【 #他們的愛情故事- 長久的婚姻肯定是相互的忍耐】

梁朝偉近日因演出《尚氣與十環幫傳奇》成為城中熱話，原來佢一直都堅持唔演父親角色，因為老婆劉嘉玲先願意接拍。呢對圈中數一數二嘅恩愛夫妻，相愛超過30年，真係羨煞旁人！
.
梁朝偉同劉嘉玲因為合演舞台劇結緣，一年後戀情曝光，因為仍哋性格完全唔夾，一個好內向，一個好Outgoing，當時畀人評為最不般配情侶。不過2人懶理批評，熱戀期嗰陣，佢地除咗去東京迪士尼拍拖旅行，梁朝偉仲不時製造浪漫驚喜畀劉嘉玲，遠卦荷蘭探班，仲要送愛人最鍾意嘅百合花，淨係睇相都覺得好Sweet！
.
其後，劉嘉玲被綁架案、裸照流出，令佢陷入谷底。梁朝偉停工陪伴，仲同劉嘉玲講：「呢個圈子咁複雜，我哋走啦，你想去邊我就陪妳去。」呢番說話感動咗劉嘉玲，「世界咩都冇咁又點？我有呢個人畀我靠住，佢高矮唔重要，重要嘅係佢畀我嘅力量。」
.
劉嘉玲父親突然離世成為轉捩點，佢表示：「我想畀自己一個交代，畀自己穿一次婚紗。」梁朝偉一口應承，結束約 19 年愛情長跑，喺不丹舉辦獨一無二嘅婚禮。劉嘉玲話：「我覺得自己幾幸運識到呢個男仔，呢幾年來，我們互相進步、成長，經過好多事，佢都幫助我渡過難關。」.
.
梁朝偉一向低調，從來唔出席仼何應酬派對或宣傳活動，但佢會為劉嘉玲打破自己原則。除了出席劉嘉玲嘅時裝品牌Show之外，每一次劉嘉玲獲提名需出席頒獎禮時，即使不關自己事，佢都一定會陪老婆出席，以行動支持對方。
.
梁朝偉為劉嘉玲付出，劉嘉玲亦都有為梁朝偉默默付出同支持。參加宴會時，內向嘅梁朝偉要靠劉嘉玲化解尷尬；喺屋企劉嘉玲身兼多職，太太、工人、管家乜都做，生活中一切瑣碎事情都由她包辦，因為梁朝偉不擅於生活自理，劉嘉玲變得更加會照顧人：「就是好錫佢，我幫他打點就好喇！」
.
劉嘉玲曾分享自己的婚姻之道在於一個「忍」字，「長久的婚姻肯定係相互忍耐。喺包容佢嘅時候，佢都承受梗我嘅性格，其實我亦好難搞。鍾意一個人就會包容佢嘅一切，包括佢嘅性格、價值觀、人生觀，你都會認同。」
.
梁朝偉當初拒絕出演《尚氣與十環幫傳奇》，因為童年時父親經常離家出走，所以堅時唔接「父親」角色，梁朝偉表示：「其實有人提出過邀請，但我都推咗。因為我唔想記起父親當年點對我。佢嘅離開令我唔知點同人相處。」喺老婆劉嘉玲不斷在旁説服，勸佢先同導演溝通下，先促成咗今次合作機會。估唔到劉嘉玲令梁朝偉放下多年執著，踏出第一步。
.
佢哋二人嘅愛情低調地互補不足、相互忍耐、陪伴對方超過30年，直到宜家真係唔容易～
.
#咁Sweet得唔得架 #好恩愛 #尚氣 #尚氣唔接下氣 #情侶 #愛 #愛情 #語錄 #拍拖 #香港 #女朋友 #hkig #心事
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！

【 #跟住卡通學愛情：之前一直覺得很平常的事，到了這時才覺得如此重要。】

我們好多時都習慣咗，令自己覺得身邊所有人對自己好都係理所當然，直到失去嘅時候先知原來一切係咁重要，想珍惜嘅時候人已經離開，留底嘅只有後悔同回憶...
.
《Stand by me 2》野比大雄講過：「之前一直覺得很平常的事，到了這時才覺得如此重要。」失去至親，令大雄知道親人對自己嘅重要性。人生有好多事情都預計唔到，而且生命嘅短暫同脆弱，提醒大家唔好錯過先去珍惜，每日能夠活著已經唔容易，仲要好好感激自己擁有嘅一切，因為所有嘢都唔係必然～
.
唔想錯過任何重要嘅嘢，由宜家開始，好好過生活，珍惜身邊一直陪伴你嘅BB都未遲～快啲tag佢同佢講「你對我好重要！」～
.
#standbyme2 #電影 #叮噹 #大雄 #哆啦A夢 #影評 #香港 #金句 #戀愛 #語錄 #情侶 #愛情 #愛情語錄 #拍拖 #拍拖活動 #迪士尼 #睇戲 #電影金句
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！

【 #跟住卡通學愛情：每個人都值得擁有一個願意接受你全部的人】

曾幾何時為咗令心儀對像鍾意自己，傻傻地去改變，令自己變得愈嚟愈唔開心，最後發現成個人迷失咗冇左自我，開始唔知追求緊啲乜，原來一直默默地為對方付出係一廂情願…
.
《魔髮奇緣》長髮公主樂佩講過：「你的人生不需要別人來完整，而是需要一個願意接受你全部的人」人生就只有一次，應該為自己好好生活，將心機同時間浪費喺不必要嘅人身上實在太奢侈，為自己開心，不代表就是自私嘅人。寧願因為真實嘅自己而被人討厭，都唔好因為偽裝嘅自己而被喜歡，因為鍾意你嘅人會連你嘅缺點都會一同愛上。
.
與其去委屈自己，不如學會好好欣賞自己，不停改進增值，令自己變得更好更優秀～
.
#魔髮奇緣 #電影 #長髮公主 #仲喊得勁過睇insideout #點搞 #影評 #香港 #金句 #戀愛 #語錄 #情侶 #愛情 #愛情語錄 #拍拖 #拍拖活動 #迪士尼 #睇戲 #電影金句
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！ 顯示較少內容 顯示較少內容