［做泰國VIP，十三萬港紙有找］基本上就係賣居留權，畀你過去Work From Thai

獨角號FB Post：https://fbook.cc/3EL3　
全文：https://bit.ly/3j05SGi

1. 其實一路都仲有寫獨角號文，只係有一次脫過期（忙搞Patreon）。堆文嘅好處係一般唔會太有時間性，隔一排睇都得。嚟緊仲會回下帶，一來好文齊齊睇，二來塞滿節目表，三來亦都繼續幫獨角號拎多啲Exposure。

2. 講過了，一路都係合作夥伴。不經不覺就一年（你估易？你見GoBear都冇玩了）。大家如果支持埃汾，就支持埋 獨角號個Page．不過我見我都百幾個朋友like咗。

3. 唔止，嚟緊明報啲文我都會回下帶。其實好多都認得好認真。

4. 好，正題，照舊，我唔會就咁分享自己啲文咁懶。每次都整一大段導讀，好多時仲長過原文（咩玩法？）。

5. 幾句講完全球「實體經濟」。固然最初嚴厲封城，經濟活動停頓晒，當然重創經濟。但你見之後都發現唔係辦法，只能且戰且走，開下然後疫情爆下又收返緊，唔止香港係咁。但大原則係似乎不能好似意大利或武漢最初咁封法，一來經濟真係受唔住，二來人嘅身心都不能長期忍受咁。

6. 再加上聯儲局極速減息，無限放水，穩住咗銀行體系，亦都令股市V型反彈。See？銀行冇事，唔變金融危機，就萬事大吉。我又好記得當時3月點樣個個問侯我。但，衰退咪衰退咯，你見而家啲經濟數據都好恐怖架，但市場又OK，大家又照樣生活。當然其中一個重點係政府用嘅財政政策（fiscal policy），最簡單就係啲保就業呀，失業救濟呀，借錢畀公司呀之類。

7. 當然政府錢從何來就另一問題。真係印就得？咁美國政府使乜仲收稅啫，印畀自己咪得。根本唔使返工添，咪每個月每人印十皮美金。你覺得有冇咁嘅事？我就美元例外，咁你歐洲冇得咁玩啦掛？所以呢排美金不停跌，係有原因嘅。

8. 講遠咗，你見其實金融業，真係影響不大。但有啲行業影響就極大了：大家估到。飲食嘅固然惡搞，但始終人都要食飯都要返工，生意做唔足但不致於冇晒。酒店就更大鑊，不過至少都仲有啲staycation，同埋啲爆房男女，以前就維多利亞，而家就唯港薈，幾爽。

9. 最大劑，就梗係旅遊業同航空。中國美國國之類土夠大就還好，仲有國內遊，國內線。香港嘅，遊乜？赤臘角飛去啟德定石崗？定空中暢遊上去飛個圈睇下望唔望到大嶼山？咪玩啦，香港啲小朋友，幼稚園已經去立山黑部啦。仲我地細個咁共享陽光坐上架飛機唔使飛都好開心咩。社會要進步嘛，唏。
10. 不少國家，其實係冇乜「本土產業」，相當依賴旅遊。咁本身冇話啱定錯嘅，你事後孔明咪話人產業單一，但之前搵咗幾多年錢？泰國就係相當依賴旅遊業嘅。況且國土雖大，但好似都唔係好多國內遊，頂多泰仔去下布吉咁咯。亦同啲權力財富機會全部在曼谷有關，日本都仲叫有大阪戥勻下。呢啲有機會再講

11. 泰國，就梗係想救旅遊業，但唔係想就得嘛。你夠想發達。咁環境，點救？但都係要諗方法。就係針對啲高端客！

12. 而家個玩法，就係pay to stay。尊榮卡（https://bit.ly/2EnmY1M），泰國VIP趴時，不同級數，最平盛惠港紙12.5萬，畀你去避疫。五年VISA居留，可以續到廿年，唔使彈出彈入，亦都出出入入幾多次都可以。基本上畀你去長住，但冇得做泰仔。貴嘅咪有golf club有遊艇會，平嘅都有廉帽仙接送，一年廿四次，有特快通道有lounge用。聽講仲好似信用卡咁，有禮賓帛金秘書。可以同佢講你想奶米芝蓮調色盤，叫佢去安排（https://bit.ly/323KIQI）。

13. 其實短期將來，旅遊業都應該係咁玩法。唔要啲低端（即係，窮）遊客。我一定寧願接待一個使一百萬嘅，好過接待一百個使一萬嘅—雖則你講創造就業機會，可能後者更好。但多人就危險嘛。

助養埃汾計劃：Ivan Patreon 狼耳街華人，一個星期至少三篇，一個月一舊水唔使，一星期已近400人訂，仲有兩篇免費試睇：https://bit.ly/31QmYj7
————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？

簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145

【值得紀念的對話💕】我鼓勵大家多啲同你個仔女 one-on-one 食飯/飲嘢， 建立習慣深層次傾下計。 關係真係完全唔同 ....

