大家好，唔知你仲記唔記得一個追左我四年既故事

《弊傢伙，我女朋友有咗》

上年出完實體書，今日我將正文放返上黎，比有追故既朋友睇埋個結尾佢，原諒我咁遲先放，因為我之前想保障返支持我實體書既朋友

但最近我諗通左，反正實體書有額外內容，以後我Post正文就可以，將延續既故事留返比支持既朋友

其他朋友，我都會提供一個完整故事比大家，答謝大家支持

首先！！！

應該唔記得自己睇到邊吧……

不如，我地重頭黎過！！

－－－－－－－－－－－－－－－－－－－

第一回－阿鋒

我中學阿Sir講過，有好多嘢，先後次序調轉咗，就會好事變壞事，其中一樣就係生仔，有小朋友絕對係好事，但未結婚就有小朋友……我唔敢講係好事定壞事，之不過肯定有麻煩，仲要係大麻煩。

我叫阿鋒，剛剛大學畢業，有一個拍咗唔長，亦唔算短嘅女朋友，叫阿儀，我二十四歲嗰年，喺譚仔食緊雞肉墨丸小辣走腐皮嘅時候，當我夾起第三粒墨丸嘅時候……我聽到一個改變我一生嘅消息。

「阿鋒啊……我仲未嚟……」阿儀面色唔太好咁講。

「係囉，我都就食完喇，你個米線仲未到！阿姐！！！差碗嘢！！」我催咗催阿姐，順便吹咗吹粒墨丸。

「唔係啊……我話我仲未嚟M啊……」其實呢一句講得好細聲，我亦屬於耳嗚嗰一類人，但耳仔好似怕我聽唔清，特別開行Turbo咁等我聽得清楚，直情係有震撼嘅感覺。

男人思維，通常係第一時間尋找問題，我好仔細咁諗，唔通係上次？飲咗少少酒，未戴就放咗入去幾吓，喂，幾吓咋喎，阿Sir，比次機會啦！

定係另一次紅燈嗰陣挺而走險，大哥，咁條路無車，唔通唔過咩？

咦，唔係喎……上個月安全期……

「你有冇聽我講嘢㗎？喂……喂……阿鋒……喂……」阿儀嘅聲音將我扯返現實。

「睇住啊，畜牲勿演酸柴清湯！」遲遲未上嘅米線終於到。

我望一望米線，然後用好冷靜嘅聲線同阿姐講：「其實呢……我哋就無叫酸菜，你失驚無神比個酸菜過嚟，我好難食㗎喎，同埋問題唔係我哋鍾唔鍾意食酸菜，而係我哋無叫到嘛，退一萬步就算我鍾意食，你送到上嚟，我呢個Moment唔想食，咁算點先？」

「痴孖根，幫你夾走佢啦！講咁多做乜！」阿姐懶得理我，一句一手將米線拎返走。

阿儀好深沉咁啤住我，我用第三粒墨丸將就快想嘔出嚟嘅兩粒墨丸壓住，然後好平靜咁講：「不如我哋去驗下啦，唔好估估下，有就有，無就無。」

離開譚仔，我行入轉角嘅萬寧，拎起二十八個九嘅驗孕棒，好記得收銀姐姐淡然問：「有冇積分咭。」「無。」「比八達通？」「係。」「要唔要膠袋？」「唔駛。」「多謝支持環保。」

支持環保？無錯……之前我就係為地球出咗一分力，支持環保，所以依家要嚟消費，可以比我揀多次嘅話，我發誓會戴返個套，慳返支驗孕棒，兩害取其輕，前者明顯再環保少少。

喺海港城嘅廁所外面等嘅時候，我打咗比我一個死黨兼好友－肥仔。

「鋒哥？好日唔搵我？你轉行做保險啊？我爛命一條，唔需要喎！」肥仔劈頭一句就將我沉重情緒拉開，證明我打比佢係無錯嘅……

「有樣嘢我唔知同邊個講好，但係我想搵人傾訴，我條女遲咗嚟……」人生中有好多事唔知點開口，而呢樣係其中一樣。

「OMG！Happy Father’s Day！Happy Father to you, Happy Father to you, Happy Father to you, Happy Father to you！」呢一刻，我有種自己係亞視嘅感覺，即係點？即係死咗佢好過囉！

