澳洲返港 檢疫程序+21日酒店隔離紀錄✍︎︎ . 我想喺呢度紀錄低今次返香港做檢驗測試+隔離21日嘅經歷🌝多得港共同武漢肺炎，令我返香港有個咁難忘嘅體驗🤡以下我會講吓返香港之前嘅準備、返到香港嘅檢疫程序同埋21日酒店隔離生活，內文有啲長大家可能要俾少少時間慢慢睇😂. . 〚返香港之前嘅準備〛 疫情+封關關係，Brisbane來往香港嘅航班減到一星期一班。正苦有指定隔離酒店，平到貴價酒店都有，有啲房有二人入住嘅offer會抵啲。我覺得長時間留喺同一間房一定要有啲空間可以行吓，咁先冇咁辛苦，所以揀咗中價嘅mira moon，除返開每人每日$940一晚。我訂好機票酒店，過咗兩日dllm正苦先嚟話酒店隔離由14日延長至21日，冇得退錢之下焗住俾多7日酒店錢🌝. . 〚返到香港嘅入境檢疫程序〛 上機之前要填定健康申報表，填完會出個QR code，落到機有重重關卡，要俾職員scan先可以去下一關🌝喺開始成個檢疫程序第一件事係要Download居安抗疫app🌝然後搭shuttle去terminal 1。 嗰度都幾多人(我坐嗰班機廿個乘客都冇，以為冇咩人返香港)，排隊登記同確認酒店之後，職員就派檢疫令同底褲口罩🌝然後去下一關戴手帶同登記居安抗疫，正式被監控。 再下一關就係排隊篤鼻喉，姑娘好溫柔好快搞掂，跟著拎住樣本交俾職員。呢個位會有嘢食派，三文治同紙包飲品，但邊敢除罩食嘢呀🌝所以都冇咩人攞。接著落嚟就係漫長嘅等待時間，一人一個位好似考公開試咁坐，等咗兩個幾鐘後，終於有職員逐個通知完成測試，冇陽性反應就嘟手帶qr code離開。 之後就可以正式過關同攞行李，離開出境大堂後又要再出示檢疫令先可以行去等車位，然後排隊登記坐shuttle bus去指定酒店。巴士大概有5-6條線，每架車會去唔同區域。 落咗車後到reception check in，終於去到酒店房！歷時5個鐘呀！！但入到房都唔可以休息，為求安心我全房用自備嘅滴露抹一次，所有行李同衫褲鞋都消毒好，沖埋涼先叫真正搞掂。 當日係我男朋友生日，第一年大家一齊冇時間慶祝🥲不過酒店好sweet咁送咗個幾好味嘅生日蛋糕🤣相信呢日應該係佢人生最難忘嘅生日😂😂. 〚喺酒店期間嘅檢驗測試〛 第二朝衛生署打嚟再確認，同埋提醒要去app setting開晒所有item。間房喺我哋入房之後已經痴咗膠帶代表唔可以出房，有咩事可以打去reception搵職員幫手。 之後去到第12同19日會有正苦委托嘅化驗所職員上嚟做test。唔知佢哋係咪好趕時間，撩鼻撩得好粗暴，好似係我鼻窿裏面打蛋咁，仲要整跌咗支棉花棒，重新再喺我兩個鼻窿裏面打蛋......然後我個鼻全日又痛又痕又唔舒服🥲. 〚21日酒店隔離生活〛 其實每日就係食/做嘢/玩/瞓，酒店會定時送早午晚餐，五日前要填好餐單，唔想食可以填唔需要送餐。每一餐都有中西素揀，晏晝同夜晚會有甜品同零食，唯獨嘢飲要另外俾錢買，$30一罐可樂你買埋我個份🌝親友可以送嘢俾我，我亦都可以嗌外賣。喺呢21日叫咗幾次外賣，食到車仔麵魚蛋燒賣西多士感動到想喊🥲同埋56k嘅我第一次用food panda mart，原來都好方便，忍唔住買咗一堆零食😂. 呢段日子撞正農曆新年，雖然冇得同屋企人食團年飯，但食到屋企人送嚟嘅靚餸靚湯，成年冇食過屋企飯嘅我真係再次感動到想喊🥲. 去到第20日可以同酒店前台預約check out，到第21日嘅零時零分，隔離正式完結！可以剪手帶同埋delete app，終於有得返屋企喇！！！ 〚感想〛 好多人問我隔離21日辛唔辛苦，其實唔辛苦嘅，可能因為我同男朋友一齊入住同一間房，而且房嘅空間比較大，有位置郁動吓叫做冇咁壓迫。同埋我一早就為自己安排好時間上嘅分配，所以21日好快就過。但要不是武漢肺炎，我使嘥咁多錢困住自己21日？dklm!!! 最後想多謝Mira Moon嘅front office team，雖然不幸地要喺隔離期間經歷生日、新年同情人節，但佢哋好窩心咁送上小禮物+手寫心意卡♥︎需要幫手嘅時候反應都好迅速，好滿意佢哋嘅服務！ 最後最後，祝大家身體健康，百毒不侵，好人一生平安🙏🏻 . #life_herine