【龔成問答信箱】（Q22101-22120）

Q22101：

龔sir 我今日做左進階班功課 有d問題想下，我用左莎莎既年報去計財務比率

1）我計到既ROE 分別係-26.4同-31.1, 但係你比的價值網同bochk 係-23.5 同-24.9，點解會有d分別呢？

2）EBITDA 利潤率 其實我唔係好識搵個EBITDA出黎 自己跟住年報計除息除稅除折舊後 都計唔到價值網 顯示既-3.85同-3.67億(價值網顯示2020年係正數

我諗應該係負數先岩？）個EBITDA利潤率 價值網 係-12.7同6.41，而bochk係 4. 06同5.47, 想請教下可唔可示範一下點計？

3）存貨週轉日數 我計到160，呢個數字同價值網差唔多，但bochk係106, 又係想請教下邊個數字先岩？

4) 關於杜邦分析法

2020年: 1.97 x 1.75 x - 9.02% ＝-31.1
2021年: 1.89 x 1.21 x - 11.5% ＝-26.3

ROE 2年都負數 不過2021負得冇得多 2021年純利率差左 不過財務槓桿 同總資產週轉率個數細左 所以負少左

我就唔係好明 總資產週轉率 應該愈大愈好 但係假設2021年都係1.75 (instead of 1.21) 咁計出黎個ROE負得仲勁 咁咪調返轉應該係愈細會愈好？請指教一下

龔成老師︰

1) 我相信係你和其他網站，係計個"發行股數"和"股東權益"出現分別。

因為每個網站的公式都不同的，就算發行股數都不同，計年頭？年尾？平均？加權平均？通常我睇財經網站，都唔會太著重d細數字，你了解大方向就得，同埋，不同財經網站的數據，一定會有d誤差，正常的。

2) 至於EBITDA利潤率，你可以參考BOC個數字。你可以用佢年報中"經營虧損"，再加翻"按性質分類之開支"中的折舊部份(2021年年報P.177)。但會有少少差別，可能係提取數據或匯價問題，影響不大。

價值網部份，都係用類似計法。但2021年數據，可能系公式不同，其實，一般網站在計算EBITDA時，都計左「使用權資產折舊」，但這並不是真正的折舊，所以數據的參考價值會低左。

其實較精準方法，我建議係用EBIT - 折舊，但這個折舊，應該排除左"使用權資產折舊"的數字，咁會更準確。2020和2021年EBITDA，應該為-7.6%和-10%。

2020年︰(-5.53 + 1.17) / 57.17 = 7.6%
2021年︰(-3.91 + 0.87) / 30.43 = 10%

3) 如果用我教法，拿年初和年末平均數計，答案係160。至於點解BOC會有分別，因為佢係計算存貨時，唔係用年初和年末平均數去計，所以有落差。

你照用160，咁就可以。

4) 你這個杜邦分析計算，係正確。你睇翻個3組數字﹐你會發現中間組數(營業額/總資產)，係變動最大。

你就會發現，企業這2年面對問題，係銷售數字出左最大問題，有明顯轉差情況。

之後，我地再睇翻客觀環境。由於這2年有社運和疫情影響，令到營業額受損，係正常。這些都係中短期因素，因此我地係分析企業質素時，唔洗過度在意。

至於你話總資產週轉率愈大，個ROE就會負得愈多，係正常。因為現時佢生意少左好多，但好多固定成本，好似舖租、人工等，唔係話停就停到。

佢現時基本上，每件貨品都係蝕住做。但當這些不利因素過去，營業額回復正常，有更多銷售單位去攤分這些固定成本時，就會令佢轉虧為盈。

這時候，每賣一件貨都係賺錢，自然會係總資產週轉率愈大愈好。

------------------------------------------------

Q22102：

你好 龔sir本人持倉如下：

778 @$10.3 x 5000
823 @$71 x 1500
941 @$83 x 500
968 @$13 x 8000

1177 @$4.5 x 12000
1928 @$41 x 2400
6823 @$10.5 x 10000

另月供5隻各$1000, 現值16萬多

3,285,823,1177,1299

本人50歲 月入33K 還有十年退休，想法是退休時將所有股票轉成有5厘息以上的收息股 作生活補貼

1) 這個組合有沒有問題？

2) 因為未來還有10年穩定收入 這組合是否過於保守？

謝謝 祝生活安康

龔成老師︰

1) 你持有和月供股票，都係有質素。但由於你50歲，係一個要為退休開始準備的年紀。

因此，你要將組合中的股票，慢慢轉成較保守組合。按年紀增長，慢慢加大收息股比重。目標係10年後退休時，組合100%係收息。

現有持股，暫時可以不用改變。但月供組合中，中生(1177)和比亞迪電子(0285)都係潛力股，風險對你而言，用點高，唔建議用佢地作為月供組合。

你可以將這2隻股票，換成為收息股，會較適合你現時的年齡配置。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

還有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

另外，你要留意一下，你組合持股的佔組合比例。個別企業和行業，不要佔組合15%和30%以上，否則會有過度集中性風險。

你現時部份股票，係超過這個標準。但由於都係有質素股票，故不用沽出。用未來新資金，去慢慢拉平衡翻個比例，咁就可以。

現時大市只在合理區，每月月供之餘﹐緊記都要留少少現金，用來等大跌市出現時，可以去掃平貨。

2) 你大致上跟我所講的方法，去進行配置，增長力度就會配合到你年紀所需。

我假設投資回報有10%（連股息再投資），你每月投資$5000 + 55萬持股，10年後大約會增值至250萬。

你再將佢換成6%收息股，大約每月就會有1.25萬的現金流。你可以以此作為參考，調整自己投資計劃。

------------------------------------------------

Q22103：

我正在研究電動車和自動駕駛，有什麼介紹

對這個行業未來的看法

龔成老師︰

電動車方面，我自己一直較看好比亞迪（1211），係佢的電動車。

首先，電動車有環保的概念，這點令政府會加以幫助，而市民亦會支持，但其實，電動車真正的價值並非在環保，而是慳錢，用電比起用油平得多，因此只要各種配套都完善，車主沒有理由不選擇電動車。

只要有金錢利益推動，人們的習慣將輕易改變，在70年代的石油問題，完全改變了美國人使用汽車的習慣，由一向追求大汽車的習慣，轉變到鐘情於小排量慳油的日本車，令日本車大舉入侵市場，當其他車廠發覺時已經太遲，最終成就日本車霸主的地位。

雖然將來的油價難以估計，但到經濟好景，各國都大量用油的情況下，石油需求大增，電動車的優勢亦愈來愈明顯。

另外，比亞迪在中國發展電動車，可說是佔盡地利因素，因發展電動車必需要有完善的配套，政府的支持十分重要，另外，若政府肯帶頭使用對推廣很有幫助，現時比亞迪的電動巴士已經行走在中國多地的公路上，由公共交通開始發展，可見政府對電動車是正面及支持的，然而，中國政府在支持電動車背後亦有個重要因素，就是石油。

中國並非產油大國，未來的石油供應難以滿足中國的汽車需求，而發展電動車就成為辦法，同時中國在西藏擁有不少能生產電池的鋰資源，若能用電動車取代傳統燃油車，中國對石油的依賴可減少，對別國的依賴能減少，從整個國家發展的戰略角度分析，中國發展電動車的誘因並不少。

同時，中國是政府主導的國家，要建立配套及支持業界，比資本主義國家更容易（在西方國家，石油業的既得利益者並不希望見到電動車的出現）。

投資中國的企業有一個要點，就是順從中央的方向，這不是指個別一兩個政策，而是一個大方向，因這會對企業的長遠發展有重大的影響。

比亞迪在新能源汽車方面，經過幾年的發展開始有起色，混能車銷情理想，而電動大巴在政府支持下銷量亦理想，而部分歐洲國家亦開始試行比亞迪的電動大巴（這是有利的指標，因歐洲的標準甚高的），雖然只屬起步，但情況不錯。

現時比亞迪的新能源汽車遍佈全球6大洲、多個國家和地區，其中包括美國、德國、 英國、日本等主流汽車強國市場。

所以，我睇好這企業的電動車，但並不是一兩年就見到收成。

至於自駕技術，見集團都一直有同科技企業合作，相信發展上都係正面。

但這股經常都處略貴水平，大約去翻$135先算合理，如果真的好想買入，現價小注月供好了。始終現價投資風險高，回翻先考慮正式買入。

或者，你可留意下中國電車（2845），這基金的目標是追蹤Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），以及與中國電動車產業有關的股票，中國因為能源問題，長遠一定要發展電動車，這是大方向，故此股有一定投資價值。

此股現價合理區頂至略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

------------------------------------------------

Q22104：

老師你好！岩岩開始睇你既書，好似展開左我人生新既一頁，原來一直以來既理財觀念（淨係識得放錢係銀行儲）係好old school同好無效率。依家將你一本本書慢慢睇，希望可以快啲財務自由啦

小妹25歲，月入4萬，家用一萬，用一萬（下個月開始想用少啲儲多啲)，儲兩萬。

黎緊應該會同男友買樓，想買約7-800萬既樓，有首期，希望可以快啲供完，唔想負咁耐債，其實睇完書真係好唔想供樓，覺得要借錢再負咁耐債呢件事好矛盾，更無奈樓價愈黎愈唔合理，但又想有個安樂窩

1。儲蓄約15萬；需要再拎錢出黎投資嗎？

2。美股：少量voo

3。睇完老師你講既野，想試下月供股票
你覺得我每月供
$5000 （2800）平穩增長股
$5000 （3067）潛力股
如何？

4。如果二人都用呢個組合投資，可以加快供完層樓嗎（男友都係月入4萬）
希望你可以比啲意見我，謝謝呀！

龔成老師：

你現時25歲，係累積財富的黃金時期，你要好好把握，盡你一切的力量去儲蓄、投資、學投資知識。

你盡快加儲蓄到每月$2萬，是正確的。

1）你表示「有首期」，是否已另外預左一筆足夠的資金，去準備買樓，我假設你已準備好，餘下的$15萬就可以投資/等投資，不過，我會較建議你等完成買樓過程，先開始投資。

另外，現時低息環境，其實唔需要太急去還錢，你照正常速度去還錢就得，資金可以用作增值。

2）VOO可長線持有。

3）可以，這兩隻都是不差的選擇，但現時好睇你會幾時買樓，而決定投資多少，留現金多少。

4）你概念上不用想著「想盡快供完層樓」，你只要照正常速度去供樓就得。每月保持進行財富增值，照上述月供模式進行，就得。

------------------------------------------------

Q22105：

你好龔成老師, 首先感謝你的無私分享，令我有希望可以有天財務自由。

先跟你分享我的現況

工作方面：我今天25歲，月收入13K，上年原本收入18K，但因為轉行由低做起，希望將來可以收入更穩定，所以即使收入下降仍堅持轉行。

我亦有PT工作，大概月入3K。而今年9月我打算花約80K讀PT PGDE，預計2年後畢業後起薪點可以升至30K。

儲存方面：我答應自己每月要儲14K，預期3年後有500K。

資產方面：我現有資產350K，當中股票佔6成，3成是銀行定期，其餘是流通現金。股票比例:

1) 316, 買入價119, 股數419
2) 823, 買入價62.76, 股數131
3) 1177, 買入價7.73, 股數1414
4) 2388, 買入價24.4, 股數1447
5) 2800, 買入價26.37, 股數2301
6) 3067, 買入價17.6, 股數692
7) 3988, 買入價3.07, 股數3252

目標：我期望3年後可以儲到一百萬，與男朋友夾份置業再結婚。

1) 請問老師認為我的方法適當嗎? 有更快達到目標的方法嗎?

