日本奧運，看來比雪水更冷，就算能如期，怕都要閉門舉行，雪中，要送炭懲罰。
繼上次《飲食男女×畢明》懲罰澳洲一推售罄，再推即掃光，同事已經追問下次重罰誰好？
清酒吧。香港人愛日本愛清酒，近年它成為巴黎時尚，位列高級酒店wine menu之基本，神枱級的Ritz及Le Meurice都有就是肯定；也...
日本奧運，看來比雪水更冷，就算能如期，怕都要閉門舉行，雪中，要送炭懲罰。
繼上次《飲食男女×畢明》懲罰澳洲一推售罄，再推即掃光，同事已經追問下次重罰誰好？
清酒吧。香港人愛日本愛清酒，近年它成為巴黎時尚，位列高級酒店wine menu之基本，神枱級的Ritz及Le Meurice都有就是肯定；也越來越多中、西餐廳，酒單都加入清酒了。
潮流不必趕，但潮流的原因要知道，現代法國人更注重健康和身段，法國菜從濃牛油、重醬汁，走向輕怡，有機的蔬菜，精緻的海鮮，氣質上更接近懷石料理。法國廚師亦多用了豉油、海藻、柚子等入饌，都在呼喚清酒。世界公民飲食視野擴闊，配酒要求靈變有趣新鮮，法日合璧，中日相宜，等閒不過。
既然如此，讓我再次以用家角度誠心為大家搵好嘢，精挑一個夢幻清酒組合，從四方張羅集齊兼送貨，配一個離譜的酒超所值價，希望再給大家”an offer one can’t refuse”。一套四瓶集不同清酒種類、酒米、著名酒造、限定品及古酒於一身。
首先，長野縣大信州純米吟釀汽酒。是Sparkling Nigori sake（氣泡濁酒），獨特，清新，微甜、氣泡幼細，以Champagne method製造的清酒，二次瓶內發酵，米香裊繞，飄送香梨、蜜瓜、菠蘿之饒，又有恰到好處的乳酸平衡。作餐前酒、配輕食、前菜絕佳。夏天喝，特爽，女士更加愛不釋手。
信州是長野縣的古稱，四面環山，好山好水，濕度低溫差大，利好「酒造好適米」。長野以大雪著聞，雪山融下的水礦物質豐富，造成纖細柔和之酒，創於明治時期的百年酒造大信州，每批次盡量選用單一農家的米，有點像Single vineyard。濁酒呈乳白色，酒內留有酒粕，更能嘗到稻米的鮮香及綿滑。
接下這個，不選是罪：鍋島——「年輕一代的酒魂」，來自佐賀的富久千代酒造。「北十四代，南鍋島」說明了一切。在日本國內，鍋島的清酒只在酒藏認授的特約餐廳和商店有售，非常discreet。自2005年，它連續7年獲得日本全國新酒鑒評會金獎，2011年更奪得IWC（International Wine Challenge）清酒品類年度冠軍，前無古人。
像葡萄酒的riesling、chardonnay，清酒的米就是靈魂，我選了鍋島的愛山、北雫、還有酒米之王山田錦，各具風格、各擅勝場。
進入鍋島，山田錦純米吟釀是入門必然，2015年全國日本酒鑒評會的金獎作品，撲鼻是蜜瓜、香蕉等果氣，圓潤醇厚，米香豐沛，平衡和諧篤定，如京都庭園。旨味俐落入喉，後勁爽快，一派名門正宗的大度，佐以清麗魚鮮，至為精緻。京都有一專做魚割烹之餐廳，把鮮美的黑喉灑點鹽花、蒸至溏心嫩滑，上菜時刨些烏魚子，給客人配的酒，是它。
戲肉：鍋島愛山純米大吟釀。愛山被尊為「幻之米」，由 「愛船117」和「山雄67」兩米種雜交而成，屬晚生種。晚稻飽滿，大大粒，心白比山田錦還大，酒厚味豐自不待言。這本是兵庫縣研發出的絕世好米，當然本土優先，產量有限從來只供同縣的劍菱酒造釀酒，奈何一次阪神大地震，劍菱受損停工，米農為了生存唯有找新買家。
此時覬覦愛山已久、《十四代》的高木酒造終於等到機會嚟喇飛雲，飛身跟米農立契要米，更令愛山米聲名鵲起，因而外傳。此酒濃郁，宜用大口杯，喝前醒酒至少20分鐘，始出現變化，簡潔俐落，香氣以成熟甜瓜為主，甘馥回味，層次細緻。每年4月造生酒、5 月火入（加熱殺菌），6、7月售賣，只造一次，售完即止，非常限定。