今日同我二女 Casey one-on-one brunch傾計， 三個女之中，佢最有生意頭腦，大家交流下生意經。(Note: 我強調我沒有偏心任何一個， 三個各有不同。 我只偏心我老婆😍😍) 。

佢同我講: 「香港都幾好呀，點解啲人要移民。 Candace (我大女) 好朋友 X 下星期就要移民去Toronto了，佢話佢parents 想去個新地方開始新生活。」

我同佢講: 「Casey， 你長大之後可以成為四種人:

(1) Employee (打份工)，can be a small part of something very big big，但一樣可以好成功。好似林鄭/習近平/Donald Trump/Tim Cook 咁， 好有影響力或一樣賺好多錢。(Note: 我唔想講政治。)

(2) Self-Employed (自僱人士)， 最穩定，因為無人可以炒你，專注地做好就有穩定收入 ，好似何老師(她上門的中文補習老師)咁，但手停就口停。 人老咗，時間就係敵人， 因為競爭力比後生的自然減低。

(3) Business Owner (生意老闆)， 即係有本事就翹埋隻手唔使做，都有錢袋。回報可能是最高(回報 in terms of 金錢及滿足感)，但風險最大， 分分鐘輸晒，一無所有。

(4) Investor (投資者)， 即係好似 Uncle X 咁， 日日去唔同地方玩。但之前要賺到錢，做好準備，投資股票/地產或者其他產品，就乜都唔做都可以有$$回報，咁就有錢日日去 enjoy life。 不過唔好處就係好多人會失去靈魂， 好似對個世界冇乜貢獻咁。 爸爸/媽咪就做唔到呢類型人。 但Uncle X 都可能覺得我哋好傻，日做夜做唔知為乜。

「冇話對與錯，個個人唔同，你長大後要自己選擇你自己的路。」 但我話:「日後要移民的話，做第4最容易，去邊投資都得，第2難小小，但都ok，睇你做乜。第1會 downgrade (好似許冠傑首歌咁: 「...移民外國，做遞菜斟茶!」)。第3是最困難，新環境更難賺到錢。執笠多。」

她回答我:「我想做第三 (Business owner)，因為我知道 Candace (家姐) 同 Carol (細妹)大個咗想做唱歌同藝術， 比較難搵到錢，我要賺多啲錢畀佢哋。」

我再同佢講: 「你望出個窗口外面， 其他世界地方我唔知，我只係講香港。你做生意，一定要問自己三樣嘢。.... 」

(1) 究竟個市場有幾大? 如果喺香港做舖/做地產， 你所有一幢幢見到嘅，都關你事。你做金融， 所有嘅錢都關你事。做寵物呢? 做遊艇呢? 做踩單車呢? 個市場可能細好多。

我同佢講:「做生意，盡量要做啲市場大嘅行業。」

(2) 班客人係唔係重複性購買，日日都幫襯你? 你見到嘅樓，日日都要交租。 你問人借錢，日日都要畀利息。 但如果你啱啱買嗰隻烏龜(昨日三姐妹買了三隻烏龜)，需唔需要日日都買? 如果你做行山用品，需唔需要日日都買對鞋?

我同佢講:「做生意，盡量要做啲人客日日要畀錢嘅行業。」

(3) 你要知道時間係你朋友定敵人。 如果你做汽車生意，下面所有嘅汽車，十年後嘅今日，嗰啲車會貴啲定平啲? (佢回答平咗)。 如果你賣行山用品，嗰對鞋，10年後會平咗定貴咗? (佢回答平咗，因為有新嘅款式推出)。 但你見到前面棟大廈，10年後/100年後，會貴咗定平咗? (佢回答貴咗，因為都應該仲係道)

我同佢講:「做生意，盡量要做啲批貨會保值或者升值嘅行業。」

「如果做生意，你日後記住呢三樣嘢，再發揮你嘅創意，爸爸相信你會搵到好多錢! 」

A nice day conversation with my most special daughter - Casey.

