熱門Ptt文章

[爆卦]足球直播澳門是什麼？優點缺點精華區懶人包

雖然這篇足球直播澳門鄉民發文沒有被收入到精華區：在足球直播澳門這個話題中，我們另外找到其它相關的精選爆讚文章

在 足球直播澳門產品中有16篇Facebook貼文，粉絲數超過0的網紅，也在其Facebook貼文中提到， 【非物理】其實我就唔太鍾意奧運會嘅。我覺得奧運會破壞咗好多運動，某些少人玩嘅運動為咗提高知名度，焗住跟奧委會嗰套，破壞晒運動原有嘅規則，包括運動攀登在內。好在足球有世界杯，唔駛理班奧委會。 話雖如此，香港運動員係一定要支持嘅。而我哋支持除咗希望運動員取得好成績，亦希望佢哋代表香港人，向世界展示香...

　同時也有37部Youtube影片，追蹤數超過20萬的網紅Edmond Poon，也在其Youtube影片中提到，羅仲謙車頂靈體，疑似搵替身事件！(第1982集重溫) 第1982集 (03 Jun 2016) 吳佩孚師傅回應羅仲謙車頂靈體疑搵替身事件 www.edmondpoon.com 逢星期一至五 晚上十一點半到凌晨一點 每日免費收睇直播 視像月費重溫$40 聲音月費重溫$30 相...

「足球直播澳門」的推薦目錄

足球直播澳門 在 伍家謙 Instagram 的最佳解答

2020-05-09 18:24:54

最近為一些講座擔任演講嘉賓，被問及：「想做體育傳媒工作者，係咪要乜嘢運動都識？」真心講，要求樣樣精通，其實非常困難，但就總不能只認識足球、籃球等熱門運動。即是說，你不能只按自己的興趣去學習，也不能認為自己對單一項運動非常熟悉就足以應付這工作。 回想入行之初，我對某些項目的了解亦非常淺；自知不足，閒...

  • 足球直播澳門 在 Facebook 的最讚貼文

    2021-07-24 15:10:56
    有 485 人按讚

    【非物理】其實我就唔太鍾意奧運會嘅。我覺得奧運會破壞咗好多運動，某些少人玩嘅運動為咗提高知名度，焗住跟奧委會嗰套，破壞晒運動原有嘅規則，包括運動攀登在內。好在足球有世界杯，唔駛理班奧委會。

    話雖如此，香港運動員係一定要支持嘅。而我哋支持除咗希望運動員取得好成績，亦希望佢哋代表香港人，向世界展示香港人係點樣嘅。我覺得香港運動員絕對係香港人嘅自豪。

    頭先睇ViuTV直播女子重劍八強賽事，代表香港嘅Vivian江旻憓選手對代表俄羅斯嘅Aizanat Murtazaeva選手，奮戰落敗，雖敗猶榮。雙方盡全力比賽，彰顯體育精神，值得尊敬。

    直播下方嘅留言中，大部分都係為Vivian打氣，即使最後輸咗比賽，依然留言鼓勵Vivian唔好氣餒。我認為不單止比賽選手，觀眾們都彰顯咗體育精神。

    然而，其中一兩個留言真係令人作嘔。Vivian落後時，已經不時咒罵Aizanat「臭雞」；到比賽結束，竟然話要「去澳門搵件俄妹洩憤」。 洩什麼憤？體育比賽就係有贏有輸，唔想有人輸可以去睇TBB打和super。

    呢種輸打贏要不特止仲要出言侮辱對手運動員嘅人，係香港人之恥。運動員鍛煉十幾廿年站上擂台公平作賽，呢啲出言不遜嘅香港人亦係侮辱咗香港選手所付出嘅努力。

    唔好以為坐喺螢幕後邊亂咁打幾隻字冇乜問題，一個地方嘅尊嚴係由每一個人長時間點點滴滴嘅自我尊重累積而成。

    希望大家都能夠透過奧運比賽學識尊重，而非單純地看重賽果。

  • 丹尼爾 vs 陳恩能

    足球直播澳門 在 丹尼爾 vs 陳恩能 Facebook 的最佳貼文

    2021-02-25 13:17:28
    有 195 人按讚

    【蘋果專欄 🍎📰】今季 Formula E 五大焦點 ⚡️🏎️

    // 從 2014 年走來，FE 電動方程式不經不覺已經第七季 7⃣️。今季賽事將於明天揭幕，在中東的沙地阿拉伯一連兩日進行首兩場比賽 🇸🇦🏎️，香港收費電視將有直播 📺💻📱，但沒有粵語旁述。因此，筆者將在自家頻道作聲音導航 👉 https://www.patreon.com/posts/47856953 。

    首先，今季 FE 終於成為 FIA 的世界錦標賽（world championship），贏得今屆賽事的 FE 車手將獲得世界冠軍的名銜（world champion）🌍🏆，其規格與F1世界一級方程式冠軍、WEC 世界耐力賽車冠軍、WRC 世界越野賽車冠軍等五大世界賽齊名。這跟某些項目巧立不同名目例如「國際冠軍（international champion）」等就是不同。第二，FE 今季將續有 12 隊參賽，共八大傳統車廠參賽：德國平治、Audi、BMW 與保時捷、英國積架、法國 DS、日本日產與印度馬恆達 🇩🇪🇬🇧🇫🇷🇯🇵🇮🇳，大陸車隊 DS 鈦麒衞冕，另外 Audi 與 BMW 季後將會離開 FE 👋👋。

