哈佛知識分享: 第三集(合共七集) What is competitive advantage? What is your value chain? 什麼是競爭優勢? 什麼是企業價值鏈?

仲記得我喺哈佛讀行政人員課程嘅時候，教授 Michael Porter 考考我哋, "In business, is strategy more important or excution more important?" 做生意，策略重要啲? 定執行力重要啲? 等陣同你解釋。

上兩集同你講咗你應該點諗「競爭」? 行業的五加一動力點影響你嘅利潤。今集同你分享下企業價值鏈點影響你的競爭優勢? 策略/執行力，邊個重要啲?

全文內容:

https://docs.google.com/document/d/10iTzUHyqrhcLvrfYHqZhu8tNpT-jnzKWVhVls09ciWk/edit?usp=drivesdk

。。。。。

My hobby 《星期六早餐會》!

七/八/九月份早餐會 Topic: Applying "Michael Porter" to your business: How to compete and win!

哈佛分享: 如何應用「米高波特」於你盤生意? 點競爭? 點贏?

講起哈佛策略教授， 無人出名過 Michael Porter. 有幸我2017年在哈佛親身上過他教的課程， 今次早餐會同你分享，希望對你做生意亦有所啟發。

有興趣參加啦 😃 每次限四位 (包括我)。 人多傾唔到計。

7月/8月/9月份，逢星期六早上9時開始，約三小時半。地點中環。

對象: 中小企老闆/創業者/公司管理層，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

我唔係靠呢行搵食，免費，我請食早餐 😉 Be friends ..... 有機會到時見你。李根興 Edwin

www.edwinlee.com.hk
www.bwfund.com

聯絡李根興 whatsapp (+852) 90361143

。。。。。。。。。

先講何謂「競爭優勢」Competitive Advantage?

Michael Porter 話 "If you have a real competitive advantage, it means that compared with rivals, you operate at a lower cost, command a premium price, or both."

如果你有真正的「競爭優勢」，相比起競爭對手，你就有低啲嘅成本，或高啲嘅售價，或兩個都有。

"Competitive advantage is a relative concept. It's about superior financial performance." by Michael Porter

競爭優勢是相對的。 係代表你財務回報做得好過你同行的競爭對手。

唔單止做得好，而係要賺錢多過人。記住，上集我同你講:

"The real point of competition is not to beat rivals. It's to earn profits."

競爭，最重要唔係打低競爭對手，而係要賺錢!

何謂賺錢? Michael Porter 嘅定義唔係純粹睇個大數。 他話賺100蚊嘅公司，唔係一定叻過賺90蚊嘅公司。 因為話唔定賺100蚊嘅公司，佢就投資咗1000蚊，先賺100蚊。 但賺90蚊嘅公司，投資咗500蚊已賺賺到90蚊。 咁後者又何必再投資多500蚊，去賺嗰剩餘嘅10蚊。 因為呢500蚊可以投資喺第二度可能有更高回報，何必為做而做呢?

因此 Michael Porter 睇嘅賺錢，係 measured by ROIC (Return On Invested Capital) 資本投資回報。 即係話你放咗幾錢入去盤生意，equity and debt combined, 資本又好、借又好， 賺錢回報率有幾多呢?

例如，你開間茶餐廳，你自己放咗100萬入去，問銀行借咗100萬裝修，合共投資200萬。開業後，未扣除銀行利息及稅務 (EBIT - Earnings Before Interest and Tax)，每年就賺40萬，咁你嘅 ROIC (Return on Invested Capital) 就係40除200，等如20%。

如果你再另外開多一間， 道理上因為經驗多咗啦，總部人手成本一樣，額外投資金額應該就會少咗，開始有 economy of scale (經濟規模效益)，當今次只係投資160萬，回報一樣每年40萬。ROIC 就係 25%。

Michael Porter 話， 如果你每開一間，你嘅投資回報 ROIC 會因為 economy of scale (經濟規模效益)而提升，why not! 開多幾十幾百幾千間都得。

但如果你開到某個程度，每開一間，你嘅投資回報 (ROIC) 就下降。 例如依家總投資要成200萬，由於市場開始飽和，每年賺錢只得額外20萬，資本投資回報只得10%。Michael Porter 話咁又何必再開呢? 因為咁樣只會把你整體嘅 ROIC (資本投資回報率)拉低。

做得大，唔代表賺錢。唔好為大而大。有時 Small is beautiful. 細有細嘅美麗。

美國最賺錢嘅航空公司 Southwest Airlines, 睇下呢幅圖， 過去幾十年佢嘅嘢 ROIC (Return on Invested Capital)，上面黑色條線，一直保持行內最高， 行內其他航空公司平均係每年回報3.1%， Southwest Airlines 就能夠做到每年回報11.4%，高出同行2.7倍， 肺炎前年年賺錢。

Southwest Airlines 創辦人 Herb Kelleher 曾經講過 ”Market share has nothing to do with profitability. Market share says we just want to be big; we don't care if we make money doing it. In order to get an additional 5% of the market, some companies increased their costs by 25%. That's really incongruous if profitability is your purpose."