「其實呢……我打嚟想你安慰吓我，你唔安慰都算喇，都唔駛潤我嘛……算喇，唔同你講，下次見獲打獲！」憤怒地掛線之際，仲好清晰聽到肥仔大叫：「爸爸，爸爸，唔好唔要我啊！爸爸……」

咁多人死唔見你個肥仔死，我都唔明點解自己會同一個咁口臭嘅人做兄弟，更加唔知點解鬼掩眼呢個時間打比佢！

利申，我唔係教徒，阿儀都唔係，呢一刻，我好理智咁諗，有咗咁點？

「落咗去！阿仔落咗下層喇。」商場有個男人同佢老婆講。

落咗佢……

我二十四歲，剛剛有份一萬二千八百蚊嘅工，住緊公屋，有三萬八Grant Loan仲未還，部iPhone供緊無耐，下個月嘅情人節禮物我仲煩惱緊……

綜合一切，好似……我未適合做爸爸……

阿儀神色沉重咁走出嚟，我深呼吸咗一口氣等佢宣告自己命運……

「阿鋒啊……你可唔可以認真咁答我一個問題啊？」
「好啊，你問嘅我一向都好認真咁答。」
「如果……我有咗，你會點？」
「呃……有咗……我覺得可以生出嚟嘅……不過……依家我哋事業先剛剛發展，又無樓又未結婚，如果……如果呢一刻我哋……」

「我有咗啊。」

好似粵語殘片咁一道旱天雷打落個頭一樣，我完全無晒意識，阿儀繼續問：「我有咗，所以我哋唔好太多廢話，一句講晒你要定唔要？」

「我……我……」

後來聽阿儀講返，我講「我……」長達五分鐘，而我自己係唔覺嘅……

突然阿儀笑笑口咁講：「我呃你咋！傻瓜！睇吓你，咁驚青，真係有嘅話點做人爸爸啊？」

聽到呢一句嘅我終於醒返，心入面一啖氣呼咗出嚟。

真係要唱返句「來回地獄又折返人間！」

－－－－－－－－－－－－－－－－－－－－－－－－－－

接下來，因為Facebook有字數限制，所以請到Google Doc入面觀看：

http://bit.ly/2MXiCDt

睇到尾，再返黎呢度睇最終回吧

－－－－－－－－－－－－－－－－－－－－－－－－－－

第三十五回－－承諾

大婚當日，最終Kitty都有出現，仲係伴娘，呢段日子我對佢已經無再嬲佢，即使佢係針對我，莫芷盈同我講，對付針對你嘅人，你唯一辦法就係做好自己，拗？有乜用，佢針對你你又點會拗得贏佢呢，要令佢哋失望，就係你活得比佢好。

兄弟到齊時，阿Kent佢拎咗條Banner出嚟，上面寫住立即開門，否則發射卸妝水，仲有幾支裝有不明物體嘅水槍……標叔叔就帶咗一堆破門工程用品，話有乜事就破門而入……肥仔佢話，拎咗個直升機公司電話，後悔的話可以直飛澳門，佢包。

而呢一切，都俾攝影師完全拍低，有時我哋會拎返出嚟睇，阿儀當然睇一次嬲一次話你班咩朋友啊！

最後，動用咗幾多人力物力嘅器材一樣都無用到，大家笑完爽完就正經返，接新娘了。

開門利是，其實流程好一致，一封大，再加一封細，除返開每人一千左右都已經收貨，但都要形式上留難一下大家，添少少再開門，咁先顯得有戰鬥過嘛。

但我嘅開門利是，除咗錢之外，早兩日我問咗阿儀，你班姐妹鍾意咩，最後我每個姐妹都買咗份禮物，有香水、有唇膏等等，俾利是佢哋之餘，我話：「多謝你哋咁多年都照顧住阿儀，陪伴佢成長，作為佢老公，我好想感謝你哋，雖然平時同你哋唔算熟，我相信你哋對我印象都唔會好得去邊，所以我希望你哋可以原諒我，以後大家一齊令阿儀更幸福。」

