我的寫作生涯，其實是由張國榮先生的《春夏秋冬》開始。 2004年左右，我還是一名小小的電影編劇，因為一個小訪問，認識了一位某報章校園版的小記者（他後來都成了電影編劇了），我那時很厚顏，問他可否給我一個機會，讓我替他們試寫短編小說，小記者問了編輯，最後答應了。 於是，我寫了人生第一篇四期完短篇小說，還記得稿費是$350一篇，約千多字一篇，四篇即是$1,400。那時候我相當窮，所以已經很開心了，而更開心的是，終於有文字在報章上出街。 那篇小說，是關於兩名很喜歡張國榮、梅艷芳與林振強的中學生（校園版嘛）的故事，故事名稱就是叫《春夏秋冬》。 那篇出街之後，我就收到了一位出版社編輯的電話，說讀了那篇小說，覺得很有感覺，問我有沒有興趣寫書，於是一年後我出了人生的第一本小說；而那位編輯，到現在十多年後，仍然是我每一本新書的編輯大人。 沒有了那一篇，之後的所有專欄、著作，都不會發生。 多謝幾位天上的明星。 張國榮先生，生日快樂。 #那小說現在重看會覺得仍有很多不足之處 #不過也有一份初心的清澀 #不是想賣廣告不過既然貼了也提一提 #這小說去年年中也終於被我收錄在著作中 #書名叫 #如果每段關係都有個破口委屈自己就是另一種傷害 #呢個書名長到我自己都記唔到 #每次都係要拎本書出嚟對住先打得返個名出來 #書中的版本我修改了結尾因為覺得當年寫得真的未夠好 #而原版應該全個網絡世界都不會找到 #除了在我的床下底 #書中還有三篇短篇小說 #一篇關於林憶蓮 #一篇關於百年樹木 #一篇關於逆流大叔 #總之多謝成為過我每一個靈感的人物 #沒有你們沒有就沒有創作了 #謝謝 #張國榮912生日快樂

🚣🏻🚣🏻‍♀️🚣🏻‍♂️ 音樂呢一樣嘢真係好神奇。 係有法力嫁，嗰種法力唔係只得一種效用， 姐係唔係頭痛藥淨係醫頭痛咁， 音樂嗰種法力，係喺唔同時間拎出嚟聽， 都會有唔同嘅治癒 / 感動能力， 當然有時候嗰首歌嗰個moment令你突然諗起某啲嘢又可能會令你好傷心， 但可能喺你唔知底下，唔覺唔覺地其實都治癒緊你。 ⁡ 曾經講過， 三年前八月嘅電影《逆流大叔》對我意義重大，其一因為係我最喜愛嘅 RubberBand 擔任電影配樂，另外就係同年六月老豆確診癌症，嗰幾個月每日不停出入醫院，每日以淚洗面，因為同老豆實在關係太好太friend太close喇，我喺醫院同佢講：「《逆流大叔》真係好好好睇啊！我帶你入戲院睇丫！」明知冇可能但我都同佢咁講，因為我知道我哋都要好似佢哋咁唔可以放棄；過多一段時間，我希望可以買到DVD同佢喺屋企睇，最後係等唔到嘅，同年十月頭，佢就走先喇係咁先喇。 ⁡ 所以往後嘅三年，我好似冇再睇過《逆流大叔》(我入戲院睇咗兩次)，而作為RB 1X年忠粉嘅我，當然成日有機會聽到《逆流之歌》啦，而大概有80%嘅機會我係會喊到崩9潰嘅，頭兩年係傷心，之後應該係好X掛住同唔捨得。 ⁡ 啱啱個8月8日星期日，東京奧運閉幕日；朝早我睇instagram on this day時，發現三年前剛好係《逆流大叔》嘅上映日子，嗰陣時我第一時間去咗戲院睇，今日見到個post，往事湧現，咁啱得咁橋，夜晚我去麥花臣睇Overlap音樂會，有我班叔叔Rb #我班rb叔叔 ，我同自己講，今晚九成會唱，今晚我要做嗰20%，唔喊嗰20%，我要enjoy個show，我今晚要開開心心睇個show，唔好喊。(一個月前嘅Unison Fest，Rb part我守唔住，喊到嚇親隔離frd子，喊到攝影哥哥問我o唔okay，然後再被影咗上官方social media post😖😖😖) ⁡ 同自己講要開心睇，點知都係衰咗，《練習說再見》某句歌詞都係一嘢吱出咗眼淚，到到《Ciao》都係點樣樣都忍唔住，都係喊到震咗幾下，「好好掛牽，來日後見」喎！點忍喎大佬！！！！不過應承咗自己enjoy the show嘛，《未來見》已免疫，以前我聽都真係會喊到震嫁，宜家聽，心情有啲舒暢嘅；到到《逆流之歌》了，睇到我朝早story我自己話會有80%機會喊，身旁嘅Mic再為我遞上紙巾 (上兩首歌佢見我喊已經遞咗張俾我)，我話唔洗，我Okay，然後，我真係笑住up住頭咁聽晒首《逆流之歌》，因為嗰一日，係奧運閉幕日，我諗起呢十幾日嚟香港運動員所創造嘅一個又一個奇蹟，首歌喺呢一日閉幕日，添上咗第二個意義，香港運動員所付出嘅努力所付出嘅汗水，喺資源缺乏同政府嘅不足支持下，佢哋真係好叻好叻好叻，就算有獎冇獎好，佢哋都係我哋嘅世一。 ⁡ 喂呢個咪就係我講嘅音樂嘅法力囉！ ⁡ 《逆流大叔》入面，我最深刻嘅對白係： 「嘩！好那遠嫁喎！」 「都要扒嫁啦！」 —— TO MY HOME TOO， 都要扒嫁啦！ 拼了所有，斷氣方休。 ⁡ 音樂使人自由， 係真嫁。 ⁡ 同日喺呢個Overlap音樂會， 聽到好多平時冇睇過live嘅單位， 一次過愛上所呢堆單位， 好開心香港樂壇真係好多好多叻人， 多謝音樂會令我認識到咁多正嘢， 下次你哋嘅live， I’m in。 @root_band @charming_way @lulubepbep @thehertzofficial @wander.chanka @ 樂壇已死大合唱團 ⁡ 大家一齊努力， 一齊守護香港 (樂壇)。 ⁡ 幸福一晚。 #overlap大世代 #香港歌手不會死 @rubberband @laimaa_n @lee_waibass @maubolung @clem__fung @sunnyhahaha_chan @kennywong8384

逆流大叔2？！ 唔係…我地今次竟然係客串同場演出 導演跟過 @kearenpang 學戲之後真係唔同啲 我覺得逆流2你要演返一角 做其中一個大叔 @sunnyhahaha_chan #我們的十八歲