【龔成問答信箱】（Q17361-Q17380）

Q17361：

你好老師 想問一下 現時港鐵及領展還可做長期投資嗎？
因為最近港鐵出咗個報告蝕咗好幾億，而領展今年都係蝕錢， 而且因應疫情關係都唔知幾時會完..

而且因為國安法之後好多人都話呢兩隻股票已經唔再係當初嘅優質股 有機會會變成當年嘅匯豐.. 想知你點睇老師.. 這兩隻股還值得長期擁有嗎？

龔成老師：

港鐵（0066）與領展（0823）有質素，不用擔心。

港鐵雖然虧損，但主因是「物業重估」，即是物業的估算價值跌左，會計上出現了蝕錢的情況。

香港中短期的經濟與疫情，都會對這兩股有影響，但我地投資，最重要是從長期角度分析，你可以分析3年後的情況，其實對佢的影響，並不是這樣大。

過份放大中短期情況，並無意義，要從長遠角度分析先得。

------------------------------------------------

Q17362：

龔成老師又向你請教下
我打算按盡現自住樓，再拎部分作首期買另一間物業，然後去供2邊。

現自住樓按盡可套現300萬，分25年還
新物業價值450萬比首期100萬，分30年還
所以總負債650萬，但有現金200萬+50萬自己存款共250萬係手。

我想用呢250萬黎買一投資產品黎cover大部分供款。
但要做到呢樣野基本上要年回報10%以上的投資組合先做到。

所以想向老師請教如果想揾到一個較穩健的6-7%年回報的組合可以有咩途徑揾到?

因為前排見一啲保險公司力推一啲叫安聯的派息基金，聲稱月派可達8-10%，十分之吸引，但似乎近年都賺息洩格。

所以除左呢啲，銀行的基金/債券又係唔係一個好選擇呢?再唔係組個股票組合又會唔都係一個好選擇呢?

定係老師都會有啲方向可以比我參考或者再去了解下呢?

龔成老師：

你要留意翻當你進行第二層樓的按揭時，銀行會緊左，要留意翻，最好問清楚銀行現時最新的情況。

如果一隻基金，所講的「穩定回報」去到10%，當中一定有風險的，因為這比市場上正常的穩定回報為多，因此一定要了解當中的策略。

我會建議你收息股及一些基金，目標是6%，你可以建立一個收息股的組合，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）都可以。

至於基金，你最重要了解翻佢的投資策略，風險程度，如果目標是6%的回報，基本上不少都是穩健的，當然，你要仔細分析。

至於債券，都是一個方向，你可以去銀行了解下，最好是有A評級的債券，不過利息就唔會太多。

------------------------------------------------

Q17363：

龔sir。我見某啲中資銀行做到p-3.5孖展息口。我覺得美國股市始終會再跌一波。如果做好風險管理，到時孖展入貨應該會係唔錯既選擇。想問下你有咩睇法同心得

龔成老師：

首先，無人知股市會唔會跌，唔建議用「預測」的模式進行。建議平衡配置最好。

如果到了恐慌期，不是不可用借錢模式，但借錢始終要小心，這一定要做好風險管理，自己要好明白這點，同時明白無人知幾時見頂見底。

------------------------------------------------

Q17364：

大師好，如能源股，基建股，公用股，有什麼股價在合理區中下部可投資？

同請問 中國神華 前境如何？
謝謝

龔成老師：

現時不少這類股，都處合理價，長建（1038）、粵海（0270）都是優質，同時是合理價。至於神華（1088），雖然現時股價合理，不過質素只是中等，投資價值並不算好高。

------------------------------------------------

Q17365：

龔Sir 我今年下半年想首置買樓自住 8,000,000樓下做九成按揭 你點睇？

龔成老師：

可以，香港樓，長遠仍是向上的，始終供應不足。這刻的投資價值不算高，但自住價值存在，你只要有需要，都可以買的。

最重要是計算「是否供得起」。

樓價可能會有波動（中短期走勢無人知），但長遠來說，最重要是「供得起」，你只要守到就得。

多睇樓是最好的，現時有少部分業主會睇淡，甚至佢地有人想移民，可能會有減價機會，你睇樓多就較大機會遇到這些業主，有機會買到平貨。

------------------------------------------------

Q17366：

我六月份 問完你股票質素之後 就127蚊買咗2382 11.56買咗6066, 應該點部署
都係各一手

龔成老師：

舜宇光學（2382）有質素，你可以長線持有，唔好理中短期股價。

至於中信建投証券（6066），這股不過不失，未去到好高質的水平。業務與股價都會波動，小注是無問題的。

------------------------------------------------

Q17367：

Hello，岩岩終於有人生第一個十萬 可以如何運用呢小小錢去滾大舊錢？

龔成老師：

太好了！

以現時的市況，你可以將一半投資優質股，但暫時唔太建議一些升得太多的股。你可以考慮左平穩增長股先，例如，盈富（2800）、銀娛（0027）、恆基（0012）、中銀（2388）、港鐵（0066）、平安（2318）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382），但就要明白波動性比上述會高少少，同時最好回翻少少先考慮。

你可以先投資$5萬，分注投資，慢慢用。餘下的$5萬，就暫時持有現金先。

------------------------------------------------

Q17368：

本人28歲，現金五萬，可月儲萬六，沒有買保險和年金計劃，最近想開始學投資，請問是不是以月供股票開始比較易上手？

如買股票應該每月買多少？還是應該先有保險才開始投資比較好？

龔成老師：

理財要攻守兼備，保險、應急錢，都是防守的部分，所以你都應該在做好這方面的，不用多，但都應該做。

之後，就可以開始進行投資，第一，你要增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，將每月的部分資金，去做月供股票，供盈富（2800）$3000。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

到有一定的知識後，就可以投資其他股，以及以非月供的模式同步進行。

------------------------------------------------

Q17369：

老師你好，本人為投資新手，一直有follow老師既貼文，我前一排$10既時侯入手左滔博（6110），之後佢走勢一直逐漸下降，據資料顯示佢係百麗國際其下的運動業務線

