【再見最恐怖的2020年｜這充滿負能量的一年，我想說的總結回望是...】 #超長文慎入 2020年是多麼恐怖的一年，全球絕大部份人都感受到了。於我而言，也是最痛苦最絕望的一年。常看到許多人「人講我又講」，紛紛抱怨2020年很差，其實你有份穩定工作、有個愛你的人在身邊、有著不錯的收入、有健康的身體、追夢之途上有轉曙光，極其量只是這一年沒有加人工、極其量只是不能外遊、極其量只是Home office要受老闆奪命追魂Call... 其實你都活得很好，就請別說何「差」之有。 這是我在12週年時，成功辦過場包場放映活動，那是我在2020年最成功、最光輝、最高潮的一刻。這一年好像很渾沌，就是那一天的成功，最少讓我覺得這一年沒有白過。 不如，用那年包場前拍的照片，為這一年總結文劃上句號。 1. 作為旅遊Blogger、熱愛旅遊的人，一年飛幾次是常識吧，這一年只在年初獲邀出席電影節，去了次日本松山，那甚至不算是旅行。結果，回來沒兩星期，疫情就大爆發，甚麼地方都去不了。以往每一年的這篇總結文章，都是找張外遊照片，今年竟連一張外遊照片都沒有。從大學開始，或遠或近，每年最少都去兩次旅行，少則一星期、長則數個月，今年竟然甚麼都沒有了，連澳門都不能去，心情有夠鬱悶。如是者，這一年在香港不斷尋找各類隱世地方，無論離島或行山次數，均是意想不到的多。每一天都無所事事，那不單是想尋找旅行的感覺，而是這個狀態下，如不外出呼吸一口新鮮空氣，恐怕會精神崩潰。 最後，我才發現了，原來在香港活了這麼多年，從沒發現過有這些隱世好地方就在身邊。 . 2. 對，2020年最大挑戰，是每一天要想想有甚麼好做。相信有不少朋友都經歷了。我非首次失業，但從前你就算失業，都總會有事可幹，即使在香港，都有地方可讓你解悶，你可沒想到，有朝一日會連博物館都關門、會連泳池都關閉、你想找些課堂興趣班上都全數停課、你想搞讀者聚會分享會，都因為疫情「限聚」而不成功、你想找班朋友gathering，卻陷於二人限聚、你想落街跑步，竟得怕因為沒帶口罩而被控。這個時勢別說有工作，連「見工」讓你落街走走的機會都不多。因此，這一年的最大挑戰，就是每天都要想想做甚麼、為自己找個活下去的理由。我從來是個「坐唔定」的人，這一年絕大部份時間唯一可做的事，就是Netflix，曾令我有刻對電視都感到恐懼。當人生沒有了目標，即使有目標都不能達成時，原來是最可怕的事。 最後，我嘗試去習慣這些無聊的日子，我不懂「習慣」了是否一件好事，我似乎真的習慣了這些平淡的生活了。 . 3. 多虧這個疫情，我一年失業兩次，兩次都是不歡而散，尤其年頭的一次，陷入一間讓你有無窮精神壓力、疲勞轟炸的恐怖公司，絕對是人生中最恐怖的夢魘，還得遇上疫情，本已失控的老板都瘋了。常以為人生「沒有最伏，只有更伏」，你以為有些公司讓你差點被拉上法庭已有夠絕望，原來總是低處未算低。曾誤以為下半年的工作可讓我成功轉行，怎料又是另一回錯配，亦再為疫情，一年兩次被裁員。 最後，我告訴自己，勉強無幸福，與其在疫情陰霾下被繼續天天被受白色恐怖，被裁走或許是解脫。 . 4. 曾幾何時，人生遇上了種種無情的變卦、工作上的不安定，我會跟大家笑說幕幕「見工奇遇記」、「職場光怪陸離史」，也會反思這是否自己的問題。這一年，我終於想通了，這絕非自己的問題，也不是自己的能力問題，而是真真正正的「命」。曾經，我會以為這些職場陰暗史正常不過，原來不斷遇上的倒霉事屬個人經歷、有如夢魘般的輪迴，沒有最差，只有更差，非是你的問題，而是命運的擺弄。曾會因為遇上事業、求職問題而失望，這年是絕望。 