貨源有限料必秒殺，特別選來鍋島北雫純米吟釀作B隊。北雫又名「北海道的山田錦」，九州的酒造，山長水遠要拿北海道的米來釀酒，就知佢咩料啦。一般的鍋島偏向甘口，它卻最清澈瀟灑，飯香和甜度精細，餘韻較乾，清爽，多喝不膩，非常難得，配串燒、天婦羅、爆炒小菜一流。
壓卷之選：刻がさね十年熟成純米原酒。福井縣越の磯酒莊出品，百年酒造另一出品「一期一會」人盡皆知，以茶道哲學釀酒，取其好酒非必然，能遇上可能一生僅一次，當崇敬珍惜。「刻」是古酒，琥珀金黃色，與透明清酒大異。別以為清酒不能陳，有深度的便可。熟成 3年的算「古酒」、多於 3年為「古古酒」， 5年以上乃「秘藏酒」，熟成十年，香氣就是複雜，味道甘香濃厚，有點像花雕，米香幽芳細膩，比一般清酒更圓潤、沉穩。你估不到的，它不賣果氣香甜，歲月帶來是乾冬菇、金華火腿、芝士的馥韻。「がさね」是時刻重疊的意思，歷時間洗煉，歲月沉澱，如日本名畫家平山郁夫的畫作《入涅槃幻想》，心是開的，懷是寬的，不爭不嗔。此成本高，費時費神之作，產量限定，為2011年及 2014均榮獲國際美酒大賽（IWC）日本古酒金獎。
今日中午12點開賣，4瓶二千銀有找，密切留意，咪話唔通知。
購買請入👉🏼https://bit.ly/3fPsR8p，
呢條link12點先至會著，請自己較定鬧鐘，多謝捧場🙏🙏
#畢明x飲食男女又嚟 #上次澳洲走秒殺 #今次懲瞓日本清酒 #又係我的嚴選系列 #用家角度 #6月8日12點正開賣
#一次過試齊唔同風格種類
#靚米名莊好故事
#夢幻之米 #仲有長年金獎酒造
#一套四款超值好酒 #平均幾百蚊一枝 #限定品 #職人級 #自己執生
#咪話唔通知 #非常系列
追問offer 在 全職獵人FullTime Headhunter Facebook 的最佳解答
《專業係咩色》
冷氣吹到成間會議室好似停屍間咁，面試官不苟言笑，托咗下眼鏡，徐徐問志文下一個問題：
「你平時買開邊份報紙架？」
「《東方》。」志文下意識答咗今朝買嘅報紙，額頭慢慢滲出幾滴冷汗。
面試官咧嘴微笑：「Second-in嘅資料同事會呢幾日send俾你，加油。」
呢一刻，志文唔知應該慶幸《蘋果》早就消失於世上，已經冇得再被佢「買開」，定慶幸老豆今朝叫佢落街買報紙，七仔個架上面得翻幾份《東方》。
噢，你想問志文係黃定藍？呢個問題我諗佢本人都未必答到你。
佢中意睇《蘋果》，同朋友傾計得閒爹兩句鬧下政府，ig轉發新聞嘅caption義憤填膺咁。與此同時佢係Yuu會員，每次m記出新包都即刻撲去試，搵咗幾間心水公司原來都係中資。
你話佢黃？佢份人係幾撐本土嘅。你話佢藍啊？佢又真係周不時幫襯藍店。港豬？佢又唔係唔關心社會架喎。
究竟係幾時開始，政治、顏色同我地嘅生活，以至工作專業掛鉤？讓我地倒帶翻去2019年志文嘅一場面試。
——————
嗰日，好似係全民罷工大遊行黎。朝早有人塞鐵堵路，但志文去見工嘅時候已經係十點幾十一點，道路暢通無阻。
佢去到間公司，見到前面嘅求職者同一個員工爭論緊。
「唔好意思啊，今朝塞鐵，我轉搭巴士但係紅隧有路障，所以先遲咗咁多。我今朝有打電話黎交代翻㗎，可唔可以俾多次機會我？」
「但後面仲有好多人等緊去in㗎…」
「求下你啊，可唔可以幫我問吓先？」
「發生咩事？」面試官似乎聽到動靜，係會議室出黎，得知事件始末後講道：「我都好同情你嘅遭遇，唉，啲人日日搞事，香港真係不得安寧！」
求職者一怔，欲言又止。