佢話:「市佔率往往同利潤率無關係。 市佔率只係講大， 但未必賺到錢。 有啲公司為咗攞多5%額外市佔率， 願意洗多25%嘅成本， 咁樣同做生意要賺錢嘅理念係互相違背的。」

我自己做商舖基金都係一樣，我成日都話:「我情願人少啲，賺多啲」，遠遠好過「人多多，每人賺少啲!」 人少啲， 社運肺炎，咩風浪都經過起。 人多， 一闊三大，一個浪冚，好易玩完。

記住我上面提過「競爭優勢」就係: 「相比起競爭對手，你有低啲嘅成本，或高啲嘅售價，or both!」 咁點樣同樣嘅產品或服務，你嘅回報就更高。

"Strategy choices aim to shift relative price or relative cost in a company's favor." by Michael Porter

策略的選擇，目的是向公司有利的方向把相對的價錢或成本調整。

咁點選擇呢? 就係睇你條 「Value Chain 企業價值鏈」啦。

"The sequence of activities your company performs to design, produce, sell, deliver and support its products is called the value chain. " by Michael Porter.

由產品的設計、生產、銷售、送遞、到售後服務，這個流程就叫做企業價值鏈。

"A company's value chain is the collection of all its value-creating and cost-generating activities." by Michael Porter.

企業價值鏈係由所有為客戶增值及令企業增加成本的活動總和。

睇圖，Value Chain 包括 Primary Activities 主要活動 and Supporting Activities 輔助活動。入貨、加工、出貨就係你服務顧客啲主要活動。 公司嘅架構、人力資源、科技應用就係輔助活動。Michael Porter 話如果你要贏人, 你就要明白你以上嘅價值鏈每一步、 每個活動、 每個細節對人客嘅價值製造 (value creation) 同相關成本 (cost incurred)。

要勝出，你有兩個選擇:

(1) Compete on execution. Better operational effectiveness. Perform the same activities as rivals, but execute better. Be better, be the best!

用「執行力」去贏人。每一步，設計/入貨/生產/出貨，都同爭對手差不多，但執行得更好、更快、更準。成個流程成本平啲，人客滿意啲。 等於一間茶餐廳， 落單準啲、上菜快啲、 炒餸好味啲。 但教授 Michael Porter 話咁就好似隻老鼠喺個圈入面，operational effectiveness, 跑快啲跑快啲 ，be the quickest, be the best! 但其實不斷地都喺個圈入面跑緊。長遠，人或老鼠，始終會攰， 你好啲，但人哋都會改善追上。競爭對手就遲早令你競爭優勢難以維續。

(2) Compete on strategy. Perform different activities from rivals. Meet the different needs of customers at lower cost or higher price. Be unique.

用「策略」去贏人。設計/入貨/生產/出貨嘅價值鏈，同行內其他爭對手唔同。 明白唔同顧客，有唔同需求。 用低啲嘅成本或者高啲嘅售價，or both, 去滿足佢哋嘅需求。做唯一! Michael Porter 話咁就會令你 好似隻老鼠咁，跑出個圈，走條捷徑，帶你想去嘅地方。 只是專注，長遠你嘅競爭優勢更容易持續。

例如， 美國嘅航空公司過去幾十年都係非常之難做嘅行業，1980年起，ROIC Return on Invested Capital 資本投資回報平均只得每年3.1%。

但我上面提及的西南航空 Southwest Airlines，佢過去幾十年，由(1) 訂票 (只用自己網絡，唔用 agent， 慳番啲手續費) 、(2) 機種 (只用一種波音737，方便機司培訓同保養， 唔似得其他航空公司乜飛機種都有)、(3) 坐飛機無飛機餐(慳返成本及方便清潔)、(4) 無編定座位 (先上機先揀位坐， 唂啲人快啲上飛機，早啲開機)、至 (5) No connecting flights 無轉駁航班 (只有直接 point to point， 唔使等你或你啲行李轉機)， 仲有更多更多， 成條嘅 Southest Airlines Value Chain 價值鏈嘅活動，都係同行內競爭對手唔同。 雖然機票售價平啲，但佢成本更加平。咁亦都解釋咗點佢能夠咁多年來平均嘅資本投資回報率 ROIC 高達11.4%，高過同行競爭對手近三倍。

