為咗昕昕生日當日可以不用升級到白金會員入去迪士尼可以有幾盡？ 話說迪士尼樂園奇妙處處通銀卡會員要在會員期內儲夠5次入場後的1個月內可以拎到星期六/日免費入場券，舊年5月續會後我因為忙，加上間中獲邀請假日入場，直到昨天只係入場兩次😯 今個星期五係昕昕生日之前銀卡會員最後入場日，即係我今個星期五或之前要有3次入場先至可以在昕昕生日當日入去迪士尼樂園😂 迪士尼樂園依家已經換咗新春佈置，晚上7點的We love Mickey 環節的米奇都換上中國服為大家表演😍 收工後一小時內趕到去睇表演後就趕返屋企溫書，星期四昕昕農曆生日，到時最跟佢食餐好的🥰 #hkblogger #親子日常 #迪士尼樂園 #hkdisneyland #welovemickey #新年 #CNY #奇妙處處通 @hkdisneyland

不知不覺芊嶠已經5歲，嶠媽上星期尾就勁忙，因為為咗幫芊嶠慶祝5歲生日，我就連續排咗3日活動比佢，唔好話佢，我地一家都攰到爆。 . 🎉5歲生日慶祝第一回：翠樂庭自助餐🎉 . 芊嶠好朋友巧穎，同芊嶠係同年同月同日出世，我同穎媽都係因為係同日出世谷到識，估唔到咁快又5年，我真心覺得相識是緣份，但要維持的確唔易，由其做咗人阿媽，時間呢樣嘢永遠都唔夠，仲要約一個唔係住附近嘅朋友，真係要的起心肝先做到😏 . 我地兩家八口，細佬同妹妹未夠3歲未買票，其他人都買咗 Annual Pass，巧穎一家買咗金卡，我地就買銀卡，而兩位小美女都生日，生日月都有優惠，不過銀卡生日優惠就係翠樂庭不適用，而金卡會員生日月可享有買2送1優惠，平時銀卡就最多9折優惠。但今個月金卡會員食嘢有75折，所以巧穎一家用咗買2送1優惠之餘，我地一家都有75折，真係勁抵👍🏼 . 而我地為咗兩位小朋友開心啲，都訂咗個蛋糕🎂比佢地，但$350都唔平，問多我一次我會係餐廳拎甜品比佢地，因為啲甜品真係好靚😍翠樂庭食自助餐，最開心係，會有4個迪士尼人物會逐枱走嚟同你地合照，但其實都幾大壓力，因為怕出咗去拎嘢食就會miss咗個機會，而且用餐時間2小時，影下相，拎嘢食，食下嘢吹下水，時間過得太快！ . 不過都係一個好好嘅慶祝活動，我地都買咗禮物送比兩位小美女，當然唔少得細比同妹妹嗰份啦🥰最後最後，當然係酒店行下，剛剛出門口就望住架 shuttle bus 駛走，我地就決左行去迪士尼站，其實識路真係好近😏 . Thank you @puiyee_to ，我話去邊慶祝佢都願意陪我❤️🥰 . . . . . #芊嶠生日 #1月之星 #5歲生日 #癲狂慶祝活動 #慶祝5歲生日第一激 #Happy5thBirthday #HKDisneyland #翠樂庭自助餐 #米奇蛋糕 #芊嶠與巧穎 #同年同月同日同一醫院 #有冇咁啱先 #芊嶠與劻霖成長日記

多謝迪士尼樂園的邀請，讓本身銀卡會員的我有機會在星期六湊住昕昕入迪士尼樂園玩蟻俠和黃蜂女主題遊戲，上星期日我和閨蜜遊迪士尼樂園遇到中學和大學同學，佢地不約而同地問我點解唔帶昕昕入場，其實係因為我要等佢有5次入場的贈券待我生日一齊入去玩😝😝😝 呢個game 真係玩極都唔會厭，我一個星期內玩第三次，命中率越來高，在排隊入去時睇宣萱跟外國演員的對話感覺幾似自己在佢地當中😊😊 今次昕昕好開心有細姨和佢男友一齊玩，英文發音一般的昕昕竟然好清楚咁叫哥哥個名，仲要佢陪自己玩，搞到細姨呷醋，仲要 #男友被搶again 🤣🤣 昕昕細姨和我一樣係迪士尼樂園的fans，佢入到去忍唔住買咗隻藍色的Duffy Bear復活節公仔，好在我有會員有折之餘仲可以有雙倍印花換喼套用👍🏽👍🏽👍🏽 原來迪士尼樂園第四年舉行花蛋節主題活動，我儲的花蛋襟章都就快齊曬，今年有新的花蛋加入，唔知大家有冇留意到呢？ 另外在4月19日至28日期間，三間迪士尼度假酒店將舉行「開心齊玩復活節」嘉年華，大家可以暢玩30款戶外遊戲和活動，當中超過10款更是今年首次推出。如有興趣可以到迪士尼樂園網頁瀏覽😇😇 #hkdisneyland #hkblogger #未來父母之體驗 #蟻俠與黃蜂女 #香港迪士尼樂園 #開心齊玩復活節 #迪士尼 #花蛋節 #迪士尼花蛋節 @hkdisneyland