🐾🐭迪士尼都有自助餐食？！🐻🐘 (甜品篇)
終於有一次唔洗餓住個肚行迪士尼，事關最近皇室宴會廳推出自助晚餐，每位只需$288加一，會員仲有九折優惠，醒大家一個小貼士，記住去門口賓客服務中心拎單張，就可獲贈每人一樽果汁😹
注意入到餐廳要先俾錢，然後就有條紫色手帶作辨認，先拎得嘢食~ 個人認為食物水...
🐾🐭迪士尼都有自助餐食？！🐻🐘 (甜品篇)
終於有一次唔洗餓住個肚行迪士尼，事關最近皇室宴會廳推出自助晚餐，每位只需$288加一，會員仲有九折優惠，醒大家一個小貼士，記住去門口賓客服務中心拎單張，就可獲贈每人一樽果汁😹
注意入到餐廳要先俾錢，然後就有條紫色手帶作辨認，先拎得嘢食~ 個人認為食物水準真係比較普通，最後連杯雪糕都冇，飲品得熱咖啡、熱茶(冇檸檬🤡)，好在侍應會不斷斟水。不過以hkdl的物價，食個burger要over$100來說，都叫抵食，食到好多迪士尼食品😂 仲有85週年特別版唐老鴨出嚟同各位會面合照，都係賣點之一✨
但係環境有個缺點，就係好多🐦🕊️飛來飛去，不時徘徊在客人腳旁，引起衛生問題的憂慮💩，令到總要有個人看守食物
記住怕雀仔的朋友一定唔好嚟！！😹
_____________________________________________
晚餐菜式唔算少，但唔好諗住有咩貴價菜式😂
沙律方面得薯仔沙律、田園沙律(only菜絲)，賣相仲要唔多掂😵。肉類有香草煎羊排、美國肉眼牛扒、烤焗法國豬鞍扒、焗香辣雞扒、烤焗紐倫堡腸。而日式有雜錦壽司、關東煮、吉列蝦、炸雞、豬軟骨。中式有蘋果雪梨瘦肉湯、點心(蝦餃、燒賣、小籠包、小豬包、叉燒包)、蘿蔔牛腩、咕嚕肉、四川麻辣雞、蒸魚、香菇伊麵、蛋白炒飯。其它菜系則有韓式炒年糕、芝士甜粟米、伊文仕牛肉、白汁雞皇、夏威夷薄餅、蕃茄意粉、炸魚柳、炸魷魚圈、烤鴨胸、燒南瓜、炒薯仔，比較特別嘅係用錫紙兜盛載的烤焗食品eg焗蒜蓉牛油帆立貝、焗魚柳配芝士粟米汁、焗豬扒走飯配椰菜。
甜品有美式芝士蛋糕、Tiramisu、芒果奶凍、米奇雜果啫喱、百香果蛋糕、朱古力卷蛋、特濃朱古力布甸配香草汁。
另外加設兒童專區：朱古力噴泉、意大利芝士車厘茄串、蜜糖燒甘荀、三眼仔薄餅、迷你炸熱狗、甜粟米、焦糖爆谷、迷你玉桂條、啫喱糖、芒果布甸、迪士尼曲奇、鮮果沙律。
___________________________________________
👍好食推介🎇
1️⃣Churros
出面賣緊$3、40一條，依度有得任食實在係Churros愛好者的福音😍
呢度整得非常香脆，冇正宗(?)外脆內軟的口感，不過每啖都充滿濃香甘甜的玉桂味，配埋朱古力噴泉的朱古力醬，都係一流😋
2️⃣焗蒜蓉牛油帆立貝
每盆只是一口份量，烤焗帆立貝香口，仲有牛油味好香的薯蓉墊底😋
3️⃣三眼仔薄餅
薄餅上加了西蘭花碎、沙律醬、3粒藍莓，口味出奇地夾，藍莓使味道清新，充滿果香又不酸，當然可愛的三眼仔造型都是加分位。
4️⃣香草煎羊排 [回本之選]
質素參差，拎第一件比較生，所以肉質幾嫩滑，仍有少許羶味，和清爽薄荷醬是天作之合，之後拎第二件就好韌
5️⃣特濃朱古力布甸配香草汁
味道好似心太軟，濃濃的朱古力軟心布甸仲係熱辣辣，幾好食
6️⃣百香果蛋糕
有層次，不會太甜
7️⃣焦糖爆谷
迪士尼爆谷係有質素保證
_____________________________
👎普通嘢太多，唔特別介紹，以下係伏
牛扒韌；壽司係惠康貨色，紫菜腍，魚生薄；
我最愛的Tiramisu整得難食，懷疑之前同d壽司放埋一齊/附近，有陣壽司的雪藏味🤦 煎餃唔知點解會放在蒸籠同點心一齊🤢 —————————————————————
📌自助晚餐詳情
地址：香港迪士尼樂園幻想世界「皇室宴會廳」
日期：2019年7月19日至9月29日 (逢星期五至日)
時間：17：30至樂園關閉 (自助晚餐享用時間為入座時間起兩小時)
價目：成人: $288 & 小童(3-11歲): $198 (另收加一服務費)
*不設電話訂座
View More Here #yantung迪士尼
迪士尼賓客服務中心 在 This is Mr. B Facebook 的最讚貼文
之前買咗聖誕明信片而因樂園關閉未能寄出嘅朋友, 有朋友透過電郵問咗後續安排, 以下係回覆.
「有關您的查詢，於樂園暫停開放期間，賓客可到香港迪士尼樂園酒店行李部投寄聖誕心願慈善明信片。
請注意，應政府要求及配合本港現時採取的防疫措施，香港迪士尼樂園將由12月2日起暫停開放。我們會與政府及衛生部門保持緊密聯繫，視乎情況，公布重開日期。香港迪士尼樂園度假區內的酒店及迪欣湖活動中心會維持開放，服務方面會作相應調整。我們會繼續按照政府及衛生部門的指引，採取加強的健康與安全措施，如實行社交距離措施及加強清潔和消毒。
詳情及相關安排請參閱官方網頁 (https://www.hongkongdisneyland.com/zh-hk/ )，以獲取更多最新的資訊。
」
希望以上嘅資訊可以幫到大家.