我自己做商舖基金都係一樣， 都係 compete on strategy. 如果我純粹低買，高賣舖。 我只可以靠買得平過人，沽得快過人去賺錢。 但長遠好難持續跑贏大市的優勢， 一個社運肺炎冚埋嚟， 馬上冚旗。

呢條係我哋公司商舖增值嘅價值鏈 (insert graph)， 由投資者集資、買舖、解除 order /裝修/分契、至「服務式商舖」搵合適租客 (諗計仔幫佢做多啲生意)、至宣傳推廣出售商舖及「三大保證」售後服務， 加上公司基本設施、人力資源、科技應用、採購流程嘅配合， 我相信香港無任何一個商舖投資者同我哋一樣為商舖增值。 我係舖市要跑贏大市，都係靠呢條 Value Chain 價值鏈。包括，買賣我基金單位嘅交易成本，遠遠低過買賣成間舖。租我哋舖做生意嘅風險，都遠遠低過租間不知名、無人跟進的舖。

咁亦都解釋咗點解，我哋用咗五年時間，今個月就用基金買入咗港幣第一個「10億」舖，前後60間街舖。萬事起頭難，我相信第二個「10億」舖，大約兩年內會完成。

根據哈佛教授 Michael Porter，只要條 value chain 企業價值鏈夠獨特及專注， 好難有另一個競爭對手入嚟係香港街舖嘅層面打低我哋。好多人會嚟抄我哋嘅 business model 商業模式，但佢唔會做舖。 佢會做工廈、商廈、住宅、農地、骨灰龕位、大灣區、非洲、火星，但佢唔做香港街舖。 因為個地頭已經畀我哋霸咗，佢點做都唔夠我哋熟。 唔通我講話我要買1000間香港街舖，佢講話要買2000間，邊個人會信佢! 佢話500間就不如唔好講。

當然，教授話任何 good strategy 都需要 good execution，無好嘅執行力，所有說話只係空談。因此我成日話「持續性、持續性、持續性地執行」好重要。

Both strategy and excution are important. 好嘅「策略」及好嘅「執行力」同樣重要。 只有好嘅 「執行力」，無「策略」，你會賺到錢，不過好大機會係細錢。 加埋好嘅「策略」，配合好嘅「執行力」，大錢就會嚟!

你盤生意呢? 你條企業價值鏈 Value Chain 又係點呢? 同人哋有乜唔同? Are you competing on good execution or good strategy? 你係執行力上贏人、定策略上贏人? 點樣做到成本平啲或收費高啲，or both 呢?

有興趣一齊研究多啲點做? 聽多啲 Michael Porter，就來我七/八月份星期六嘅早餐會啦! 下集我再同你講 (4) What is strategy? How do you create value? 什麼是策略 ? 你如何創造價值?

全文內容:

https://docs.google.com/document/d/10iTzUHyqrhcLvrfYHqZhu8tNpT-jnzKWVhVls09ciWk/edit?usp=drivesdk

。。。。。

My hobby 《星期六早餐會》!

七/八/九月份早餐會 Topic: Applying "Michael Porter" to your business: How to compete and win!

哈佛分享: 如何應用「米高波特」於你盤生意? 點競爭? 點贏?

講起哈佛策略教授， 無人出名過 Michael Porter. 有幸我2017年在哈佛親身上過他教的課程， 今次早餐會同你分享，希望對你做生意亦有所啟發。

有興趣參加啦 😃 每次限四位 (包括我)。 人多傾唔到計。

7月/8月/9月份，逢星期六早上9時開始，約三小時半。地點中環。

對象: 中小企老闆/創業者/公司管理層，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

我唔係靠呢行搵食，免費，我請食早餐 😉 Be friends ..... 有機會到時見你。李根興 Edwin

www.edwinlee.com.hk
www.bwfund.com

聯絡李根興 whatsapp (+852) 90361143

#michael_porter, #競爭策略, #企業競爭優勢，#價值鏈

［葬禮進行曲］你四十歲人，去過幾多次葬禮？

TLDR ：Always Go To Other People's Funerals — Otherwise, They Won't Come To Yours

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 而家聲名極臭嘅朱利安尼，講過相當老派嘅人情世故嘢：婚禮呢，其實唔得閒真係未必要去，反正錦上添花，少你一個唔少。但葬禮，雪中送炭，務必要去支持遺屬，多你一個好多。況且，人可以唔結婚，結婚亦可以唔行禮，但總會死。死咗嘅，唔係完全無親友嘅，總會做啲嘢。當然明顯唔係佢發明呢套講法，佢只係在書講，我亦只係聽人講佢本書講

