媽要極速轉到佢自己認錯再入去內心世界兩母女抱頭痛哭嗰吓真係好難投入。 另一個浪費嘅人物係孫慧雪嘅Dr.Bean。上個星期都仲係閒吓閒吓，和好之後對Evie個病都繼續係束手無策咁，到今個星期神醫上身，不停用催眠去解決問題，包括用埋童年回溯去令Kai子搵返因因細個誠實坦白嘅「禍端」。之前16集，我見到嘅Dr.Bean都只係一個鍾意Theo，同埋處處都輸畀因因嘅同學仔，對於佢心理學方面能力嘅建構，由差利事件、傑青、出書講座，呢啲通通都幫唔到，到最後你話畀我知原來Dr.Bean係勁到呢個地步，真係好跳躍。 再跳躍啲嘅係阿主席佢無啦啦cancer冇啦啦要推Philip上CEO個位。大佬呀，你唔使害Theo都可以呀，喺董事會投票整走Theo咪得囉，個劇情可以照去，一樣可以成立基金託管，一樣可以令到Philip爆方以因大鑊……依家血都噴埋，真係好影響成套劇嘅觀感。咁辛苦營造套劇嘅合理性，令觀眾覺得人格分裂都有說服力，偏偏呢吓噴血就減咗勁多分。 都係嗰句啦，畀返20集我睇好唔好？ [演員表] 黃智雯 飾 方以因、Pina Colada、愁擘擘 / 袁偉豪 飾 利東佳 / 陳智燊 飾 紀驍勇 / 郭子豪 飾 唐米尼 / 黃淑儀 飾 方華綺思 / 林景程 飾 白保運 / 鍾志光 飾 利盛強 / 林秀怡 飾 利東伶/ 周麗欣 飾 利東優 / 陳家良 飾 利東健 / 蘇恩磁 飾 馬寧兒 / 周梓盈 飾 陳在藻 / 孫慧雪 飾 邊小豆 / 梁舜燕 飾 范蘭茜 / 邱梓謙 飾 施家登 / 溫裕紅 飾 梁小娟 / 李璧琦 飾 紀愷倫 / 李國麟 飾 歐陽一波 / 陳泓達 飾 歐陽歷奇 #1230隔夜超短劇評 #無綫 #TVB #三個女人一個因 #黃智雯 #袁偉豪 #陳智燊 #黃淑儀 #鍾志光 #林秀怡 #林景程 #周梓盈 #孫慧雪 #蘇恩磁 #周麗欣 #陳家良 #梁舜燕 #郭子豪 #丘梓謙 #溫裕紅 #李璧埼 #李國麟 #陳泓達