雖然這篇躡手躡腳粵語鄉民發文沒有被收入到精華區：在躡手躡腳粵語這個話題中，我們另外找到其它相關的精選爆讚文章
在 躡手躡腳粵語產品中有6篇Facebook貼文，粉絲數超過4,161的網紅陳美濤 Tomato，也在其Facebook貼文中提到， 【情人節特獻】我要睇男朋友部手機（上） 好多人都話，一段感情裡面，「信任」係好重要嘅。 但如果對方嘅表現有好多疑點，咁仲應該盲目信任佢咩？ 我諗，任何一個愛對方嘅女人，都會想知道真相。 我從來都唔會偷睇另一半嘅手機，但我男朋友阿傑真係好可疑。 無論沖涼定去廁所，佢都機不離身。 ...
躡手躡腳粵語 在 陳美濤Tomato Chan Instagram 的最佳貼文
2021-02-19 23:11:18
【情人節特獻】我要睇男朋友部手機（上） . 好多人都話，一段感情裡面，「信任」係好重要嘅。 . 但如果對方嘅表現有好多疑點，咁仲應該盲目信任佢咩？ . 我諗，任何一個愛對方嘅女人，都會想知道真相。 . ， 我從來都唔會偷睇另一半嘅手機，但我男朋友阿傑真係好可疑。 . 無論沖涼定去廁所，佢都機...
躡手躡腳粵語 在 陳美濤Tomato Chan Instagram 的最讚貼文
2020-12-03 15:48:53
我嘅職業係：地府法官（下） . 法庭過後，我諗番呢件事，有啲慚愧。 . 我自問睇人好準，但我初時都以為陳大文係殘忍嘅凶手，估唔到佢係孝子。 . 佢可以喺仇人身邊潛伏廿幾年，然後一擊必殺，並處理好事後工作，都係一個人才。 . ， 呢個時候，陳大文同辯方律師喺前面經過。 . 我正打算追上去，同陳大文...
躡手躡腳粵語 在 陳美濤Tomato Chan Instagram 的最佳解答
2020-09-21 10:06:53
尋找殺狗凶手（上） . 我係一個私家偵探，今日我接到一單委托，張太養嘅旺財死咗，張太要我搵出凶手。 . 據張太所講，前日旺財突然狂嘔，張太即刻送佢去睇獸醫，獸醫都救唔番。 . 據獸醫診斷，旺財誤食朱古力，中毒身亡。 . ， 我望吓獸醫嘅診斷單張，然後問：「你懷疑，旺財唔係誤食，而係有人毒害佢？...
躡手躡腳粵語 在 陳美濤 Tomato Facebook 的最讚貼文
【情人節特獻】我要睇男朋友部手機（上）
好多人都話，一段感情裡面，「信任」係好重要嘅。
但如果對方嘅表現有好多疑點，咁仲應該盲目信任佢咩？
我諗，任何一個愛對方嘅女人，都會想知道真相。
我從來都唔會偷睇另一半嘅手機，但我男朋友阿傑真係好可疑。
無論沖涼定去廁所，佢都機不離身。
佢喺我隔離用手機嗰陣，總係會打側少少，令我望唔到個Mon。
有一次，我哋用佢部手機叫外賣，我伸個頭埋去睇菜單。
呢個時候，部手機震一震，收到新訊息，第一句係：「你仲愛唔愛我？」
阿傑好慌張咁拎番部手機，好驚俾我睇到。
我委婉咁同阿傑提過，話有啲情侶會交換手機嚟睇。
佢皺晒眉：「私隱嚟㗎嘛，點解個個女人都想偷睇人哋部手機？」
「好多女人想睇你部手機咩？」我問。
阿傑話：「我前女友婷婷囉……趁我瞓著就想偷部手機嚟睇，成個賊咁。」