亦成為Nike,Adidas的國內最大經銷商，想問長遠來說值得繼續持有嗎？定係要係適當時侯止蝕？

另外想問下老師點睇最近升得好快既眾安在線（6060），此股也適合長線投資嗎？

龔成老師：

滔搏（6110）主要係中國從事運動鞋服產品零售業務。佢大多數門店為單一品牌門店，以所售運動鞋服產品的品牌冠名。

現時同11個品牌合作，當中主力品牌為Ｎｉｋｅ、ａｄｉｄａｓ，其他品牌包括Ｐｕｍａ、Ｃｏｎｖｅｒｓｅ等。

零售網絡包括8300家直營門店，有好強大的網絡，過往業務不差，有增長，有盈利，有正現金流，不過一市年期唔算長，分析與估值上較為困難。

你唔好著重中短期股價，無意思的，最重要睇翻長期的企業質素，你買入價合理，可長線的。這股不差的。

至於眾安在線（6060），潛力是有的，但業務仍存有不不確定性，唔建議持有太多。這股都可長線的。

------------------------------------------------

Q17370：

龔sir 你好，本人今年24歲，專業人士，以往都冇儲蓄既習慣，岩岩畢業出嚟做嘢想學下投資。

扣除家用同生活費，每月可草27k。想問下老師我應該點樣分配每月投資同現金既金額？

因為我無投資經驗，如果投資既話，係咪應該月供股票會好啲？如果係，又有冇邊隻推介？ 唔該晒！

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

你可以每月供$10000盈富。佢是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過一段時間，有知識及少少經驗後，就可以利用你手上的資金，其中一部分，去投資股票。

你暫時供住盈富先，遲D就可加上其他，以及以一手手模式投資。

------------------------------------------------

Q17371：

你好！龔sir，本人系理財新手，可以推荐一兩隻全球股市指數基金？

香港政府債券市場指數基金只有滙豐的創富債券指數基金嗎？仲有其他債券基金值得入手？

龔成老師：

如果你有證券戶口，可以投資一些交易所買賣基金，可以追蹤一些主要的股市指數，已經是一個好方便的投活方法。

盈富（2800）、南方Ａ５０（2822）。

至於債券基金，你要小心。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率，如果比例太高。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。你要睇下該基金的策略，是否高風險。

因為有些債券基金，雖然不斷派息，但卻用了當中的本金，因此根本無著數。

所以，你而家要睇翻佢是否好多「垃圾債券」，如果比例太多，風險高，就要小心。

------------------------------------------------

Q17372：

龔sir ,想問1347 以家入得過嗎？

龔成老師：

華虹半導體（1347）質素不差，增長力都有，是我書《50股》系列的其中一隻，但現價已經唔平，這刻的投資值博率唔算高。

或者你可以這刻小注先，等佢有較多回落，先正式入。

------------------------------------------------

Q17373：

龔SIR, 我有兩條問題想請教您

1. 我想知你是如何為小米1810做估值? 因為我有留意到你之前提及過它IPO上市已估值不平宜，但由於小米上市年期短

無法得知其過往數據 (或沒有至少5年數據)，例如歷史平均市盈率、股本回報率等。所以我想知你為這類股份如何估值?

2. 如果利用其他公司做參考進行估值，例如蘋果公司市盈率，合適嗎?
謝謝賜教!!

龔成老師：

1）估值有好多方法，我股票班教左最常用的3種方法，進階班會教18種，但其實估值是無絕對的方法與答案，唔同方法如同以唔同角度去分析一樣。

當一間公司上市年期較短，估值時的確會比較困難，我地可以用一些行業比較的方法進行。

首先，一定要盡力了解翻這企業上市前的業務數據，以及上市後的數據，之後就是進行預估，推算佢之後的情況，由於這是潛力股，所以估值時會用較多預測的模式進行。佢當年上市時的業務數據，同當時上市價$17比較，就會初步得到當時是貴的水平。

這除了考慮自身的情況，同時考慮了行業的情況。

2）這是其中一個估值方法，你可以用。因為行業比較是其中一個估值時的方法，不過，當你運用時，要因應每間企業的質素、增長力，而有所調整。

------------------------------------------------

Q17374：

龔成老師你好，31歲，我月入4萬左右，供緊樓月供6800左右，扣晒必要開支，大約每月可以儲15000-18000左右，現金有30萬

想買股票去增加資產，再想多一層樓投資用。

股票新手一名，所以今日我去買左老師的百萬富翁3黎睇睇，買左1177 2手同788 4手 ，打算月供長渣

1177係咪等佢2股送1股後股價低左再大手入會好D，另外有無其他股票推介？

龔成老師：

由於你現時已經有物業，所以唔建議太多增持物業，否則這會令你的財富，太過集中在物業類，會出現風險。你應該在這刻，加大股票部分的比例，到日後有一定的財富後，才再投資第2層物業，這會比較平衡（你可以睇《財務自由行》有更詳細講述股樓平衡策略。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，所以唔好投資太多。

你持有的中生製藥（1177）、中國鐵塔（0788）都是有質素的股票，有潛力，可長線。

你長期月供可以。

至於中生製送股，你股數會多左，股價會調整左，但這不會影響佢的平貴，不影響企業價值。所以唔應該因為這原因，令你加大投資照原本的策略就得。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17375：