「不如咁，你係度等下先，我in埋呢幾位candidate再安排你面試好嘛？」面試官示意剛才嘅員工安排，轉身入翻會議室。
「先生，咁請你嚟呢邊坐坐啊。」
「唔好意思啊，多謝你地肯俾機會我，但我突然醒起我有啲急事要走先，實在抱歉…」
當志文同佢側身而過，隱約聽到對方呢喃：「又唔諗下係邊個逼到我地要搞事…」
——————
「下一位，林志文。」
面試上半場順順利利地過去，面試官視乎對對志文嘅工作經驗同性格都頗為滿意，直到…
「啊by the way想問下你平時週末會去邊？」
呢一個月，每逢星期日都有遊行，面試官嘅暗示眾人皆知。
「睇情況啦，有時同朋友行街，或者行下山咁。」志文本來冇諗住講大話。
面試官見到志文除咗公事包之外，仲有個紙袋裝住衣物，繼續追問：「你陣間都去行街啊？見你帶埋衫換。」
兜唔兜好呢？
「下晝約咗朋友行山，著西裝唔方便，又返唔切屋企換嘛。」志文成功自圓其說，同時，內心深處有似有一忽倔強，隨之消失。
窗外天陰細雨，面試官一笑，二人相對無言。
面試官最後有冇俾offer佢？佢都唔知，因為個間公司唔係佢首選，之後in多咗幾間，就冇再理會過呢間公司嘅email。
咁今次呢？
朋友無奈笑佢話一不做二不休，既然都決定順面試官意，就唔好同自己過唔去。黎緊個second-in，照去馬啦…
話曬今時今日嘅香港，仲有邊個唔講大話？
——————
志文以前眼中嘅香港，係一百個人有一百種唔同嘅聲音，而又能互相尊重。但宜家嘅香港，可能只得一種聲音被准許…佢有冇資格去judge呢個社會現況？當然冇。為咗生活而低頭生存嘅你同我，都冇。
#撐政府係咪會叻做野啲
#大家點睇黃藍與專業嘅關係
l#FulltimeHeadhunt #全職獵人
Follow我哋IG：
🔝最新職位空缺：Fillturegroup
🔝最新職場情報及冷知識：Fillturecareercoaching
🔝全職獵人：Fulltimeheadhunter
追問offer 在 畢明 Facebook 的最佳貼文
你口渴嗎，掛念日本嗎？
喜歡喝清酒嗎？
仲記得上次一起懲罰澳洲酒的痛快嗎？
//香港人愛日本愛清酒，近年它成為巴黎時尚，位列高級酒店wine menu之基本，神枱級的Ritz及Le Meurice都有就是肯定；也越來越多中、西餐廳，酒單都加入清酒了。
潮流不必趕，但潮流的原因要知道，現代法國人更注重健康和身段，法國菜從濃牛油、重醬汁，走向輕怡，有機的蔬菜，精緻的海鮮，氣質上更接近懷石料理。法國廚師亦多用了豉油、海藻、柚子等入饌，都在呼喚清酒。世界公民飲食視野擴闊，配酒要求靈變有趣新鮮，法日合璧，中日相宜，等閒不過。
既然如此，讓我再次以用家角度誠心為大家搵好嘢，精挑一個夢幻清酒組合，從四方張羅集齊兼送貨，配一個離譜的酒超所值價，希望再給大家”an offer one can’t refuse”。//
一套四瓶集不同清酒種類、酒米、著名酒造、限定品及古酒於一身。
嚴選之酒甚具職人況味：//在日本，它的清酒只在酒藏認授的特約餐廳和商店有售，非常discreet。//
//每年4月造生酒、5 月火入（加熱殺菌），只造一次，6、7月售賣，售完即止，非常限定//
- 有氣泡濁酒
獨特，清新，微甜、氣泡幼細，百年酒造，以Champagne method製造的清酒，夏天/女士，啱晒
- 有全國日本酒鑒評會的金獎作品
- 有「年輕一代的酒魂」
不放棄年輕人，更專找他們來商議清酒口味和發展，與十四代分庭抗禮之絕好酒造
- 有「幻之米」("Dream rice"咁解)釀造之酒
- 有以茶道哲學釀造的古酒
2011年及 2014均榮獲國際美酒大賽（IWC）日本古酒金獎
.
