【到底《#1917：#逆戰救兵》可以有幾好睇？】

#到底可以有幾好睇系列

* 更新：觀後感全文可看留言 *

1. 應該都算係公開的秘密，真心套戲唔係一鏡直落，有幾個好明顯「抖氣位」，唔似《一鏡柏林》、《恐襲夏令營》堅由頭一鏡到尾，但大部份堅係一鏡直落！（如果想睇最正嘅「一鏡直落片」，個人大推《恐襲夏令營》，觀後感可看留言）

2. 鏡頭唔係玩手搖，完全唔係玩「實感」，反而主角不斷瘋狂咁跑，你班人唔駛睇到眼都花，鏡頭非常平穩，都有極強實感，尤其鏡頭冷靜咁穿過戰壕同人群，簡直好似置身現場咁

3. 鏡頭最犀利係你唔知佢點樣走位，就正如當年睇《末代浩劫》飛車果場。跟住主角上山下海又大爆炸又槍戰又巷戰，鏡頭落完水又穿過廢墟，疑似超越物理極限可以穿牆咁。個人覺得，「最佳攝影」係咪可以唔駛選？

4. 喺一鏡直落大前提下，要拍演員走位做戲已經極高難度，更高難度係，一鏡直落可以連「小動物」都識做戲？我唔劇透咩事啦，但果隻「小動物」時間夾得天衣無縫兼動作perfect，一鏡直落又冇走盞，睇到大家嗌完再嗌

5. 相信有戰爭片迷會唔鍾意呢套，一如《鄧寇克大行動》，呢套唔係《決戰中途島》果類超大場面由頭打到尾戰爭片，但鏡頭由主角視點經歷戰場眾生相、危機四伏環境，緊張程度更勝傳統大型戰爭片。尤其個實感強到你以為自己真係喺現場，有幾場戲心都寒埋，包括疑似冇特技玩命果幾段。

6. 初時係擔心咁拍法會唔會冇乜劇情，估唔到有邏輯故事發展，仲有埋伏線、人物關係，幾場生死一線間「萍水相逢」嘅情誼，得幾句對白睇到眼濕濕

7. 雖然話唔係大型戰爭片，但絕對要睇IMAX！唔止「俾多26%你睇版」，因為個畫面太靚又充滿實感，俾咁大個幕包圍，可以睇到好多細節位，有幾吓「敵我難分」，IMAX細節位令氣氛更加緊張

8. 唔止場面夠緊張夠實感，喺呢種「一鏡直落」玩法下，好少戲會咁認真考究、有咁大budget去做呢啲場景。呢個一鏡直落唔止喺一條街或一個場面，橫跨地方極多都好有野心，難得每個場景都極考究，根本同傳統戰爭片冇分別

9. 當你以為成個過程已經走到唔知幾遠，最後一個鏡頭既係感動，都令你覺得成件事好神奇，老土都要講句：This is the magic of movie!

10. 如果有套《1917：逆戰救兵》紀錄片，都會想睇，到底呢套嘢係點拍出嚟。

🎬🎞第6屆「晞。觀影記事」讀者電影投選現已接受提名，請即揀出你2019年最愛兼最爛電影：http://bit.ly/2ZvhCbo

‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA

【IG請follow】www.instagram.com/travelerwithmovie

➤Youtube➤ https://goo.gl/bYXDpP
大陸最頂端遊戲公司 網易 的 最後一款網遊
2017 2款顛覆世界的武俠強作 之一 逆水寒 搶先宣布將在2017年7月 首測(然而 西湖斷橋並未下雪)
西湖斷橋下雪 內情 看這>>>>https://youtu.be/N-Zwr5VKHkU
特別註明:此視頻為遊戲實景 非動畫 (別太高興,有些朋友會失望,因為逆水寒玩法為傳統 戰/法/牧)
也是大陸最頂端遊戲公司 網易 的 最後一款網遊(副總親口說的)
另一款武俠大作為 九陰真經2(真沙盒武俠)
#逆水寒

繼星海之後，史上最強ＲＴＳ遊戲神作強勢襲捲全亞洲！
最純正的歐美血統，超過 300萬種戰略組合玩法，
一指改變逆襲戰場，戰力不再代表勝利！
眾神之戰，王者憤怒橫掃大地，
聯手全台灣，跨區向世界正式宣戰！