擦pat情緣：爸爸，你估下我今日疴咗幾多舊？ 圖．文：能量爸⠀ ⠀ 復活假期間我們到了台北旅遊，某個清早，我在半夢半醒間，聽到一段對話。酒店房間很寧靜，對話帶點回音，格外清脆……⠀ ⠀ 媽媽：（關心）有冇得疴？ ⠀ 大女：（坦白）未呀，好實，不過就疴得出喇。⠀ 媽媽：（鼓勵）咁再坐吓添啦。⠀ ⠀ 一陣子後。⠀ ⠀ 大女：（高興地分享）媽咪，疴得出喇！一條直，但有少少散。⠀ 媽媽：（也鬆一口氣）咁咪好囉，個肚舒服晒啦。⠀ ⠀ 一段慣常的對話，從酒店廁格傳出來，這天聽下去，特別有體會。⠀ 回音彷彿「淨化」了一種感覺出來。我聽到了媽媽在跟女兒談論「便便」時，彼此的一份親切、坦白、自然和信任。⠀ ⠀ ▌信任才會告訴你⠀ 「溝通」原來是可以這麼簡單、直接。⠀ ⠀ 相信很多人跟我一樣，尚未當父親的時候，只會接觸自己的便便。但有了女兒後，我跟她們的便便卻有了緊密的接觸，那麼的理所當然。⠀ ⠀ 還記得女兒幾個月大的時候，我們都怕她們的便便是稀爛的，因為打開尿片的景況，將是何等的糟。但有更多時候，我們最害怕她們沒有便便，尤其是待了好幾天後，令人心急如焚。⠀ ⠀ 著緊她們便便的情況，其實就是著緊她們。⠀ ⠀ 小朋友亦對便便情有獨鍾，尤其喜愛「屎尿屁」的話題，這是小朋友的幽默。每每跟他們談起「屎屎、patpat」，他們就開心的不得了。有一本叫《便便！》的日本繪本，就是我兩個女兒的至愛之一。⠀ ⠀ ▌著緊他們的屎尿屁，係愛呀⠀ ⠀ 細女性格較外向，有時會鬼馬地叫你估下有幾多粒（或幾多舊），或愛如實地緊貼報導……⠀ ⠀ 「爸爸！我疴咗三舊！」⠀ 「爸爸！好多粒呀！你嚟睇吓！」⠀ ⠀ 甚至完事後她會唱一首自創的「疴完歌」(歌詞只有「疴完」二字)，常令人忍俊不禁。⠀ ⠀ 自小跟她們擦屁股已是等閒事。不過，在我而言，最神奇的一次，莫過於在危急關頭之際，我伸出雙手「接住」女兒突如其來的——嘔吐物！哪管你有沒有潔癖，那一刻的反射動作，就是這麼自然。 ⠀ ⠀ 我相信，這一切除了用「愛」去解釋外，並沒有別的原因了。⠀ ⠀ ▌將信任延續下去⠀ 我在想像，這份「愛」、簡單直接的溝通，若能延續到未來，相信會是件很美好的事。當「了解便便」轉化成「了解近況」，或許某一天，對話會變成這樣……⠀ ⠀ 媽媽：（關心）最近返工點呀？ ⠀ 大女：（坦白）好忙呀，好充實，不過遲啲會好啲㗎喇。⠀ 媽媽：（鼓勵）咁再俾啲心機啦。⠀ ⠀ 一陣子後。⠀ ⠀ 大女：（高興地分享）媽，我攪掂個project喇！上晒直路，不過成個人有少少散。⠀ 媽媽：（也鬆一口氣）咁咪好囉，去鬆吓先啦。⠀ ⠀ 細女突然大叫。⠀ ⠀ 細女：（興奮地）媽，我拍拖喇！⠀ 媽媽：（緊張）邊個嚟㗎？⠀ 細女：（鬼馬地）你估下吖！⠀ ⠀ 回過神來，我仍懶洋洋地趟在酒店房間的床上。細女攬著她心愛的「豬仔」，睡在我旁。（註：豬仔也一同來了台北。）⠀ ⠀ ▌著緊他們的一切，係父母嘅愛呀⠀ 大女：媽咪，幫我抹patpat。⠀ 媽媽：你平時喺屋企都係自己抹㗎啦。我幫你檢查啦。⠀ ⠀ 小朋友總要學習處理自己的便便，學習獨立。同時，我們亦在學習「放手」。⠀ ⠀ 一下沖廁聲，把妹妹也弄醒了。⠀ ⠀ 媽媽：好喇，你兩個快啲去刷牙洗面，今日要去動物園呀！……睇馬騮patpat呀！⠀ ⠀ 兩姊妹哈哈大笑，然後把床當作彈床。⠀ ⠀ 不用到動物園，我已看到兩隻馬騮天真無邪地跳來跳去，十分享受。⠀ ⠀ 如果有一天，在她們的人生路上，遇到如嘔吐物一般的「挫折」時，我們都願意無條件的協助她們「接住」，替她們分憂，永遠的默默支持、守候。⠀ ⠀ ＝＝＝＝＝＝＝⠀ 作者： 能量爸，跑馬拉松，需要補充PowerBar；在親子路上，路途更崎嶇，更要努力做個「能量爸」。⠀ ⠀ #新手父母 #爸爸心聲 #孩子教會我的事 #親子關係 #popa #popachannel #positiveparenting #歡迎投稿 #親子 #教養 #育兒 #父母 #孩子 #兒童 #家庭