最後，這個疫情仿佛讓我「叮」一聲的醒覺，有些事情若是命中註定，請別強求太多，捨下多餘的壓力，凡事看輕一點，或許能更自在。 . 5. 突然在從沒停過的人生中停下來，你開始會反思，自己的人生這樣子下去真的不行了。回憶起從2015年開始，都沒遇過甚麼正常的工作，都經歷了不堪回首的記憶，公司破產、公司倒閉、老闆被ICAC查結果要裁員，最後來到這一年的疫情。你的CV「花」了非自己的問題，而是遇得太多奇怪事。從前的我會樂觀笑說，這不過是倒霉運，可若未來都是這樣子倒霉下去，這不能是笑話了。以往，你會覺得去次長旅行「叉電」、再次上路又是一條好漢，可這年不來外遊，又來到這個年紀，身邊人都開始有一定的事業，甚至是人生基礎時，你還處處碰壁，真有種人生就此玩完的感覺。回想起來，你求職不成、嘗試Freelance又失敗、嘗試創業又沒有成功，一個又一個人聲稱要與你合作，卻全均屬「講吓姐」。這一年連想上些興趣班、學習新技能都全部停課時，你不禁回想這五年來的一切努力，比別人多百倍的努力，不斷的努力又曾否有一刻成功過？年中去了幾回算命，師傅都不約而同告訴你，這是難得一見的辛苦命，你一生不會有折墮時，但一定不會有大富大貴的成功。 最後，我嘗試令自己不要想太多。信命與否全屬你個人選擇，我當然明白，但在這個諷刺的一年聽來，都不知是否樂觀了。 未完下po待續。 #再見2020 #goodbye2020 #goodbye2020hello2021

最近國泰炒人，好多行業都係一樣，好多人可能都要搵 #新工作 又或者要 #轉行，到底可以點面對？點解唔好聽阿爸阿媽意見呢？ 【21分鐘完整版】想知道我有咩 #寫CV tips，可以去到 👉 Patreon link on bio #英文 #english #dseenglish #dse英文 #dse2021 #dse2022 #supermarket #香港加油 #香港 #日常英文 #英文oral

【長文慎入！】 之前喺維珍飛，通常一班機飛到去澳洲只係逗留24個鐘就會飛返香港，所以飛到過去多數淨係喺酒店瞓，有時甚至淨係嗌個room service乜都冇做過，瞓醒就飛返香港。不過有一段時間，除咗呢啲得24個鐘嘅pattern，都會有啲超級長嘅pattern，最長係會留72個鐘，中間整整有3日完全free time喺澳洲。 話說有一次，我好難得地有一個72個鐘嘅Melbourne Flight，留咁耐緊係要諗啲嘢做。喺維珍我最friend嘅墨爾本同事就係一個傻大姐Jacky，我就問佢嚟緊有咩嘢做。佢話佢會去Sydney搵個friend，佢個friend阿Steve都係維珍嘅cabin crew，係揸熱氣球嘅，諗住去Sydney坐佢個熱氣球，呢個機會簡直千載難逢，我聽到已經勁興奮，我一口就答應咗！ 由於我返工班機係飛Melbourne，所以飛完班凌晨機朝早到咗Melbourne之後，我喺酒店登記咗攞完張房卡，嘢都冇擺低就直接用員工飛飛去Sydney，拎完機票先喺機場啲廁所入面換衫！由前一晚喺香港飛去Melbourne飛咗9個鐘，成晚冇瞓我淨係喺Sydney飛去Melbourne呢兩個鐘內瞓咗陣覺。做得cabin crew，就好似用緊生命去旅行。 去到Sydney已經見到Jacky同埋熱氣球阿Steve揸埋車嚟接我，佢架車後面再接住一架專放行李嘅車，車上面就係個熱氣球籃同埋其他工具。我哋揸車揸咗差唔多三個鐘，去到一個叫Capertee嘅地方，聽聞佢係全世界第二大嘅峽谷。 