老師，想請問你對美團點評（3690）既睇法，由三月低位七十幾蚊，到而家差唔多百二蚊，可以繼續入嗎？定已經見頂？現時個勢可以買入嗎？

龔成老師：

美團點評（3690）有潛力的，佢之前出左業績，見到開始有正現金流，這是一個實質的利好因素，因為之前一直在燒銀紙，現時初步見到成效，市場對佢重新估值。

當然，現時仍有不確定性，估值唔易。

只可以話，潛力是有的，現價唔算平，但不是完全無投資價值，不過，一定不能大注。等回少少先開始小注，是較好的做法。

------------------------------------------------

Q17376：

老師，多謝你回覆，我之前聽你講已賣晒932啦
所以而家係由0開始，希望老師既指導下重新部署

本身我有領展同2800，但因為怕太市波動就賣晒，點知兩隻都重上中水平位置（當時我係接近摸底各入一手）

而家我所留意開既都唔係便宜價，所以唔知應該點入市好

有留意的：1137，1448，2800，823，00052，778

但市場環境實在太唔明朗，而total lose過後而家好小心地入市，但過份小心亦失去好多機會

龔成老師：

好！賣出質素不佳的股票，是理性的做法。

盈富（2800）與領展（0823）都是有質素的股，可長線，現價仍合理。你唔好因中短期波動而賣出，要以「買企業」想法去長線持有。

至於上述的股票，你可考慮盈富、領展（0823）、置富（0778）。餘下兩隻等回少少先開始。

另外，現時大市波動，買入時一定要分注，要慢慢入，同時一定要留現金，唔好用盡資金。

------------------------------------------------

Q17377：

呀sir,想問你幾隻股票優質度，1478丘鈦科技，3993洛陽鋁業，3380龍光集團，這些算是水桶一股票嗎

龔成老師：

丘鈦科技（1478）是水桶1，但這股股價十分波動，要注意風險，潛力是有的，但當大環境改變時，佢都會變差得好快。

洛陽鉬業（3993）質素未算好高，商品企業，業務比較被動，潛力度唔敢話好高。

至於龍光集團（3380），都有質素，是水桶1-2之間的股票，但負債較高，要注意風險。

------------------------------------------------

Q17378：

成哥，你好，其實我已經睇曬你啲書同上埋你嘅堂，亦已經有月供及分注買入股票。我亦已定下目標10年後財務自由，信心十足！

所以我很少問阿sir問題，不過到了最近的情況，眼見新經濟股不斷上升，美國的科技股亦不斷創新高，身邊的人亦開始討論及買股票，這些現象是否表示危險

但我見老師亦表示現在的新經濟股不是無表現，並不完全是炒作，令我難以分辨是不是過熱的情況？

另外，傳統經濟股特別是香港地產股則無人提及，這是不是一個很好的機會加大力度吸納，我一向有月供12號。還是國安法真的令香港地產股價值下降？

謝謝老師
祝工作順利身體健康

龔成老師：

現時的大市，新經濟類有少少熱，但未算好熱，而我地最重要是睇企業的本身，有些股的確有實際價值，例如騰訊（0700）、阿里（9988），業務有實質的上升，如果以市盈率來計算，騰訊現時在$500，其實比2018年的$470，現時市盈率更低。

有些新經濟股、醫藥股，如果無實際生意與盈利支持，就要好小心，但如果生意有真實上升的，可能有持有的價值。所以只要小心選股就得。

至於一些地產，這刻由於疫情，令佢地的生意較差，但這只是中短期，因此，不少股價都處合理區中下部，有投資價值，長遠會慢慢好轉，但就要有耐心。

當然，增長力未必及過往般強，但始終都是一個賺錢的行業。

而我地的組合，最重要平衡，即是說，就是地產類這刻有投資價值，你都不能佔過多，無論地產、新經濟、或是其他，都應該在組合中有一些，建立平衡組合。

------------------------------------------------

Q17379：

龔sir你好。。本人不是你學生，但我睇完你fb後覺得有得着。。想請你比小弟一d意見。。

小弟38歲，人工大嘅2萬無小朋友(應該不生)，有層樓不用供樓。。現金有八十萬，錶有幾隻大概市價值四十萬到。即係應該有1,200,000。。

(用1200000)我現在想好似你方法買月供股票，買2800。。每月一萬。。。定係用百二萬組合收息股。。每年大概有5到7厘回報。。這筆錢用來退休用。。想65歲退休。。

我想問下月供股票好唔好。。
盈富基金2800，中電0002，電能實業0006，粵海投資00270。。

宜4隻。。每月供16000元。。每隻4000元。。
比下意見。。

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你38歲，財富仍有增長力，但就不會太進取，唔會投資太多潛力股，你暫時可以集中投資平穩增長股，小部分投資潛力股。

如果你未有選潛力股的能力，未有掌握投資時機的能力，就可以簡單地投資盈富基金（2800），利用月供模式都得，同時，你可以加上其他股。

盈富可佔$6000。

中電（0002）、電能實業（0006），粵海投資（0270）雖然是有質素的股，但增長力不算強，你可以投資，但唔需要只集中在這幾隻，可以同時投資其他。

銀娛（0027）、恆基（0012）、中銀（2388）、港鐵（0066）、平安（2318）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382），但就要明白波動性比上述會高少少。注碼要較少。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17380：

Hello 成哥，啱啱$7.10入左2手置富(0778，之前$8.89都入左1手)。

另外仲以$66.35入左2手領展(0823)。請問呢兩隻股票中短期(1年內)走勢點呢？會唔會再趺？多謝賜教，萬分感激！

龔成老師：

置富（0778）、領展（0823）都是有質素的，你的買入價合理，但你預佢中短期的股價都唔會強，始終現時市道唔好。

不過長遠來說，其實唔差，雖然不是高增長股，但如果作為收息及平穩增長類，其實無問題的。你只要長線持有就得。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q17141-Q17160）

Q17141：

你好，可以介紹下投資的士牌和長遠前景嗎？

謝謝

龔成老師：

的士牌是投資工具的一種，投資者可利用借貨，付首期購入的士牌，然後收取每月穩定的租金收入，原理與買樓收租一樣。

按揭成數高、管理不難、買賣成本低、限制少，所以都是一個不差的投資工具。

不過，近年出現的叫車程式，對佢有一定的影響。相信長遠，的士牌的增長有限，只是一個平穩及收息的工具，前景只是中等。

------------------------------------------------

Q17142：

你好，龔老師：
看了幾篇你的文，十份認同。

但之前跟朋友買下了一些股票，都是在蝕錢，江西銅$12.3/11.6 買15000股

建設銀行$8.1/8.14/7.5左右買30000股

由2018買入到現，應該放左佢地嗎？

而2020年就買了中國石油股份$4/3.5買30000, 都是蝕錢

手頭現金大約10萬，現在40歲
如果放咗嘅話選邊類股票好？
可以幫我看看嗎？謝謝

龔成老師：

首先你要明白，我地繼續持有一隻股票與否，與你的買入價無關，因為這只是一個心理因素，最重要是企業的質素、前景。

江西銅（0358）只是商品企業，質素一般，長遠來說，你唔好持有太多，這股唔好加注。

至於建行（0939），有質素的，可持有，但就只是收息股，你預佢增長力有限，你要睇翻這股是否適合你投資。

至於中石油（0857）同時只是只是商品企業，質素一般，長遠來說，你唔好持有太多，這股唔好加注，暫時守住先，油價到經濟好會上翻D，股價會慢慢回升。

至於你現時的$10萬，暫時唔好太心急買股票，最多動用其中的$3萬-$5萬好了，要有現金留低。

選股方面，以你的年齡，你可以考慮盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

------------------------------------------------

Q17143：

Dear龔成老師,

以下是我的"身家"分佈, 請問安排如何?

1. 我無太多投資經驗，45歲
2. Saving 有十八萬
3. 每月月供股票: HKD3000盈富基金, HKD2000港鐵, HKD2000領展
4. 每月月供基金HKD1500, 現total約十萬, 供了9年
5. 每月供HKD1000, 保險公司儲蓄計劃, 現 total約五萬（為期十年）
6. 每月HKD9000家用
7. 人工:ＨＫＤ３９０００／月
８。每月ＨＫＤ３０００ＨＳＢＣ供年金為扣稅，每五年五年供　
９。每月還錢ＨＫＤ９００，是之前問政府借錢進修
１０。每月大約平時支出：HKD8000／月

Hope you can kindly give me some comments, and I look forward to seeing your reply.

