聽日要6:30起身，好多香港人應該同我一樣，到而家都未瞓得著！ 一個心痛嘅晚上，負面情緒爆錶！係時候寫返啲開心野等自己平伏心情！

開學喇！ 回味一下暑期嘅精彩活動！
上次同大家分享過黃金海岸酒店，#偽旅遊 兼 #窮遊 之選！今次同大家分享下《迪士尼樂園酒店》
話說前星期同婆婆、姨姨，雷囡s, 五條Q去迪士尼HEA遊！ 我地真心hea, 婆婆放工食完野入到去已經四點幾。原本以為只係游下水食下野冇乜所謂。點知原來好多野可以玩。真心唔夠時間。下次一定要早去。

聽說三間酒店之中，呢間係最大最靚最好玩（睇價錢都係最貴）講真，除左態度麻麻之外，其實大堂真心靚，坐下影下相都唔錯！
房間唔算細，對住個無敵城堡景，真係靚到心情都靚返！
游泳池都唔細，滑梯有幾個急彎夠刺激。不過每次只能一人，就算小朋友都要單獨玩。而且1米以上先俾玩，所以雷小囡冇份，家長要注意⚠️
泳池係由淺到深水，話大唔大，但夠玩。最正係旁邊有個Shabu shabu 溫水按摩池，好似浸溫泉咁，好舒服。雖然話大熱天時三十幾度。剛好果日陰天間中微雨。真係浸得好爽！

傻傻的我們冇預先做功課，只知道8:00pm有得聽故事，7:35先落去工作坊。錯過左個小playhouse 。
只玩得5分鐘夠鐘清場...噢，可惜。playhouse 有齊基本野：迷你滑梯、圖書、沙池，大LEGO,同煮飯仔都有。地方唔大。但都舒服嘅。記得帶襪🧦

傻傻的我們一心諗住第二日去另一間酒店游下水靚下相。點知...嘥晒啲時間，去到5分鐘唔洗即走！因為泳池比原來果間細一半。連按摩池都冇埋（維修中）即走！但來回浪費了一小時..

迪士尼酒店三間（話）相連，房客（非房客）都可以人去玩！酒店之間有穿梭巴士，15分鐘左右一班。有分為去樂園及去酒店。 但大家唔好以為來回酒店可以一車過...實驗證明我地錯了...
我地等車去《迪士尼好萊塢酒店》時，司機飛站，我地等足十五分鐘。回程諗住上車直達酒店，就費事幫雷囡換衫，點知到酒店列車到樂園站都係要落車，轉另一架車....又要等多一次車。等車三程總共花了約40分鐘....

總括嚟講都好玩嘅，充滿幻想嘅地方，每一角落都有迪士尼公仔圖案。雷囡s都非常開心。
360度冇死角靚景，影相打卡謀殺記憶體😍
絕對值得去（一次）但真心貴。$26xx乜都唔包。希望嚟緊有新野吸引我再去啦！

「 #小插 曲 」：
一直聽朋友講，迪士尼係一個充滿歡樂嘅地方。唔知係咪我期望過高呢？ 一入酒店第一留下竟然是 #壞印象....

等check-in時，同雷囡s坐梳化影下相。一坐低個清潔姨姨已經在梳化旁邊行嚟行去抹枱凳...阻住我影相都算！仲拎起雷囡背住嘅咕𠱸，不斷拍打！嘩！我囡咪食晒啲塵？ 有種被趕嘅感覺！ 但到我地拎左房咭行去搭𨋢時，個清潔阿姐態度即時有好轉！
懷疑開頭以為我地白撞入去玩，所以想趕我地走！
酒店大堂係每位客人嘅第一站，有待改善。

#傳說帶生日襟章係有人同你講生日快樂㗎！
#可能雷小囡太矮冇人留意到...
#講故事個哥哥好溫柔又靚仔😆😆
#多謝壽星女拉拉姨帶我地去玩
後補多句 #生日快樂🎉

#捉住暑假條尾巴
#雷囡s的快樂童年
#本地遊
#香港酒店
#本地酒店
香港迪士尼樂園 | Hong Kong Disneyland
香港迪士尼樂園 Hong Kong Disneyland Resort
#香港迪士尼樂園酒店
#香港迪士尼渡假區