「咁你有咩反應？」我又問。
阿傑答：「屢勸不改，咪分手囉，信任好緊要㗎，我根本就唔係會出軌嗰啲人。」
呢段對話之後，我都嘗試唔去懷疑佢。
但有一晚，我同阿傑過夜，瞓到半夜醒咗，阿傑唔見咗。
我見廁所開咗燈、關咗門，我躡手躡腳咁行到門邊。
我聽到阿傑同人講緊電話，隱約聽到「婷婷」、「唔好咁夜打畀我」、「大把時間傾」……
第二日，我試探阿傑，問佢仲有冇同婷婷聯絡。
阿傑斬釘截鐵咁話：「冇。」
我有諗過，尋晚嗰個「婷婷」未必係佢嘅前女友，可能係另一個同名嘅女仔。
但一個男人瞞住女朋友，半夜三更同另一個女仔傾電話，點都有秘密。
我決定，我要偷睇阿傑部手機！
有一晚，阿傑同朋友出去飲酒，返到嚟好快就瞓著咗，部手機就咁擺咗喺枱面。
佢set咗密碼，我尋日有留意佢輸入密碼嘅手勢，估咗個密碼。
「密碼錯誤。」係我估錯？定阿傑日日都轉手機密碼？
我猶豫緊唔知點算，呢個時候，屏幕上彈出一條新訊息：「我哋都叫拍過拖、相愛過，你點解唔可以放過我？」
放過？我以為，就算阿傑有同婷婷聯絡，都係婷婷糾纏阿傑多啲。
所以婷婷先會問：「你仲愛唔愛我」，先會半夜打嚟騷擾阿傑。
但從呢條訊息嚟睇，唔通阿傑都有纏住婷婷？佢哋到底係咩關係？
未等我諗清楚，阿傑跌跌撞撞咁行出嚟，一手將部手機拎番入房。
阿傑死都唔認，或者，我應該直接問婷婷。
以前阿傑有畀我睇過婷婷張相，所以，我喺阿傑嘅IG追蹤者中，逐個逐個搵，冇幾耐就搵到婷婷嘅IG。
原來婷婷都算係半個IG女神，成日出Post，有幾多Fans。
奇怪嘅係，佢上一個Post係一年前。
之前佢幾乎日日出Post，但一年前，佢突然間冇再出Post，冇道別、冇刪ac，就咁突然消失。
一年前嘅最後一個Post，下面有好多留言，大家都問：「婷婷，你去咗邊？」
我仔細睇晒每一個留言，有個人留言：「阿妹，我哋全家都好掛住你。」
我嘗試聯繫嗰個人，係婷婷嘅親生阿哥，佢話婷婷一年前突然失蹤，報咗警都搵唔番。
佢好心急咁問我，係咪有婷婷嘅消息。
一年前……照阿傑所講，佢同婷婷就係一年前分手嘅。
唔知點解，我有啲心寒。
我用類似嘅方法，搵到阿傑嘅初戀女友。
呢個女仔都失咗蹤，而失蹤嘅時間，都係佢同阿傑「分手」嘅時間。
呢一刻，我懷疑嘅唔再係「阿傑出軌」，而係「嗰兩個女仔去咗邊」。
再聯想婷婷問「你點解唔可以放過我」，會唔會係阿傑禁錮咗婷婷？
但如果婷婷被禁錮，佢點會仲用到電話，可以打電話、發訊息畀阿傑？佢早就求救啦。
下集：https://bit.ly/2ZoTwQd
Patreon訂閱即時睇下集，快人一步：https://www.patreon.com/tomato28
#短故 #短篇 #小說 #陳美濤 #廣東話 #粵語 #tomatochan #我要睇男朋友部手機 #情人節
躡手躡腳粵語 在 陳美濤 Tomato Facebook 的最讚貼文
我嘅職業係：地府法官（下）
上集：https://bit.ly/3c7mGIC
法庭過後，我諗番呢件事，有啲慚愧。