2) 請問老師認為我的股票比例恰當嗎? 有需要更集中投資/賣走哪隻股票嗎? 我暫時只有穩定地月供1177及3067各約$2000。謝謝你

龔成老師：

1）現時的股票與現金比例，適合的，持有的股票都是有質素的股，但你25歲，其實未必適合持有收息股，因此，中行（3988）這類收息股，就未必是最好的選擇。

至於大方向，基本上無問題的，但由於你轉左工，收入減少，你要睇下自己能否做到每月儲$14000的目標，如果可以做到，相信3年資產達至$100萬，可以的。

2）比例基本無問題，由於你3年後要資金，因此不能太過進取，你預潛力股與平穩增長，各佔一半就可以，潛力股不能太多，反而當你買完樓後，資金可以更長線投資，到時可以再增加翻潛力股的比例。

------------------------------------------------

Q22106：

Hi老師，最接近神的男人
因2年前無意中係fb識到你

另外，知道你聽過好多 多謝你的人留言，
我都一樣
我都好想多謝老師！同埋多謝我自己！

我有間居屋 供緊， 在職媽媽
小朋友x2 有一個工人姐姐
以前就算好慳好慳，
都儲得好小錢！

人工唔高 只是普通文職 ，
但我2年內竟然都儲到多達十萬以上！
都係你帶來的正能量影響

除左正職外，亦多層面地搵到額外收入（如投資，網上填問卷，任務/網店/etc....）
真係好多 原來增加收入來源係好重要
，
而我也揾到真正搵錢方法 好開心）
為了令自己收入更大，我偷時間去投資自己身上！去學習不同知識！
賺取更多額外收入！
多謝你無私奉獻

龔成老師：

哈哈，太誇張了，其實我做的事不是好誇張，我原本都是好普通的人，只是我比一般人更加努力，希望你都要明白，好多事情你都能做到的。

見到你有正面的影響就太好了，你最重要是保持進步，無論知識，以及財富。

你現時的方向正確，同時，你應該思考一些長遠增加收入的方法，例如自己在現時職位上的發揮，有無進步的空間，長遠的事業發展怎樣。在自己的能力上，以子職業上，都要從長遠角度出發，加油！

------------------------------------------------

Q22107：

你好，有些投資問題想求你指教

我月入3萬，太太月入7萬，有兩個3歲小朋友。我有層自住樓，貸款金額仲有500萬，每月供$18000左右。因為我人工唔夠借，所以太太是我擔保人。

另外，我太太和她的家人有層已供完聯名物業市值720萬，但她家人住緊。

現在，我哋想喺太太和家人的聯名物業按揭貸款，之後買入的士（的士牌連新車約$550萬）收租作投資，但我們現金儲蓄得50萬其餘就按揭借回來，你認為可行嘛？

以我的背景會唔會好大風險？還是作其他投資好呢？

謝謝你的賜教

龔成老師︰

我相信你年紀都唔係太大，應該係年青至中年人士的階段。

在這個年紀，其實借貸比例高少少，都係可以。你預總負債，最多可以去到總資產7成。從負債風險角度，只要你做到7成以內，風險水平都係可以接受。

所以，你要計一計數，所有負債，比起所有資產的市值計算。如果超過7成，就是開始高風險。

但你要留意，的士牌過往是增值類別，而家已偏向收息類別(增值都仍有，但不算多)。

本質上，的是牌可以不斷有租金收入，而這個租金都會按貨幣系統的向上，而不斷向上的，但行業近年出現了叫車程式等新的競爭模式，對佢點都有影響。

所以，在長遠計，佢的增長能力只是中等，視為收息類的資產會比較好。

以你們年青至中年年紀，我比較建議集中係一些較有增長力資產，例如一些有增長力的優質股。

投資的士牌唔係唔得，但佢增長力唔會好強，財富增值效果，現時未必有優質股咁好。

------------------------------------------------

Q22108：

龔成，你好啊！好緊張，希望你會答我呢個投資初哥問題

我目前有HKD80,000資金專門預留作為投資用途，宜家30歲，希望係2022年2月前投資而賺到HKD160,000;請問有咩嘢建議？

我之前有月供股票買盈富同CLP,都有小量投資美股，只限tesla, ARK及台積電。

Thanks!!!!

龔成老師︰

我地做財富增值，一般希望做到架合理回報，係每年增長10-15%。你現時這個目標(1年升倍)，用股票投資去做，風險會好大，較難達到。

而且，1年係一個好短架時間，就算再優質股票，都要時間升值。1年太短，好易會有股價波動風險，令最終回報不確定性好高。

如果你無其他增值方法，建議你按部就班，透過月供去買入優質股，去為自已資產作增值。

你過往投資股票，都係有質素，用來增值係可以。但以你30歲年紀，應以增值為主。中電(0002)增長力不高，未必太適合你。

建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

另外，我建議你加強每月儲蓄，這是重要的。

------------------------------------------------

Q22109：

你好呀, 老師, 我今年29, 有以下兩件事情想各你請教:

1. 想與姐姐置業 兩人月入共7萬 流動資金約有100 萬, 本住青衣區, 想買樓齡不超過20 年的, 正考慮藍澄灣, 同埋想問2人自住, 建議入手呎價為多少

（實用面積為500呎會過大負擔嗎？ 想做9成按揭，另想問下老師你覺得此區樓宇有升值潛力嗎？ 由於是第一次置業，想先請教老師有何建議?

2. 另外，因父母抽到居屋，費用為200多萬， 父母正考慮做多少成按揭，如一次過付款，流動資金便所剩無幾，但做按揭又要俾利息，所以想請教老師

建議按幾成才合適呢？

謝謝你的解答!

龔成老師︰

1) 青衣區內大型屋苑唔算好多，成個區潛力度只算中等。但東大嶼計劃落實的話，有機會刺激到這區樓價上升。

藍澄灣質素算中等，佢距離港鐵站較遠，係一個扣分地方，但整體算係可以。

但你這個作為自住樓，我建議較從你自身需要作出發點，去作出考量。你要諗這間屋，係唔係適合你長遠需要，講緊係未來5-20年。

呎吋方面，只要唔好太細(少於300呎)，符合到你生活要求，咁就可以。另外，我地自住樓一定要堅守一個大原則，就係長線要"供得起"。如果可以的話，置業係無問題。

2) 現時貸款息口在低位，無論係你和你父母，我都建議盡量做高成數貸款，去空出更多資金，做財富增值。

如果你父母本身好怕風險，就將按揭成數調低，但其實在財富運用上，高成數會較好的。但要留意，你自己買物業時，高成數按要比按保，你要平衡翻。

雖然高成數按揭表面上，係要比多左利息，但我地要從機會成本做考慮。你利用低息貸款，空出來資金進行投資增值(投資優質股)，去爭取更大回報，相信長線財富增值效果會更理想。

同時，你父母都可以因此留下更多資金，以備不時之需。

------------------------------------------------

Q22110：

Hi 呀Sir你同唔同意1211黎緊要加強品牌宣傳，佢銷量好似唔夠多，我明白佢有技術，但始終作為買家都想要多人識既牌子咁。

比如比亞迪做公交車，人地買左會唔會覺得自己個檔次低左

龔成老師︰

其實比亞迪(1211)品牌，的確有改善空間，特別係在國際市場。

但由於佢有技術，這方面係佢主要勢所在，品牌雖然唔算好強，但無損其投資價值。

而且，集團將來未必只係集中係出售新能車，可以會慢慢加大電池和新能車相關技術銷售。故零售品牌的強弱，未必對佢影響十分大。

其實，比亞迪其中一個往後的發展，就是「賣電池」，即是同不同的車企合作，而這方面的發展，自己的品牌，未必是核心。

------------------------------------------------

Q22111：

龔成老師，你好！距離上次請教問題，原來已經有1年7個月，最估唔到既係呢段時間自己既資產價值升左有65%(105->175)。主要係將過去持有既現金部分轉左去股票+每月部分剩餘資金作月供

所以出現左較大既升值。

一、打算準備置業，而因為我目前有接近6成既資產都係股票，因此若要置業就需要放左一D股票，目前股票（買入價，未扣除過往收息）如下：

完美醫療[email protected]，24000股
騰訊700@408，400股
銀河[email protected]，1000股
盈富基金[email protected]，6910（月供緊10000）
中生製藥[email protected]，10000股
小米[email protected]，3000股
建設銀行[email protected]，10000股
阿里巴巴9988@176，100股
港鐵[email protected]，1449股(月供緊3000）
閱文[email protected]，406股

我有考慮既係因完美醫療同騰訊升幅較大，再接觸到較平宜價較難，所以計劃：

1.先放左升值潛力無咁大：如建設銀行、閱文集團；

2.現時買入價與成本價相距較近：港鐵、阿里巴巴、小米

3.再考慮剩餘（優先考慮銀娛，及部分盈富基金）的股票。

你覺得呢個安排會唔會較好？

二、由2019年11月開始月供到而家，見盈富基金佔現時比例較大，想降到3000/月，因為澳門月供股票成本較貴，50hkd/隻/月，

唔想月供分得太散，想10000就分別5000福壽園，5000港鐵。會唔會都可以？但若果成功置業，到時候可能只月供到3000-5000。

三、最近睇完你本《80後千萬富翁》，好有感觸，特別係我對現時份工完全感受唔到滿足感，甚至厭倦，現時一有時間就會睇報表，樓宇相關資訊，

目標向住有基本財務自由後辭職。感謝你本書再俾我動力去向股票，樓宇，老闆方向發展。

龔成老師︰

一) 你的策略，有部份需要修正。

我地考慮持有邊D股票，要從佢是否適合你、組合平衡性和現價平貴(而唔係睇買入價與成本價的差距)，去作出考量。

你還未到30歲，建行(0939)這類收息股，唔適合你。閱文集團（0772）確定性較高，可以減持少少。

完美醫療(1830)現價偏貴，加上佢佔你組合比重較高，我都建議你沽出部份。

至於餘下股票，持有價值差不多。若你有需要進一步套現，你可以按比例去每隻沽少少。

二) 你這個調整，都可以。暫時你就用你新的調整，去繼續進行月供。到你置業後，才按需要減少月供供款，就可以。

三) 本書能幫到你就好，記住要做好財富增值，唔係短時間可以做到的事。要保持學習、維持現有投資習慣，你自然會一步步走向財務自由。

------------------------------------------------

Q22112：

你好！ 家父將於4年後退休，佢想我幫佢用1百萬做投資，希望長期收息亦可有小許本金增長。

80% 穩定收息
303 vtech 15%
778 置富 15%
1310 香港寬頻 12%
941 中國移動 12%
2638 港燈 15%
2800 盈富 11%