#日本滞在の一年 第一百五十日 今天放學後跟小氣鬼朋友去了ゲームセンター Game Center玩 沒有無料Coupon應該不會來 日本的Game Center是香港機舖加美國冒險樂園的合體版 有夾公仔機、太鼓、推銀機、跑馬仔機、角子機...... 香港的機舖要年滿16歲才可以進入 日本的Game Center是幾多歲都可以 只是16歲人士(定18歲？我忘記了門口的告示牌寫什麼了)只可以在指定時間內入場 跟朋友玩推銀機 誰料會愈玩愈多代幣 還要中了Jackpot 話哂小妹細個都有去冒險樂園玩 大個左都有去澳門玩兩手 都未試過如此好運！ 我覺得我把今年的運氣都在這個Game Center中白白浪費掉 為了用光手上的代幣 在Game Center內試了很多遊戲機 最終在賽馬機敗光所有代幣！ 呼～～ 我終於夠膽 去試香港呀叔最愛玩的賽馬機了！ #ゲームセンター #jackpot #其實隻手好倦 #人肉入銀機

. 第五十六個星期一系列 話我長氣又好侵都好喇，我都要講落去架喇~ 老老實實，得罪講句識得卐Edmond卐同埋fing得小吉既我地至少有二十歲喇，無錯，已經過左人生第二個十年喇。 近排有個鐘意玩挑戰性運動既人既出現令我諗番起喱隻GAME，講到頭先哥二個人我諗唔洗講都知我講緊「跑ONLINE」喇。 想當年，每日返學等放學放學就即刻一支箭衝番屋企LOGIN開GAME，講起LOGIN 喱隻GAME有小小炆，其他GAME都係直接開GAME登入就得，但唯獨是喱隻跑ONLINE 要開個網頁登入先入到我頂佢個肺，我仲記得裝個DirectX定乜鬼野搞左一大輪都仲未搞到，最後迫住用IE黎玩。 每日都好期待番屋企玩跑既時光，玩下拼圖，滑下雪，玩法老王計下數，直到農場系統既出現，更加又令我將更多既時間投入係隻GAME上面。 無無聊聊玩到悶既唔想玩又可以掛下機，再唔係既可以去公園hea下，搵到一堆唔識既人吹下水，由陌生人變成熟人，再由熟人變成情侶檔，小學既青梅足馬？係跑入面，都唔知發生左幾多愛瞞既因緣關係，又或者係hehe？ 我唔知道 我淨係知試過係跑入面識左個人好好傾之後仲結埋婚，不過最後都係無疾而終，而最重要既係加20% 幸運既戒指都消失埋， 之後我就同我兄弟度左條橋可以永久有隻戒指既方法，就係我地二支公結婚，諗起都好hehe，不過為左加幸運既永久道具我地都係結左婚，當然當時肯定成為班上熱門既話題喇。 係跑ONILNE入面，等級如地位﹗如果你威既你可以番學同同學講「你咩料啊？踢拖啊？」「唔好意思我飛鞋，練多幾年再黎過喇~ 」一句已經可以串到人地喊咁制，我記得我都比人串過， 雖然小弟只係一隻爛波鞋，但還好技術搭救，還可以挽留些少面子。 最深刻印象既一定係哥次比同學撩，當時同學就突然向我發向挑戰書，咁我當然應戰，不過喱場決戰輸左係要送禮物比對方，當時我好有信心唔會輸當然要求送點裝比對方，最後，無疑我係贏左，禮物都收左，勁開心。 咁我贏左之後，個同學就唔肯輸吹左大我地一年級既同學黎同我挑，當時最興既「單挑」都出埋。 結果贏既都係我，不過就獲得一大堆粗口慰問。真心覺得好低能勁搞笑。我地既輸入法就係咁樣練成，諗諗下都忍唔住笑左，一輸左，就會彈句「屌你老母」又或者「ON9仔」出黎。 係遊戲既跑馬燈位就粗口四射，喱隻GAME就有個熱鍵制個個都SET 晒粗口，通常有些少碰撞喱D 字句都會輕易見得到。 但隻GAME本身有FILLTER 功能打唔到屌﹑ON9等等字眼 一輸左肯定「吊人」又或者被人撞到就會「撞你老母撞9」 輸左就會打「0n9仔」…之後你串下我我串下你咁樣，我既輸入法唔多唔小都係喱隻GAME 練番黎，D 字係第幾版第幾個都記得一清二楚。 當時，我敢講遊戲入面個人D 衫仲多過我自己著既，戈時真係玩物喪智係鍊金裝備戈度，升下隻寵升下件裝又要錢，加加埋起碼過千蚊點卡，98蚊300點。記得唔食下午茶死儲爛儲先買到張點卡番黎，有次衰到仲要偷錢﹑借錢去買點卡，哈﹗諗番起喱啲童年回憶就算洗成萬蚊都係值得既﹗ 由開ac 新手任之後到雞仔，慢慢慢慢由紅色腳板升去紫色腳板，再者踢拖升到去波鞋甚至魔鞋。一個人變到已經加唔到朋友再由一堆朋友慢慢一個一個刪番出黎，三唔識七既人無啦啦招FD子招家人變到開個群黎傾計一齊玩，輸唔起就爆粗大9人地自己係黑社會，昆點大9人地警已報，喱啲種種離離合合已經成為鐵定既童年，過程都帶左好多歡樂俾我哋。 說起來，我們也說過留在彼此的身邊，牽著手再繼續飛？不是說過奔跑也一起？為何現在卻丟下我自己。 期盼你聽到我麼，時常期待你找我。 縱有願望被劃破，我又會抱怨麼？ 利申Game名: JORXEXZ 心 好 攰 https://www.youtube.com/watch?v=l-1c6xObGcA