2. 況且葬禮，相當Flexible，流水席，幾時就到時間咪過去，見到遺屬講兩句，望下有冇識嘅人，喜歡嘅好快都走得。

3. 後生嘅朋友寫咗篇文（https://lkdin.io/3VOb），佢剛四十，即係後生我幾年。咁我呢幾年都冇去過葬禮（我記錯嘅請你報夢話我知），所以我四十時嘅數字，同而家一樣。朋友話三個或四個，咁我應該多過佢。你可以計下，去到你四十歲為止，去過幾多個葬禮。未夠嘅？「自己pro rata返」。「當然唔好計咩法治已死香港已死嗰啲一日去幾次嘅」

4. 當中，不存在咩「四十歲人應該去過幾多次葬禮」，正如我不打算研究「四十歲人應該打過幾次飛機／有過幾多性伴」之類。但背後，總會反映到啲嘢。雖然又話人老咗去嘅葬禮多咗，但照計四十歲呢，你同年啲朋友，一般都未死。你去嘅都係長輩之類，細細個都可以去。

5. 朋友話去得少，反映佢毒，冇乜朋友，同屋企人關係惡劣。可能都有啲關係。我都冇乜朋友，同屋企人關係都惡劣（但好似冇佢咁惡劣，真係人上有人）。但仲有好多因素影響，例如你有另一半嘅，往往就去多一倍。

6. 我試下數，我去過嘅葬禮，應該八個？有兩個我好似冇印象有去到，但照計我係有去的。然後寫完呢篇文我就會洗自己腦，十年後我就又變得肯定自己有去。人嘅記憶幾咁唔好可告！況且我地年代唔興「懷念爺爺」咁影響，好似暫時我都冇在殯儀館打過卡。（然後我查返手機app，原來係有！三次！都話記億唔可靠。咁其實殯儀館打卡冇乜嘢。冇人叫你在入面打嘛。）

7. 我父母好早生我，老母今年62，老豆64．兩個都唔食煙（老豆N年前食，戒咗好耐），所以根據大數法則，健在嘅機會比較大。咁你估到，八個之中佔咗四個嘅，就係阿爺阿麻，阿公阿婆，全數釘蓋，好合理。

8. 我嘗試排序，雖然未必太準。但，頭兩次應該最震憾，冇經驗嘛，況且細個（雖然都十歲以上），有啲驚的。

9. 第一個死嘅，係我阿公，我讀緊小學，四五年班咁上下？嗰時放學成日同老婆出去瑪嘉烈探病。應該係九龍大酒店？冇玩咩破地獄嗰啲，但都真係都仲係一回事，去足全程，同學校請假的。冇守夜，或者有人有但我冇份。阿公印象都多，細個在石圍角村，拎佢本不文集睇，佢又會帶我飲西茶，西多士冇餡嘅年代，幾咁美好。星期六佢睇賽馬，我就睇中間插播嘅大力水手，或者德國波。不過死嘅人太多，不能個個講好詳細

10. 之後係我阿爺，更加親近。冇錯係我出世時已經著咗草去台灣嗰個，堅稱自己冇收片但又走咗佬嗰個。但我有記憶時，佢已經返咗香港做返老正，當然亦唔見有乜錢（聽聞在台灣敗晒）。阿爺嘅感覺，就係唔係幾好老脾，但又唔係會打我嗰種，都係慈祥嘅。但又不過，我完全不能將佢同差佬扯上關係，雖然我一路都知，但總係覺得好似換咗另一個人。阿爺都算死得早，大約我中二三時死咗。嗰時佢臥病在床，我仲在側邊打機，真係不孝。記得佢死前健康當然更差，脾氣亦差，好多嘢唔食得，最記得成日要食田雞—唔係佢要食，係好似唔食得其他嘢。嗰時就開始知道死亡，可以揀真係長痛不如短痛，但邊度你揀？我唔相信阿公或阿爺咁選擇。當然佢地亦未去到話受好多痛苦，或者吊住好耐咁。阿爺最後死在大陸，唔知返去搵神醫定換腎定乜鬼。就係記得解穢酒食過「黃埔炒蛋」，記得阿麻好似幾風騷。唔知係因為照顧病人好累丫（咁阿爺病重時都真係好臭脾氣），定係拎咗唔少錢。冇錯，阿爺到底有幾錢遺產，去咗邊，都係大家扯貓尾，永遠冇真相，有人話根本冇，有人話去咗我阿麻度，有人話去咗我老豆度（應該都有啲），總之冇一仙去過我度。