20% 增長股票
1810 小米 7%
981 中芯 3%
823 領展 5%
066 港鐵 5%

請問以上可以嗎？定比例或股票有些轉換會更好？
Thanks！

龔成老師︰

由於你父親，尚有4年就退休，投資上應要較保守。

你現時持股和配置，大致上都可以。但盈富(2800)唔係收息股，佢派息平均只有2-3%，但有穏定增長力，可持有。

另外，中芯(0981)和小米(1810)雖有質素，但波動性較大，不宜持有太多，故不要再加注。

現時大市只在合理區，資金唔好盡用。最好留有部份，一方面，可以等大跌市出現時，用來掃貨。另一方面，你父親都應該留有一定現金，以備不時之需。

------------------------------------------------

Q22113：

龔成老師你好，我想請教下你，我已經賣左我既單位，宜家手頭上現金有130萬，我和先生的入息加埋有6萬，我地想買返樓

但係樓齡新少少已經去到700萬，供唔起，我地打算租住先但係又驚上唔返車，請問我地點做會好d？

龔成老師︰

若現時財政，不足以直接承擔心目中的理想單位，你有2個方法。

你可以先購買一個較細單位，之後放租去「以租養樓」或自住。另一邊，就用優質股繼續增大個資金，之後才用較高成數去買大屋，令自己可以供得起。

這樣做，可以有平倉樓市的效果。你們資產，相對受樓價波動的影響，就會較細。當你地將來再換物業，會較有預算。

另一個方法，就係直接用優質股去增值。現時以租金回報率計，股市值博率會較高，潛在回報都會較大。

但由於佢同樓市，唔係有直接關聯。若長線樓市升幅跑嬴股市，變相反而令你置業成本上升左，得不償失。

你要自己衡量下，邊個方法會較適合你。

------------------------------------------------

Q22114：

本人49歲，丈夫51歲，一子將升中學。夫婦兩月入約15萬。在何文田擁有一物業，以丈夫名下持有，仍欠銀行180萬。

我與丈夫現共有公積金約700萬。現金260萬，定期200萬，基金保險200萬。我自己有9手滙豐股票、1手工商，1手港交所。

丈夫常想多買一層樓，因現單位不夠住，想多買一間三房單位，何文田單位出租。但我想以我們的年紀，再重新供一間樓是儍事嗎？

最近見大埔一大屋苑800呎單位，售950萬，26年樓齡，可考慮嗎？

龔成老師︰

其實，每個人都有自住需要，一個適合家庭長線生活的物業，係需要的。你用現時方法，買入一間3房，再將現有物業放租，係可行。

你現時有一定的現金，只要利用作首期，餘下部分現金，你每月供款，我相信可以應付，但的確，每月支出會增加左，你要計好數。

而你現有物業按揭$180萬，將其放租，我相信每月都有基本的正現金流，可以幫少少你每月供樓部分。

另外，如果日後能善用公積金，無論作為部分還款，又或投資一些能產生現金流的工具，都能有助你供樓的。

但當你再買入一個物業時候，你成個財富組合，就會偏晒係物業類，出現過度集中性風險。故你在買入新物業後，長遠來說，加大翻優質股的投入﹐去令財富組合回復平衡。

另外，你現時持有股票，都係有質素。但你要留意，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你現時明顯，係偏重左係銀行股，未來要加大其他行業股票佔比，去平衡翻個組合。

以下是一些適合你的股票，現價都在合理區，可分注入貨。

平穏增長股︰金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

現時大市只在合理區，資金唔好盡用。要留有部份，等大跌市出現時，可以用來掃貨。

------------------------------------------------

Q22115：

龔sir，我是你的學生，想就爸媽的情況請問你意見：

爸媽是退休公務員，60歲，有長俸(每人每月約$15,000)。他們持有一個單位，市值約$1,000萬。下年中他們將搬來跟我一起住，請問他們應該：

(1) 將樓放租，租金大概$20,000/月，每月$2,000管理費；或

(2) 將樓放賣，將部份所得資金(大概$700萬)換入保守投資股票組合，希望有4-5%年回報，換取現金流。

請問那個方案較適合他們的情況？如是(2)，請問除了港燈般的公用股，還有那些是最穩健的收息股？因為就算領展置富這些近年都比較波動，謝謝

龔成老師︰

你父母由於會跟你同住，所以無自住樓需要，其實用分法1和2去處理，都係可以。

若你父母透過長俸和租金收入，已經足以應付基本生活支出，我會建議一動不如一靜，用方法1就可以。

相反，若現時長俸金額和他們生活開支，係有一段距離，你就可以考慮用方法2。

另外，你可以考慮將層樓加按，套現部份資金，去買收息股(最好係方法1，不足夠支付生活才用)。

但由於借貸始終有一定風險，唔好按太多，大約2成左右好了。同時你要明白，這樣會令你父母負債增加，風險會增加。

另外，如果你投資的股票不幸股價下跌，你就會出現「賺息蝕價」，對你不利。

同時間，如果日後加息，又或你收息股的派息減少，都會令你得到的息差回報收窄，你的回報會減少。

你要從實際情況和風險中，取一個平衡的方法。

以下是一些有質素的收息股，給你作參考。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

領展(0823)都可以考慮，但因為佢都有一定增長力，所以股息率未必太高，你要留意這點。

我較建議方法（1）。

------------------------------------------------

Q22116：

我想請教，以收息股為例

我既3號仔，早前收左利息，我係咪應該將息做investment ，Otherwise 就achieve 唔到個compound effect ?謝謝你

龔成老師︰

其實複息效應，係分2部份。第一部份，係企業賺到錢，攞去再投資在業務上，創造更多盈利。

另一部份，就係你所講的派息。這部份，就要投資者，將這筆資金去再投資，去創造更多財富。

但如果你持有股數不多，收到股息可能較少，不足以買1手股票。你可以將這些股息先儲起，到有一定數量，目標股票價值又合理，就可以出手。

------------------------------------------------

Q22117：

龔成老師: 現時持股組合中，有1928金沙 $33.9買入，但擔憂政治風險影響續牌，以至可能帶來毀滅性打擊，

眼見880 澳博股價下跌不少，值博率上升，請問是否換馬較好?

龔成老師︰

金沙(1928)無論在賺錢能力、規模、物業質素和協同性等等，都係優於澳博(0880)。

現價計，雖然澳博值博率係較高。但長線計，金沙(1928)增長相信會較好，我比較建議用金沙，作為長線投資目標。

至於澳門賭牌問題，我係課堂上，都有課程的同學們分享過。簡單而言，佢成功續牌機會，會係較大。

------------------------------------------------

Q22118：

龔sir, 有事想請教你意見。我將會離職，公積金約有40萬可選擇取回或者繼續存放於景順，目前都係放高風險的100%環球股票基金。

僱主供款30萬幾（我唔洗供），而家收益9萬幾。

請問我應該選擇取回所有現金再作其他投資？（扣取放回MPF的錢之後應該還有28萬左右可以取回）還是應該先繼續放，等個市好啲再取出？（佢五年內再隨時取回）, 先謝

龔成老師︰

首先，你按翻人生財富配置就得，睇翻自己年齡情況，是否適合說基金的風險度。

另外，你可以睇翻隻基金表現和目標，去做決定。

例如投資的資產類別、投資策略、風險程度、市場、費用成本、以及過往的表現。

你可以睇佢過往5-10年，如果回報係比主要投資市場高，有機會值得繼續放在公積金戶口投資。

------------------------------------------------

Q22119：

老師，請問你有沒有覺得最近市況有點過熱，大市市值有點偏高？

我留意到HSI的市值已高達17倍，比以前一般10-12高出不少，另外一流的公司市值升很多不在話下，但連不少質素很好的2線公司都有2-3倍的升幅，

例如中國軟件，中遠海控，這情況令我擔心市場正在開始形成泡沫。

針對這種情況，我繼續保留質素很好的公司，但我應該把手上投資組合中質素一般的股票賣出，換成現金還是換成較好質素的股票比較好？

現在我有1百萬股票，1百萬現金，我希望5年後能夠增值成1千萬，跟隨老師你的步伐，請問我怎樣做才可以達成目標。感謝你的時間和思考，如果上面寫得不夠清楚，請見諒。

另外一提，在我只有十萬時看百萬富豪，給予我希望及目標，最終我得到百萬，果然意念成就事實。

現在，我正在看千萬富豪這本書，給予我新的目標，而且我已經不會再覺得是希望，而是信念，必定能做到的信念。

感謝你，這些都是因為老師影響到我。

我現在是創業，會計師樓老闆之一，算是正在做創富類的工作吧。

我想變得更好。

龔成老師︰

先恭喜你，達成首個理財目標，成為百萬富翁。

由於近期恆指加入不少新成份股，令到PE合理區，都作出相應調整。你預13倍左右，算係合理區底部。

中國軟件國際(0354)和中遠海控（1919）係貴，但整體大市依然算係合理區，暫時唔見有好明顯泡沫。

你持有優質的股票，應長線持有。但較一般的股票，若持有比重較多，可以考慮換碼至其他優質股

其實，我地投資股票，就等同投資一間企業。係要時間，比佢慢慢成長。一般希望做到架合理回報，係每年增長10-15%。

你現時這個目標，用5年將財富由200萬，增值至1000萬，用股票投資去做，風險會好大，較難達到。

其實，正如《80後千萬富翁》書中所講，要致富其實有5條路，投資只係其中之一。

而生意，都係其中一個出路。一盤生意打理得好，回報係可以遠超投資優質股，所以你想達至你的1000萬目標，可以先從自己盤生意著手。

若再用空閒資金，才用來投資優質股和物業，令財富組合更平衡，咁就可以。

如果你這筆100萬資金，係已經諗住預留去投資優質股。你可以先儲起，因為現時大市只在合理區，你可以等有明顯回調時，才用來慢慢分注入貨。

------------------------------------------------

Q22120：

老師，不知不覺就過左2年多没有message你, 其間我有睇你書及留意你facebook

亦成為我這幾年的鼓勵，現在有些問題想請教你意見, 我同男友想在明年初結婚, 我們都打算未來幾年內移民, 我們打算未來1-2年生BB,

我男友想買樓, 他會用大部份積蓄, 但我反而叫他租樓住, 因為咁様，cash flow會較多, 而且怕幾年後樓價會跌, 放樓也不容易, 一買一賣涉及很多費用, 又要用錢装修

我們這個情況, 你會有甚麼建議? 贊成我男友買樓嗎？還是盡量租樓, 留多d cash係手?