大女 is my No. 1 daughter
二女 is my most special daughter (因為我都是排第二)
三女 is my most adorable daughter. 😍😍😍

#值得紀念的對話

【屍人屋苑】病毒變種、喪屍橫行，一個關於選擇的故事…（下）
　　
活咗三十幾年人，我真係從冇諗過自己有一日要出賣身體去換取糧食。但呢個選擇都係為咗可以生存落去……
　
當然，即使我係應承咗程叔佢哋，但為咗保障自己、同時守住僅餘嘅尊嚴，事前我哋都有約定三章──呢場「交易」只會喺我屋企進行、只會接受一對一、身體不適嘅話我係有權拒絕……而佢哋都好順攤咁接受咗。
　
記得我嘅第一個「客人」正正就係Steven。初初傾計打破尷尬氣氛嘅時候，Steven同我講，程叔佢哋應該係見佢曾經救過我，所以作為第一次應該唔會特別抗拒。而事實的確唔算壞……
　
「我知道同妳講加油好似有啲奇怪……」當『交易』結束後，佢一邊著返衫一邊同我講：「總之，妳有咩需要就同我講喇。」
　
記得當晚Steven走咗唔係好耐，程叔佢就接住出現。
　　　　　
－－－－－－－－－－－－－－－－－－
《屍人屋苑》前幾回：
https://www.facebook.com/pg/Echo.of.Heart/photos/?tab=album&album_id=1935947799870360&__tn__=H-R
　
《無異之地》實體版，網上預訂有折同各種禮品！
https://www.ideapublication.com/products/unusual-region
－－－－－－－－－－－－－－－－－－
　　
「其實我最憎食人口水尾，」程叔行入門口之後講：「不過喺而家呢個環境，都冇得介意咁多喇，而且我係有準備㗎。」佢喺袋裡面拎出一盒安全套。
　
因為有過不愉快嘅經歷，所以我當然先入為主咁覺得呢次「體驗」肯定會好差，但實際情況卻又出乎我意料……雖然平時程叔俾人感覺非常粗鄙，但喺床上面嗰陣卻又好似換咗另一個人咁。而且，雖然叫佢做「叔」，但佢實際年紀都只係四十多啲，依然係我仲可以接受嘅範圍裡面……
　
但就算身體接受到，生活一下子變化咁大，心理上始終係會出現偏差。
　
最初嗰幾日，每次送完「客人」走剩低自己一個人嘅時候，我都會忍唔住走入廁所崩潰大喊，覺得自己全身上下都好污糟、越諗就越覺得發生過嘅事太噁心。連披單枕頭都唔想再掂、結果就喺浴缸上面攰到瞓著咗……
　
呢種痛不欲生嘅感覺，足足維持咗成個星期。直到眼淚終於都流乾後，為咗掩蓋內心嘅痛苦，我開始會睇返阿豪之前買落嘅心理小說，然後不斷諗啲正面嘢去安慰自己。
　
譬如話，我根本就唔需要怕呢啲「醜事」會傳開去。喺喪屍橫行嘅世界，互聯網同手提電話早就已經成為過去式。而且親戚朋友唔係已經「離開」就已經失去聯絡，就算真係有緣再聚，可能都已經係講緊幾年後嘅事……
　
然後，防衛隊嘅嗰班男人都算係幾遵守我嘅條件。起碼最初呢段時間都冇出現過違規情況。或者，佢哋都想呢段關係可以保持長久，所以先唔敢亂嚟……
　
最後，係「交易」後佢哋留低嘅糧食，確實係比起我最初想像嘅多。我開始會儲埋一啲放得比較耐嘅糧食，或者將來係有機會用到……而且，之前Steven話過有需要就搵佢，我確實係有好好利用到呢點……
　
「妳話……想要老鼠藥？」躺喺旁邊嘅Steven聽完我講之後，不禁露出疑惑嘅眼神。
　
「嗯，上次王伯嚟嘅時候話喺後樓梯見到有老鼠。我驚唔處理嘅話，之後會引起好大問題……」
　