11. 講咗咁耐先兩件，加快速度。見到嘛？阿公阿爺死先，佢地老婆反而擺耐好多。咁好合理，一來女人長命過男人，二來佢地娶老婆都揀後生，阿公更加係再娶，所以阿婆未咁快。由我中二定中三（1992？），打後十年，好似都冇再去過葬禮。阿婆幾時去架呢？慚愧，我都真係唔係好記得。細個當然都有啲感情，但後來阿婆已住老人院，咁大家知，慢慢就少深，我就更加少去 —唔好記嗰時我已經高中或者大學，有自己多姿多彩嘅生活，主要係溝下女做下愛咁，點都好玩過去老人院吧？你反對嘅，我同你交換。直到而家，我都唔記得阿婆幾時死，甚至唔記得我有冇去佢葬禮（希望阿婆唔好上嚟留言話：仆街仔！你死我都未死呀！），但合理地假設，應該總有出現下？當埘我同我老母關係未咁惡劣，佢叫我去我應該會去。不過又諗下，實情阿婆唔係佢親老母（都話再娶），至於我老母親母，我冇見過的，好早死咗。

12. 然後，又好似一輪高峰，嗰幾年去較多。我阿麻死咗，好似十年前多啲？留意佢最後就住在我而家住嘅地方，佢瞓廳（唔通我瞓？況且床架高，佢爬唔到）。事實佢臨終前幾年，都係同我一齊生活嘅。我係咪喪盡天良？都未完全係嘅。有時都會慚愧，冇陪佢多啲。佢健康尚好時，都試過我返工拎漏嘢佢拎去中環畀我（！），又或者我要帶女返屋企搞嘢時，醒一百蚊畀佢落去飲茶（唔係點？）。

13. 無論如何，當時已經有Facebook，亦係比較深刻嘅。當時係年尾，阿麻之前健康並唔特別差，即係長命病嗰啲當然有，但佢話唔舒服入醫院時，都仲係自己執嘢自己叫車。佢去醫院時我都探過下佢，都仲係幾健康。但話咁快。有一日我老母打嚟，就同我講，「你阿麻走咗啦」。我想講，我老母當時在屯門醫院返工，阿麻亦都住屯門醫院，我真係以為佢嘅走咗係出咗院，然後佢先話我知。當時我在公司，仲係十分搏命嘅分析員，我甚至諗緊使唔使放工先去，好似有上Facebook出post，甚至諗係咪要坐的士之類。無論如何最後就坐的士，去到叫做見佢最後一面（已香，但仲在床上，明啦）。

14. 往後嘅事，好多人都聽過。見完最後一面，不過係午飯時間咁上下？我返咗屋企瞓（分析員嗰時七點幾就返到公司，我係摸黑出門的）。然後？我去咗旺角。做乜？睇戲。同埃汾太睇戲。睇嗰套戲，叫做《3D娜塔莉的情人》，聲稱係全世界第一套3D韓片，條韓妹好靚，又好波，我都冇深究係咪整，有乜關係？

15. 我走咗去睇《3D娜坦莉的情人》（https://bityl.co/8Hsd），非常之卡繆，非常之《異鄉人》。我甚至應該係因為睇咗《異鄉人》先會咁。成件事我已經唔係好記得。我上一次寫文，係講「咁買咗飛丫嘛，唔通唔睇，點預到佢咁啱嗰日死」。但，我諗返件事唔係好合情理，首先嗰個年代，我好似仲唔多興網上買飛。之但係又不過，如果我唔係一早買咗飛，照計我唔會特登出旺角睇戲？Anyway同埃汾太睇完，就梗係上床啦。都話十分之《異鄉人》（正因如此，如果我冇買飛，點會特登出旺角？唔係叫埃汾太返屯門會簡單啲？留意我午飯已經返咗屯門）。第二日，我照樣七點半返到公司。冇能力的人嘛，唯有早返工。

16. 埃汾太當然都見過阿麻，食過好多次飯，當然都有去葬禮，不過遺憾阿麻冇機會見到我成婚。亦冇機會同我影畢業相。當然遺憾係佢嘅遺憾，我先唔理呢啲嘢。咁而結婚亦冇可能特登就阿麻，況且當時亦唔知佢就死，佢都唔知自己咁快死。但畢業相嘛，理論上可以就老人家嘅，不過事實上港大行畢業禮時我已去咗英國，英國行禮時我又返咗香港，而我又唔會唔係正日自己搵套衫同勞蘇影相咁