因政局常變, 而買樓有3年禁售期, 因為我才建議男友租樓, 但他不喜歡租, 只想買, 你意見如何? 這刻可怎樣為將來同移民打算?

龔成老師︰

過幾年樓市升跌，無人知。從自住角度，若你係有實際生活需要，而有"供得起"，置業都係可以。因為除了優質股，物業都係一種資產，都係可以幫到你累積財富。

較理想的情況，就係在置業同時，可以留有一定優質股係手，保持增值。令成個財富組合，唔會過於遍重物業，因而造成過度集中性風險。

但其實，你距離移民只有幾年時間,如果移民時，你可能不會保留任何香港資產，我就建議你地租屋會較好。

加上一買一賣的成本高，同時無人知樓市到時是高是低。

因為本身樓市有一定波動性，加上装修和買賣成本都高，還有額外印花稅等問題。為幾年生活，而去置業，未必真係值得。

你反而用移民前的幾年時間，將資金投資一些優質股，去幫你移民前做些增值，相信會較好。

而你男友想買樓，我估有機會係從投資角度出發。但其實現時樓市算略貴，整體租金回報率不高。投資值博率計，會係股市會較高。若他真的有從投資角度考慮，你可以提一提他這一點。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

0806新加坡聯合早報

*【Novavax冠病疫苗向美申請緊急使用授權再推遲】
美國製藥公司Novavax向美國申請冠病疫苗緊急使用授權的時間表再次推遲。路透社報導， Novavax預計將在今年內成為中低收入國家的主要冠病疫苗分銷商，該疫苗需要注射兩劑。Novavax此前表示，將在2021年第三季度向美國食品與藥物管理局（FDA）申請緊急使用授權，現在預計將推遲至第四季度提交申請。Novavax股價在盤後交易中下跌了約7%。
https://www.zaobao.com.sg/realtime/world/story20210806-1178573

*【布林肯：美國將撥50萬美元 支援東協國家購買疫苗】
美國國務卿布林肯強調，美國會致力於引領全球應對冠病疫情，並宣佈將為東協應對冠病疫情基金提供50萬美元，以支援東協國家購買冠病疫苗。
https://www.zaobao.com.sg/news/world/story20210806-1178486

*【白宮證實考慮要求外國旅客出示冠病疫苗證明】
美國白宮證實，正在考慮要求外國旅客出示冠病疫苗接種證明，以便重啟國際旅行。路透社報導，美國白宮冠病疫情應對協調員齊恩茨表示，一個跨機構工作組正在制定相關計畫，可能會要求外國公民提供某種冠病疫苗接種證明。由於Delta變種冠病病毒正在擴散，美國政府依然沒有恢復國際旅行的時間表。
https://www.zaobao.com.sg/realtime/world/story20210806-1178565

*【莫德納：第二劑疫苗接種六個月後有效率達93%】
冠病疫苗製造商莫德納表示，其疫苗在注射第二劑後4至6個月內的有效性約有93%，與最初臨床試驗中報告的94%有效性接近。莫德納週四發表聲明，稱後期研究最終分析結果顯示，接種者完成標準的兩劑疫苗接種後，疫苗保護力能長期保持穩定。93%的有效性與94%的初步效力相差無幾。據報導，冠病疫苗有效性可能逐步減退的擔憂引發了接種加強劑的辯論。一些國家已經開始向脆弱人群提供第三劑疫苗，但是世衛組織秘書長譚德塞則呼籲，在發展中國家更多人完成接種前，應暫緩提供加強劑。
https://www.zaobao.com.sg/realtime/world/story20210805-1178421

*【讓窮國接種率儘快趕上 世衛籲各國暫停接種冠病疫苗加強劑】
世界衛生組織呼籲各國暫停接種冠病疫苗加強劑，好讓窮國在接種率方面能夠儘快趕上。不過，美國、德國、法國及以色列都表態拒絕世衛的要求。美國尚未決定是否追加接種冠病疫苗，但法國及德國將從9月開始為抵抗力弱及年長者追加第三劑疫苗接種，而以色列則呼籲年長者注射第三劑疫苗。
https://www.zaobao.com.sg/news/world/story20210806-1178492

*【法最高法院批准擴大健康通行證適用範圍】
法國最高法院憲法委員會批准政府提交的“健康通行證”法案部分內容，允許擴大健康通行證適用範圍等，以應對新一波冠病疫情。
https://www.zaobao.com.sg/realtime/world/story20210806-1178561

*【馬克洪：老年人和弱勢群體或可在9月注射第三劑冠病疫苗】
法國總統馬克洪表示，老年人和弱勢群體很可能需要注射第三劑冠病疫苗，而法國正在努力從9月起推出這項接種計畫。
https://www.zaobao.com.sg/realtime/world/story20210805-1178400

*【印尼經濟一年多來首次增長 分析師：復甦或只是曇花一現】
印尼經濟今年第二季回彈，一年多來首次出現增長。不過分析師警告，隨著冠病疫情加劇，確診病例激增，經濟復甦可能只是曇花一現。印尼中央統計局公佈，該國經濟在4月至6月的季度與去年同期相比增長7.07％。這一數字高於印尼央行先前預測的6.75％。
https://www.zaobao.com.sg/news/sea/story20210806-1178470

*【馬國單日新增病例首次超過2萬起 慕尤丁：將放寬對已接種者防疫管制】
馬來西亞冠病新增病例5日再攀高，達到2萬零596起。不過，當局宣佈不再以每日新增病例作為評估八個州屬是否進一步放寬防疫管制的標準。首相慕尤丁則說，他將在今天或明天宣佈放寬對完成接種兩劑疫苗者的防疫管制。
https://www.zaobao.com.sg/news/sea/story20210806-1178465

*【泰國死亡與確診病例持續上升 停屍間爆滿得租集裝箱應急】
泰國新增確診病例4日首次達2萬起，週四再度邁過這個大關，並新增死亡病例160起，使累計死例增至5663起。在曼谷以北的國立法政大學醫院，停屍間已經爆滿，院方必須租用特別集裝箱來存放冠病死者遺體。
https://www.zaobao.com.sg/news/sea/story20210806-1178469

*【世衛：非洲冠病死亡病例7月未破紀錄】
世界衛生組織表示，截至8月1日的過去一周，非洲與冠病有關的死亡人數達到了創紀錄的高峰。世衛組織在一份聲明中說，非洲在該時間段記錄的死亡人數超過6400人，與前一周相比增加了2%。其中，南非和突尼斯占總死亡人數的55%以上。世衛補充說，非洲大陸15個國家的死亡趨勢正在上升。
https://www.zaobao.com.sg/realtime/world/story20210805-1178423

*【東京新增逾5000起新冠病病例 達單日最高增幅】
日本東京新增超過5000起冠病確診病例，達疫情爆發以來單日最大增幅。日本放送協會報導，消息人士透露，東京報告新增5042起冠病確診病例，為疫情開始以來的單日最大增幅，也是首次單日新增超過5000起。另外，全日本週四也新增超過1萬5000起新冠病病例，達該國單日最高增幅。
https://www.zaobao.com.sg/realtime/world/story20210805-1178404

*【中國新增本土確診病例80例涉七省】
中國昨天新增冠病本土確診病例80例，包括江蘇61例，湖南九例，湖北六例，內蒙古一例，河南一例，海南一例，雲南一例。根據中國國家衛健委網站消息，昨天還新增無症狀感染者58例，其中本土21例，包括湖北12例，河南八例，湖南一例。
https://www.zaobao.com.sg/realtime/china/story20210806-1178584

*【廣東以外省份赴港者須持三天內核酸證明】
香港政府公佈從大陸、澳門及臺灣赴港者的檢疫及冠病檢測最新安排，包括增加強制檢測次數等。來自中國大陸、澳門及臺灣的抵港者，增加抵港後第9、16和19天的強制檢測，即連同早前已規定的檢測日數，共要接受最少六次檢測。新增強制檢測要求適用於所有於8月4日或以後抵港者（包括通過“回港易”回港的人）。
https://www.zaobao.com.sg/realtime/china/story20210806-1178563

*【中國宣佈今年將努力向全球提供20億劑疫苗】
中國國家主席習近平宣佈，中國將在今年努力向全球提供20億劑冠病疫苗，並決定向冠病疫苗實施計畫（COVAX）捐贈1億美元，用於向發展中國家分配疫苗。
https://www.zaobao.com.sg/realtime/china/story20210806-1178579

*【科興將提交Delta毒株疫苗緊急使用申請】
中國最早進入附條件上市的兩家冠病滅活疫苗公司，科興和中生已開展對Delta變異株的疫苗研發。其中科興還將提交針對Delta株的克爾來福的緊急使用申請。
https://www.zaobao.com.sg/realtime/china/story20210806-1178577

*【拜登簽署備忘錄 對部分港人提供“延期強制離境”庇護】
美國總統拜登簽署備忘錄，對部分滯留美國的港人提供“延期強制離境”庇護。中國外交部駐港公署譴責美國的做法，並指美國惺惺作態提供避風港。
https://www.zaobao.com.sg/realtime/china/story20210806-1178564

*【拜登定2030年零排放汽車銷量占比50%目標】
美國總統拜登簽署一項行政命令，旨在實現2030年零排放汽車占新車總銷量的50%，並提出直到2026年的新車排放規則以減少污染。拜登在白宮南草坪簽署該行政命令時強調，其政府將採取措施加強美國在清潔能源汽車和卡車方面的領導地位。拜登的目標沒有法律約束力，但贏得了美國和外國主要汽車製造商的支持，但它們表示，要實現這個目標，需要數十億美元的政府資金。
https://www.zaobao.com.sg/realtime/world/story20210806-1178562

*【研究：11西方高收入國家之中 美衛生保健系統表現最差】
英聯邦基金會發表一份研究報告，比較包括美國在內的11個西方高收入國家的衛生保健系統表現，結果顯示，美國排名再次倒數第一。
https://www.zaobao.com.sg/news/world/story20210806-1178490

*【泰國崗卡章森林綜合體 獲列為世界文化遺產】
聯合國教科文組織世界遺產委員會近日將泰國位於泰緬邊境的崗卡章森林綜合體納入世界文化遺產名錄，然而先前聯合國人權專家卻指出，在該國家公園生活的克倫族人的人權正遭受侵害。
https://www.zaobao.com.sg/news/sea/story20210806-1178468

*【美國淘金老鎮在加州最大山火中化為灰燼】
美國加利福尼亞州一個歷史悠久的淘金小鎮遭山火夷為平地。橫貫加州的內華達山脈正遭到歷來最大山火的肆虐，近1萬6000人疏散。加州格林維爾鎮（Greenville）官員拉瑪法在臉書發佈視頻說：“我們今晚失去了格林維爾……我非常心痛這裡的人們正在經歷的一切。”
https://www.zaobao.com.sg/realtime/world/story20210806-1178581

