［舊年社運1.0時，咩股票跑出？］歷史多數都唔重覆，不過總好過乜都唔睇。呢度就同你睇返，舊年所謂「反送中跌市」時，有咩股票跑出。

1. TL；DR—分別睇咗舊年5月頭至8月中，同埋舊年7月頭至8月中，恒指同國企指數成份股，咩股票跑出？主要都係啲中資非出口股。阿媽係女人都要驗一驗嘅，你話係就係咩。

2. 好啦，上個post都有講。固然都係齋估（有乜唔係？但世界上有樣嘢叫educated guess）．星期五跌1350點大家知啦，但睇啲成份股走勢，似乎似係擔心香港局勢，多過中美關係惡化2.0。你見跌得最多係香港地產股，驚反送中社運重演，定驚人人移民走人樓價跌？中資股反而跌得較少—而仲要人民幣係大跌嘅（唔知同國安法有冇關，可能有，可能冇，唔知）

3. 咁我地即管睇下，舊年社運時個小跌浪，有乜股跑出，乜股跑輸

4. 不過當中有少少難度。貿易戰在2018年拖低港股，應該多人同意。但2019年社運係咪真係拖低？就未必咁多人同意。但唔緊要，當住係先。

5. 舊年（2019）恒指其實5月頭高位開始跌，跌到5月尾反彈，然後6月開始爆出社運，但6月係反彈的。到7月牛皮到月尾，然後又急跌到8月中嘅低位先定。9月中至10月中又跌一浸，但都冇穿8月中個底。10月中後仲係咁升添。你可以大約睇下個圖

6. 所以都有啲難計邊段先係「社運跌浪」，亦都見到其實唔太明顯，有一段係5月已經大跌。

7. 盡人事，簡單起見，我預備晒兩個情況，四張圖。舊年5月頭至8月中，舊年7月頭至8月中，恒指國指。自己睇圖。

8. 首先，邊一段都好，個跌浪都唔夠15%，冇中美貿易戰咁勁。事實2019全年高位回落最低位都冇20%，其實舊年波幅好低。

9. 先睇長啲嘅，舊年5月頭至8月中。跑出嘅，清一色係中資股。中國生物製藥啦（1177），蒙牛（2319）啦，中國天然氣（384）啦，仲有講中美貿易戰個post提過嘅粵海投資（270）啦，安踏（2020）啦，華潤燃氣（1193）啦。香港堆公用股要跌，但都冇指數跌咁多。

10. 如果睇舊年7月頭至8月中呢，其實都係嗰啲嘢，畢竟個時間唔係爭咁遠。循例double check下

11. 結論？睇晒兩個post，如果係中美關係惡化3.0 4.0 5.0，就睇本地公用股同大陸非出口股。如果係社運3.0 4.0呢，就睇大陸非出口股。其實好似either way都係睇啲大股非出口股好啲，你發現成日重覆嘅，都係嗰幾味，粵海投資（270）啦，安踏（2020）啦，華潤燃氣（1193），蒙牛（2319）之類。唔係叫你去買呀下，唔好輸錢又出嚟話人老點你。係呀拎住支槍迫你買呀可？

12. 又，講過了，基於種種原因，自己倉位呀買乜呀等等，未能公開，事實買乜亦受好多限制，都係啲悶嘅大路嘢，指數基金之類。不過事實又係講乜都talk is cheap，行動最實則。真的，等於埃汾個人Facebook經常恥笑台灣呢樣嗰樣，但我一樣申請移民去，咁呢個行動已經勝過任何嘢。同樣地，一向我都申報，自住樓一層，未供滿，但隨時可以贖回。並冇其他，冇海外樓。但要買當然買得起供得起（咩呀，利寶唔係樓呀？龍床盤唔係盤呀？），但我只係諗過，冇去做。咁亦睇到我睇法係乜。

13. 同樣地，其實舊post有講，重覆多次。貿易戰又好，反送中又好，肺炎環球大股災又好，埃汾都從冇減過倉，反而係有加。咁亦都代表咗我睇法。

14. 得閒而又有心情的話，如果有咩好大變動，都會通知大家。但其實近年我減倉，好似得兩三次：一次係2008金融海嘯輸仆街低位打靶（所以我深明此痛）。第二次係某次轉工，因為公司法規要求，被迫賣晒（所以做金融工係好煩的說）。第三次係在星展裸辭，一來費撚事畀存倉費益佢（哈哈），二來都現實地係要啲水腳，裸辭喎又預冇工開，又要供樓又要養埃汾太（其實唔難養，得閒食下米芝蓮一兩星就得），「同埋去咗成個月旅行」，咪沽晒嗰度啲股票（＊）　—結果係三次

（＊）反而在耆英畀人炒嗰次，都未使沽咁啲股票。有睇舊文嘅知，當其時我畀人豉椒炒魷，即日起身。份約就三個月通知，另外仲有嗰個月嘅糧，仲有年假少量，加埋廢老遣散費，仲有隨量意思意思法定賠償（即係頭先嗰堆）外醒多少少畀你，都一次拎左六個幾月人工。然後好似兩個月又返新工嘛。

———————
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

勞資糾紛都違反限聚令

全文：https://www.post852.com/?p=304093

武漢肺炎令市面蕭條，職工盟和民協今日聯同在美孚富臨皇宮酒家的員工到酒家請願，抗議酒家要求員工無限期放無薪假，逃避支付遣散費。警方其後到場，警告抗議人士已經觸犯「限聚令」，記錄他們的身份證，又阻止他們進入酒樓。兩名女子在事件中被指阻差辦公被捕，她們分別是職工盟組織幹事林小薇和一名公民記者。

職工盟主席吳敏兒要求富臨集團向工友支付代通知金和遣散費，又指工友和工會只是希望和人事部對話，並非要衝擊，但酒樓卻報警處理。

#852郵報 #武漢肺炎 #職工盟 #美孚富臨 #限聚令 #吳敏兒

勞工法例教學

【唔只追回全數，更係追回廚師尊嚴】

唉！咩年代！居然仲有老闆可以話：「因為佢係日薪散工，所以乜都唔俾！」

有位水吧師傅明明每周48至78小時，做咗2年11個月，同長工係無分別，但係老闆仲要「老奉」咁兩年多以來既勞工假、有薪年假、代通知金、遣散費、強積金，全部乜都無！！！

幸好，廚盟細輝喺近日一次勞工組喺中環中心樓下協助物業估價員的追討街站上遇到呢位師傅並協助追討，近日終於追回全數76500元！

咁唔只係錢既問題，仲係廚師既尊嚴問題，咁辛苦做嘢，你當我係乜！

後記：
細輝：「走過、路過、千萬不要錯過、勞工組街站，隨時幫到你！」

延伸觀看：

上述追討街站報導：十五年話炒就炒物業估價員追討街站（基進報導）：https://www.facebook.com/1076113639215003/posts/1143244062501960?sfns=mo

#香港廚師聯盟 #追討 #尊嚴 #勞工假 #大假 #代通知金 #遣散費 #強積金 #勞工組