［記得四哥發哥都已見過面。後來榮升主角太突然］（＊）Dear, write some god damn thing

TLDR：下個月開始，《信報財經月刊》有我。記得買。

1. 我有無數咁多古怪嘅寫作習慣。其中一個唔少人知，就係我篇文寫乜都未知，幾時會有都未知，但一早會有個題。例如我篇《楊枝甘露的誕生》，聽講係愛情小說，寫咗廿幾年只係得個題。《第一次的親密接觸》嘅作者痞子蔡都有呢個習慣，小說一定有咗個題先，然後先寫。

2. 我更進一步，十幾廿年前已經會有個題，等件事發生。好似門捷列夫個元素週期表咁（Periodic table，啲化學畀返晒老師未？）。同你估嘅唔同，當年佢整個表嗰時，唔係列晒1—100出嚟，當時唔少元素根本未被發現。但佢一早留定位，知道會有一個咁特性嘅元素，一直都在，只等你發現。後來果然後人就發現到嗰啲元素，性質同佢預期嘅差不多一樣，成件事實在型到不得了（＊＊）

3. 當然我唔係門捷列夫，我不能確定呢一日會發生。可能十年，三十年，甚至死嗰日都唔會有。因為涉及太多嘢。但總之，呢篇文個題，係我好多年前已經諗的，just in case．而家就可以解封了。

4. 忘掉那一天，記不起是那年，但應該係好早期，我甚至未做金融。有一年，我在書展，見到有個唔靚仔嘅瘦皮猴，推銷緊佢本新書，好似唔太多人理佢。佢話可以幫我簽名

5. 嗰個，就係龔耀輝。

6. 後來嘅事，係我開始打銀行工，開始睇《信報》。一來公司有，二來Reuters部機上面有。

7. You are what you read，最早期我可能受陶傑張小嫻影響，後來我就受游清源影響。金融方面，當然就係睇《信報》時，蔡東豪同龔耀輝。

8. 等我懷念下當年，circa 2004 -2006，我在美國銀行大廈返工（蕉行嘛）（＊＊＊），閒唔時就係睇下《信報》，就係睇佢幾位老哥。當時我成日午餐就在和記大廈（已拆）間星巴克，記得嗰時個姐姐認得我，我漏低咗嘢幫我keep住，仲手寫住我個名（星巴克姐姐知你個名有幾奇？我又唔會用假名）。硬係覺得嗰時嘅人心好啲，星巴克啲女都靚啲。定只係嗰時後生，入世未深？

9. 無論如何，嗰時我就心諗。嘩，幾時有一日到我會寫《信報》？

10. 至少在2000年時，我已經發夢在報紙在專欄作家。當時厚著面皮厚著包皮咁電郵某人請教，仲畀佢第日在專欄串我。但，佢講得冇錯嘅係，write some god damn thing（唔係原文）．呢個亦係我而家叫啲小朋友做嘅嘢。

11. 時間飛到去大約十年前，《信報》搞咗個「動筆動思考」嘅東西。作家培瞓，或者當搵新血咁。當時我在耆英已撈得不錯，但寫作嘅事業，等於零。

12. 而去到呢個位，我實在so gay都要講。我大學年代識嘅嗰位網友，已經實現咗自己嘅夢想（算係？），在有線講咗波好多年。佢點入行架呢？正係參加咗有線嘅比賽。我仲要係睇住嗰場比賽，甚至記得佢係講曼聯對車路士。舊年同佢食飯講起，佢當然完全唔記得呢件事。

13. 不能話受佢影響，因為當時佢已經講咗好多年。但總之，「動筆動思考」壇嘢，我就覺得自己都係要write some god damn thing，寫咗篇文去。三十歲那日不要臉，參加了挑戰

14. 有圖有真相，我都唔知我仲keep住呢個email

15. 結果？我有個朋友入圍（唔係寫金融的），本人當然名落孫山。明顯寫得未夠好，或者緣份未到。

16. 又或者，係未夠努力。

17. 當年某評審睇咗我篇文，問我有冇啲正經啲嘅（陰功，我以為嗰篇已經好正經！）。正常真係好飢饑嘅人，應該會寫多篇。但我好似只係回佢：冇喎，這是我的風格。（唔肯定有冇第二句）

18. 咁，who cares你咩風格？邊位？

19. 況且，Let’s be frank，機會成本。我由中學開始已經鍾意寫嘢，但畢竟你鍾意唱歌同你去紅館開演唱會係兩回事，你鍾意踢波同你去咗奧脫福踢一隊又係兩回事。

20. 正如上面講，當時我在耆英都撈得不錯。當然都熱愛寫作，但我都熱愛空姐（誰不愛），但我總不會日日走去約空姐，對不？唔使返工咩。咁我摶上位升職加人工緊要，定寫文緊要？