.
疫情下酒藏紛紛減產，我們已盡量張羅，料必秒殺.......
下周初開售，4瓶二千銀有找，密切留意，咪話唔通知。
.
.
#幾得校定鬧鐘 #自己mark低
#下周二中午12點開售
#懲罰清酒 #日本奧運凍過水
#潮流不必趕 #潮流的原因要知道
#清酒好時尚 #在巴黎火熱
#全部我的嚴選心愛
#SparklingSake #酒米平衡品試
#酒米之王山田錦實有
#你飲過古酒未 #十年熟成
#料必秒殺 #清酒關注組
追問offer 在 Facebook 的最佳貼文
［101］［冇集資直接上市點set招股價？］明明就話1000—1500市值億嘛，唔好講到升三成就表現好喎！你嗰「三成」係同咩比先？同場加映：一隻股票兩個市值，你如何可以知道間公司有幾多股？
TLRD：個「250」參考價根本就相當arbitrary，唔好畀佢anchor咗你嘅判斷嘛（＊）。人地話500蚊係參考價咁唔通你話潛水？人地話25蚊咁又話爆升十幾倍？
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
1. 遲咗少少寫（好忙架我），但都係寫返星期三晚嘅嘢。之後升跌就另一個問題，唔好離題。
2. 呢個Coinbase（COIN）昨晚（星期三晚）上市，收報328蚊。見有啲話升三成。我心諗，升乜？哦，同個「參考價」250比。但，呢個「參考價」有乜意思？點定出嚟？你又唔係買到，又唔係有人買到。我定500得唔得？定50呢？好似都冇話唔得。咁唔通我定500然後話你隻嘢上市大插？或者我定50就變咗升幾倍？實情發生嘅嘢完全冇分別架喎。
3. 首先，之前Patreon寫過，CoinBase冇錯係新股上市，但唔係IPO，佢玩直接上市，唔集資。咁最初啲股票點嚟？咪舊股東沽出嚟畀你。冇問題的，佢亦唔係第一間，美國之前都有幾間，香港亦有呢種玩法。
4. 咁但係，如果IPO，大家知道有個「招股價」啦，最後會定價，美國都類似。咁你定價10蚊，第一日上市收20蚊，咪升100%。
5. 之但係，如果冇招股價呢？咁點計升跌幾多？又或者你個股票機個「前收市價」係幾多？
6. 答案係：其實係冇的。即係宇宙起源咁，你追問到尾總有第一下，總有「時間嘅起點咁」。如果香港嘅做法，咪就係根本冇呢樣嘢咯，冇問題的。「香港都有直接上市？」。有，但唔多，例如有時有啲公司分拆另一間上嚟，又唔集資，介紹上市咁咪得。冇問題
7. 但美股就得意啲，至少Nasdaq係（NYSE唔知，我估都係）。好歹你要有個「參考價」，250蚊，咁你嗰升三成，咪係250比。但呢個250係乜？其實冇任何意思架喎
8. 渣正嚟講，如果你啲股份，上市之前都有啲一定金額嘅交易（股票可以唔上市，而冇上市嘅股票一樣可以交易！），咁咪用嗰個價做「參考價」咯，合理嘅。因為冇乜更好選擇。
9. 但呢個case，話冇呢啲私人交易喎，咁就審死官，我都唔知呢個250蚊點嚟。Nasdaq都講明，呢個唔係offer price，亦冇人在呢個位買過，或賣過。咁點解係250？唔知喎，咁啱曼城踢歐聯啩。
10. 正經講，你點去評估隻新股表現好唔好？咁兩樣嘢（可能係同一樣），首先之前啲投行呀各樣嘢會吹風，分析員會自己估，覺得隻嘢上市應該係幾多市值（正如螞蟻嗰時都大把人估，我都有，雖然最後根本上唔到市）。另一方面，亦都有啲「暗盤交易」，例如FTX都有得炒COIN嘅「期貨」咁
