感謝大家集氣同鼓勵，小弟終於一Take Pass，唔洗去結界渣車喇....
雖然考到車牌唔係咩特別值得自豪嘅事，加上我又唔係"真.男人"考棍波
但都想分享下學車感受，因為可能讀者總有一日會去學車，或者呢篇感受文幫到你。
　
其實我對車係完全無任何認知，但見身邊好多人都去咗考車牌，所以我都去考。但由於坊間駕駛學院好鬼死貴...又多堂..攪到我完全唔想去報，所以所有嘢都係自己一個人去攪。
　
由於我工作時間關係，我係完全無咩空間同日子可以去學車，所以我7月5日考，去到6月10日，我都未學車未搵師父連個學牌都未整.....
　
我上網搵咗好多資料，睇咗好多人對於搵街車師父學車嘅經驗都唔係太好，來來去去都係你學車要帶住個老母去學，全程屌你 屌到你無哂自信心去學個堆.....又教得唔好，博你Fail再搵佢學而賺錢...又唔帶你出試場行，不斷喺九龍塘學兜圈...好多好多唔好嘅嘢
　
咁我覺得我比錢學車，點解要比你屌到咁先，唔好話屌你先為你好等你記住，但我覺得呢套已經不合時宜，亦都無必要比錢比人屌
　
所以我左揀右揀，膽粗粗上網搵咗鄧師父，我記得我第一堂已經同你講，我希望以最短時間內學到車，但我從來唔識任何車，但佢都答應可以幫到我！！
　
我對鄧師父嘅感覺係，佢準時、全程無Hea，把口同對眼都無停咁提點你，亦會叫我渣出街拎下經驗，唔會比我只係為咗考試路線而學，當我做錯時，佢都好有耐性教我，就係呢幾點已經值得讚。
　
考試嗰陣真係超緊張，我仲柒到連踩腳制開車都唔記得咗，係咁入唔到波開車!!呢啲犯錯真係緊張先會咁，之後我都咬實牙關去。其實我覺得考車好易，自動波無咩技術可言，但最難係考意識，因為我意識比較慢，同埋唔鐘意作假 (例如擺明無車都要做足動作..)所以都驚肥呢樣。好再都順利完成。
　
諗起學車呢段日子真係好辛苦，我返工要返夜，朝早又要夾時間學車，真係累到一個點...總結一下大家想學車要注意地方

1. 上多啲Youtube睇熟佢路線同注意地方
2. 最好Print張Google map畫好哂你條路線需要注意嘅位
3. 腦海練習一下
4. 上堂時 有咩唔明唔好擺喺心入面 記得問師父
5. 做齊任何你動作 要大動作 要誇！唔好覺得唔好意思！
　
最後，合格當然開心，我仲同師父講 我免費幫你宣傳
只係希望如果好似我想學車但又怕貴又怕搵唔岩師父嘅讀者 可以多個選擇參考!!

人大咗真係好難再經歷考試，原來再次經歷"緊張"嘅心情係咁寶貴。

感謝大家支持!
　
想搵佢學車或者查詢價錢 Whatsapp問佢就得
☎53663206
佢叫鄧師傅!!記得話孔明介紹!!!