姐妹們都幾驚訝，對我班兄弟都好似無咁大敵意，果然，雞髀打人牙骹軟。

幾個環節過後，去到最老套嘅愛的宣言，一大篇不平等條約係我面前，我笑咗笑問佢哋：「仲有冇嘢要加？係就一次過喇。」俾著以前，我會好認真咁計較，但依家只係一笑置之。

隔住道門，司儀問有冇嘢想係見新娘子之前講，我話，我想唱一首歌。

雖然，我對周柏豪無乜好感，亦唔喜歡陳詠謙，但呢兩個人嘅《我的宣言》，真係呢個時間我最想唱嘅歌。

阿儀知我鐘意唱歌，佢話夜晚人多，你千祈唔好唱，要唱就朝早唱好喇，當我接到阿儀之後，佢真係好靚，果然一個要萬八一日嘅化妝師唔係惹少，將阿儀嘅美放大好多倍，我望住阿儀，無出聲，只係不停傻笑。

佢問我笑乜，我話，無，覺得你好靚，覺得我執到，覺得你唔好彩，哈哈。

跟住我再問佢，頭先首歌唱成點，佢話：「化妝姐姐話聽過咁多新郎唱歌，你算唱得好。」

我笑住咁拖實佢，開始敬茶。

中段時間無乜特別，都係影相，影到個人笑到好奇怪，阿Kent係我身邊不斷提我，笑啊，笑啊！
笑，其實結婚當日真係幾開心，但真心係攰，原來做主角，每分每秒都為你而生真係好大壓力，加上我一直都好緊張一陣要講嘅嘢，唔知其他人結婚會唔會特別開心，但我肯定係特別攰，終於明洞房花燭夜於現代社會唔存在。

一路影相、迎賓、握手、祝福、感謝，我唔知將來仲會唔會睇返呢張相，亦唔知對方會唔會睇返，但相只係留念，人到就已經好有心了。

律師上場，終於到咗準備證婚嘅環節，我已經知會咗律師將會講少少嘢先證婚，經佢介紹之下，我踏上呢個台，拎起咗一支咪。

「喺證婚之前，我有少少說話想同我未來老婆，以及大家講，相信熟悉我同阿儀嘅朋友都已經知道，我哋係奉子成婚，亦即係之前我哋仲未有結婚打算，直到我哋之間突然出現一個生命，我哋先做呢個決定。

二十四歲呢個年紀，算相當早婚，而且未有經濟基礎之下，呢場婚禮對我哋相當困難，過程之中，我哋都有爭執過，有卻步過，有猶豫過。

婚姻，我覺得係戀愛嘅墳墓，放心，唔係貶義，而係戀愛嘅終結，我哋以另一個形式一齊生活。

我，程日鋒，唔係一個咩絕世好男人，超級荀盤，有阿儀一個咁好嘅女仔肯嫁俾我，係我嘅福氣，係呢段時間入面，我做過好多事令佢傷心難過，唔似得其他新人一樣，大家上嚟讚吓對方感謝一吓，我希望俾到一個最真實嘅自己我老婆。

點解兩個人要結婚？係咪因為佢已經搵到心目中完美嘅另一半？知道對方係樣靚身材正，高富帥，溫柔體貼，無微不至？現實唔會有呢種完美情侶。

我曾經問過阿儀佢點解會肯同我結婚，我相信一定唔係有咗我嘅骨肉，而係，佢明知我有千樣萬樣唔好，佢清清楚楚，而且接受並同意咁做，唔似得大家從未睇過就click嘅條款及細則，阿儀佢每一件事都親身經歷，笑過喊過，但佢都願意接受我呢個人，呢個唔爭氣嘅程日鋒。

