內地大力打擊未成年人士玩遊戲，令以往周街玩卡、玩其他玩具嘅情況重現 同時有指圖書館嘅使用量亦因此大幅增加30%！ 不過大家唔好唔記得，玩呢啲卡牌亦可以好沉迷，炒賣價亦都比電子遊戲課金不相伯仲，所以你地有得玩好玩啦.... #menclub #卡牌 #防沉迷

永生Online（上） . 一場車禍，奪去咗我老公嘅性命。 . 親友紛紛慰問我：「節哀順變。」 「你老公有無登記永生Online啊？登記咗就得啦。」 「係囉，登記咗唔駛傷心。」 . 好彩，老公註冊咗永生Online。 . ， 十年前，有科學家研發出一種新技術，可以喺人死後48小時內，利用死者嘅腦部，將佢嘅思想上載到網上。 . 但係，純思想、無身體嘅生活，聽落都好唔習慣。 . 所以，全球最大嘅遊戲公司迅速收購呢種技術，推出永生Online。 . 人嘅思想會寄託喺遊戲內，成為遊戲角色，繼續生活。 . ， 活著嘅人都可以註冊，進入遊戲，同逝世嘅親友交流，同平時打機。 . 雖然呢隻遊戲無怪打（你想像唔到，你阿爺要打野豬升級㗎），但迅速成為全球最受歡迎嘅遊戲，課金數額亦係最高。 . 以前，在生嘅人會燒冥鈔紙紮，依加我哋直接買點數卡，畀逝世嘅親友買屋買衫買玩具。 . 雖然遊戲角色唔會餓、唔會死，但依然有人嘅感情同虛榮心，消費都相當唔少㗎。 . 如果無親友課金，又想買嘢，咁就要喺遊戲中打工啦，同現實無咩分別。 . ， 遊戲啱啱推出嗰陣，都產生過一啲混亂。 . 例如有人恃住自己已經死咗，肉身唔會再受傷害，就喺遊戲中作惡，諸如盜竊、行騙、騷擾。 . 但好快，大家就發現，GM比現實更有行動力。 . 現實中，你要捉一個賊，仲要先搵到佢；GM掌握每個角色嘅代碼，哪怕逃到天涯海角，都可以禁言、罰款，甚至刪號。 . 所以，遊戲好快安定落嚟，死亡亦都好似換咗個地方生活咁，唔再令人聞之色變。 . ， 我老公生前登記咗永生Online，過咗兩日，我就收到佢嘅角色編號。 . 我創建角色，登入遊戲，即刻搵到我老公。 . 遊戲角色嘅相貌，係根據現實嚟模擬，所以老公個樣同生前幾乎一樣，只係頭上多咗一行字「陳大文AP50219」。 . 我即刻打字：「你個編號喺頭頂，好搞笑！」 . 老公頭上彈出一行字：「無計啦，方便辨認，人人都係咁。」 . ， 「老婆，我好掛住你。」屏幕上，老公個角色擁抱咗我個角色一下。 . 我好感動：「你點做到㗎？我都要做！」 . 「我喺遊戲裡面，心諗要擁抱你就得，至於你用緊電腦，睇吓遊戲手冊，撳Ctrl+1可以擁抱、Ctrl+2係接吻......」老公慢慢解釋。 . 我笑咗：「我隻角色錫你，你有感覺咩？」 . 「我個心會好開心。」老公咁樣答。 . ， 我都明白，生與死之間嘅距離，唔係咁易跨越。 . 依加我仲可以每日上線，同老公傾計，我已經好開心。 . 今日我上線，見到老公睇緊書，我隨口問：「你好耐無寫小說啦喎。」 . 老公平時鍾意寫小說，幾乎日日都要創作，佢臨死前搭緊車，手上仲拎住原稿紙寫緊嘢。 . ， 老公答：「啊，呢排無乜靈感，我睇吓書先。」 . 事後，我愈諗愈覺得唔妥，老公生前就算唔得閒寫嘢，佢都會同我分享佢諗到嘅新故仔。 . 依加佢喺永生Online，一樣可以上網，又唔駛返工應酬，點解佢反而唔創作？ . 我試過同老公傾往事、傾佢以前嘅作品，佢都記得一清二楚。 . 但有一次，我話我寫咗個故事嘅開頭，叫佢幫我諗埋個尾，佢就咩都諗唔出。 . ， 我開始喺網上，搵永生Online嘅負評，我發現，有少部份人話，自己嘅親友生前好多諗頭，但死後就唔再有新嘅諗法。 . 當然，更多人笑佢哋：「人可以永生咪算係咁囉，你仲想佢智慧超群？」 「可能死嗰陣腦部受咗傷，之後無咁聰明呢。」 . 呢班死者同我老公嘅情況一樣，完全唔似腦部受損，佢哋記性好好，反應好快，只係再都無新諗法、新創作。 . ， 可能你會問，我真係咁在乎老公創唔創作咩？ . 不，我懷疑嘅係，遊戲裡嘅「陳大文AP50219」根本唔係我老公，只係輸入咗老公嘅記憶同情感嘅NPC。 . 咁做嘅目的，自然係引誘我哋呢啲真正嘅玩家，大量課金，支撐「屋企人」嘅生活。 . 就好似我買部新電腦，即使將舊電腦嘅檔案同程式，都裝晒落新電腦，佢哋始終唔係同一部電腦。 . 待續... . #短故 #短篇 #小說 #陳美濤 #廣東話 #粵語 #tomatochan #永生Online

大家的遊戲課金最多都多少呢？ 小編看直播意外知道螞蟻課的定義！ 有沒有人可以告訴我比螞蟻課小很多要叫甚麼😂 (微生物課？？？😂) 還沒看直播的人趕快跟上喔👇 https://youtu.be/IBsZpuTWaxs