*【印太司令：美軍要確保 亞太地區包括台海保持現狀】
美國印太司令阿奎利諾上將4日說，美軍在印太地區的重要任務是確保亞太地區，包括臺灣海峽的現狀得以保持。他還說，中國大陸在香港、新疆、中印邊境，以及南中國海等地區的做法令美軍擔憂，也讓他有一種緊迫感必須對中國實施“一體化威懾”。
https://www.zaobao.com.sg/news/world/story20210806-1178491

*【貝魯特港大爆炸一周年 民眾示威要求查明真相】
黎巴嫩首都貝魯特港口去年8月4日發生大爆炸，造成至少218死、7000人傷。週三（4日）是大爆炸發生一周年，貝魯特成千上萬民眾上街示威，要求查明真相，並敦促政府問責下臺。
https://www.zaobao.com.sg/news/world/story20210806-1178487

*【伊朗新任總統宣誓就職】
伊朗邁赫爾通訊社報導，根據伊朗憲法，萊希週四（5日）在議會公開宣誓就任總，並在伊朗司法總監和憲法監護委員會成員面前簽署宣誓檔。受到疫情影響，就職典禮將比以往更加簡短，阿富汗總統加尼、伊拉克總統巴爾哈姆、委內瑞拉副總統羅德里格斯等70多個國家的代表出席。
https://www.zaobao.com.sg/realtime/world/story20210805-1178434

*【白羅斯總統要求關閉西南部邊界 杜絕非法移民活動】
為避免非法移民使用白羅斯為跳板到歐洲鄰國，白羅斯總統盧卡申科要求關閉西南部邊界。盧卡申科在舉行邊境局勢會議上說，即日起，無論是從西邊還是南邊，鄰國來的人不能踏入白羅斯國境。此次會議後將進行討論，“關閉每一米邊界”。盧卡申科說，非法移民希望從白羅斯前往鄰國，鄰國已經開始採取措施，遣返入境的非法移民。“白羅斯應該避免非法移民被遣送回來”。
https://www.zaobao.com.sg/realtime/world/story20210805-1178431

*【拒回國白羅斯短跑女將：很高興處於安全狀態】
被強制送回國而拒絕登機的白羅斯短跑女將Krystsina Tsimanouskaya在抵達波蘭一天後表示“很高興處於安全狀態”。法新社報導，24歲克莉絲蒂娜4日離開東京，登上了前往奧地利首都維也納的班機。她之後從維也納進入波蘭首都華沙。
https://www.zaobao.com.sg/realtime/world/story20210805-1178426

*【委內瑞拉貨幣嚴重貶值 宣佈發行新鈔票“砍六零“】
委內瑞拉中央銀行將從受通貨膨脹困擾的貨幣玻利瓦爾省“砍掉六個零”，以使其更容易使用。這一變化將於10月1日隨著新鈔票的發行而生效。法新社報導，馬杜羅總統領導左派政府的中央銀行說："所有以國家銀行發行的貨幣金額將被除以100萬。”他說，這一舉措的目的是為了 “促進”玻利瓦爾省的使用。據報導，這個曾經富裕的石油生產國正在經歷其第四年的惡性通貨膨脹和第八年的經濟衰退。從今年1月至5月，該國的物品價格已經上漲了265%。
https://www.zaobao.com.sg/realtime/world/story20210805-1178429

*【韓美聯合軍演規模或將縮小】
韓聯社報導，韓國國防部發言人夫勝粲在例行記者會上表示，韓美國防部正在對下半年聯合軍演的時間、規模和形式等細節進行協調溝通。鑒於冠病疫情等情況，演習規模或將縮小。據悉，韓美軍方計畫於8月10日至13日舉行危機管理參謀訓練，於8月16日至26日舉行下半年聯合指揮所演習。青瓦台核心人士透露，總統文在寅4日接受國防工作報告時指示，綜合考慮疫情形勢等各種因素，與美方就聯演慎重進行協調。
https://www.zaobao.com.sg/realtime/world/story20210805-1178419

【龔成問答信箱】（Q21701-Q21720）

Q21701：

你好，龔老師，我是你的學生，我想通過比較同行PE來預測#1448福壽園的合理P/E範圍。

#922 安賢園，#1448福壽園，#6966中國萬桐園最近5年P/E範圍分別為2-47， 25-31， 9-22。

#6966中國萬桐園成交量少，2020年度平均成交量93萬，有76日更是0成交量，收入捨棄2019年有一個客戶貢獻2400萬的收入的因素（因為2020年已經不再有這個收入），

其收入維持穩定不變，i.e. 無增長，但其5年內P/E範圍可達9-22， 是否代表市場對這股票過於樂觀，高估其價值，

成交量少另我擔心這股票是否可以賣出或者其P/E是否可參考。

對比#922 安賢園，其收入每年都有上升，但P/E每年下降，甚至只有3倍P/E， 遠遠低於#6966中國萬桐園和#1448福壽園，請問是否代表市場對這股票過於悲觀，相較之下為何有這麼低P/E.

以上，個人簡單分析似乎都得不出可靠的P/E 範圍，請老師指教本人分析是否有誤， 對於#1448福壽園的合理P/E範圍，是否只能參考其自己的歷史P/E範圍，行業內P/E 無法參考？感謝賜教。

龔成老師︰

我地係計算行業PE在參考時，數據除了要係集中在同業，更重要係一些質素相近，甚至盈利規模等等，都接近的企業。

中國萬桐園(6966)和安賢園(0922)規模好細，品牌優勢、市佔都明顯不及龍頭企業福壽園(1448)，作比較價值不高。

因此，你可以集中翻用集團歷史市盈率去做參考。2014-21年中間4年市盈率，大約為27.5 - 30倍。

但由於近年中國政府，對行業有不少新指引，主要方向都係控制價值，避免殯儀業相關產品和服務，出現定價過高情況。相信未來，殯儀業盈利會回到較合理水平。

因此，個市盈率都要打折，你預大約15 - 20倍（當然，這數有主觀成份）。

至於每股盈利，我地可以用較近的5年平均數，再加這5年的年均增長率(約16%)去做參考，大約係HKD$0.374。

你預合理價格，大約係HKD5.6 - 7.5。

雖然增長力弱左，但由於佢本身係行業龍頭，有一定質素。而且行業市佔好分散，令佢有很大潛在發展空間，故依然係一隻相當有潛力的股票。

現價在合理區頂，無貨可小注。

------------------------------------------------

Q21702：

多謝你，你好有heart. 股票班最後一堂基礎班，聽你分享聽到眼濕濕，不過我同意，沒有捷徑，只有努力。

一兩年前，我未上你基礎班前開始睇你的本書和Facebook（未睇其他幾本），睇你解答學生或任何人的問題，解答得清楚唔馬虎，開始買月供股，每個月供一萬蚊，再一份full time 一份part time teaching教三日書，一星期做六日，過程是辛苦但有回報。

上年我終於儲夠錢去加拿大讀書，有幸在下個月走之前能完成你的基礎課程。感謝。

我下一個目標是五年後在加拿大買樓，我會帶埋啲note 去認真再溫習。多謝。安好！

龔成老師：

太好了，你都完成了「儲夠錢去加拿大讀書」的目標，之後就要完成加拿大買樓目標。

我相信每個人都有佢想做的事，可惜一般人會面對現實而放棄，但我唔會，我都希望你能堅持。

希望你過左加拿大，都會保持研究股票，應用課程所學，加油！期待你好快同我讀完成買樓目標！

------------------------------------------------

Q21703：

老師您好，早前買入了1833 平安好醫生 $94.25 @500股，怎知買入後一直跌不停，每天都先升後回，連跌十多天，是否需要訂立止蝕位？

每天看著其他股（例如阿里健康京東健康都是升的），很想賣掉，但一賣掉又立即蝕錢，現在我是否應該不理會股價，待他慢慢回升？

我本來看好平安好醫生的前景，但每天看到股價不斷下跌，有點氣餒及害怕自己判斷錯誤

龔成老師：

有時同一行業，由於企業的發展不同，股價表現都會不同，而我地最重要是集中該企業的分析。

平安好醫生（1833）長遠有發展力。只要你持貨不過多，可持有。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區頂，但好波動。

------------------------------------------------

Q21704：

阿sir,再問下你，你認為做地產經紀算唔算係創富嘅一樣野？同埋想問如果真係做得起，又算唔算係一個專家嘅項目？

睇左大半本千萬富翁，我應該試下先？

講返少少我背景，我30歲，得毅進證書，本來一心諗住讀完去考政府工，但睇完本千萬富翁就覺得係咪應該試下做銷售？

我現金同股票大約有2m,股票約1.1m，近來亦發現左一個直銷嘅機會（岩岩開始左半個月），雖然初期回報唔高，不過相信做幾年都有一定可觀回報（因為可以靠下線去幫賺佣金，令自己有一個銷售團隊）

其實有嘅儲備夠我捱到起碼幾年嘅時間，只不過我好怕做左地產會冇收入（唔知成交易唔易，同埋搵客可能好耐先有一位肯成交）

雖然我支出唔算大（大約每月8000-10000），不過都係有少少擔心入不敷支

龔成老師：

正如《80後千萬富翁》所講，地產類晨創富的其中一個方法，而當中不少職業，如地產經紀，都是可以突破的職業，你可以考慮下。

至於是否發展成專家，可以的，但要求你的條件更高，不是不可，但起碼要成為一個專業的地產經紀先。

你要有心理準備，的確有可能有一段時收入不高，但如果你的決心大，我會鼓勵一試。當然，你可以先儲多少少錢，等你較安心，之後先入行。

你30歲是黃金年齡，但就睇你決心有多大！

------------------------------------------------

Q21705：

本人31歲，因患有情緒病導致未能長時間工作，只能半職，每月6000蚊，我想請教……

1）31歲先學理財及投資會否太遲？

2）可以有咩理財嘅方法？

3）如果每個月只能拎出1000-1500蚊，可以點樣投資？
感謝龔成老師

龔成老師：

1）有心唔怕遲，你現時仍是好年青的時期，是累積財富的黃金期，絕對可以開始。

2）我不清楚的情緒病的因素，但我怕投資市場上落大，你會有較大的心理壓力，因此，如果投資股票，就要好好想清楚是否適合自己，如果自己較怕風險，就不要強行投資股票。

3）你可以投資一些較低風險的產品，例如銀行的月供計劃，買一些低風險類別（當然回報未必高）。

如果你能承受風險，就考慮每月供$1000盈富（2800）。

同時，你要留到一定的現金。

理財要一步步，不要急，從基本的儲蓄著手。

------------------------------------------------

Q21706：

老師你好，請問1686新意網你有咩看法？

另外再想請教2138醫思健康，有潛力嗎？

龔成老師：

新意網集團（1686）主要提供數據中心、設施管理、網上應用及增值服務，系統之安裝及保養服務。

行業長遠發展正面，佢已經做到全港最大，加上行業的需求不斷增長，對佢長遠都有正面影響。佢過往生意與盈利保持增長，財務數據正面。

這股有投資價值，不過現價就唔算平，大約在合理區頂至略貴。如投資，小注分注都可。如本身有貨，可長線。

香港醫思醫療集團（2138）主要以ＤＲ　ＲＥＢＯＲＮ品牌提供醫學美容服務。企業都有質素的。

（１）醫療服務：包括整形外科手術、微整形療程及由集團醫生操作的能量儀器療程及一般診症服務，以及牙科（ＯＮＥ　ＤＥＮＴＡＬ及ＯＮＥ　ＤＥＮＴＡＬ　ＰＬＵＳ品牌）、中醫及眼科服務。