「原來係咁……好喇，等我聽日出去搵資源嗰陣留意下。」
　
我當然知道出賣身體係一條歪路，但呢條歪路……確實令我得到安穩而又可以溫飽嘅生活。換轉你係我，你又有冇信心可以喺呢個困境下搵到其他出路？
　
我冇勇氣、怕死、亦都冇能力……所以，剩係可以選擇呢一條路。
　
轉眼間又過多一個星期，當我開始慢慢習慣呢種生活嘅時候……鍾意作弄人嘅上天，又開始咗佢嘅下一個動作。
　
當晚，送走咗Steven之後。見時間唔早，我本來諗住清潔下床鋪，順便洗下啲內衣，但聽朝天光嗰陣可以拎去曬下……
　
「咦？」但就喺我執床嗰陣，竟然俾我見到有把短刀連埋刀鞘留咗喺床上面，「睇嚟應該係Steven留喺度……」
　
出於好奇，我先小心翼翼咁將把刀喺鞘裡面抽出嚟，然後胡亂咁揮動兩下。望住鋒利嘅刀身，我不禁諗……Steven到底用呢把刀殺過幾多隻喪屍？
　
下一刻，腦中又再一次閃過當日嗰隻男喪屍。雖然餘悸猶存，但我知道的……總有日我係要再次面對佢哋。而為咗呢日來臨嘅時候可以保護自己，我確實有必要準備下。
　
諗到呢度，突然心血來潮，我決定親自落去二樓基地，將把刀交返俾Steven嘅同時，希望搵到人願意訓練我去面對喪屍……
　
然而，當我穿過幽暗嘅走廊嚟到二樓走廊嘅時候，等緊我嘅卻係一個震撼嘅「真相」。
　
「程叔……你有冇試過夜晚瞓教嘅時候夢見Adam？」
　
係Steven把聲，一聽到Adam呢個名，我下意識停低咗腳步……明明只需要行多兩步就會去到大閘前，但我卻企喺一個可以偷聽到嘅位置。
　
「你確定要喺呢個時間提起佢？」程叔回應：「你真係唔怕撞鬼？」
　
「我都好想擺脫佢……但每次合埋眼……都會回憶起佢當時嘅表情……」Steven用痛苦嘅語氣講：「明明我哋出生入死咗咁多次……點解要因為咁嘅理由背叛佢……」
　
……背叛？
　
「你唔係內疚呀？Steven……佢係抵死㗎！」程叔加重語氣，「明明有個老婆喺十五樓仲偷偷養住另一個女人！你記唔記得嗰一日……我哋已經係好聲好氣咁同佢講，叫佢有『好嘢』要識得分享，但條陷家產竟然第二日即刻叫小芙唔再落嚟！」
　
「但係……」
　
「唔好但係喇，Steven……呢件事已經過咗去。而家咁咪幾好囉？我哋有女齊齊上，皆大歡喜。而且，你要記住……當時落手殺佢嘅人唔係我哋，而係班喪屍。」
　
　
　
「我哋只係太過粗心大意，唔小心反鎖咗道門啫。」
　
　
　
聽到呢度，我腦海開始急速咁運轉起嚟。記得當晚，程叔明明話佢哋係遇到其他生還者，Adam先會出事俾喪屍咬中……
　
「你係有咁多時間亂諗嘢，不如幫手定個計劃……去海邊搵架遊艇離開呢度仲好喇。」
　
但原來唔係咁，Adam之所以會死……係因為Steven同程叔背叛咗佢。雖然唔知道實際情況係點，但若果佢哋當時冇反鎖道門……
　
Adam就唔會死。
　
而佢哋之所以咁做，目的就係想我失去Adam呢個依靠……然後，好自然就會順晒佢哋意。
　
當我將所有碎片串連埋一齊之後，久違嘅噁心感再一次湧上喉嚨。我幾乎就要發出聲，但我最後強忍住……
　
「但離開呢度又可以去邊？」
　
「去搵個島呀，我哋可以帶啲種子去，重新過耕田嘅生活……總好過留喺呢個連太陽都見唔到嘅大廈，根本睇唔到將來……」
　
「但呢座大廈仲有其他人需要我哋……」
　
「我哋需要佢哋嗰陣又唔見佢哋肯幫手？後生仔，記住人善被人欺呀……」
　
我趁住佢哋對話，用最細嘅腳步慢慢向後退，最後退返去後樓梯。慢慢閂埋防火門之後，先至加速跑返去自己屋企……
　