龔成老師：

以你的年齡，這個財富分配大致無問題。

你適合投資平穩增長類，風險唔好太高，你現時月供的都是這類，無問題，你可以加大盈富（2800）金額至$5000。

至於供基金，如果你是選擇一些平穩增長類的基金，基本上無問題。

年金方面，唔建議投資太多，$3000是合適的，但就唔好再增加金額。

現金$18萬，都是合適的數目，如果大市回落，大約可投資$5萬-$8萬，餘下$10萬現金就得。

------------------------------------------------

Q17144：

成哥你好！我朋友話就算係優質股都有機會跌七成。呢個係真定假？

我投資6年重來沒有見過，通常調整三成已經去到盡，我個fd一講搞到我覺得有d誇張

因為我覺得就算係08年都係因為流動性。但現在流動性強，根本不可能有之前既大跌。

龔成老師：

跌7成是有可能的，但這是「股價」，不是「價值」，有些優質股，當時處於熱炒期，價格超過價值好多，之後大環境面對風暴，又或之後有股災，所有股都跌。

股價由嚴重高過合理價，跌到嚴重低過合理價，但只要我地從本質分析，就不用擔心，企業從來都是企業，有這概念，唔理股價，計好平貴先入市，咁就得。金融海嘯港交所（0388）都跌超過一半，但現家就不斷創新高。

所以，只要你明白價值，就知大跌機會。

------------------------------------------------

Q17145：

成哥，我想買548收息，以及將來留給女兒，可以嗎？會否因公路到期而不適合？

龔成老師：

因為深高速（0548）佢持有不少公路，而這些公路是會慢慢到期的，因此，理論上佢要不斷投資新公路，否則企業價值會減。

其實過往都有見到佢做投資新公路，相信發展會持續，你可以投資，持有十年留給子女，不過，由於投資新公路，始終有不確定性，所以唔建議你只集中投資這股。

你應該建立一個穩健組合，現時收息，日後留給子女，而深高速只是其中一員。

------------------------------------------------

Q17146：

想問
1910
2163
9983
9928
優質嗎？

2163
9983
9928是中概股
好像有潛力

而呢四隻
可以夠優質而長hold ma？

龔成老師：

新秀麗（1910）有質素，但中短期好弱，大環境對佢不利，不過就有危有機，投資不要太大注。

時代鄰里（9928）、遠大住工（2163）、建業新生活（9983）上市年期唔算耐，分析較難，時代鄰里是有質素的，不過就唔平。

遠大住工、建業新生活初步睇是不差的，有增長力，但由於上市年期唔長，不確定性較大，仍未能得出結論，投資要控制注碼。

------------------------------------------------

Q17147：

請問下，今年29歲，
比較過平衡增值股和收息股
雖然知道年輕時建議買平衡增值股

但見778置富股息好吸引. 請問能否買小小收息股，收取的股息再買平衡增值股？多謝大師開示

龔成老師：

可以。

置富（0778）本質不差，有長線投資的價值，雖然以收息為主，但不是完全無增長的。

加上現時的經濟對地產不利，令股價跌了不少，但長期其實會慢慢好翻，因此這刻有投資價值。

------------------------------------------------

Q17148：

老師
我持有
0005 4手 $49入
1928 3手 $26.9入

係依個時候 我應唔應該入多少少，去放長線釣大魚
我而家大約有40~50萬本金

龔成老師：

匯豐（0005）只是以息股，唔好對股價有太大期望，你要睇翻自己的投資目標，如果你本身想增值，應該將新資金投資有增長力的股。

如果你想收息，加少少已得，唔好太集中。

至於金沙（1928），現價仍可投資。

不過，唔建議將資金只集中在兩股，你應該建立一個平衡的組合，例如可以加入盈富（2800）及其他股。

現時大市處合理區，可以一邊投資一邊留現金，例如動用$10萬-$20萬，而餘下現金的運用，就是等大跌市時出手。

------------------------------------------------

Q17149：

龔SIR，經你指教，盈富基金已加大至月供$5000，另想請教一下有關儲蓄保險，早排保險agent推介份退休儲蓄保，月供$3000，供15年，滾存到60歲(+16年)，其後20年每月可取$9000。你點睇呢份儲蓄保？

Agent話係自制長糧，但感覺30年後計埋通漲每月9000好少

龔成老師：

其實都可以考慮的，我地理財，要建立一個攻守兼備的組合，這類退休儲蓄保，是你理財中防守的部分。上述產品回報唔高，但作為防守及基本回報，可以的。

但這類產品，不用投資太多，因為將資金太集中在防守無乜意思，反而應將資金用於進攻。你每月投資$3000都可以。

------------------------------------------------

Q17150：

你好啊老師
我今年23歲

嚟緊準備開始翻工 月入15000
我打算用$4000-4500嚟月供股票

用$2000-2500嚟供一隻潛力股，另外$2000用嚟供一隻平穩增值股 (金沙/港鐵)

你覺得咁樣嘅投資組合可以嗎？你會推薦我去投資邊隻潛力股？同埋你會揀金沙定係港鐵？

另外我仲有一手盈富基金同埋$30000現金
你覺得我應該用呢筆錢去投資邊隻股票？
感激！

定係你會覺得供領展好d？

龔成老師：

潛力股，你可以考慮比亞迪（1211）、中生製藥（1177）、阿里（9988），你可以選股或同時供。

至於另一隻，你可以考慮港鐵（0066），始終企業的獨特性較強，會較為穩健，有投資價值。當然，如果你資金足夠，想更加平衡，可以加入盈富（2800）去月供。

現時你有$3萬現金，建議你持有現金先，唔需要心急投資，這刻保持月供，當大市下跌時，才動用這筆資金入市。

------------------------------------------------

Q17151：

您好，龔成老師，本人持有以下股票：

285（1500股，平均買入價16.68）
806（35000股，平均買入價6.57）
1811（6000股，平均買入價2.57）
2393（10000股，平均買入價1.6）
2800（500股，買入價24.16）

其中806,1811是幾年前買入，現價是買入價一半，現等機會沽出，本人想5有儲到一百萬，想請教如何調整分配組合？

因澳門月供股票手續費較多，故沒有用月供股票
謝謝！

龔成老師：

比亞迪電子（0285）、盈富（2800）可持有，無問題。

惠理集團（0806）不是完全無質素的，但增長力比過往略有減少。這股唔建議持有太多，暫時可以守住先，唔好加注，但如果有較大的反彈，可以賣出部分。

中廣核新能源（1811）這股都不是完全無質素的，但應該你是2015年熱炒期時買入，要上翻去不易，你預這股只是收息及平穩型，你持貨不多，暫時持有住先都得，上翻D先賣。

巨星醫療控股（2393）可持有，但這股規模細，唔建議持有太多。

如果你想5年有$100萬，可以投資平穩增長股，可以考慮盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17152：

Hello龔成

睇你fb好耐，第一次代好友請教你，希望可以得到你有關股票投資的指導。。。

我好友今年50歲，她的丈夫56歲，但她丈夫已退休十幾年了!