（２）準醫療服務：包括由已接受培訓的治療師操作的能量儀器療程，該等治療師已完成集團醫生主導的內部
強制性培訓。

（３）傳統美容服務：包括面部護理、按摩以及其他無創療程。

（４）護膚及美容產品：主要為集團的自家品牌寶特曼娜及瑞研雅。

業務發展不差，長遠有增長力，不過業務中短期會有少少波動。現價合理區頂至略貴。

------------------------------------------------

Q21707：

老師請問我這九隻股票能夠長期月供?
2、823、3、6、1038、6823、66、11、2800

剛剛供了兩個月，從朋友口中得知老師的Facebook，所以想請教一下，每隻每月供10,000，目標10年一千萬作收利息退休用

希望老師能指點指點，小弟只期望效果係保本及收利息，方法可行嗎？

龔成老師︰

首先你要明白，若你目標係保本及收利息，定期存款會較合適。

因為，就算再優質和保守的股票，都會有價格波動，只是個波動會較少，唔會完全無，唔會去到保本的地步。

若你可以承受少少價格波動風險，你可以用收息股，去作為月供目標。

你現時月供股票，都係有質素。你每月可以儲$90,000，基本上，就算沒有增長，10年後都能累積到1000萬。

你組合當中領展(0823)、盈富(2800)、煤氣(0003)、港鐵(0066)息率唔算高，但有基本增長力，所以波動性會有少少比純收息股為高。

若你不想承受這程度風險，你可以將這4隻平穏增長股，轉為其他收息股。

以下是一些較優質收息股，佢地主要係收息，波動性唔會好高。但因為始終係股票，價格波動點都會有，你可以從中選擇。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

------------------------------------------------

Q21708：

你好老師 我係最近follow你既讀者 想請教下你有關投資既問題。

本人呢十年一直係外國 所以現時只係通過某cfd平台買賣港股同美股。

本人收入同財產如下

28歲 工作收入： 20000港幣/月左右

副業： 3400 港幣/月左右

有一層唔需要供既樓正在出租： 租金收入 扣曬所以開支大約有4500港幣/月左右 （樓可以賣 而家大約值190-200萬hkd）

每月必要開支： 供自住樓連水電上網 大約21000/月左右

老婆現時收入 17000/月左右

但老婆仲有三個月左右就生，所以之後會無咩收入 或者轉做全職家庭主婦

現金流而家有35萬左右

最近幾個月先開始有做小小投資, 所以唔係好多錢入左股票, 而且比較雜

大約如下

美股
Tesla - 3000usd @ 601
Berkshire hathaway 1000usd @ 286
Baidu - 640usd @ 270
Apple - 500 usd @ 134.5
Microsoft - 500 usd @258.7

港股
9988 - 1150usd @ 213.99
700 - 985usd @ 635.5
00388 - 一手 @ 460 （屋企人代買）
0968 - 一手 @ 14.5 （屋企人代買）

目標：

1. 如你所見 如果老婆唔做野既話 基本上會頂得好辛苦 因此想睇下有咩投資組合可以減輕小小之後既經濟壓力

2. 希望投資平穩有儲錢功能既股票 主要係抗通漲又可以跑贏小小就好（我個平台買唔到2800， 唔知咩原因⋯)

3. 有睇開 比亞迪 但係一直都好高唔夠膽買 最近好似回落左d 想請問一下你認為大約幾錢左右入手會比較合理？

4. 有睇過d高息股 例如中電, 領展, 中銀 同 中移動. 當中得中移動個股價有所回落。 呢幾間值唔值得月供長渣？

5. 700, 9988 係想當潛力股咁買 但買完都係一直咁跌 而家呢個價位應該再入手嗎？

6. 間樓係可以賣 因為而家計落回報率唔夠3% 好似好雞肋咁 如果真係賣左有190-200萬現金 你會建議點樣去投資好？

7. 其實美股同港股既玩法會唔會有好大差別？ 我而家投資左一陣就覺得美股上落差比港股大同密, 但除此之外 我唔太清楚有咩分別

可能一次過問得太多問題， 唔好意思。 唔該曬老師。

龔成老師︰

1) 以你28歲，我一般建議先做好增值部份。之後，到累積到有一定財富，才慢慢換成提供現金流的收息資產。

但由於你預計將來一段長時間，家庭開支壓力會唔細，希望透過投資去加大每月現金流，作為幫補。

因此我建議你新資金，集中投資一些「平穏增長股」 。佢地增長力唔係最高，但都會有平穏增長，而且會有一定派息，可以幫補你生活上支出。

但你唔好預好多，大約3-4%股息率左右。但相信這個方法，較可以平衡你增值需要，和家庭支出壓力。

2) 上述平穏增長股，已可以做到你要效果，若你買不到盈富(2800)，你可以買其他幾隻。只要平衡咁買，唔好太集中個別1,2隻，咁就可以了。

3) 比亞迪(1211)若要直接買，你預$120才算合理區頂，才可小注。若你係月供，現價開始係無問題。

但這隻是潛力股，派息好少，而且你預要持有一段較長時間，去讓等它自然增值。以你狀況，未必適宜持有太多。

4) 這幾隻都可以，但中電(0002)和中移動(0941)係純收息股，佢派息普遍會比平穏增長股多，但增長力好弱，係佢缺點。

而領展(0823)和中銀(2388)，就係有上面講的平穏增長股。

這4隻你都可以投資，現價都合理，可以分注。你要自己從「現金流」和「增值」2者間，作出一個平衡。

5) 首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔洗理。

這2隻股票，依然係有質素。阿里(9988)算係合理區中上，而騰訊（0700）則是合理區頂，由於你有貨在手，建議有明顯回調，才再加注。

同埋，你預這2隻股票較波動。佢地增長潛力強，但派息係極少，甚至係無。以你現時情況，不建議持有太多。

6) 以香港物業回報來計，接近3%算係可接受的回報率(若你物業在海外，則作別論)。由於出售物業，都有一定成本。

物業本身是一種資產，同優質股一樣，都具有增值能力。而且佢能提供穏定現金流，對減輕你生活開支壓力，都有幫助。

記住，我地財富增值組合，除了講質素外，都講平衡性，唔可以偏晒係股票類。若你物業係有質素，其實持有係無問題。

若你最終覺得，都係沽出物業較好。這筆資金，你都可以用來投資「平穏增長股」。

當然，你唔一定要100%去投資落「平穏增長股」。

若你想增值能力高少少﹐你可以加入一些「潛力股」。相反，你希望創造多一點現金流，去減低生活開支壓力，則可以加一些「收息股」在組合內。

潛力股︰比亞迪(1211)、中生(1177)、福壽園(1448)、安碩恒生科技(3067)、港交所(0388)、阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

現時大市只是合理區，200萬資金可以先投入一半，用"分注"形式，慢慢買貨。餘下一半就等大市出現一定程度的下跌，才大力度掃貨，然後長線投資。

另外，由於你就快有小朋友出世，預期有一定額外洗費。加上你太太短期內不能工作，你要先預留半年左右開支，作為應急之用，才開始投資計劃，會較為穏當。

7) 其實投資港股定美股，個重點都係睇企業質素。若有質素，我地再從佢平貴，組合平衡性、是否適合自己投資策略等，去定買入計劃﹐咁就可以了。

------------------------------------------------

Q21709：

你好 最近4.53買左隻1571 13000股 系做汽車內飾既本身覺得隻股手頭有大約5年訂單 而且還多左tesla 蔚來 同小鵬汽車既訂單

埋e加好多汽車，電動車既既第一季季報出左出貨量都仲系增加緊，買果陣市盈率得11倍左右。但得四離多利息，

本身預佢疫情過後，會隨住電動車既增長而增長。同資本開資慢慢減少派息都越來越多，未來一兩年內有豐厚既收益，

但e加大跌到3.96我開始懷疑我買貴左好多，請問我仲keep 唔keep得過？

龔成老師︰

當我地進行企業分析時，要睇一些長期因素，中短期情況不要太過著重，要睇核心。同時在估值上，市盈率低過10倍不一定平，每間企業都有佢自己合理的市盈率，如果企業本身獨特性唔夠強，就未必值得高市盈率。

信邦控股 (1571)業務主要係為中國供應載客車輛的汽車內飾電鍍零件。

業務上，佢都算有投資價值。但睇翻佢過去1,2年表現，未見好突出，唔算好受惠於新能車發展。

初步睇佢都有投資價值，但只是中等。現價算合理區頂位，你投資此股，但若持貨太多，建議沽部份，去平衡風險較好。

------------------------------------------------

Q21710：

老師你好，本人42歲, 月入$25000現金約50萬, 持有以下股票︰

0012 - 1000 @27.90
6823 – 1000 @10
0003 – 1000 @11.5
0002 - 500 @70.5
0016 – 500 @99.95

1833 – 200 @80.7
2382 – 300 @193.4
9988 – 200 @244.5
3067 – 600 @17.7

1928 – 1200 @37
1810 – 2000 @23.7
388 - 200 @469.7
6993 - 2000 @11.92

另月供盈富$2500現大約有1850股及領展 $1500, 約360股

請問以上組合可以嗎? 不同股票會否持有太多，如想加貨應該加那一隻。我收入不多有機會做到財務自由嗎? 有何策略?

謝謝解答

龔成老師︰

其實每個人財務自由定義都不同，你睇翻你自己目標。

但相同地方是，大家都要透過財富增值，先去累積一筆資金。到有一定金額，就換成收息資產去創造現金流，去達成這個財務自由目標。

我們運用的方法，就是「先增值，後現金流」，其實你這刻年齡未大，應該著重財富的增值，到了一定的年齡及擁有一定財富後，才將持有的財富，配置到現金流類別，利用現金流去達到財務自由。當你的被動收入，大過基本支出時，就稱為財富自由。

你現時持有股票，都係有質素，都適合你。

但比重上，有少少偏重左係潛力股(1833, 2382, 9988, 3067, 1810, 0388)，令組合風險偏高。

但由於佢地都有質素，而且唔好高左好多。你只要新資金，集中翻係平穏增長股，令潛力股比重慢慢回落至4成，就可以。

現時大市只在合理區，你月供部份無問題、照做就可以。但最好每月除了月供外，都有一定資金可以儲蓄。

而這些儲蓄，就連同50萬一齊等大跌市機會，才出手掃貨，並長線持有。

------------------------------------------------

Q21711：

龔 sir, 近來開始睇你的FB及書，了解更多理財知識，獲益良多，現請教怎樣步處退休安排。本人预期下年退休， 有物業自住及資產如下:

現金: 約300萬

股票:
煤氣 17,000 股
中銀香港 2,000 股
港鐵 1,000 股
海爾智家 1,400 股

請問怎樣安排可達至每月有現金流$12,000 - $15,000?