17. 第幾個？數完第四個。然後第五個，我老豆老婆（非我老母，但亦唔係「後母」，都冇一齊生活過，正如我老母老公我都唔會叫「後父」，佢出現時我都中七啦大佬），其實時序上早過我阿麻，但舖排上好似應講晒麻爺公婆先。實在件事有點複雜，我亦都唔係好想講。當然唔係死者嘅問題，又唔係我問題，係顧及下其他人感受。話說我老豆老母，在我阿爺死後就好似離咗婚，冇因果關係，但時間大約係咁。我老母再嫁但冇小朋友，我老豆再娶，生多咗件，所以我有個同父異母嘅妹，不過比較少提，亦唔係十分熟。但講時講，我老豆呢個再娶嘅對象，廿年前左右就死咗，自殺的，燒炭，成件事十分震憾。當時係我大學畢業後，去英國之前，我在老豆公司過下日晨（係佢返工嘅公司，唔係佢開間公司咁爽）。佢都有講另一半抑鬱症呀之類，然後事發當日我甚至係同佢一齊在公司的，不過冇同佢一齊返去破門，嗯，成件事都幾震憾，所以我都唔係好想講太多。佢嘅葬禮我有冇去？我估應該有吧？（我同死者關係並不差，反正都唔會成日見到，亦冇啲啲咩「你拆散咗我屋企」嘅憤恨，畢竟真係冇人拎支槍迫我老豆有婚外情的，對不？）

18. 第六個，我外母。同樣地，涉及其他未死嘅人不講太多。當時我已經結咗婚，當然係有去葬禮的。不過講真，結婚冇耐外母就去咗，一直都唔係太多交集，同外父就多啲。外交仲係好健康，日日炒股票，大家有心。

19. 第七八個，算唔算特別少少？第七個係恐龍，冇錯，就係叫恐龍。中學同學嘅大學同學，成班一齊玩，稱不上極之好朋友，但至少會私下傾計兩個人食飯咁。點死的？自殺。我仲記得佢在甚麼教堂定乜做後事，平日嘅夜晚，我仲要一半走咗出去同倫敦鬼定美國鬼conference call講港交所。嗰時嘅工作真係十分困身。真係搞搞下嘢在時鐘酒店 conference call又有，聽聞有人一路conference call一路被吹蕭（唔通幫人吹咩），無從證實，但唔係我。亡友好多金句，被其他朋友拎出嚟講，例如嗰句「呢啲我愛你呀會結婚呀，性行為嘅潤滑劑嚟啫，唔想講嘅咪去樓下買支KY，雖然凍啲但效果唔爭太遠」，好多人以為係佢創作，實情係我話佢，佢發揚光大的。

20. 如果我冇記錯，亡友好似細我兩年，副作用就係我在英國返嚟香港後，仲會借用佢啲大學戶口做各樣嘢，例如上呢個 data base搵工．我最記得，好似嗰時佢畢業我未搵到工，佢都有安撫我，同我講，「唔緊要，一個恐龍倒下，仲有竹萬萬隻恐龍」—講嘅係佢細佬仲讀緊大學。不過後來我冇用到恐龍二號，放心，我搵到工，佢都搵到，佢死時我都差不多離開金英了，好似2012年前後？

21. 多得電話，我都仲保留住同佢最後嘅message（當然唔知佢自殺），就係我推介完元朗嘅煲仔飯，佢覺得好正。就係咁。後來我都仲成日去，都會諗起佢，雖然我同佢冇一齊食過。

22. 最後一個，你可以話「最不重要」，但亦係性質上完全唔同。工作上嘅……前輩？唔係我本書鳴謝嗰幾個，但係嗰堆人。亦都係自殺，相當震驚。佢不算同我極熟絡（雖然我在倫敦出trip佢都打畀我有嘢搵我救火），亦唔算直接幫咗我極多嘢（咁當然都有啲）。但始終係個慈祥嘅長者，亦係業界有啲聲望嘅人。壇嘢都搞得幾大，俗啲講句，生前好友們幫佢風光大葬，算係極度榮哀？未致於好似「大時代」咁，但的確見到一啲猛人，甚至會同我講「佢都有提起你」。

23. 我記得應該係英國脫歐公投嗰年（冇錯，相入面嗰次，睇返日子正係公投之後嗰日），就係我最後一次去葬禮，就係呢位前輩。我嗰日不停心諗，到底葬禮係咩回事？係畀邊個睇（當然係畀生嘅人睇），係為咗表達大家對佢懷念？定係話畀大家知，第時你死咗大家都會咁對你？

24. 總之，都係嗰句，Always Go To Other People's Funerals — Otherwise, They Won't Come To Yours

25. 冇乜特別，都唔算寫得特別好，甚至差過我朋友，「都幾大鑊」，只係留個紀錄。另外，關於葬禮，寫過篇舊文，原來都未夠一年前。舊文就寫得幾好（https://fbook.cc/3Z0d）

26. 不過有個講法，一個人死兩次，最後一次有人提起佢地先係真正死。咁以上呢啲故人，我又幫佢地續一續命咁，個感覺好似泊車餵錶咁。以前仲有個紅色旗，十分有實感。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