幸好我好友一直有盤小生意及有投資物業收租，但因為1997買入幾間物業變負資產，捱了十多年，所以近十年前開始到早幾年，她隨了自住物業，已經分別賣出所有物業

一半幫銀行買融資儲蓄5年期保險，回報平均年利率8%，另一半差不多1千萬，留300萬預供5年利息，留100萬夫婦倆準備退休旅遊及不時之需，餘下600萬什樣投資好呢!

她現持貨兩隻細價股一百萬，現價跌了九成。。。
1611x38萬股($1.635買入)現價跌剩$0.1

698x16萬股($2.35買入)
現價0.45

12X4000股($51.3買入)
全部持有了三年以上

這些惨痛經歷令她不敢長揸股票，因為佢曾經聽出名股評人講，只要跌多15%好止蝕，所以年幾前持有981，她竟然可以最低位6個幾放了

7萬股中芯國際，令她覺得止蝕又錯，唔止蝕又錯

她們沒有子女，父母也上了天家，所以投資只要處理得好，正常生活應該冇問題，也有買醫療保險以便不時之需

龔成老師：

佢理財概念不足。

我地理財，是建立一個平衡的組合，長線投資，而所持有，一定要優質股。

簡單來說，就是將資金分配，部分物業、部分股票、部分銀行或保險公司的產品、部分現金。

細價股根本就無投資價值，因為我地只會投資優質股，然後長線持有，這不是炒賣，而是財富的分配，分配後就唔好轉來轉去。

你可以將這$600萬現金，分成5部分。

第一部分投資收息股，佢可以建立一個收息股組合，你可考慮港燈（2638）、香港電訊（6823）、匯豐（0005）、工行（1398）、置富（0778）、陽光（0435）、深高速（0548）等，大多有5%股息，同時，盈富（2800）都可以投活。

佢可以平衡的投資這些股，除了可以得到穩健的收息收，同時可有效的分散風險。

第二，投資債券，佢可以選擇A評級的債券，年期較長都可以，但利息卻不高。佢可以到銀行問問。

第三，投資年金，可以睇睇，這是適合佢的產品，零風險，可以有穩定回報。

第四，佢亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為佢的後盾，以備不時之選。同時，若投資市場大跌，你可以在這時買到更多的收息股，股息率會進一步上升。

佢可以將$600萬資金，平衡地分配在上述的項目上，對佢來說是最好平衡風險，同時有穩定的現金流。

------------------------------------------------

Q17153：

你好，想請問下成日講的收息股意思係每個月定每年派息嫁?

如果2800投資了10萬的話，有4%，即1個月$4000/1年$4000?

龔成老師：

收息股，就是在長遠來說，派息較理想的股票，這股可能是一年只派一次息，又可能是一年派4次息。你可以了解翻佢過往的派息情況，如果每年基本的派息穩定，而業務又穩定的話，就可能是收息股。

盈富（2800）如果一年有4%，投資$10萬，理論上就是收$4000一年，即是每個月$333。

------------------------------------------------

Q17154：

Hi. 因為追開你個page 令我留意左比亞迪一排 之前見你話合理價/平宜價係$40蚊 不過呢排見佢升 愈升愈唔敢追

請問佢狂升係咪只係受惠於預售同電池利好消息 而唔係佢真正價值

雖然你話呢類股可以俾高少少巿盈率 但佢宜家巿盈率去到107 仲要嚴重超買

係咪應該等佢回落先入巿 同埋合理價應該幾耐要review一次??謝謝

龔成老師：

比亞迪（1211）是潛力股，這類股在估值時，唔能夠只睇過往的數據。

佢近期受惠電池利好消息，令股價上左，但這不單是「消息」，而是對佢長遠有實質影響的事情，因為這反映佢的技術進步，同時往後的產品，競爭力提高，對佢長遠有利。

至於估值方面，如果用預測率盈率分析，就不是現時的過百倍，而是大約50倍，這當然未算低，不過，利用市盈率只是企業估值的其中一個方法，當為潛力股進行估值時，就要有較多「將來」的分析及推算。

這股現價在合理區中上部，未算貴，當然如入市，投資值博率大不如之前的$3X。所以，現價唔會大注，小注可以，月供仍可。

一般來說，半年會做企業的檢討，又或當這股有重大因素改變都會。

------------------------------------------------

Q17155：

龔sir你好，我對投資一竅不通，最近機緣巧合下看到你的post，想急起直追學習投資增值財富。

見你在不少post都推介盈富，可否講講原因？另外我有意在澳博/金沙/銀娛中三選一，你的意見如何？

如果月供股票，金額應佔每月儲蓄額多少為佳？
感謝賜教！

龔成老師：

盈富（2800）並不是增長最理想的股票，但卻是適合不少人的基金。

因為這是一個包了50隻股票的組合，對於不懂選股的投資者，這是一個好方便的工具，加上當中股票的質素不差，因此有投資價值。

佢是追蹤恆生指數的，恆指增長力雖然不及過往年代，但都能平穩的。

上述3隻賭業股，都有質素，比較好的是金沙（1928）與銀娛（0027），金沙長遠收息較好，銀娛則有增長力，你可按自己的投資目標選擇。

月供，可佔每月可儲蓄金額的一半。

------------------------------------------------

Q17156：

你好，龔sir,本人30歲，是澳門人，月薪約$27500. 對投資無乜概念，最近才follow 你的page, 見你好多時都有推介人買2800, 所以最近亦買了1000股，$24.8買入。

我現在有一百萬現金，我有打算用來買樓放租，長遠來說是為退休時也能有收入，但若樓價升亦不排除賣掉，在澳門首置要付2成首期，但因供樓只可以是人工的一半，即每月最多供$13750, 最多供30年，而樓齡最多是20年

粗略估計應該可能買到4百萬的樓，而這個價能買到的可能也是樓齡較大，不知道將來想賣的話，會不會較難賣掉。

而最近有朋友做保險，推薦我做一些儲蓄計劃，儲5年，第11年有6厘的回報。

想問下老師意見，你覺得買樓投資好嗎？還是保險公司的儲蓄計劃好？還是投資股票？

還有一個顧慮是公司有可能在下年年中就不做了，我沒信心能找到$25000 人工的工。所以如果要買樓，要在公司關之前買，因給銀行的糧單還是$27500. 才能買到4百萬的樓。

想再補充一下，平時必要洗費有，家用$4500,供保險$2100.