可否月供收息股加少許潛力股，如 3067?

感激萬分

龔成老師︰

如果你希望退休後，每月有1.5萬蚊現金流，以股息率6%計，你需要本金300萬。

因此，你現時資金，基本上數字已足夠達至退休目標。

由於你退休所需資金己經存在，其實你已可以為你退休組合，開始進行配置。

至於你現時持有的股票，基本上都有質素，而煤氣（0003）、港鐵（0066）、中銀（2388），雖然未算完全的收息股類股，但風險不高，都可留在退休組合。

另外，你可以將這$300萬，分成5部分。

第一部分投資收息股，你可以建立一個收息股組合，你可考慮港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

至於現有持股和你提議的安碩恒生科技(3067)，雖然有質素，但由於佢地作用主要係增值。而作為退休人士的你，增值已經不太重要，重點反而係創造穏定現金流。

所以，你可以開始慢慢將現有持股，換碼至收息股中，去增大你組合產出現金流的能力。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。

你可以將$300萬資金，平衡地分配在上述的項目上，對你來說是最好平衡風險，同時有穩定的現金流。

------------------------------------------------

Q21712：

Hello. 睇完你的選股勝經及股票勝經後. 發現自己有幾隻股票 係因為人性因數而買入而非理性分析.

例如美團3690 係240 有一手. 後來經估值後 PE合理區間為 $132 - $240 左右. DCF 方法為 $167 - 213. 對於重新檢視後發現 因為買入在昂貴區,

我地應該點樣應對? 我明白買賣在於企業本身的質素. 但考慮整體組合, 我應該持有定出售，去張資金放入另外有經分析過又合理區下的股票?

龔成老師︰

我地投資一隻股票前，必需先做好分析和估值，之後出手，才算正確方法。

但由於你已買入，我地就應審視翻，這隻股票有無質素，去決定是否持有。因為已買入，所以重點已經係睇質素，買貴左，定平左，而一刻唔會係我地持有與否的理由。

若分析後，發現此股係有質素。我地就要了解，佢是否適合我地成個財富配置。

以美團(3690)為例，佢係潛力股類，但不確定性較高。若你係退休人士，就不適合持有，有質素都要沽。

若你係年青人，這股適合。但佢佔你組合比重好高，我地就要沽少少，去平衡個風險。

美團本身係有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，之前明顯貴，之後回翻好少少，大約合理區頂至略貴。

你持有此股係可以，但此股暫時不宜太大注。

------------------------------------------------

Q21713：

老師，我男朋友之前入左4手中國碳中和(1372)，在5.5買入，你覺得這股票有前景嗎，長線持有可以嗎？謝謝你

另外，我都睇好新能源股，老師對於大唐新能源01798有咩看法？可以分注吸納長線持有嗎？

龔成老師︰

中國碳中和(1372)主要在香港從事土木工程項目、樓宇建造和保養；以及開發、生產及銷售汽車發動機。

企業規模唔算好大，股價、營業額和盈利都十分波動。過去有多年出現虧損，加上過去幾年，核數師都比出「無保留意見 (修定報告)」

雖然唔一定有問題，但我地對這類股票，就要保守少少。

整體而言，此股投資價值不高，你勉強可以好小注持有。但長線計，換至其他優質股較好。

大唐新能源（1798）主要在中國專注於風電項目的開發、管理及營運。

佢要從事風電等新能源的開發、投資、建設與管理，低碳技術的研發、應用與推廣，新能源相關設備的研製、銷售、檢測與維修等，與新能源業務相關的培訓、諮詢服務，以及房屋出租。

過往的業務發展不差，長遠都有投資價值，不過規模較細。現價合理區中上部，可分注，但唔建議投資太大注。

------------------------------------------------

Q21714：

Sir：這些年來不斷看老師的書和 Facebook post，使我的理財和投資知識增長不少。

今次想請老師你看看我的投資組合，給予我一些意見。

我現年27歲，全職+freelance月入為$3萬至$3.5萬，扣除開支每月可儲約$2萬元。

目標在5年後Full Pay買入市值$300萬以下的村屋單位自住，並於40歲前財務自由過半退休生活。

現時手持$20萬現金和總值約$40萬股票，組合如下：

2 中電 117 @$74.89
5 匯豐 835 @$43.83
66 港鐵 257 @$42.10
1810 小米 1000@$26.54
2800 盈富 363 @$27.19
9988 阿里 1036@$250.36
ARKK 27@USD$140.46
TSM 34@USD$125.93
PYPL 10@USD$253.40

中電、匯豐、港鐵和盈富月供$2000，阿里就$3000。

因為尚算年輕，所以股票組合側重於增長股。最近科技股回調不少，雖然有時會因而感到憂慮，但憂慮過後明白波動只是一時，應該把目光放遠。

比較擔心的是ARKK，高位買入太多了，現正盤算是否應全數賣出轉做現金，然後等待時機買入VOO，還是在低位時再加貨？

老師認為我的組合還有其他地方需要作出調整嗎？

另外，我正考慮購買儲蓄保險/年金，希望40歲後有固定收入/一筆錢用作日常開支，你認為儲蓄保險還是年金會比較適合我？

老師對我的40歲前財務自由計劃還有其他意見嗎？
Thanks!

龔成老師︰

不論是置業，還是你財務自由目標，都尚有一定時間，係而一刻我地應先做去增值部份，累積一筆財富，為這2個目標作準備。

你現時持股和月供選股，都係有質素。但中電(0002)和匯控(0005)主要係收息，增長力唔高，不宜持有太多。

而儲蓄保險和年金，這類產品，都不太適合用於財富增值。

以你現時27歲去計，可以投資「平穏增長股」和「潛力股」。你每月5成儲蓄，即是用$10000做月供。其餘先儲起，用一邊月供一邊儲蓄的策略。

選股上，除了盈富(2800)和港鐵（0066）這類平穏增長股，你都可以投資同是平穏增長股的VVO、金沙（1928）、恆基（0012）、平安(2318)、中銀（2388）、煤氣(0003)、長建(1038)、粵海(0270)、領展(0823)。

潛力股可選安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

餘下的另一半儲蓄和$20萬現金，我地就等機會，當大市出現較大回調，就加大力度掃貨，然後作長線投資。

至於ARKK，係有質素。但你預佢股價較波動，係潛力股類，要控制整體注碼。但現貨唔洗沽，長線持有就可以。

我假設投資回報有10%（連股息再投資），你每月投資$20000 + 現有資產60萬(現金和持股)，5年後大約會增值至240萬。

但我唔建議你用FULL PAY去買屋，因為現時係低息環境。若你有一定投資知識，應用借貨模式買入物業，以便留下較多資金去做增值。

假設你動用一半資金去置業，之後再用同一方法去增值至40歲，大約可累積到500萬。

再將佢換成6%收息資產，每月大約可以創造2.5萬現金流。

你可以用我以上預算作為參考，因應自己情況和目標，再作調整，去提高達成你目標的可能性。

------------------------------------------------

Q21715：

老師你好，本人持股2318，貨量唔多，長線看好，但睇返新聞先知有華夏事件，我在87蚊買的，適宜在81蚊多買一注嗎？

另外亦有939，有20000股，在2018年買入，一直跌，買入價7.8左右，宜繼續買入，定收住息先？

手上有中國人壽20000股，16.3買入，長線看好這公司嗎？

龔成老師︰

華夏幸福(600340)公司出現流動性緊張，平安(2318)為其第二大股東，在此公司投資額約為540億。

以平安資產規模計，算唔上一個大投資，而且集團最終損失，都不是以這個投資額作準。

因此，這個問題唔算係好嚴重。反而要留意，將來會不會陸續出現同類問題。如有，就反映平安係投資決策上，可能有不足之處，那就有需要扣分。

暫時睇平安質素依然存在，你可長線持有。但再加注，最好相隔10-15%，所以建議等人回多少少先。

建行(0939)有質素，但主要係收下息。若你目標係收息的話，不用理股價波動，照持有就可以。

中國人壽（2628）並不是無質素，不過增長力唔強。同埋企業的賺錢能力不及過往年代。

相信這股唔會再大跌，但要佢大升都不易，長線持有價值都算有，但暫時唔好對股價有太大期望。

若你持貨不多，係可以。相反你持貨佔組合較多，建議沽出部份，換至其他優質股﹐去平衡風險。

------------------------------------------------

Q21716：

老師，我又來請教你了，因為我多了月供的預算，以及媽媽聽我說願意把自己只懂得放在銀行的其中10萬儲蓄嘗試給我幫她投資，

為了保險起見，還是想問問你的意見~另外我也看了你的財務自由行，80後百萬富翁，五年買樓四部曲，50優質潛力股等書！

現在排緊預約你的股票勝經呢在100多名後哈哈。

我今年剛滿27歲，打算幾年後結婚置業，現在月供緊：

2800盈富1000
0027銀娛1000
3067 安碩恆生科技1000

另外有兩手3067和一手小米

1. 過多一段時間，我供完自己讀書後，每個月會再多出7000可投資，總共每月可投資金額1萬。因為老師你說要預留些資金，所以打算每月儲蓄4000，投資6000

（還是可以再多些？因為我今年才開始投資股票，起步較晚）。

請問以下6000的投資方案哪個較好？是方案一分散投資，或方案一集中etf投資，因為手續費的問題，或者老師你可以建議我怎樣調整我的投資方案嗎？

我還年輕，可承受風險較高，那麼舊經濟股和新經濟股可一半一半嗎？甚至新經濟股比例可再更高？因為想五年內可買細價樓投資。

方案一:
2800盈富2000
0027銀娛1000
3067 安碩恆生科技1000
1810小米1000/或港交所好？
1177中生1000

方案二：
2800 盈富2000
0027 銀娛 1000
3067 安碩恆生科技 3000


2. 另外，我媽媽（佢年齡唔算大，相信仍可財富增值），佢願意拿儲蓄其中10萬給我嘗試投資，不過她說虧了我就要賠給她成本，贏了就算我的哈哈。

她比較保守，我打算買收息股，現在幫她買了一手0548深高速@8.020，剩餘84000左右，打算會繼續買收息股如港燈、香港電訊、工行、置富等老師你說過的收息股。

那麼，我媽媽是否應該將其中一半投資平穩增長股如盈富、領展、港鐵等呢？還是收息股比較穩當，因為我不能虧了她本金哈哈。若賺了我還是會分她一半的。

謝謝老師你的無私分享，問題比較長，希望不要介意，繼續向你學習！

龔成老師︰

1) 你現時月供$6000，儲蓄$4000，根據大市平貴水平而言，已經係可以，唔建議再調高每月供款。

你現在還很年青，操之過急，反而會對你不利。只要用對方法，長線持有這些優質股，自然會有不錯回報。

其實方案1和2都適合你，選擇重點會係月供成本和你對這些股票的認識。

若你係特別睇好小米(1810)、港交所(0388)和中生(1177)，你可用方案1。

小米(1810)、港交所(0388)都係好優質，你可以視乎個人喜好和認知程度，去做決定。

如果你想月供成本少D，或者你唔係咁熟這些潛力股，又或者想分散D個風險，方案2會較合適。

2) 至於你母親，雖然以佢年紀計，的確好似你所講，係有一定增值需要。

但由於佢個人比較保守，風險承受能力不高。我建議你照她意願，集中係收息股，會比較適合。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