婚姻係一場修行，每日都見，會有開心事，但亦會有傷痛，兩個人，係完全獨立，大家唔同背景、文化、性格、習慣，邊個敢肯定自己另一半係Perfect Match？以後嘅日子，我唔敢講一定會令阿儀每日都開心快樂，但我希望無論面對任何事，我哋都可以一齊面對，一齊渡過，一齊解決。

我問過我老豆點樣會令一段婚姻更好，佢話我已經做咗，諗咗好耐我終於明，只要你一直問自己點去令呢段婚姻更好，你已經係做緊。

愛情又好，婚姻又好，無所謂完美，因為人隨時會變，只要佢唔再愛你，再完美嘅人都會離開，結婚從來都唔係終點，律師都唔會保證兩人將來唔會分開，而踏上呢種婚姻嘅賽道上，思考點去令兩個人更好，先係唯一嘅方法。

張佩儀，我應承你，一直都會努力令我哋更幸福，無論咩事都好，我都會對你不離不棄。」

阿儀無出聲望住我講完一切，我再次單膝跪低：「你願唔願意成為我嘅合法妻子啊？」

阿儀示意律師俾支咪佢：「問問問，唔願意仲會係度聽你講咁耐啊！程日鋒，我依家要在座咁多位見証，佢，程日鋒將會一生一世對我張佩儀不離不棄，會好好反省有咩不足，會一直進步，而我張佩儀會一直陪住佢，依靠佢，有咩事都會支持佢，鼓勵佢。

如果你清楚明白並接受的話，你就可以成為我嘅合法丈夫。」

「清楚明白接受！」
「我願意。」

律師佢接返支咪：「好，見証過咁多新人，我都係第一次見咁自動波，雖然佢哋兩人嘅誓辭同普遍唔同，但我相信咁多位來賓都感受到佢哋濃濃嘅愛，亦作出比誓辭更緊密嘅承諾，我在此宣佈兩人，成為合法夫妻。」