當晚，我又再一次喺浴缸崩潰大喊。但今次喊到底之後，等緊我嘅並唔係要面對現實嘅無奈……而係憤怒。
　
一種，被欺騙而生嘅憤怒；
　
以及另一種……渴望復仇嘅憤怒。
　
幾日後，我揀正佢哋出發搵資源前再次落到基地，眾人見到我嗰陣當然係好驚訝。
　
「係咁嘅……我見好耐冇為你哋煮過飯，所以咪落嚟睇下有冇機會……」我帶住笑臉講：「就當係報答你哋對我咁好。」
　
「小芙，我之前都講過，我哋已經冇乜資源亂咁用。」程叔睇嚟興趣不大。
　
「程叔，既然阿芙咁有誠意……咪俾佢煮一餐囉，反正我哋都好耐冇食過。」防衛隊另一個成員馬哥接住講。
　
「同意……」Steven跟住和應：「最多今次出去我落力啲拎多啲嘢返嚟。」
　
「嗱，你話架，唔好到時又話我迫你冒險。」程叔講完再望向我，「咁今晚就靠妳喇，記住唔好令我哋失望。」
　　
「嗯。」我點點頭。
　
「唉，」王伯嘆咗口氣，「最衰屋企個老虎乸開始懷疑，叫我今晚出完去要即刻返歸，唔係我都想再試多次小芙嘅廚藝……」
　
「你咪拎啲嘢返去叫老婆煮囉。」馬哥提議。
　
「咪搞啦，我寧願食過期餅乾……」
　
「哈哈哈哈……」
　
就係咁，所有人都帶住笑容出發。冇人有過懷疑、冇人知道我接住落嚟準備做啲咩……
　
呢一餐飯，我可以話係比過去任何一次都落力。等到佢哋順利回程見到飯台上面嘅飯餸後，每個人都即刻雙眼發光，好似流晒口水咁……
　
「喂，我唔等啦……食先。」程叔第一個坐低食飯。
　
「嘩，今晚連湯都有？」王伯本來打算放低啲嘢就走，但見到有湯都停低落嚟。
　
「係呀，之前我叫Steven出去嘅時候偷偷執啲湯包返嚟。」
　
「原來你個袋就係裝呢啲嘢裝到冇晒位。」程叔睥咗眼Steven，飲咗啖湯再講：「不過見幾好飲就算喇。」
　
「王伯，你唔介意咪倒啲返去，我記得廚房有保溫壺……」
　
「都好喎，咁就拜託妳啦……」
　
結果開飯都唔洗幾分鐘，台上面嘅飯餸都已經清得一乾二淨。
　
「如果我仲有機會娶老婆嘅話，一定要搵個好似小芙你咁嘅。」馬哥飲咗少少酒之後開始胡言亂語。
　
「馬哥，你咁講大抬舉我喇。」我客氣咁回應。
　
「邊有抬舉？入得廚房出得廳堂，哈……床上功夫又了得……」
　
「喂，」程叔推一推佢，「咁多人面前唔係講呢啲呀？」
　
「你扮咩嘢呀？呢度有邊個未幫襯過佢先？」
　
「你……」
　
「好喇好喇，大家唔好嘈。」我注意到程叔開始青筋暴現，所以即刻勸交，「大家照顧我我係好清楚……」
　
「係囉，小芙。」馬哥搭住我膊頭講：「其實在座除咗程叔之外每一個都係好男人嚟，妳應該要認真考慮下……」
　
「馬哥，你應該係醉喇。」我慢慢企起身，「等我入去倒杯水俾你……Steven，你洗唔洗？」
　
「吓？」Steven抬起頭望向我，明顯係心不在焉。
　
「我見你已經靜咗好耐……」
　
「冇……我只係覺得個肚好似有少少唔舒服，可能係晏就食錯過期嘢……」
　　　
一聽完佢呢句，我就知道時間應該差唔多了。本來每個人體質就唔同，加上飯餸食嘅份量都有分別，所以好難做到完全準確。但唔理點都好，終於要到了……
　
「啊……我都好似想嚟料。」馬哥等唔切我杯水，第一時間就衝入廁所。
　
慢慢、剩低落嚟嘅三個人……包括程叔都開始感覺到身體有唔妥。
　
「小芙，妳係咪用咗唔新鮮嘅材料……」程叔初初都未懷疑到嗰一步，直到佢見到我當刻嘅眼神，「妳……」
　
「我有冇同你哋提過我以前大學讀咩科？」我隨便將杯水放喺鞋櫃上面，然後慢慢行去大門前，「係病理學。」
　
「阿芙……」Steven聽完瞬間恍然大悟，即刻將手指放入喉嚨裡面想扣喉，「嘔……大家，快啲將啲食物嘔出嚟……入面有老鼠藥！」