我自問睇人好準，但我初時都以為陳大文係殘忍嘅凶手，估唔到佢係孝子。
佢可以喺仇人身邊潛伏廿幾年，然後一擊必殺，並處理好事後工作，都係一個人才。
呢個時候，陳大文同辯方律師喺前面經過。
我正打算追上去，同陳大文傾兩句。
突然間，我見到陳大文面上，露出一個有啲奸嘅笑容。
我唔知點樣形容，但我肯定，唔似係孝子嘅笑容。
神差鬼使地，我躡手躡腳咁行近幾步，偷聽佢哋講咩。
「班友真係低能㗎，仲話我係孝子。我殺我阿媽，只係因為佢好煩，成日囉囉唆唆。」陳大文冷笑。
律師細細聲問：「你之前唔知道，胡女士殺咗你親生父母？」
「有零碎嘅記憶啦，但我唔Care啦，對親生父母都無乜印象。」
陳大文沾沾自喜：「好彩你幫我翻查孽鏡，先打得甩呢場官司。」
我勃然大怒：「你居然講大話？」
陳大文驚駭地回頭，迅速調整佢嘅表情：「法官大人，你收工啦？」
我無再同呢個虛偽嘅人辯護，我要再次起訴佢，令佢得到應有嘅懲罰。
但我處理司法程序嘅時候，先發現個問題好複雜。
依照實質證據，胡女士的確殺咗陳大文嘅父母，陳大文嘅行為，理所當然地被認為係報仇。
問題係，陳大文真正嘅動機，根本唔係報仇。
我雖然偷聽到陳大文講真相，但又無錄音；孽鏡只可以播放陽間嘅事，無記錄陰間嘅事。
所以，除咗我同辯方律師之外，無人聽到真相。
我動用咗好多關係，先令到呢單案再次開庭。
呢次我當然唔係法官，好彩，擔任法官嘅，係一個熟悉嘅前輩。
我頓時鬆一口氣，呢個前輩不嬲好欣賞我，佢知道我個人剛正不阿，絕對唔會講大話。
我就講晒我聽到嘅嘢出嚟，雖然陳大文矢口否認，但我依然講晒我聽到嘅嘢出嚟，信心滿滿咁望向法官。
估唔到，前輩決定維持原判，陳大文都係無罪釋放。
我好困惑，我去搵前輩：「您唔信我咩？我講真㗎，我真係聽到陳大文講……」
「我信你，我知你從來唔講大話。」前輩拍吓我膊頭。
「咁點解放過陳大文？」我完全唔明：「以佢嘅真正動機嚟講，佢為咗少少嘅情緒，就殺咗疼愛佢嘅養母，罪無可恕！」
前輩嘆氣：「我明白，但作為地府法官，我唔可以開呢個先河。」
「咩先河？」我問。
「孽鏡可以睇到人嘅行為，睇唔到人嘅內心。所以，地府法庭嘅判決，都係『論跡不論心』。」
前輩繼續講：「如果我根據你一面之辭，判斷陳大文嘅諗法，以此作為判刑基礎，呢單案成為案例後，會唔會造成以後嘅冤案？」
我無言以對。
每個人都想睇穿人地嘅心，嘗試從蛛絲馬跡，判斷其他人嘅諗法、做事嘅動機。
就好似大家見到，胡女士殺咗陳大文嘅父母，就理所當然地認為，陳大文係報仇嘅孝子。
其實，思想係最難被證實嘅事，判斷嘅同時，會產生更多誤會。
或者，有時直接睇行為，好過估動機。
一個沽名釣譽做好事嘅人，總好過一個無心之失做壞事嘅人。
－完－
將專頁設定為「搶先看」/ "See first"，最新故仔馬上睇！
我阿媽生咗舊叉燒：https://goo.gl/bxi7X9
我要學做孫悟空：http://bit.do/eNWtL
#短故 #短篇 #小說 #陳美濤 #廣東話 #粵語 #tomatochan #我嘅職業係地府法官
躡手躡腳粵語 在 陳美濤 Tomato Facebook 的最佳解答