龔成老師：

長遠來說，投資物業會較好，澳門樓相信長遠會處供不應求的格局，長遠的樓價較難大跌。

在我地的財富分配策略中，應該集中持有「資產」，物業與優質股，是其中兩項資產，你在長遠的財富配置中，應該要持有物業。

不過，如果你供樓方面較勉強，就不用這刻立刻買，可以等滾存更多首期，或人工增加，又或投資金額較細的單位。

------------------------------------------------

Q17157：

成哥，京東集團（9618）值得入貨嗎？便價位在什麼範圍？升值潛力如何？

謝謝老師

龔成老師：

京東（9618）業務有質素，發展仍是正面，不過現價就唔算平。

佢係一間電子商業銷售平台，佢定位為「以供應鏈為基礎的技術與服務企業」，現時是中國第二大電商，有一定的品牌。同時，根據《財富》按收入統計的全球500強排行榜，集團是中國最大的零售集團。

佢目前業務已涉及零售、數位科技、物流、技術服務、健康、保險、物流地產、雲計算、AI和海外等領域，其中核心業務為：零售、數位科技、物流、技術服務四大板塊。

京東已建立自己營運覆蓋全中國的物流基礎設施，以支持電商業務，打造了線上購物體驗，係2017年、2018年、2019年，活躍用戶數達到了2.9億、3.0億、3.6億。可見已建立了一個巨大的網絡。

佢經營線上零售，以及電商平台業務，線上零售業務方面，從供應商購買產品，然後直接銷售給客戶，並從24,000多家供應商採購商品。

佢的物流基礎設施佈局覆蓋了中國幾乎所有的區縣，包括遍佈89個城市、累計總建築面積約1,690萬平方米的700多個倉庫，包括京東物流技術開放平台所管理的倉庫面積。

過往的財務數據，收入每年都是20%左右增長，2019年收入為5700億人民幣，已經有實質的盈利，2019年盈利為120億，初步以此推算，股價並不算平。當然，這股有一定的增長力，之後的市盈率會減。

從質素上，這股不差的，但估值上就不算平，如果買，都可以，但要控制注碼。這股可以長線投資的。

------------------------------------------------

Q17158：

老師，我現在只可以拿$2500出來月供股票.

組合是:2800,1928,66,823,1211-各$500. 我知月供股票都是存股票, 若等5-10年收成

但我這樣各$500存, 會吾會比$2500先存一隻股會慢很多？是否要調整？謝謝

龔成老師：

其實都可以，但每一隻股，要較長時間先有一定的股數。如果你是供5年以上的，其實可以。

上述都是有質素的股票，其實可以月供，如果你想提高增長力，可以加入一些更有潛力的股票，加入多一隻。

另外，如果日後有更多資金，可以加大少少盈富（2800）的金額。

如果可以的話，你最好能一邊月供，一邊留有一定的現金。

------------------------------------------------

Q17159：

請問老師覺得 0255 龍記集團是潛力股嗎 ？如果是，HKD2 是合理區嗎？

龔成老師：

龍記集團（0255）主要從事製造及銷售模架、金屬及配件，近年的生意都無增長，盈利則穩定，但都是無增長，股本回報率就唔算高。

暫時睇，企業的潛力度唔算高，除非有一些較大的突破。$2是合理價，收息不差的。

------------------------------------------------

Q17160：

想請問老師仲有冇跟進原生態牧業1431. 睇到老師多年前嘅分析。

佢今年終於有返盈利，想知道你點睇。我覺得佢價值被嚴重低估。

多年來冇盈利主要因為牛隻價格公平值虧損。毛利率，淨利率，自由現金流比率，都相當唔錯。係去到股東回報率就差。我自己保守估計每股值八毫子。

龔成老師：

原生態牧業（1431），坦白講，曾經都令我失望，這股之前跌好多，近期又開始上翻去。

最主要是佢之前出現虧損，但最近開始有翻盈利。

這股不是無價值的，但風險始終存左，如果佢能保持盈利，現價的確是合理區底部。以值博率來計，這股有的，不過，就真的唔建議大注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q17041-Q17060）

Q17041：

成哥你好，請問巴菲特係咪已經過氣？三月肺炎底他買唔到，美股都創新高。越來越多人笑他係蠢材。同埋航空股他胡亂買賣，同一般散戶一樣。

龔成老師：

2000年時，我好記得，科網股大升，不少科技股升左10倍，佢完全唔玩，比人笑左好耐，直至科網爆左，納指由5000點跌至1000點，就無人笑佢。

好多野，要長期睇先知，當然，佢都會錯，但我相信佢有佢的道理。

------------------------------------------------

Q17042：

龔成老師，你好，本人25歲，月入$17000，暫時儲存有十萬，想在30歲前搵到人生的第一個100萬，手持有3988(好耐好耐以前4蚊入的)

0005($50買入)，依加都係蝕緊錢，請問我應該放左佢地嗎？同埋我資金咁少，應該如何部署投資呢？謝謝你！

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，匯豐（0005）、中行（3988），以你的年齡來說，並不適合。你可以等上翻時，賣出。

你可以考慮做月供股，或分注都得，如月供$5000：（2800）$2000。

另外再加2隻（每隻$1500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果你不懂股，就集中供盈富$5000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17043：

請問700滕信兩年前438買入，宜家升緊。請教下咩價位可以放？

同埋想請教大師幾錢可以入美團03690？
唔該

龔成老師：

騰訊（0700）有質素，這股有長遠的增長力，不過，相信最高增長年代已經過去，之後會中速增長。

如果你持有較多，現價可以賣出部分。但如果不多，其實持有作作長線都可以的。

美團（3690），坦白講，好難分析。

這的確是潛力股，同時近期好多人用這類服務，都加速了佢的發展。

我唔敢睇少佢的業務潛力，因為真的業務巨大，同時增長快，不過，佢仍是有危有機的股票。

業務較新興，但估值唔平，而市場對其估值都是「估估下」，這一定會帶來股價上的波動。因此，只可以話現價唔算平，你有興趣就小小注，但預佢股價較波動。

------------------------------------------------

Q17044：

龔sir你好啊，想聽下第一視頻你嘅意見，因為之前聽過XXX介紹，而家佢嘅業務都開始有起色

但係過往又有好多負面嘅消息，麻煩龔sir你比個意見我建唔建議入手，最後祝身體健康、家庭和睦、工作順利。謝謝！

龔成老師：

這些上電視的「專家」推介的，一般只是集中中短期利好的消息，而無乜作企業本質去做分析。

其實當我地分析企業時，要有更長遠的眼光，因為中短期的利好消息，往往令當刻股價炒上，如果當時買入，反而更不利。因此要分析企業的長遠發展，整體情況。

第一視頻（0082）已經虧損了多年，投資價值不高。買入的投資者都只是靠一些所謂的利好消息而買入，但無人能企業能否落實，最終的賺錢能力又如何。

由於這股仍有較大的不確定性，所以從本質上，唔太建議投資。

------------------------------------------------

Q17045：

之前聽人講入16蚊入左1088 中國神華，依家唔知點算好請問1088 算優質股嗎？

龔成老師：

中國神華（1088）質素中等，過往較有質素，近年有減弱情況。

佢始終有一定規模，政策不是太支持行業，的確會對佢有影響，但已經在股價反映左。

所以整體來講，這股不差，但又不算非常好，唔好對股價有太大的期望，如果持貨唔算多，守住先，慢慢先賣出。

------------------------------------------------

Q17046：

你好, 龔成老師, 覺得你很專業, 想問問關於基金的資料。

我其實只是初學者, 最近銀行介紹我購買3款基金, 因為我是保守型所以說以下3款是比較穩定及有潛質, 請問龔成老師你覺得值得投資嗎?

