【 你睇，司棋姐Q&A嚟喇！】 _ 上回講到，剛於周一（13/9）上架、由外賣品牌「戶戶送」出資拍攝的四分鐘廣告短片《Deliveroo呈獻：送辣送到Site》，竟然想到並成功邀請自從拍罷《溏心風暴3》（2017）後便甚少公開露面的李司棋擔任第六代Deliveroo Rider。因為好奇，想知道更多廣告拍攝細節，所以冒昧透過製作單位向「司棋姐」問了幾條問題，竟然收到真─人─回─覆，OMG！ _ Q：游大東 A：李司棋 _ Q：當初收到Deliveroo邀請拍廣告做「新紮RIDER」，當下有何感覺？ _ A：第一時間覺得：一日邊拍得晒？故事又咁長，過程一定有阻滯，所以（拍廣告前）已經向跑步隊請了兩日假，結果導演可以一日內完成，真心佩服導演以及年輕廣告團隊的準備功夫。亦都驚訝Deliveroo（客戶）點解會諗到佢（即她自己），竟然畀自己做他們的Rider，有冇搞錯？因為自己好長時間沒有拍香港廣告，今次是Out of Comfort Zone（跳出舒適圈），不再是之前賣鈣片等「老友記廣告」，所以是很好玩的經驗。 _ ＊＊＊＊＊＊＊＊＊＊ _ Q：知不知道很多後生仔很鍾意睇你IG？ _ B：開始之前沒想過會這樣受歡迎，由幾百個Likes，去到有幾千個人Like我的Post，原來自己在IG都可以跟年輕人一拼(哈哈)。（當初）開IG是因為自己以往只能被角色規限，不停要做阿媽、阿嫲，沒機會展現個性，在IG終於可以做回自己，得得意意，隨心所欲，自己不停Post食物相，係因為自己真的為食，不是賣廣告，原來這樣反而會多人Like，亦因此有更多機會與後生一輩交流，鍾意你或唔鍾意你都來得很快很直接。今次是第一次跟阿祖、German和MC合作，之前大家未見過面，開工前，我都（只能）去他們的IG初步了解一下；不瞞你說，其實拍攝之前我甚至未聽過MC（尷尬笑），看IG才知道他原來很受歡迎。 _ ＊＊＊＊＊＊＊＊＊＊ _ Q：怎樣看今次廣告裏的跨代合作？ _ A：我不擔心跟阿祖合作，因為他很有經驗，反而開始的時候有啲驚MC（笑），因為擔心他不認識自己，又擔心他會覺得自己是前輩，會怕了自己，但最後他與German都給我很多驚喜，他們很有活力，能夠從他們身上「學到嘢」。我不是「老屎忽」，曾經試過拍劇集，有位前輩臨時改劇本，將自己全部戲份「飛走」，所以都要提醒自己，要遷就一下年輕人，令他們不會那麼大壓力，令年輕人接受你，他們就會用最自然的方式對你。 _ ＊＊＊＊＊＊＊＊＊＊ _ Q：今次拍Deliveroo廣告有甚麼趣事？ _ A：自己要扮萌、扮熱血和驚青，惟有當自己拍緊IG Stories（限時動態）。阿祖扮鬼扮馬，不停「爆肚」，爭啲接唔到戲。唱MC的《反對無效》唱錯歌詞，第一眼望到他的玉帝造型爭啲（笑到）噴飯。畀German女僕造型嚇親，因為好似比自己更可愛。 _ （18092021） _ #游大東 #游大東影視筆記 #李司棋 #梁祖堯 #張天賦 #張文傑 #戶戶送香港 #是日戶戶送 #美味日嚐 #送辣送到Site #戶戶送優惠 #戶戶送麥當勞 #地獄脆辣雞腿包 #菠蘿脆辣雞腿包 #DeliverooHK #DeliverooOffer #DeliverooPresents #18092021 @pumpkinjojoinstagram @mcheung1201 @germancheung