當然第一次坐熱氣球成件事係好amazing，因為呢個揸開熱氣球嘅Steve平時係有參加全球嘅熱氣球比賽，有去過日本、台北比賽，所以我有機會睇埋佢哋由plan成個航行軌道、測風向，到set up個熱氣球、噴火為熱氣球吹氣，到真正升高嘅過程，吹氣嗰陣我仲可以成個人走咗入個熱氣球入面影相，超級過癮！升到空個風景靚到一個點就更加唔洗講。 不過其實呢篇主要唔係講坐熱氣球有幾amazing！ 話說我哋去到呢個叫Capertee嘅小鎮，方圓百里都係人跡罕至，更加唔好奢望話會有啲好靚嘅酒店畀你住。我哋坐熱氣球呢兩日下塌嘅係鎮上應該係唯一一間連hotel都稱唔上嘅motel，成間motel只有三層，地下𠴱層係一間細餐廳加酒吧，仲有個有得睇電視嘅common area，第二層就係一間間房，再上一層已經係天台，成間motel都係白色嘅石起成，總之就係好家庭feel。 我同Jacky就係住喺第二層嘅某一間雙床房入面，講到呢度觀眾唔好誤會，Jacky不嬲都當我係細佬咁，成日話我係佢brother from another mother。 重點嚟喇。 話說第一晚，我同Jacky都係房入面，由於沖涼係要出去出面公眾浴室沖，Jacky就準備出去沖涼喇。咁由於呢間motel係相當之簡陋，佢個門係冇門卡，冇密碼，係好傳統用鎖匙開嗰種！呢個時候，Jacky就出咗去沖涼，喺房嘅我就喺度撳電話，玩玩下覺得收到好差，就諗住落common area用佢個wifi！當我出咗房門，落緊樓梯先醒起有樣嘢唔對路！我先驚覺我閂門嗰下唔記得帶埋條鎖匙出門！！！！！於是我就衝返去房門口，用盡方法都開唔到度門！ 冇幾耐Jacky返到嚟，佢著住睡衣，沖完涼個頭仲係濕嘅，捧住一堆著過嘅衫問我發生咩事。我就勁內疚咁一五一十話佢聽發生咩事，然後say咗廿句sorry。話明呢間motel係家庭式經營，個老細一收工就會揸車返屋企，第一朝再揸車返嚟開工，加上我哋冇老細個電話，所以只可以等第二朝老細返嚟打救我哋。我哋發現我哋間房隔離有間冇人嘅雙床房，諗住喺嗰度瞓！但注意，我係未沖涼未擦牙未洗面！但都冇辦法啦！ 喺間吉房攤攤下撳電話，神奇嘅事又發生了！話說我都叫經營咗個Facebook Page多年，呢個時間我就醒起，可以搵下呢間motel有冇Facebook Page，點知好死唔死又畀我搵到喎！估唔到呢間咁偏僻嘅鄉郊旅店都會有Facebook Page！我即刻inbox佢哋求救！但其實當時已經係夜晚12點，都唔奢望會有咩回應！點知佢哋服務咁好，秒覆我哋！！！！！原來間motel除咗老細，有員工係住咗喺motel入面，個員工就係Facebook page個admin！唔洗幾分鐘佢就拎咗條後備鎖匙上嚟幫我哋開咗度門！ 呢個擺烏龍事件真係畢生難忘，好彩最後有驚無險！ 點解無那那講起呢件事？冇㗎！我真係好掛住飛囉！而家日日喺屋企真係悶到抽筋！自從失業之後，我有apply全職平面設計嘅工，send咗好多份CV都冇回音，我諗，佢哋係見到我做咗五年空少，經驗完全唔相關，又或者覺得我唔夠定性掛？！ 但你問我會唔會後悔做咗空少搞到而家如斯田地，我想講係－絕－對－冇！ 我好感激當初嘅自己讀完大學，咁勇敢茂茂然轉行，做一份同自己讀書完全唔相關嘅工作。冇呢五年，可能我淨係日日坐喺辦公室入面，我唔會識到咁多amazing嘅人，唔會見到同感受到世界上發生緊咁amazing嘅事。遊歷令我到大開眼界之餘，令我嘅世界唔淨係停留喺世界上一個圈、一個點；而做cabin crew帶畀我嘅回憶，我諗足以我一世去回味！ 疫症之後，我一定會踏上途程，去繼續睇呢個世界！因為我仲未睇夠！咪洗旨意我會定性！我仍