1) XX亞洲債券基金 (最低風險, 平均每月派息3%)
2) XX美元收益基金 (風險2級, 平均每月派息3-4%)　
3) XX環球投資基金- 印度股票 (風險3級, 平均每月派息7%)　

因為我未做過任何基金和股票投資, 希望想請教一下。謝謝!

龔成老師：

具體的情況，要睇基金資料才可以分析到，我這裡只能比你一些參考的意見。

如果你年齡唔算大，其實唔需要太過保守。（2）或（3）都可以考慮。如果你擔心風險，認為自己新手想試下先，就投資（2）。

另外，唔好將全部資金都投資在一隻基金，你要建立一個平衡的財富組合，所以只可以部分投資。餘下的資金，再找其他投資工具，同時要留有一定的現金。

------------------------------------------------

Q17047：

你認為$50萬可怎建立組合？

龔成老師：

最重要是建立一個優質股，並且是平衡的組合。

盈富（2800）可以佔較多的部分，餘下可以考慮：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等。

同時，當中要有一定的現金剩，以等機會。

我地不是「賭」一隻股票的成功，而是一個配置，令財富穩步增值。

------------------------------------------------

Q17048：

請問滙控是優質股嗎？

我年初時以$54買入它作收息

點知而家無息收之剩仲不停下跌

我應怎辧？亦蝕將資金放其他地方（如388/ 9988 ... 等）？還是應繼續持有它，等它慢慢回家鄉嗎？

我買滙控時的原意係長線持有作收息用！
謝謝指引

龔成老師：

匯控（0005）的增長力、賺錢能力，都比過往有所減弱，但並不是零質素的。

這類股，你不是不可以持有，但一般不會持有太多。可以視佢為收息股，但不要對股價有太大期望。

作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。

但記得，唔好佔比太重就得。同時明白這只是收息股，唔好對股價有太大期望。

如果你持貨太多，其實可以考慮將資金轉到其他股，以平衡組合的風險。

------------------------------------------------

Q17049：

謝謝sir～昨天買了你的新書等我了解一下物業的配置

我等疫症好一点辭職後就報讀上課

老師最後請教一下，能源股粵豐環保和中廣核電力哪一隻會較好？謝謝

龔成老師：

粵豐環保（1381）本質不差，但增長力不算強，基本上都是平穩增長型。至於中廣核電力（1816），業務的獨特性會比粵豐環保好，不過增長力就不強，發展力度中等。

如果2選1，中廣核電力會略好。

------------------------------------------------

Q17050：

你好 想問1243宏安地產的前景，是一隻值得投資的股票嗎？

因我在價位0.147買入200,000股，隨後發覺它下跌，擔心其發展。想問下成哥這隻股票的意見，及價格位適合嗎？ 謝謝！

龔成老師：

宏安地產（1243）股價大上大落，之前的股價處貴水平，完全不能反映企業情況，擔心股價較「人為」，你要小心這股。

你的買入價並不時當時的價，算是較合理的價位，不過，這股的前景只是一般，業務波動，投資價值中等。

反而之前的價格較「人為」，這類股，就算股價已去翻合理水平，都盡量唔好投資。

------------------------------------------------

Q17051：

老師，我睇左你既水桶投資法，正研究緊點實行同睇下我甘樣既分析岩唔岩。
現時持股如下：
 潛力股
3319(雅生活) – 250股 (平手中)

 平穩增長股
6823 – 2000股(賺緊$1.5)
386 – 4000股 (蝕緊$1)

 收息股
8(電盈) – 10000股 (蝕緊$0.2)
1398(工商銀行) – 4000股(蝕緊$0.5)

以上甘分正唔正確? 我對於386同8號都唔係好鐘意，因為睇完分析覺得唔太岩長線持有，所以想放左去，但暫時收息都還算穩定，所以未有決定，想問下你意見。放左換435,778個類會唔會好D。

我今年36歲，心態相對保守，但都想增加返潛力股同平穩增長股既比重，手頭上約有150K可入市，有睇緊新經濟股9988,3690,700，另對823,388,853,1797,788有興趣

3319平D既話都想加駐。請問有無咩建議? 你講過同一個行業佔組合比例要<30%，但資金有限，我甘分散會唔會都唔係太好。謝謝你~

龔成老師：

你36歲，財富仍是有增長力，在配置上，可以集中投資平穩增值股，再加少少潛力股。

雅生活服務（3319）是潛力股的類別，而中石化（0386）、香港電訊（6823）、電盈（0008）、工行（1398）都是收息股。

如果想優化配置，你可以賣出中石化及電盈。轉投資置富0778）是可以的。

另外，建議你加入一些較有增長力的股票，新經濟股的阿里（9988）等3股，可以加入，但現價唔算平，買入時要慢慢分注進行。另外，領展（0823）、港交所（0388）、鐵塔（0788）都可以。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17052：

龔成老師你好，想問一下中國忠旺(1333)前景如何？我持有30000股，平均$3.54。我應該繼續持有嗎？謝謝

龔成老師：

中國忠旺（1333）業務不算差，但近年的生意與盈利都有一跌情況，賺錢能力中等，股本回報率只是中等，整體價值一般。

這股唔值得持有太多，你可以等上翻少少，先賣出部分，餘下就守住先。這股不是無質素，但又唔算強，因此這類股，通常唔會持有太多。

------------------------------------------------

Q17053：

龔老師
想請教下3808 2588值得長線持有嗎？

我都係用企業本質去考慮

但始終我都驚自己分析錯
謝謝 還望解答

龔成老師：

中國重汽（3808）主要業務為專營研發及製造重型卡車及有關主要總成及零部件。總部及主要生產基地位於中國山東濟南。

母公司前身公司是國內第一家重型卡車製造商，連同母公
司按銷量是中國最大的重型卡車生產企業。

質素不差，這股有增長力，現價算是合理區中上部，都可以持有。

至於中銀航空租賃（2588）可說是有風險有質素的股票，業務本質不差，過往生意與盈利都保持理想增長，加上賺錢能力不低，同時企業有獨特性，因此企業正面。

但要留意，佢的業務原理，是利用借貸投資飛機然後放租，由於收到的租金比借貸的利息成本高，因此賺取了中間可觀的利潤。

但如果日後加息，對佢盈利有影響，同時，佢現時的負債不少，這都是風險的來源。

加上航空業對佢點都有影響，這都是風險所在。

整體來說，這股你可以考慮，只要注碼不能過大。

------------------------------------------------

Q17054：

龔成老師你好!我係一名投資新手，33歲已婚，未有任何物業，月入20K，只有100K流動資金, 穩定職業!