終於，我結婚了，終於，這個關於結婚的故事，完結了。

－－－－－－－－－－－－－－－－－－－－－－－

感謝你看了這個長達八萬字的故事

陪伴程日鋒一起成長，見証了一對小情侶在現實之下的掙扎

如果你喜歡這個故事，可以留言購買實體書

實體書會比網上版多了以下內容：

1）莫芷盈
2）五年後的程日鋒
3）蔣薇後記

另外會附送兩個網上故事《商戰》《方舟》，每本正價88元正，留言及分享可獲10元折扣，每本書也會有簽名

想購買的朋友，請留言查詢

亦歡迎大家說說看畢整個故事的感想

如果你是新讀者，可以看看我另一篇長故《老婆最後的十二個難題》

第一回連結如下：
http://bit.ly/37UXIw5

再次感謝，謝謝你花時間看我的文字

用昕陪伴 《不努力，命中注定也沒用》

「老師，是不是命中註定沒有婚姻，就不要強求？」

「是不是命中看起來婚姻很順利，就不需要努力？」

這是很多女性朋友來諮詢時，感到疑惑不解的問題。

-
年近六十的Fiona，來找我看盤，主要是問感情，以前總被算命的說：「這一生註定沒有老公，所以到現在都沒結婚。」

#我真的會孤獨終老嗎

Fiona一開頭，就問我的問題…

在這之前，她都非常確定：這一生就是要隻身渡過的，沒想到卻在今年看到朋友都兒女成群，甚至都三代同堂，突然就想要找個老伴。

多年來虔心信仰佛教的Fiona，個性善良帶有大姐頭特質的她，在命盤上，她的 #命宮 #身宮 都是地空地劫。

所以，對於外界世俗的眼光跟價值觀，本來就不在意，她的心思就只放在她多年照顧的老父親身上。

不料，在今年父親高齡辭世之後，父親臨終時提到最放不下的，就是：Fiona沒有伴。

總希望女兒年紀一大把了，有個可以託付終身的男人。

這也是導致Fiona，會來找我諮詢的原因。

-
最後結果如何呢？
更多的細節就來聽我的播客吧。
收聽連結在下方留言處喔！

--
我是詠昕，我研究紫微斗數。
你聽過我說話了嗎？
#用昕陪伴 #找詠昕妳安心 #詠昕 #看盤 #紫微斗數

用昕陪伴《改運，先從改變習慣做起》

中秋佳節將至，總會又和許多人重新相聚並互相關懷，因此，這次跟一位朋友又再次聊上了天。

她是一位精明幹練的職場專家，個性幽默又隨和，眼神總是充滿著睿智和犀利。最近，碰巧在農曆七月的某天夜裏，她從夜半的睡夢中爬起來上廁所時，竟不小心一股腦兒的迎面撞上了廁所門框。隔天看到她眼睛上的瘀青，若是不知道她老公是寵妻魔人，十之八九大概都會認為，這是被老公給家暴…

跟她聊天才知道，她對於現在居住的房子，不論是天花板，地點，擺設，格局，環境等等，沒一個讓她看的順。相反的，很多嫌棄討厭的抱怨，都在房子裡不加掩飾的宣洩出來。

———————
我以前也有過類似的經驗，但不是房子，而是每天用以代步的車子。

我老公是超級愛車人士，重感情又念舊的他，特別喜歡具有歷史意義的老車。剛認識他的時候，一個人養了好幾台車，而且都取好名字：老賓、阿賓、阿寶…還有一輛老公改裝的跑車叫哈弟。這台哈弟不愧是輛跑車，座位真是超級窄小，但是當時我整個人塞進去卻是剛剛好，真是莫怪超跑的副駕座，通常坐的都是美女名模…

後來，柯吉霸和柯能霸相繼出現後，陸陸續續幾年間，哈弟被送了，老賓也不得不送給友人。偶爾我會不小心在老賓車上，提起要將它們送走的決定，甚至有幾次我用嫌棄的口吻，訴說我不喜歡它的地方……雖然當下都被正駕駛使以眼色制止，原因在於：它們雖然沒有生命，但其實都有靈魂，也都有感情，而人都是會有感受的。但是我在車上的言語，已經傷害到車子，好幾次驚險的經驗，不得不相信內心創造實相。

————————————
這幾年我越來越篤信，這些生活雜事雜物，都具有個性脾氣的。當然車子也是，越是嫌棄越容易拋錨出狀況，尤其是老車，都有某些靈性的力量。我深信，老車只要定期保養和維修，情感反而更值得信任，坐起來也會更安穩。

上了年紀的車子，車內雜音是回憶的堆疊；
而乘坐的舒適感，更是一種情感的交流。

現在孩子們都很喜歡阿賓、阿寶，也懂得欣賞阿賓的沈穩厚實，喜歡阿寶的靈巧流線。偶爾阿賓阿寶進廠保養，孩子們都還會認真的問，他們去哪裡了呢，這就是一種對環境事物在情感上的共鳴。就連孩子洗完澡後都要跟浴缸裡的水，說聲謝謝；玩完的玩具一定要收拾好，不能亂丟亂摔，尤其是玩偶類，因為它們才會安心。

生活處處都是教育的現場，提醒孩子對身邊萬事萬物保持友好之心，讓他們對周遭事物更能感受和尊重，並且珍惜及感恩。

會感恩，是安住在當下最好的心法；
想改運，還是要先從改變習慣做起。

這次要「圖文不符」，讓我家兩個小子祝各位中秋佳節愉快，月圓人團圓。

我是詠昕，我研究紫微斗數。
Podcast 劉詠昕紫微斗數
Apple Podcast：https://pse.is/UNVHT
Spotify：https://pse.is/VEC5J
SoundOn：https://pse.is/T8GXH

#用昕陪伴 #找詠昕妳安心 #詠昕 #看盤 #紫微斗數