【#狂迷投稿】〈叔 • 叔 Suk Suk the Movie〉文：Andy Mak —「成熟男人嘅魅力(盡量唔劇透(即係都有㗎吓))」 ⁄⁄⁄⁄⁄⁄⁄⁄⁄👨‍❤️‍👨⁄⁄⁄⁄⁄⁄⁄⁄👨‍❤️‍👨⁄⁄⁄⁄⁄⁄⁄⁄⁄⁄👨‍❤️‍👨⁄⁄⁄⁄⁄⁄⁄⁄⁄ 前言：如果大家睇到介紹，知道題材係以中年同志為題，就覺得好“重口味”嘅話，未免太膚淺啦！ . 作為一個男人，雖然未到“叔叔”之年，但睇完套戲都有好深感受呢！ . 1. 還我金獎雙影帝 論演技，太保叔同Ben哥一定係平分秋色！但如果論角色難度，太保叔嘅阿柏，一定比Ben哥嘅阿海難度高，因為阿柏係一個內斂，冇咩表情，但偏偏內心好複雜嘅人物！ . 如果我冇記錯，香港電影金像獎史上應該冇雙影帝嘅出現，個人覺得好演員好演技，唔須要用獎項去証明，但獎項無疑係會令人感到鼓舞嘅！ . 開場嘅一幕抹的士，同臨尾一幕將架的士交俾女婿前，特登換咗新毛巾，猶豫咗一吓先再閂埋車尾門，好戲到背住鏡頭，觀眾都感受到阿栢嗰種好唔捨得！！ . 喺度要再次恭喜太保叔，絕對係實至名歸！！！ . 2. “男人”嘅浪漫 問心浴堂男男床戲的確唔係人人接受到，但以戲論戲，燈光，攝影，鏡頭，對白都好令觀眾投入到；浴堂圍埋食飯嗰幕，一樣好睇，最了解男人嘅，一定係男人，唔係情況之間嘅愛慕，係男人之間嘅惺惺相惜！！ . 買餸煮飯嗰場直頭係浪漫，呢啲根本就係每對熱戀中嘅情侶最渴望，細水長流嘅生活日常...... . 3. “爸，我一直以為你好偏心” 阿柏由嫁女；對待大仔至到女婿；正室與“外遇”都冇偏心，又可能因為內疚，所以先有 “你想食，我陪你食（蟹）” 呢幕戲出現！ . 千祈唔好忽視女角，阿女同老婆“區嘉雯”都演得好好，特別係擺酒大合照，區嘉雯喊嗰幕，好感動，真係好阿媽唔捨得嫁走個女，同時又早早知道老公有啲唔妥；仲有爐頭邊帶啲一個欲哭無淚嘅表情！ . 但我略嫌導演cut得太快啦！區嘉雯嘅角色絕對值得多啲戲份，最佳女配角都係實至名歸！！恭喜恭喜！！ . 4. 叔叔嘅成熟唔止係年紀，仲係心態 喺今日嘅社會，阿柏同阿海絕對稱得上係成功人士，阿柏有孫女，有間大屋，有的士牌仲有架的士，唔需要為生活而煩惱所以拒絕阿仔嘅家用...... . 阿海靠“單身”捱大個仔，早早就過住悠閒自在嘅退休生活...... . 但如果最後兩位叔叔都堅決出櫃咁會點？？最終受傷害嘅，係兩個家庭嘅所有成員，所以最後都唯有“分手” . 聽落係無奈，點解活到花甲之年都唔可以做番真正自己？ . 但真正“成熟”嘅男人就係要顧全大局，戲入面暗示阿海其實年少就知道自己嘅取向，但結咗婚總唔能夠始亂終棄，阿柏，都係一樣！！ . “肚唔肚餓呀？去食早餐好唔好？” . 用一個問題去回應前世情人“偏心”嘅話題，無須多講，心照！！呢幕我睇到有啲眼濕濕！！ . “記住要將架的士當係你另一個屋企，每位上車嘅乘客都要好好招呼” . 敬業樂業，絕對係成熟男人嘅魅力之一！！ . 最後，要一讚阿叔張叔平嘅美術指導，一直覺得阿叔走開浮誇路線（風雲2）,今次《叔.叔》恰到好處，特別阿海間房同嗰個有歲月痕跡嘅月餅罐！！ . 加入狂友fb群組【 #狂氏電影綜合症候群 】 *// http://bit.ly/32xJWLp // 直接交流 × 討論電影由你起頭！ . *追蹤instagram【 madman.movie 】有你著數！ *// https://www.instagram.com/madman.movie/ // * *讚好專頁【 電影狂人-影評情報交流平台 】緊貼最新電影資訊！*** －－－－－－－－－－－－－－－－－－ ░電影資訊 ░獨家影評 ░幕後製作 ░戲院優惠 Fb專頁【 電影狂人-影評情報交流平台 】 http://www.fb.com/MovieMadMan . #叔叔 @goldenscenehk #太保 #電影 #電影狂人 #港產片 #香港電影 #hongkongmovie #hongkong #hkmovie #影評