尋找殺狗凶手（上）
我係一個私家偵探，今日我接到一單委托，張太養嘅旺財死咗，張太要我搵出凶手。
據張太所講，前日旺財突然狂嘔，張太即刻送佢去睇獸醫，獸醫都救唔番。
據獸醫診斷，旺財誤食朱古力，中毒身亡。
我望吓獸醫嘅診斷單張，然後問：「你懷疑，旺財唔係誤食，而係有人毒害佢？」
「屋企得呢兩盒朱古力。」張太指一指櫃頂嘅盒。
我望吓兩個盒，都係用扭嘅方法開關，旺財應該開唔到。
退一步講，即使旺財意外開到，佢食完朱古力之後，都會係一片狼藉，唔會關番個盒，再擺番原位。
我問：「會唔會係外人畀咗朱古力佢食？」
張太答：「前幾日都落大雨，我哋無帶過旺財出街，都無親戚朋友上過嚟。」
言下之意，疑凶有三位，分別係張生、張太同十三歲嘅進仔。
張太主動請私家偵探嚟調查，嫌疑應該最細。
我先問：「張生同進仔，佢哋同旺財關係點㗎？」
「佢哋都好錫旺財，進仔負責餵旺財，老公雖然好忙，但放工都會同旺財玩，畀吓零食，帶佢出街咁。」
張太加多句：「我就負責旺財嘅清潔，同買嘢咁囉。」
「呢排你哋屋企，有無咩唔尋常嘅事？」我又問。
張太諗一諗：「老公最近成日加班，愈嚟愈夜返屋企；進仔無乜嘢，不過上次成績差咗，同旺財無咩關係掛？」
張太作為日日喺屋企嘅家庭主婦，都唔知邊個害死旺財，我一個外人都無咩頭緒。
我唯有問：「你仲有無咩資料，係覺得同案情有關嘅？」
張太打開電腦中嘅一個資料夾，裡面有一堆影片：「我哋有裝寵物CAM，廿四小時影住旺財㗎。」
我唔明，咁你睇吓個CAM，就知道旺財點解會誤食朱古力啦。
張太又講：「但係，我睇過晒旺財死前兩日嘅片，都睇唔到佢點食朱古力。」
我計一計數：「旺財前日死嘅，都未夠兩日，你就睇晒兩日嘅片？」
「咁當然有快進啦。」張太答。
跳住嚟睇、快進，好容易漏咗線索。
於是，張太將旺財死前兩日，CAM影出嚟嘅所有影片，全部複製一份畀我。
我受人錢財，就要替人睇片。
我打開資料夾，咦，點解咁多條片嘅？
仔細一睇，張家喺客廳、兩間房同廚房都裝晒寵物CAM，覆蓋非常全面。
然後，我就跟住旺財嘅身影，開始睇片。
畫面一直都無可疑，旺財就係一隻普通嘅寵物狗，一家三口都好錫佢。
直到旺財死前一晚，旺財已經喺客廳嘅狗窩中瞓著咗。
張家人都瞓晒，畫面幾乎全黑，可以想像，張太睇到呢啲位，一定係快進、跳過。
我無快進，慢慢睇、慢慢聽，突然間，我聽到微弱嘅腳步聲。
雖然畫面黑晒，但我反覆聽幾次，確認係有人行出嚟，去客廳躡手躡腳咁做咗啲嘢，然後入番房。
再對比同一時間，主人房同進仔間房嘅動靜，我可以確定，出客廳嘅係進仔。
雖然我見唔到進仔出嚟做咩，但旺財死前兩日，只有呢一幕有可疑嘅地方。
我再次去到張家，張太問：「你睇完片啦？」
下集：http://bit.do/fBr9V
將專頁設定為「搶先看」/ "See first"，最新故仔馬上睇！
鼻鼾密碼：https://goo.gl/LHHKyJ
緝凶記：http://bit.do/e8s8R
#短故 #短篇 #小說 #陳美濤 #廣東話 #粵語 #tomatochan #尋找殺狗凶手