11. 咁，明明之前講話1000億市值嘛（好多報導都有提），大過Nasdaq（間公司）同ICE（紐交所NYSE老母，仲有好多其他交易所）加埋嘛。唔止，其實啲暗盤，係value到隻嘢去到1500億市值。亦都有埋股價你睇，邊止328？見過550！（Patreon有講！）。
12. 咁你話表現得唔得？梗係唔得，今晚升多十個開我唔理啦，但第一日就真係不似預期。而你拎嚟同個250講真係多餘。唔通我set做500又話你大插？
13. 實際上只有兩樣嘢。第一，即市追入嗰班，咁你見都主要係開得高收day low，多數即日追都輸錢。第二，當然係早早早早早遠古已經入股嘅人，咁嗰啲友當然都係執十倍甚幾廿倍—但，都同個250無關的。換個角度諗，當小企鵝實業招股價100蚊，開市第一日收50蚊，你梗係話大插啦 —咁我話你知勞蘇基金1蚊嗰時入股，你唔會理架嘛。
14. 而仲有一個少少嘅問題。你發現好得意，咁咩「升三成」，睇你點理解啫。但照計個收市價328冇任何爭議啦？之前亦講過，出面原本預市值去到1000-1500億嘛。
15. IQ題嚟啦喎，請問328蚊收市，即係CoinBase市值係幾多？
16. 答案係，「我都唔係好肯定！」。係喎，唔係玩嘢，你睇Financial Times 話760億（https://bityl.co/6Oj1），CNBC就話858億（https://bityl.co/6Oj3）（唔止，佢地報價又話610億）（https://bityl.co/6Oj5）。大佬，邊個至真？做乜一間公司幾個市值？
17. 雖然好廢，但都要講，市值咪 股數X股價。咁股價照計人人都同意係呢個，問題當然係股數。「點樣知一間公司有幾多股？」（呢個問題我以前見工會問啲小朋友）。
18. 呢個問題呢，都真係有啲複雜，特別係新股上市。因為一來可能涉及「綠鞋」（Greenshoe，學名叫做超額配售權），唔知Coinbase有冇，可能冇，因為直接上市。
19. 另一樣嘢，就係班舊股東仲有好多option之類可以行使嘛。咁你點知佢行使咗未？冇錯好似係要報，但，都唔係咁快見到啦？
20. 所以，實務上，就有個概念叫「呼呢大碌」或者叫「呼呢晏拉廚突些丫喼咇圖」。即係假設你啲嘢行使晒，咪多咗好多股數咯，用嗰個大啲嘅股數計。
21. 而冇錯，Financial Times同CNBC用唔同嘅標準，好難話邊個啱，反正Financial Times都有講明如果係「呼呢晏拉廚突」就係858億，正係CNBC嘅數。而用邊個都好，都唔夠之前講嘅1000億啦，更唔好講話FTX暗盤嘅1500億。
22. 至於你問我，一定要二選一嘅，似乎都係叫「呼呢晏拉廚突些丫喼咇圖」，特別係擺明堆option實會行使（雖然外人唔使做呢個判斷，人地鍾意掉落海都得嘅）。
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
（＊）唔好睇少Anchoring effect，個檸個都話自己獨立思考，但我就知道人腦係幾咁脆弱。一個出名嘅實驗，例如叫班人估下烏干達人口呀，香港有幾多間上市公司呀咁。不過估之前叫啲人轉個有數字嘅幸運輪，然後先答。擺明個幸運輪完全唔關事嘅，但研究見到，轉到大數字嘅人，自然就會答問題估得高啲。