最近才開始有投資想法，有留意2800盈富, 但不知道月供多少好? 同埋新手仲可以有咩選擇? 如月供應揀咩銀行, 有無分別?

謝謝老師抽空解答我的問題!!!

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。如果想月供股票，銀行方面，可以考慮匯豐、南洋商業銀行。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，之後有知識及少少經驗後，就可以利用你手上的資金，其中一部分，去投資股票。

以你現時的情況睇，可以月供盈富$5000，長期進行。

------------------------------------------------

Q17055：

雖我要照顧小朋友，晚上無緣去上堂，不過，我半年內買咗5本你的書。

包括致富藍圖、50優質潛力股、50值博倍升股、股票勝經和年報。

我一直有留意1317楓葉和1257光大環保。

我不懂股票平貴，識少少分析:

1. 1317平民化國際學校，定位清晰且係中國規模最大的國際學校辦學團體，業務增長理想，但在2018年因政府推行了行業政策，令教育行業的股票大幅波動
現價2.08，是合理價底部嗎？平宜區係邊呢？

2. 1257光大環保，受國策支持的環保企業，是新興行業，現價2.98，可以買貨嗎？邊位才是平宜區

龔成老師：

1）楓葉教育（1317）本質不錯的，但增長力在近年的國策下，的確弱左，長遠仍是正面的。教育股之前熱炒，然後就因政策等風險而冷卻，慢慢由高位回到正常水平。

由於市場擔心企業之後的增長力，令這股的股價較弱。因為佢過往增長快，但在政策風險下，最影響的不是現時的業績，而是之後的發展，令增長力減慢。

以一間平穩增長的企業來計，現價已是合理價，現時可以理解為合理區中下部，但就唔建議投資太多。

2）中國光大綠色環保（1257）本質正面的，長遠發展正正是一個大方向，只是佢近年負債有所上升，加上市場擔心佢之後的增長力有所減慢，因此對這股的評價減少左。但長遠來說，這股仍是有投資價值，現價合理，但不建議太過大注。

------------------------------------------------

Q17056：

你好啊 我因為有小朋友 冇做野4年了 本身年尾打算搵工 但現時環境應該都好難搵野做

之前做野儲蓄仲有10萬左右 想開始在股市市場賺少少家用 應該點樣入手同開始？唔該曬你

龔成老師：

以你的情況，反而應該穩陣少少。因為你本身無工作，留多一點現金在手會較好。

如果你計好數後，確認餘下現金都無特別用途，才可動用，例如$3萬-$5萬。這部分你可以投資盈富（2800），以及加上些收息股，例如港燈（2638）、香港電訊（6823）、置富（0778）、陽光（0435）都可以。

另外，你都可以試下找一些兼職先，慢慢令自己重投社會，試左先，唔一定無工作的。

------------------------------------------------

Q17057：

老師你好 我啱啱畢業搵到工 月入大約$45000 扣取每月支出同供養雙親嘅費用 可以儲到$20000 每年可以再儲多$2000 畢業前亦都儲左$150000

我想可以係28歲前儲到六百至八百萬 請問有無可能同埋要用咩方法？麻煩曬老師

龔成老師：

你每月能儲到$2萬，這是一個不差的數，照正路去理財，你這年齡可以進取少少，但都不會過份進取。

如果同時投資潛力股及平穩增長股，假設你投資5年，每年有15%回報，你可以滾存到$160萬，如果加上之前儲落的現金，以及再增加的資金，預期可滾存到$200萬。

$200萬是一個較為合理的目標。

如果你要滾存到$600萬以上，就要較進取的方法，首先，要集中投資潛力股，同時，要比市場快一步找到一些有潛力的企業，有平的價買入，令你有數倍的回報。這當然要你有一定的投資技巧，你要在選股、企業估值、投資時機上落功夫，先有機會做到。

同時，要每星期花時間去研究股票，選股，找出市場未找到的潛力股，這才有機會。

這方法無論在知識，以及你的付出上都較高，你要睇翻自己願意付出的程度，去設定適合你的投資目標。

------------------------------------------------

Q17058：

龔sir 我係5.35 入手 753.. 寄望後市會向好，但最近 753 價位都是僵持

這是屬於市場正常波幅還是投資者開始失去信心所至？ 我目標價是6.5 ..不知還能否繼續等待？感謝分享

龔成老師：

我對航空股有點保留。中國國航（0753）雖然本質不算差，但行業的風險高，賺錢能力不算強，長遠來說，投資價值只是中等。

這股唔建議持有太多，你如果持貨較多，宜賣出部分先。

------------------------------------------------

Q17059：

Hi 龔老師，我之前買左石藥
17.44 @ 10000
18.18 @ 10000
20.10 @ 10000

但走極都走唔到，個價都仲係低，升來升去都未升到，好困擾我，我係咪應該蝕住放左佢呀？但蝕住放，而家呢個位，要蝕10萬左右，太多喇

定佢短期內有機會升返呀？
幫忙比啲意見。謝謝！

龔成老師：

石藥集團（1093）並不是無質素的，不用太擔心。不過，如果你太集中在這股，就有問題，這點要留意翻，唔好「愈跌愈入」，要睇翻自己的持貨比例。

首先，唔好再加注，另外，如果持貨較多，當股價上翻D時，要分注賣出，餘下先守。

------------------------------------------------

Q17060：

龔成老師，您點睇2777，可以長期持有和買入嗎？

因為佢息率高同股價平均，而且每月幾手買入都可以，唔會有碎股

龔成老師：

富力地產（2777）業務都算不差，生意保持理想的增長，但負債問題令人擔心。

中國樓市過往向好，利用高負債去賺錢無問題，但當出現樓市逆轉，對佢就有較大的打擊。

因此，當外圍因素、中國經濟、樓市較為波動，就會令佢的股價出現較大的上落，因此買入這股要分注，同時不宜太大注，就可以有效平衡風險。

你要睇翻你長期的買入總數，會否佔你組合比例過多。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。