　
「唔撚係嘛！？」
　
眾人反應都好非常，程叔本來想第一時間衝過嚟。但我趕得出係腰間抽出一把短刀，嚇到佢即刻停低落嚟。
　
「啲飯餸裡面唔單止有老鼠藥，仲有好多你哋唔識、亦都想像唔到嘅嘢……只係為咗可以一擊即中。」
　
講到呢度，我已經退返出走廊，然後一手閂返埋大閘。
　
「但妳明明自己都有食……」
　
「因為每樣餸我都係煮兩次，一次有落一次冇……然後小心翼翼咁擺好碟，等我可以食安全嗰部份……但其實你哋頭先食咁快，應該都冇留意到我根本冇點食過。」
　
「可惡……」程叔撳實自己個肚，強忍住痛楚問：「妳……點解要咁做？」
　
「我本來都冇諗過會行到呢一步，只係儲定啲原料未雨綢繆，等你哋真係越界先落手……但結果，前兩日嘅事改變咗我。」
　
「妳知道咗真相……」程叔馬上理解過嚟，「Steven……今次真係要多謝你……啊……」但佢都阻止唔到一切，終於痛到跪喺地上面，迫於無奈要跟住其他人一齊扣喉。
　
嘔、嘔、嘔……
　
明明成個畫面應該係好噁心先係，但我卻反過嚟有種復仇嘅快感，好想好好記住成個過程。
　
「喂！阿志，唔好瞓低呀！頂住！」見其中一位同伴終於忍耐唔住瞓低，程叔即刻大喊道。
　
「你顧掂你自己先……時間冇多喇。」我冷冰冰咁講。
　
「我同妳講，外面嘅喪屍殺唔死我哋……妳落嘅毒都唔會……啊……」
　
「放心……我會喺度睇，直到結束為止。」我冷笑一聲。
　
「阿芙……」Steven痛到蜷縮住身體，用盡最後一口氣抬起頭同我講：「我對妳唔住……」
　
「呢句說話……你自己留返同Adam講。」
　
「八婆！」程叔一拳用力敲落鐵閘。但呢一下，已經係佢最後可以做到嘢。
　
就係咁，我一直盯實佢哋，直到佢哋每個人塊臉都由蒼白變成紫色……最後一個又一個咁瞓低，再冇起返身。
　
回過神嚟，我已經返番去自己屋企。飲杯水冷靜落嚟後，我開始收拾行裝，準備下一個行動……
　
雖然係親眼睇住佢哋瞓低，但都難保會有意外。而且佢哋屋企人遲早都會發現到呢件事，然後矛頭肯定會指向我身上……
　
所以，由我下定決心要為Adam報仇嘅一刻，我已經諗好咗要離開呢座大廈。就算結果係死，至少呢個都係我嘅選擇。
　
啪、啪啪！
　
然而，當我執到一半嘅時候，大門居然傳嚟拍門聲。我當然係嚇一跳，拎起把刀慢慢行到大門前，透過魚眼望出去。
　
係王伯，點解佢飲完碗湯會冇事？係份量唔夠？抑或……佢根本就冇飲到？
　
我曾經有一刻諗過唔應門，咁照道理佢見冇人應該係會自行離開。但一望到佢嘅表情，一臉笑淫淫咁樣……咁其實有好大機會，佢根本就未知下面嘅情況，上嚟只係為咗一個單純嘅目的。
　
「冇人嘅……唔通未上嚟？」王伯喺門外面自言自語。
　
既然係咁嘅話，係咪可以反過嚟利用呢點……「處理」埋佢？
　
因為，王伯肯定唔係無辜，佢一定都有份害死Adam。
　
諗到呢度，我再次鼓起勇氣。先衝返入房將打包到一半嘅行裝收埋喺床下底，再將把短刀攝喺床嘅邊緣位。搞掂好晒先返過去打開大門。
　
「哈，妳果然喺度……」王伯一臉歡喜，「點解咁遲先應門嘅？」
　
「哦……見有啲攰所以恰咗陣。係呢，你唔係老婆叫到今晚要留喺屋企咩？」我邊開門邊問。
　
「嗰隻老虎乸呀，食完飯之後就話肚痛走咗入廁所……佢出名去得耐嘅，我咪趁呢個機會偷偷上嚟搵你囉。」
　
唔通，碗湯係俾佢老婆飲咗？如果係咁嘅話實在係太可惜……
　
「總之，冇咩時間喇。」王伯入嚟之後即刻幫我閂門，睇得出佢非常心急，「今晚要速戰速決……」
　
