【轉會消息】
.
艾巴咸正式由車路士轉會加盟意甲球會羅馬，據報哩單交易轉會費達4000萬歐元，並會以分期方式支付，而同時藍軍喺7/2023前擁有優先回購權，費用約8000萬歐元，鎖定球員避免將來再次需要高價回購。
.
自添姆雲拿及夏維斯加盟後，艾巴咸既主力射手位置經已不保，加上杜曹上任後所建立既戰術體系都以兩位德國攻擊球員為先要考慮，令哩位藍軍9號淪為第三或更後選擇，最終亦選擇離開尋求機會。
.
有傳球員首選係希望轉投同巿宿敵阿仙奴，但由於槍手一直未有作出正式報價而令艾巴咸選擇離國發展，追隨摩連奴同意大利尋找新挑戰，亦係自湯姆利上季轉投AC米蘭後第二位球員轉戰意甲。
.
而是次轉會有趣既地方係三間球會既9號前鋒球員互換，本身為國際米蘭既盧卡古轉投加盟車路士，而國米再由羅馬收購迪斯高，繼而羅馬再由車路士收購艾巴咸，連鎖式轉會經已達成。
.
《岩睇既比個Like支持我地啊！》
作者 : BluexLion車迷手記
圖片來源 : Roma Offical
-------------------------------
同場加映《令車迷們「瘋狂」的一個暑假 淺談藍軍大灑金錢的一個轉會窗 – 後場篇》
https://bit.ly/2T6r2YE
.
#Chelsea #車路士 #艾巴咸 #羅馬