《L&T的世界地圖》

2015 🇩🇪🇦🇹🇫🇷🇯🇵
2016 🇸🇬🇦🇺🇸🇬🇲🇻
2017 🇵🇭🇳🇿
2018🇦🇺 🇲🇾🇯🇵
2019🇻🇳🇰🇭🇹🇭🇮🇩🇮🇳🇳🇵🇦🇪🇰🇪🇪🇹🇸🇩🇪🇬🇮🇱🇵🇸🇯🇴🇨🇾🇲🇹🇵🇹🇪🇸🇸🇪🇳🇴🇩🇰🇳🇱
2020🇧🇪🇱🇺🇨🇭🇮🇹🇸🇮🇭🇷🇧🇦🇲🇪🇦🇱🇲🇰🇧🇬🇮🇸🇬🇧

被豬豬隊友 Scott & Wendy點名了
所以就順便來回顧整理一下

雖然因為疫情在英國止步先回台灣
被迫停止了環遊世界的計畫
但沒關係
等世界變好了 我們會繼續寫我們的故事❤️

那就來重點分享我們每個國家的回憶吧：

🇩🇪第一次自助出國期待又怕受傷害闖出去的德國🇩🇪

🇦🇹英文完全不行出外靠朋友的背包菜鳥小廢物奧地利🇦🇹

🇫🇷兩個人第一次靠自己闖還發生很多刺激事的法國🇫🇷

🇯🇵兩個月的民宿打工換宿生活的日本北海道🇯🇵

🇸🇬與朋友相聚之扛爆行李瘋狂走路耐力重訓的美食之旅犒賞自己的新加坡🇸🇬

🇦🇺2年打工渡假肉廠農場清潔撞袋鼠裸灘雪梨跨年睡車上兩個月難忘的澳洲🇦🇺

🇲🇻純樸溫暖當地人之假蜜月真渡假省錢也能玩得爽被邀請免費吃飯店早餐馬爾地夫🇲🇻

🇵🇭台幣1萬內五天食住行機票全包鯨鯊按摩渡假竹筏把費騎車自助的菲律賓🇵🇭

🇳🇿26天南北島自駕自助與政遠大家族露營車藍洞螢火蟲庫克山遊冰河的紐西蘭🇳🇿

🇲🇾自駕10天離開前天被開罰單急著繳費與當地人一起洞穴探險省錢交朋友的馬來西亞🇲🇾

🇯🇵帶怕冒險的姐姐與怕坐飛機的姊夫第一次出國自駕結果玩到不想回來的沖繩日本🇯🇵

🇻🇳住在英文補習班跟學生老師體驗生活體驗火鍋鴨仔蛋以及迷失在沙漠以及深山中的越南🇻🇳

🇰🇭大熱天騎了三天的腳踏車逛完吳哥窟以及吃蜘蛛蠍子還喝啤酒喝到老闆送禮物的柬埔寨🇰🇭

🇮🇩爬火山遇騙子擠了30小時巴士不吃喝不尿尿以及船宿每天冒險認識當地人住他家還去參加趴踢的印尼🇮🇩

🇹🇭阻止朋友被騙錢但自己卻被盜刷以及被偷錢損失萬元但還潑水節還是玩得很瘋最後隱居山裡的泰國🇹🇭

🇮🇳住當地人家及跳恆河游泳體驗最便宜混亂的過夜車廂參加印度人婚禮遇到大變態做人要比他們兇的印度🇮🇳

🇳🇵與印度朋友一起爬ABC的七天之旅以及體驗深山人家帶小孩耕田畜牧燒柴煮飯土蓋房知足的尼泊爾🇳🇵

🇦🇪當地大叔貼心接機溫暖招待三天爽住聽故事以及與環遊世界夫妻檔初次相遇還害人家坐上賊船的杜拜🇦🇪

🇰🇪動物大遷徙以及去非洲學校交流煮東西分享住在孤兒院7天體驗生活參觀摩地方饒舌拍片綁黑人頭的肯亞🇰🇪

🇪🇹手機被偷錢被騙每天跟當地人吵架深入部落每天不可思議荒謬卻令人著迷認識阿賢及阿堯神人的衣索比亞🇪🇹

🇸🇩政遠得瘧疾養病卻四海為家每天都有人邀請我們回他家包吃住小朋友掏錢就被賞巴掌卻很好客的蘇丹🇸🇩

🇪🇬被叫去警局以及老闆怕我們烙賽而不賣東西到潛水天堂認識神人在路上有人主動要當導遊的埃及🇪🇬

🇯🇴受台灣人妻照顧及與住海邊5年的神人一起海邊生活與文達及71歲背包客冒險與當地人晚上生火烤雞的約旦🇯🇴

🇮🇱打工換宿認識各國朋友改造露營車搭便車導遊收留免費飯店早餐及台灣帥哥收留照顧當導遊的以色列🇮🇱

🇵🇸巧遇的台灣自助女孩及一位台灣媽媽不會英文卻環球自助一起聽身上有子彈痕跡阿北故事的巴勒斯坦🇵🇸

🇨🇾租車14天不洗澡睡車上穿越南北邊境關係緊張沙發衝浪住當地人家請喝酒認識大叔載我們的塞普勒斯🇨🇾