佢本來想即刻錫過嚟，但我反射性咁避開咗。
　
「做咩避開啫，上次都唔係咁㗎？」
　
「上次我刷咗牙……啱先又食完飯嚟，所以有少少唔好意思……」為咗唔想惹佢懷疑，我即刻拉住佢手，「嚟啦，我哋入房繼續。」
　
「傻婆……我點會介意呢，嘿嘿。」
　
咁多個客人嚟講……王伯應該算係我最討厭嘅一位。因為佢一直都係要求多多，只要一唔順佢意就會即刻黑臉。如果要我估防衛隊裡面邊一個會先違反我嘅條件，呢個人一定係王伯……
　
「你坐低先……我先入廁所洗個手。」我講。
　
「其實唔需要啦，不過妳鍾意。」王伯坐低之後即刻急不及待除衫除褲。
　
入到廁所，我先洗個凍水臉。然後用最短嘅時間擬定計劃……當心態已經準備好之後，我都跟住除去上衣，再慢慢出返房……
　
「咦，今晚居然係著粉紅色內衣……睇嚟妳真係開始習慣呢種生活喇？」
　
「咁都係因為有你哋關照……王伯，不如你先瞓低，等我幫你按下摩？」
　
「唔……」王伯思考咗兩秒，可能都係驚時間唔夠，「好喇，反正都上得嚟，唔理個老虎乸點諗喇，享受咗先。」說罷就背脊朝天咁攤喺床上面。
　
我先坐喺佢側邊，然後用雙手開始幫佢按膊頭。其實呢個已經算係一個絕佳嘅落手姿勢。但如果突然鬆開一隻手嘅話，佢好可能會有所懷疑，所以過程一定要好迅速……
　
「喂，小芙……我都已經幫趁過妳幾次，今晚係咪應該可以試下其他嘢呢？」
　
「吓？」我本來已經想拎刀，但俾佢呢句打窒咗，「即係咩……」
　
「嘿……妳咁都唔明？用口呀，我細佬已經好耐冇俾人用口服侍過。」
　
「咁……好似唔係幾好嘅。我始終冇呢種經驗，驚整傷你……」
　
「妳又係咁喇？經驗呢啲嘢，試得多就熟㗎啦？小芙呀，妳要識多啲玩法，啲客先唔會咁快玩厭……唔係遲早會有第二個人取代妳。我都係教精妳咋。」
　
一聽完佢呢句，怒意又再一次湧上心頭。
　
「啊……爽呀，就係呢種力度……」
　
「等我幫你按下腰？」我邊講邊縮走右手，但其實係移去床邊攝刀嘅位置。
　
本來只係剩低幾吋，但王伯突然擰轉頭望向我……
　
「妳做咩仲著住胸圍？唔係到而家都仲咁怕羞呀？」王伯即刻撐起身，「等我嚟幫妳啦……」
　
見先機錯過咗，我下意識收返埋拎刀嘅手。但呢一步……卻錯誤咁被王伯發現到。
　
「妳……」佢好順手咁解開背扣嘅同時，雙眼卻移向床邊位置，「係咪收埋咗啲咩？」
　
我冇回應，當刻已心知不妙，搶喺佢發現之前拎出短刀。
　
「你去死喇！」
　
我用盡最大嘅力度想一刀直插落王伯嘅心口，但佢竟然反應得切捉住我握刀嘅手腕。雖然我已經出盡力，但最多都係形成僵持狀態……
　
「八婆……妳竟然想殺我！？」佢用另一隻手一把用力摑落我塊臉到。
　
「吖！」因為力度太大，所以我即刻痛到瞓低，刀亦都從右手甩落床。
　
「我當年係做警察㗎……想殺我！」王伯咆哮道，同時執返起把刀。
　
當我以為萬事皆休。但就喺呢個時候，大廈外面突然傳嚟某人嘅大喊聲。因為呢度係七樓，所以聽得非常清楚……
　
──就快……頂住呀！
　
「外面搞咩……呀！？」
　
我趁住王伯呢下遲疑，想博最後一鋪將把刀搶返過嚟。
　
──快呀！
　
「妳仲嚟！？」我用兩隻手同時捉住佢手腕，今次王伯顯得好吃力，「可惡……」
　
王伯企圖用另一隻手扭返開我隻手，而我就重新起身想方便發力，之後嘅發展相當混亂……
　
……而呢場搏鬥，終將會迎嚟一個結果。
　
──嘶。
　
一陣好似俾冰劃過嘅刺痛感喺喉嚨傳過嚟。我一開始都未意識到狀況，直到開始感到有暖流喺痛楚嘅位置流出嚟……
　
