【我冇諗過我最後都會「入坑」睇《#大叔的愛》】
#長文慎入
真心我唔知幾多年冇睇過港劇，對上一次應該係《天與地》，又咁啱都係有黃德斌。有時唔係唔睇港劇，而係作為影迷，你一星期五晚分分鐘夜晚都喺戲院，或者一套或者兩套直落，散場返到屋企都點幾。唔理你viutv又好，（你仲係會睇時期嘅）CCTVB又好...
【我冇諗過我最後都會「入坑」睇《#大叔的愛》】
#長文慎入
真心我唔知幾多年冇睇過港劇，對上一次應該係《天與地》，又咁啱都係有黃德斌。有時唔係唔睇港劇，而係作為影迷，你一星期五晚分分鐘夜晚都喺戲院，或者一套或者兩套直落，散場返到屋企都點幾。唔理你viutv又好，（你仲係會睇時期嘅）CCTVB又好，你都唔會喺屋企，所以點都追唔到，極其量食飯屋企人睇我又望兩眼，真係「追」就冇。到我開始追劇，已經變咗睇HBO同Netflix。
坦白講，事前身邊人係咁叫我追《大叔的愛》，我知好有話題性好好睇但都的唔起心肝睇，而且我同期係睇緊《Loki》、《American Horror Stories》、《全裸監督》、《恐懼大街》（我當佢係劇），再加埋正場嘅戲，我根本唔會有時間插多一套，本身我唔係好有興趣必睇嘅劇。最後我因為個好癡線私人原因走去睇，初頭都冇乜認真睇，陪太子讀書心態，一路開住一路做自己嘢，點知睇睇吓都投入埋，將我全部追緊嘢放埋一邊，仲睇到半夜三更，當年一日睇一季《紙房子》都冇咁癲。
冇睇過日劇做唔到對比，但就咁用港劇嚟睇，我諗Viu係成功在一個好大膽嘅嘗試同肯去創新。唔止係香港首套BL劇集咁簡單，拍法都將傳統肥皂劇婆婆媽媽三角戀（當然呢套唔止三角戀咁簡單）拍得咁輕鬆可喜，有搞笑有感人位你仲會想去追看佢點樣發展、代入到角色內心世界，用半幽默半浪漫方式包裝，唔係好老套單純典型鬥氣冤家最後一定一齊套路；將日劇嘅七集篇幅撐到十五集，都融入到好多local元素，最少你唔會覺得佢係撐緊，亦唔會有地域文化差異「水土不服」情況。
大量實景如大澳紅橋（大澳居民往後幾星期辛苦了）、赤柱海濱、尖東天橋、9號碼頭等等，完全俾你感受到係一個香港實景發生故事，都可以融情入景。兩位主角嘅屋企唔係CCTVB式「全香港都係有錢人式大宅」，典型年輕couple式style都會令你睇得好舒服，你或者身邊朋友間屋都係咁，唔係個個有天台有露台有花園，「貼地」係一樣有共鳴要素。
或者呢一點可能要歸功於日劇原作，但後天改篇都成功在冇去妖魔化同性戀。喺CCTVB劇集入面，同性戀唔係搞到乸型，就九成九係幕後變態兇手（仲要一出場你就知道佢係「奸」果種），然後句句對白都會出現「死基佬」之類形容。套劇嘅同性戀角色可以拍到好純愛，亦唔會刻意去物化男性或女性，都係同你同我一樣咁樣生活，甚至令你唔係同性戀都可以代入到個角色。作為一套同性戀題材，香港電影入面唔係冇，但大部份都拍得好壓抑好悲情（其實一如西方作品），呢套極其量會令觀眾感到虐心，絕未去到要生要死地步，我諗唔止係劇集，連香港電影都可以借鏡。
網上有人對比田田同金城安，我諗都係套劇抵讚一環。要設計略帶傻氣嘅搞笑角色，係要誇張嘅，但唔駛太過火，適時誇張適時都可以俾返少少貼地、人性化感覺佢。當你睇金城安會睇到覺得呢個人係智障，田田你極其量會覺得佢係傻吓傻吓，亦有好嘅一面，絕對唔會覺得佢係智障。
要宣傳一套劇集，唔係一味靠洗腦式東張西望或者係咁上綜藝節目，再整個自嘲式See See 乜乜乜就得。今時今日要make noise唔係自己圍圍喂，要喺網路上爆紅，先可以做到「現象級」盛況。君不見Disney+每套星戰同Marvel劇集可以做到「全球現象」，集集一上架冇幾個鐘就全球自自然然有人討論，當然你可以話佢係Marvel係星戰點同，但前期後期宣傳功夫，點樣善用各種social media、做live、做訪問、微量劇透，率先帶動到話題同期待度（當然都有盡天時地利人和夾到最當紅組合），一切自己慢慢推出嚟，適時做倒數，再搵劇中演員打破四面牆同大家做唔同交流。今時今日宣傳係要咁樣玩，好嘢自會有口碑帶動，唔駛洗腦、唔駛要幕後諗爆頭都諗唔到爆點，然後同一篇宣傳稿同一堆問題問幾廿次：「阿邊個同邊個幕後有咩趣聞先？」喂冇人想知囉。唔係話Viu已經去到Disney+級數，但真心同一星期香港social media上討論度，《大叔的愛》結局篇絕對拍得住《Loki》大結局……
觀後感全文請點擊bio link，於Menu > 劇集閱讀
👉電影網店現貨品低至$5起，請即到bio link搶購！
.
【Patreon加強版】尊享優惠、更多深度獨家電影文章：https://www.patreon.com/travelerwithmovie
.
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
.
【MeWe請Follow】mewe.com/p/travelerwithmovie
.
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
.