21. 你可以話即係我未夠熱愛，或者寫得未夠好，總之whatever，就又過咗十幾年。媽的，人生有幾多個十幾年？

22. 但生命嘅嘢真係唔係一條直線，卒之2021年，《信報財經月刊》，搵我寫嘢！

23. 我唔記得係「四哥」定「發哥」講（懶FC了），當年《信報》搵佢寫文，佢嘅反應係「𦧲飯應」（原文照錄）。亦係我早兩星期嘅心情。

24. 講多無謂，write some god damn thing．稿已交，講日本股票。10月頭會出版，到時記得買。最開心係佢地可以畀我寫三千字。

25. 當然啦，如今我四十看從前，枝筆已鬆軟。「四哥」「發哥」都冇再在《信報》寫文。但唔緊要，依然仲有好多好嘅作者。唔係講我啦。你也可以是孔少林，我們都是原復生。

26. 彩蛋：當年，2006，唔知「四哥」定「發哥」在《信報》，貼中意大利拎冠軍，鳩威咗一排。今年，2021年，本人一樣貼中意大利拎冠軍！固然都係七分好彩，但，至少寫波，我就應該勝過「四哥」「發哥」了。

27. 彩蛋二：居然畀我搵得返當年掟去嗰兩篇稿，不如遲下貼上嚟？而家睇返，「都唔係真係咁差啫」，「咪同我而家啲文差不多」。證明我過去十幾年都冇乜進步過，但可能啲讀者品味越嚟越低，造就我都有人睇。又或者「四哥」「發哥」等等收晒山，池中無魚蝦自大，廖化作先鋒咁。

（＊）都係鍾意高登改版多啲。「記得飯島　松島　都已見過面 後來榮升主角太突然」。原諒我騎劫咗一個應該相當文藝中產嘅post，但，唔通中產文青唔睇AV？早兩年我去到松島（牛舌！）打卡亦都係貼呢句歌詞。不過in case anyone care，我係既唔睇飯島，亦唔睇松島嘅。甚至三上悠亞 波多野結衣我都係唔睇的。懶係唔跟主流嘛，由呢啲嘢都睇得出。但又不過，你見我買股票又係買返 Facebook Microsoft 等等，主流到唔主流，所以唔好輕易將 「平時嘅口味」同投資嘅性格撈埋嚟講。正如跑馬拉松嘅人，未必買股票有恒心。運動員在場上可以受壓，可以超高心理質素，但唔等於唔會有心理問題，唔會亂買嘢傾家蕩產。世界唔係咁簡單

（＊＊）好多書有講，例如呢本（https://bityl.co/8eCm）

（＊＊＊）無獨有偶，嗰時我去耆英證券見工，都係嗰度！仲要係樓上！「所以唔使請假見工」。最正係我take咗佢地offer嗰日，放工就撞到後來嘅鬼頭上司同我一齊迫電梯。

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

【天神公主學園】介紹：#Netflix簽訂系列電影拍攝

關於迷人的希臘神話，從超厚的學術型叢書到像波西傑克森那種青少年奇幻小說我都愛看。這次的東雨團，身為一個超級希臘神話迷我真心推薦這套【天神公主學園】！

【天神公主學園】的書名取得很夢幻，害一向沒有公主夢的我差點就要錯過她了~~。選書期間我也是拖到很後面才懶洋洋的拿起她來翻看，結果不得了了一看整個大驚！這套，好看！
#都被Netflix簽約了等於精彩保證👍

有別於市面上的兒少希臘神話，大部份都是把一個個單一的故事整理一下排列組合就編輯成了一本書，【天神公主學園】她是把整個希臘神話裡的祖譜和錯綜複雜的人神關係，重新整理融合揉過之後，讓主角們化身學校裡的青少年學生，藉由他們的校園生活、同儕互動、學習過程、妖神教授們出的作業、親子間的磨擦來敘述希臘神話裡的人神故事，有辦法寫成這樣作者實在非常利害！

比如第一集的女主角是宙斯最得意的高材生女兒-雅典娜。雅忍典娜很晚才被接來學院讀書，但卻一進來就是用跳級的方式展現了她的學霸特質，但同學們並非每個人都很友善，比如一直以來在希臘神話裡跟雅典娜是死對頭的梅杜莎，就極愛找荏小動作很多，但雅典娜也不是好惹的，一個妙計就讓梅杜莎一頭秀髮變成了恐怖的蛇頭，最後還把自己石化了，這些都是著名的故事橋段哪！

還有大家記得美麗的禍水海倫嗎？作者在劇情中設計了一個選修課橋段，天神學生們必需在「英雄學」裡的一個實作課程中，利用自己抽到的英雄小人偶分成兩組對戰，而這每一個戰略、每一步操作，都會真實反應在人世間的歷史裡，雅典娜就是在這盤比賽中利用她自製的小木馬，讓奧德賽順利攻佔特洛伊，上演了經典的「木馬屠城記」。

第二集的主角變成豐收女神波瑟芬妮，傳說中波瑟芬妮是被冥王黑帝斯強擄走的，但在【天神公主學園】裡他們兩個其實是同學，波瑟芬妮因為媽媽(農業和四季女神)管很嚴所以是少數不能住校而住在家裡的學生，而黑帝斯因為來自地獄這個身份，所以在學校常常被人霸凌欺負。他們兩個一見鐘情，而為他們圍事的月老是：宙斯。