「啊……出事……」見我鬆開咗手，王伯成個人呆住咁望實我，可以見到佢腰間染上咗鮮血，「……點解要搞到呢個地步呢？」
　
呢一刻，好似所有嘢都突然改變我好快咁。下一秒我已經開始有種頭暈嘅感覺，感覺成個世界天旋地轉、身體亦慢慢變凍……
　
但我用盡最後一口氣起身，腳步浮浮咁衝入廁所，然後望向玻璃鏡……
　
我嘅喉嚨俾刀劃傷咗。因為血不斷流、環境又黑、所以睇唔到傷口有幾深。我嘗試發出聲，但下顎只係郁少少已經傳嚟劇烈嘅痛楚……我伸手去拎起洗手盤旁邊件衫止血，但只係撳咗一陣就瞬間沾滿血。
　
「今次真係大獲……」我依稀聽到王伯喺外面講，但佢並唔係指緊我。呢刻佢企埋喺窗邊望緊大廈外面，「到底係邊班人引成班喪屍過嚟？」
　
下一秒，佢重新望過嚟。
　
「妳唔好怪我呀……所有嘢都係妳自己攞嚟！」說罷，佢即刻行埋去打開旁邊嘅櫃，然後喺裡面拎出一包又一包食物，「反正妳都用唔著，就當益下我。」
　
呢刻，我已經無能為力作出反抗，只可以眼白白睇住佢搶走我嘅嘢。如果佢唔係太心急，應該早就注意到床下底嘅行裝，然後就可以拎走更多……
　
「再見喇……我會故意唔閂門，等班喪屍嚟搵妳。」王伯笑住講，然後就轉身跑走。
　
結束了。
　
呢刻我已經全身軟弱無力，冇辦法行返出廳閂門，只可以過去輕輕推返埋廁所門。然後，跨過浴缸，成個人坐喺上面……一種熟悉而又溫暖嘅感覺重新蓋過一切痛苦。
　
終於結束了。
　
其實，當日遇到第一隻喪屍嗰刻我就應該要死……只係命運鍾意作弄人，先故意留我到而家，成為一班男人嘅玩物。
　
而我到最後，都係冇辦法離開呢座大廈、冇機會見返自己嘅父母。
　
天啊，點解到我認真想為自己作出選擇嘅時候，最後卻係得到咁嘅結果？
　
我雖然唔甘心，但至少……我有嘗試過。
　
「小芙……其實比起好多人，妳已經算係好彩。」意識朦朧間，我見到阿豪企喺浴缸外面同我講。
　
「我冇出過去……又點會知咁多呢……」我無奈咁笑住講，慢慢合埋雙眼。
　
「小芙……我知道妳為咗我，已經盡咗力。」接住輪到Adam把聲響起。
　
「……可惜……仲差一個人……」
　　
「夠㗎喇，既然班喪屍入咗大廈……佢遲早都會得到應有嘅下場。」
　
「希望……係咁……」
　
「所以……妳就好好瞓喇。」
　
　　
　
「瞓醒之後，我哋約定好喺另一個地方再見面。」
　
嗯……
　
一言為定。
　
（完）
　
點解呢章拖咁耐，因為過程諗到兩種發展方式。如果書展延到十二月有機會出《屍人屋苑》實體版嘅話，我會喺書入面試下寫埋另一種嘅發展。
　
下一章，換個角度講下大廈以外。不過，無異之局先。
　
睇完又鍾意呢個故事嘅，記住幫手分享開去呀！
　
　
《無異之地》實體版，網上預訂有折同各種禮品！
https://www.ideapublication.com/products/unusual-region
　
－－－－－－－－－－－－－－－－
　
【地方的無默媽資助計劃】（試行中）
　
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
　
Payme 連結：
https://payme.hsbc/echoofheart
　
轉數快 FPS ID：6065460
　
計畫緣由及詳細內容：
https://bit.ly/39b5Fuw
　
－－－－－－－－－－－－－－－－－
　
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售！
　
－－－－－－－－－－－－－－－－－
　
IG：echoofheart