#大叔的愛 #黃德斌 #簡慕華 #呂爵安 #盧瀚霆 #邱士縉 #田田 #阿牧 #KK #劇集 #viutv #晞觀影記事 #travelerwithmovie #盧瀚霆ansonlo #呂爵安edan #黃德斌 #邱士縉stanley #田田iloveyou
邱士縉媽媽 在 香港經濟日報 hket.com Facebook 的精選貼文
MIRROR團員邱士縉原來在媽媽薰陶下對投資都有D心得。
【最想住近海邊 「盲雞」胡子彤︰樓價會愈來愈高 愈早買愈好】https://bit.ly/31CPnL7
邱士縉媽媽 在 游大東【鴻鵠志－影視筆記】 Facebook 的最讚貼文
【 獅子山下2018／第二單元 ── 無愛之愛 Beloved Storage 】《 香港電台《火速救兵 IV》 》第三集超好睇：http://bit.ly/2Sjz1Qt
ViuTV《Good Night Show全民造星》九十九位參賽者之中，他是有份參演劇集，而且成功播出的第一人。他不是姜B、Ian、Lokman、肥仔、Anson Lo和小評，而是在「40強進30強」慘遭淘汰的62號 黃星叡 Bobular Wong，他在今晚於港台電視31首播的《獅子山下2018》第二單元，由王韻詩執導、梁健邦編劇的〈無愛之愛〉之中，他飾演男主角 ── 迷你倉管理員家雄。
「呢個係喺參加《全民造星》之前拍嘅，我咩都做㗎！」星叡透過Instagram的Inbox回覆說，我隔着手機屏幕，也感受到他對於演戲的熱誠。是的，有看過《全民造星》的讀者都應該知道，他參加這個比賽，個人的主攻項目是戲劇。他不諱言，這次演出對他的演藝歷程實在重要，「呢次演出，係我『演技大覺醒』之前嘅演出，真係學到好多嘢！」當然了，在這個單元劇中，飾演其母親的，是著名甘草演員丁主惠，而跟星叡有大量對手戲的女主角春琴（盧蓁宜Claudia）雖是新人，但看了少許〈無愛之愛〉，我發現有幾個鏡頭拍到Claudia對於演戲不是一張白紙，是能夠透過自然的眼神和動作表達自身情緒而連接劇情的女演員。（—— 想起了，她有份參與ViuTV新劇《教束》，飾演「神婆」！）有合作，有交流，自然有進步。
到底星叡是怎樣得到這個演出機會呢？他憶述，當天氣仍然寒冷的一月，有天他上網時見到有試鏡的邀請，他知道飛雲悄悄來到身邊，然而幸福的事，需要等待：「Submit咗之後等咗兩個月都冇回音，跟住有日突然收到Email叫我去Casting，之後再同導演食多一次飯，因為佢想了解我多啲，之後喺一個月黑風高嘅晚上，我突然被加入一個WhatsApp群組，嗰陣時我就問：『係咪代表我中咗？！』」係呀，係你喇，你終於都可以盡展所長喇。But池⋯⋯
欣宜曾經講過：「上天是公平的，沒可能見你追求甚麼便給予甚麼，過程中總會出現磨練。」星叡很清楚，因為他知道這些機會很難屬於自己的，現在真的屬於自己的，他必須付出無比努力，豁出去，證明自己，是可以的，所以當導演叫他去垃圾站摷垃圾，他出盡全力，「劇中我阿媽係一個有囤積症嘅患者，有一場戲講我掉咗阿媽其中一件『垃圾』，但原來係我以前着過嘅衫，阿媽留到而家，跟住我夜媽媽要去垃圾站入面摷垃圾，仲要落雨，當初諗住點到即止，但導演冇嗌Cut，惟有堅摷，而家諗返起拍呢一幕，都有想去洗手嘅感覺！」諷刺的是，如此落力的演，臭味纏身，但最終無法播出，「呢場戲，被剪走咗！」
但他說，這是少事，畢竟能夠演出〈無愛之愛〉，勝過所有，「係好開心，能夠喺咁多人入面選中自己，我覺得好好彩，今次演出亦令我開竅，戲，應該要點做，同埋幾時需要『反抗』導演！」反抗？咁快就咁「扮大牌」？非也，星叡解釋：「導演嘅Version未必係最好嘅創作，盲目相信導演嘅決定，未必能夠突破自己去創作The Best Version。」這一集，我只有時間看了少許，但畫面的角度，明顯有思考過，很多幕戲，都拍得很漂亮，星叡的戲怎麼樣？我覺得，作為新人，不算差吧，但公平點，至少要等我看完，才能抽時間寫寫感受，而這個故事也頗有趣，講的是一個在迷你倉當職員的宅男，如何愛上一個為錢而願意當PTGF的女生。訪問結束時，我跟星叡提出一個疑問：「我好奇，一個宅男，點解個胸會咁大嘅？不合符現實喎！」他大笑了幾聲，「冇Stanley（邱士縉）咁大，可惜蕭生留意唔到，如果唔係可能入到30強！」塞翁失馬，焉知非福，將來的事沒有人知，但願星叡繼續努力，做好自己，感染觀眾。
《無愛之愛》足本重溫：http://bit.ly/2Jlf73n
（28092018）
＃游大東 ＃游大東影視筆記 ＃電視框外 ＃獅子山下 ＃獅子山下2018 ＃港劇 RTHK 香港電台 快樂的 思想。影視隨筆 我睇咗啲乜嘢 講劇時辰到 方以文 睇電視喇喂 阿果 造星評議會 - Idol Academy Claudia Lo 卓韻芝 Eric Kwok 郭偉亮 ＃全民造星 強尼 Scarlett Wong 黃心美 Hailey Chan