🇲🇹網路朋友邀請我們去他的飯店洗澡聊天聊到天亮跟魚市場大殺價吃到超大甜蝦死而無憾的馬爾他🇲🇹

🇪🇸認識環球2年的神人以及與被網友認出交換喝酒再次大家一起見面並且睡飯店地板聊通宵的西班牙🇪🇸

🇵🇹睡路邊到一半有人在路邊大便臭到不行一起坐在港口邊大灌葡萄酒讚嘆人太美好的葡萄牙🇵🇹

🇸🇪認識當地帥哥住他家每天交流當地故事文化一起吃麻辣鍋買世界臭鯡魚罐頭當地人警告別亂開的瑞典🇸🇪

🇳🇴租車睡車上14天4000公里過渡輪到羅弗敦將近永夜但美哭以及被邀請免費桑拿及紅酒的挪威🇳🇴

🇩🇰在等公車時遇到一個非常健談的大叔一路問我們台灣的人事物讓我們驕傲的宣揚台灣多棒的丹麥🇩🇰

🇳🇱台灣不合法這裡卻合法的大麻紅燈區蘑菇各種健達出奇蛋在火車被警衛偷背包給教訓警惕的荷蘭🇳🇱

🇧🇪跨年倒數整晚不睡覺最後手機再次被偷馬上排隊報警做筆錄及被邀請免費住宿吃早餐的比利時🇧🇪

🇱🇺粉絲網友邀請住她家每天耍廢開車帶我們去玩每天吃好料互相嘴砲聊天每天都認識新客人的盧森堡🇱🇺

🇨🇭旅行中認識的當地朋友帶我們一起住在雪山湖邊搭便車到茵特拉肯登山並且招待去起司工廠的瑞士🇨🇭

🇮🇹路中收留一個背包客邀請他住我們的飯店而他請吃晚餐每天白天去玩晚上一起聊著夢想的義大利🇮🇹

🇸🇮第一次被邀請搭便車還帶我們兜風也第一次被司機誤會來自中國被拒絕上車無家可歸的斯洛維尼亞🇸🇮

🇭🇷多次搭便車意外認識了教授被邀請住他家過著隱居生活感受到他們外表冷內心熱的克羅埃西亞🇭🇷

🇧🇦睡在隱密舒服的停車場兩天打掃阿姨來關心上車時被誤會來自武漢差點上不了車的波士尼亞🇧🇦

🇲🇪兩個人租一台很爛的腳踏車硬是要雙載騎環山環湖步道22公里並且貓咪陪登頂鳥瞰城鎮的黑山🇲🇪

🇦🇱巴士過邊境兩人被攔下等醫生來測量體溫差點被司機放生還好有當地人幫忙順利通過的阿爾巴尼亞🇦🇱

🇲🇰臨時改變旅行計畫與粉絲見面意外變成知己每天都聊通宵一起生活一起煮飯一起大笑的北馬其頓🇲🇰

🇧🇬車子雪中打滑一起睡車上不洗澡差點在雪山中迷航一起雪地拍全裸屁股照彼此道別大哭的保加利亞🇧🇬

🇮🇸在網路徵到新認識神旅伴一起救了6台雪車一起追到極光一起卡車打滑睡車上省錢爬冰川冰洞的冰島🇮🇸

🇬🇧粉絲見面受溫馨英國一家人的照顧一起煮飯陪小朋友玩聊天看書而疫情爆發躲表弟家耍廢發胖的英國🇬🇧

旅程還沒結束
只是因為疫情先暫停了
等世界的病好了
等我們準備好了

再出發吧

未完待續

下去就點名一直默默超喜歡的旅人
我沒錢 所以邊畫畫邊旅行
柳人不悔
一起寫下世界旅行地圖吧❤️

通波仔 － 張志揚心臟科專科醫生＠FindDoc.com

FindDoc Facebook : https://www.facebook.com/FindDoc
FindDoc WeChat : 快徳健康香港 FindDoc
FindDoc Instagram：@finddochk

（一）做完通波仔仍會復發？通波仔手術可重複進行？ 00:06

（二）通波仔手術與搭橋手術的分別和風險？ 01:02

（三）通波仔後不能坐飛機？ 01:47

（四）通波仔後可以做運動？ 02:34


(本短片作健康教育之用，並不可取代任何醫療診斷或治療。治療成效因人而異，如有疑問，請向專業醫療人士諮詢。)


資料來源：https://www.FindDoc.com

查詢醫生資訊：
https://www.finddoc.com