但緊記，係你創建收息組合時，唔好太集中係個別企業和行業，以免有過度集中性風險。

------------------------------------------------

Q21717：

老師想請教下你，3883及2233、799邊隻較有質素？現價邊隻較抵買？

龔成老師︰

其實3隻股票，性質好唔同。我建議你除了價格值博率外，都要因應自己風險承受能力，去選股。

中國奧園（3883）主要於中國從事物業發展及物業投資業務，近年增長快速，這是受中國樓市保持向好的情況帶動，加上佢利用大量負債運作，當好景時，佢就會好好賺。

但佢的負債有點多，有危有機，好景時好好賺，但逆景時，就幾大件事。

所以，這類股不是無前景，現價合理，但此股風險較高，唔建議大注。

西部水泥（2233）主要在中國陝西省從事水泥生產，以「堯柏」及「堯柏水泥」商標銷售，主要用於建設高速公路、橋樑、鐵路及道路等基建項目以及住宅樓宇。

業務不過不失，雖然都有d質素，但不算好強，產品價格自主能力不高，賺錢能力不算強。

比較吸引的是現價唔貴，但長遠對佢增長就唔好有太大期望，可以視為收息股。這類股唔建議太大注投資。

IGG（0799）業務上都有質素的，但卻是有風險的類別。

雖然佢財務數據不差，但業務本質的不確定性大，軟件及遊戲都是變他較大的行業，這種不確定性可以令企業好勁或好弱，因此你要明白這點。

佢股價上落大是正常的，如果你投資要明白這點，就算長遠企業價值向上，都要明白股價波動。這股不是無質素，現價算合理。但由於有風險，因此唔建議大注。

------------------------------------------------

Q21718：

龔sir，可否分析一下現在經濟狀況，是否偏向滯帳。

現在由於（1）疫情，資源生產受影響，（2）另加上多國量寬政治，引致資源價格大升，不只是大升，是創歷史新高。

但另一方面，經濟重啟亦受各地疫情影響，經濟停滯不前。通脹升溫，而經濟沒跟上，引致滯脹危機風險，現在是否很高。

以往，很少出現滯脹，但印象中，有一次，是所有資產價格會下跌包括股票，物業，債券。。。那時是現金為王。

可否聽聽龔sir你的看法。

龔成老師︰

各國係疫情期間，加大印銀紙速度，令市場預期通漲會進一步升溫。引至滯脹機會，係存在。

但我地係制定投資策略時，應集中在企業層面去作考慮。而唔係估會否出現滯脹，或者出現後，成個大市會點走向。

我地做架事，其實應該係偏向被動，而唔係去預估將來。只要市場出現變化，令價格調者至有利位置，我地就可以有策略地出手。

當然，宏觀經濟唔係完全唔理，但只會佔較少比重。較要留意，這類宏觀因素變化，會唔會影響到企業長線發展，咁就可以。

------------------------------------------------

Q21719：

龔sir你好，睇完思維篇之後，有幾題問題想請教老師

（1） 書中提及過辭職，我想問當時你同上司講辭職原因係咩？

（2） 書中提及進攻型思維，前提係都要有基本防守，我股票組合大約$30萬，當中大部分都係水桶2，想問咁算唔算防守？

（3）本身月供緊1177，2800，788，066，下個月將788變成供1211(如果唔貴的話)，算唔算增加進攻？可行嗎？

（4） 如果我強項及興趣在於股票/理財/投資/數學，應否全面集中提升這些技能既實力，還是都要發展其他技能？

（5）小弟幾鐘意數學，但數學能力其實可唔可以幫助理財/投資？

謝謝龔sir指導

龔成老師︰

1) 同佢講我想尋找其他發展，首先想休息下，之後再轉其他工作。（但其實，當時我已經寫緊書，已經建立了出面的副業，但無同上師講）。

2) 你現時26歲，係財富增值的黃金時期。而且你年輕，風險承受能力，理應較高。

水桶2，係要有，但大約佔組合一半好了。因為水桶2有增長力，但唔算最高，主要係幫你穏中求勝。

其餘部份，應投入水桶1股票，去做進攻。但我唔係要你盲力地加大比重，因為始終水桶1要求投資知識較多，風險也較大。

如果你經驗較淺，可以先小注，大約佔組合3成左右。此期間，你要努力學習，去提升自己投資知識水平。到你有一定知識和經驗，你可以投資到約5成比重。

3) 要睇你供款比例，水桶1(1177, 1211, 0788)和水桶2(2800, 0066)，應大約各佔一半，當然你視乎投資能力，去再作調整。

4) 我建議你先集中係自己強項，但唔代表其他唔理。就好似我自己，投資商業/股票較強，所以會先集中這部份。

但同時間，我都會學習其他地方，令擴闊自己知識之餘，都看看其他地方，有無發展機會。

5) 坦白講，係有D幫助，但唔會好大。除非係會計方面，個幫助就會較直接。

------------------------------------------------

Q21720：

龔成老師，近期股市調整令股票資產-30% 心理上有壓力，本人持有 9988，3690，1810，175，6690，2400

請問以上是否有質素的股票？是否應該長期持有？現在應唔應該溝貨？感謝

龔成老師︰

你持有股票都係有質素，可以長線持有。你要明白，就算優質股都會有波動，唔好太受個買入價影響判斷，要從企業質素去諗，到底隻股票值唔值得長線持有。

但我發現，你持有的股票，都是近半年較熱門的類別，反映你在選股時，只跟著市場較多人投資、近期較多人談論的類別去選股，而這類股（近期熱門類），一般都已經炒起左，因此一般都貴。

如果你日後都以這方法投資，往後仍是好易買貴貨的情況出現。

但好彩的是，上述持股，不少都有質素的。

另外，我想你留意，以下幾個問題。

首先，你組合中除了海爾智家(6690)，全部都係潛力股。佢地雖然有增長潛力，同時風險都較高，不宜持有過多。

特別係心動公司(2400)、美團(3690)這類不確定性高的公司，投資時不可以佔組合太高比重。

就算你現時好年青，風險承受力較高，潛力股都最多都只可以佔約5成，餘下應投資平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。

對於你想再加注，我就唔建議。

因為本身你組合已經風險偏高，就算再平，暫時都唔建議加注在這些潛力股。到你組合開始大，個比例回復正常，你才考慮是否加注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

今集會談到手動排檔（香港稱棍波）的實戰技術，包括轉檔手法、應該如何起步、如何做到轉檔順暢，以及甚麼情況時需要補加油。除了有原理講解之外，也會有正常操作的範示動作。
《棍波精讀班》其他影片如下：
第一集：《棍波都有分橫直》
https://youtu.be/n63zcCRMLIU
第二集：《計啱數 Rev Matching無難度》
https://youtu.be/brXAWJ7nnEE
－－－－－－－－－－－－－－－－－－－－
Web：https://www.topgearhk.com
FB：https://www.facebook.com/topgearhk
IG：https://www.instagram.com/topgearhk
FB Group: https://www.facebook.com/groups/hkdriversclub

#白牌舒適王者 #要賣178000 #我就懶
自從上次試乘完 SUZUKI GSX S150 . YAMAHA R15V3 . HONDA CBR250RR以後
小魔女再次挑戰後座 不過這一台的感受完全不一樣啊ㄚㄚㄚㄚ
CB150R 實在是太驚人了

Feat.松山貝殼漢
https://ppt.cc/f9vNQx

車輛提供：輪胎城桃園平鎮店

訂閱我的頻道：https://ppt.cc/f8c6Wx
追蹤我的IG專頁：https://ppt.cc/fNVESx
姊姊 Elena /彎道小魔女官方粉絲專頁：https://ppt.cc/flbIJx

小魔女加入新宇宙 : 看怎樣打給我
https://ppt.cc/fz5hZx

實況四輪官方交流同好會：https://ppt.cc/fNDGjx
實況四輪官方汽機車全新二手交流社團：https://ppt.cc/fAEX4x

更多影片：
【魔女駕訓班】https://ppt.cc/fhgCLx
【魔女開箱Go!】https://ppt.cc/fcARTx
【Elena的喜美改裝日記 】：https://ppt.cc/fz8JUx
【Elena94要試車 】：https://ppt.cc/fEBSzx
【Bike Life】：https://ppt.cc/fe3ywx
【Elena教你開】：https://ppt.cc/fU9t0x
【Elena實況山路】：https://ppt.cc/fnUstx
【魔女來踩店】：https://ppt.cc/fTPa1x

抖內、贊助、開箱
請洽詢我們的粉絲專頁哦

官方蝦皮賣場
https://shopee.tw/elenaaaaa46

#小阿魯街車 #R15V3 #CBR250RR真香

白牌街車性價比之王 SUZUKI GSX S150
進口仿賽 滑離好香 YAMAHA R15V3
待轉區之王 HONDA CBR250RR
一次體驗 一次崩潰 絕不落賽
試駕我會再補給大家XDDDDD
其實還有隱藏彩蛋是 Honda CB150R 真心舒服
這部原本是要放在新頻道的影片
但最後決定先放這邊哈哈哈

訂閱我的頻道：https://ppt.cc/f8c6Wx
追蹤我的IG專頁：https://ppt.cc/fNVESx
姊姊 Elena /彎道小魔女官方粉絲專頁：https://ppt.cc/flbIJx

實況四輪官方交流同好會：https://ppt.cc/fNDGjx
實況四輪官方汽機車全新二手交流社團：https://ppt.cc/fAEX4x

更多影片：
【魔女駕訓班】https://ppt.cc/fhgCLx
【魔女開箱Go!】https://ppt.cc/fcARTx
【Elena的喜美改裝日記 】：https://ppt.cc/fz8JUx
【Elena94要試車 】：https://ppt.cc/fEBSzx
【Bike Life】：https://ppt.cc/fe3ywx
【Elena教你開】：https://ppt.cc/fU9t0x
【Elena實況山路】：https://ppt.cc/fnUstx
【魔女來踩店】：https://ppt.cc/fTPa1x

抖內、贊助、開箱
請洽詢我們的粉絲專頁哦

官方蝦皮賣場
https://shopee.tw/elenaaaaa46