這套【天神公主學園】字數偏多(但字級很夠大)，推薦 #中高年級適讀，全書有注音，全套五本，前面四集平均大概200頁，最後一集比較厚一點，因為一次冒了12個險…，所以差不多快300頁哦！字數大約四萬到六萬字。如果擔心孩子還沒辦法消化中長篇小說讀本，可以先買第1、2集試閱看看。

東雨開團折扣都用撒的，單本就72折了，100多塊帶一本四萬多字的文字書回家真的是很輕鬆愉快。

🛒購書連結：https://pse.is/3jr3ae

五集書名：
天神公主學園1：學霸雅典娜
天神公主學園2：改造冥王黑帝斯
天神公主學園3：美麗女神變身計畫
天神公主學園4：狩獵女神追星記
天神公主學園5：12個試煉 (2021/6月最新出版)

我係一條大懶蟲（下）
　　
上集：https://bit.ly/3qEl94I
　　
比賽有兩個部份，專業評判同大眾投票。

呢場比賽係電視真人騷，目標係吸引更多觀眾，所以邊個可以晉級，基本上都係由大眾投票決定。

專業評判只可以畀吓評語，同埋有特殊投票權，可以拯救自己睇中，而又被大眾投票所淘汰嘅選手。

呢個我唔擔心，以我嘅歌喉、舞技、態度，我相信絕對冇評判會拯救我。
　　

剩低嘅問題係：大眾投票。

大家都知道，觀眾嘅眼睛唔係雪亮嘅。

觀眾緣係一件奇妙嘅事，唔係話你唱歌好聽過隔離嗰個，觀眾就必定會投你一票。

所以，為免觀眾一不小心投咗我票，喺選手採訪中，我坦白講：「我唔想唱歌跳舞，我唔適合做男團，我真係好攰。」

主持問：「咁你有咩願望？」

「我想返屋企！」我絕對係真誠嘅。
　　

之後嘅排練中，我努力偷懶，有機會合眼訓。

去到表演果日，其他人大展歌喉，活力熱舞。

我就毫無笑容、毫無感情咁唱咗一隻歌，仲差過唱K。
　　

我以為，我一定會被淘汰啦。

點知宣佈晉級嗰日，我高票晉級。

我嚇咗一大跳，忍唔住打畀我阿媽，問佢知唔知發生咩事。
　　

有上網嘅阿媽話畀我知，節目組覺得我嘅唔情願好特別，所以剪咗好多鏡頭畀我。

點知網民用我個樣整咗好多表情包，咩「唔想返工」、「好攰」、「放假萬歲」咁。

我喺網上一炮而紅，網民鍾意我嘅疲態同沮喪，想睇我目無表情咁答問題。

佢哋仲建立咗個Fans Club，到處組織人投票畀我。
　　

喂，大家係咪搞錯晒啊？我要返屋企啊！

下一次上台，我嘅表現被專業評判評為「F級」，即係最低級。

主持人問我：「對於被評為F級，你有咩感受？」

我答：「F For Freedom！係自由啊！」我表現咁差，實有得走啦掛。

主持人又問：「阿夫，有咩想同你啲Fans講？」

「如果你支持我，請你唔好投票畀我。係、唔、好。」我一字一頓咁答。
　　

結果，新一次投票，我嘅票數升到全場第五名。

我嘅Fans數量激增，網民話，想我留喺個比賽度，就可以睇我好苦惱嘅樣。

唉，想晉級嘅被淘汰咗，想走嘅反而被逼留低。
　　

你話呢個世界，點解會咁㗎呢？
　　
—完—
　　
真人真事改編自Vladislav Ivanov參與真人騷《創造營2021》的經歷。

Vladislav是一個俄羅斯模特，因俊朗的外表，引起了節目製作人的注意。

他想嘗試新生活，答應參與真人騷。

他參加了訓練營，但參賽者無法離開營地，被切斷了與網路世界的聯繫，要接受大量訓練。

Vladislav認為，這不符合他的期望。
　　

但合同列明，如果主動離開，將被處以巨額罰款，唯一能夠逃脫的方法是觀眾們不投票給他們，讓他們離開。

因此，Vladislav決定要成為表現最差的選手，並叫大家不要投票給他。

偏偏他的粉絲暴增，不斷為他拉票，確保他可以留在比賽中，讓大家觀賞他苦惱的樣子。

研究者指，Vladislav深受歡迎，是因為「這種被困無助的感覺，是許多年輕人的感受，他們工時很長，但即使心底裡想，卻也無法辭職。」
　　

三個月後，Vladislav終於被投票踢走。

在那一集中，他趕緊衝向出口，工作人員緊追不捨。
　　

新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
　　
#短故 #短篇 #小說 #陳美濤 #廣東話 #粵語 #tomatochan #我係一條大懶蟲