    第三，FE 今季繼續有 24 位車手參賽，衞冕的是兩屆澳門 F3 冠軍「達哥」🇲🇴 ——葡萄牙人達哥斯達（下圖）🇵🇹🏎️；其他值得留意的車手是平治的 Vandoorne 與 De Vries 🇧🇪🇳🇱，另外前 F1 車手韋蘭回歸駕駛保時捷，大戰 Audi 的迪加斯、DS 的韋尼與達哥、日產的布美及積架的布特等 🇩🇪🇧🇷🇫🇷🇵🇹🇨🇭🇬🇧。全職新人的話，那可以看去年仍是紅牛 F1 測試車手及兼職 FE的巴西人 Sergio Camara 🇧🇷。他是 2019 年 F2 總殿軍，今年則成為全職 FE 車手 ⚡️🏎️。第四，武肺繼續影響 FE 賽程，暫時唯一新站就是西班牙的巴倫西亞。第五，冬測全部 24 車只差 0.761 秒，不計迪加斯的話，更只差約半秒，估計今季可能是有史以來最緊湊的一季。

    丹尼爾　體育主持

    周四見報 //

    原文👉https://hk.appledaily.com/sports/20210225/ZI3WLPWOM5HBPOKA7LJTZHHTPM/
    =================================
    Patreon 年費訂閱享 92 折 👉 www.patreon.com/danonthemove
    MeWe Page 👉 mewe.com/p/danonthemove
    ⚽️ MeWe 谷 👉 mewe.com/join/我愛黨足球台
    🏎️ MeWe 谷 👉 mewe.com/join/f1正體中文台
    YouTube 👉 www.youtube.com/danonthemove
    =================================

  • 君子馬蘭頭 - Ivan Li 李聲揚

    足球直播澳門 在 君子馬蘭頭 - Ivan Li 李聲揚 Facebook 的最佳解答

    2020-03-19 13:06:11
    有 171 人按讚

    ［是日科幻］人類先係地球最大病毒

    1. 埃汾去九龍城食糖水（真係食糖水，係九龍城唔係九龍塘），打卡嘅名句：「癌細胞嗜甜，我就係呢個城市嘅癌細胞」。100%原創，有啲深度，朋友好鍾意。有朋友（政見不同的，好難得）理解話因為我返工用腦多所以要糖份，但你見其實好多人返工唔撚用腦都係咁食甜嘢（其實我都係）。

    2. 咁正題，有啲人係城市嘅癌細胞，而遊客（包括我）先係意大利嘅病毒。

    3. 再推遠啲，雖然我唔係「人類萬惡死不足惜」嘅Thanos 或 《幽遊白書》仙水忍（黑之章錄影帶，我估新一代唔明咩係錄影帶），但都係要講

    4. 廣義嚟講，就真係人類先係地球嘅病毒。

    5. 所以大陸段子有講：點解科幻片外星人襲地球，一定要剿滅人類？其實好合理，即係佢地嚟救地球，咪消滅對地球禍害最大嘅嘢咯，本質上同疫苗抗生素差不多，入到人體咪消滅啲病毒。企高一格，全新體法（！），換個角度思考就唔同。正所謂明月裝飾了你的窗子，你裝飾了別人的夢。下聯係莫道你在屌柒人，人亦能屌柒你。你身體入面有病毒，你自己亦係地球嘅病毒。劉伶（正係酒仙）話齋，屋係我條褲，天地先係我間屋。

    6. 地球其他生物可能好歡喜，你唔係條魚點知佢唔係咁諗？可能成個過程在真—銀河衞視轉播，宇宙啲高智慧生物睇住外星人代表點殺人類，本質上亦係同直播手術過程，或者播打獵差不多。

    7. 類似嘅講法，細細個睇衞斯理都有講，好早期嘅「紅月亮」都講差不多嘅嘢。如果地球係個宿體，咁人類就真係似病毒（甚至唔係寄生蟲），搞爆晒玩爛晒，咪移民去火星再玩過。

    8. 講返近啲，雖然我係個樂觀嘅人，但我對climate change係相當悲觀嘅，照計個地球都係冚球鏟嘅機會比較大。但冇所謂，in the long run we are all dead，我死後話你知洪水滔天。照計我冇命見到呢日了。

    9. 之前寫文都講過，唔生仔就最環保（http://bit.ly/3dek4cE）。絶對係科學的，有嚴謹計算。你咩食齋burger呀開電動車呀去少幾次日本呀之類，全部做晒，做十世，都未夠生少件咁環保（指碳排放）。因為現代人類文明生活就注定係咁。固然有人講（都係真），咁你自殺仲環保添。係，但唔生都生咗出嚟，況且自殺痛苦，唔係咁易。但唔生仔，相對係容易的。當然生仔應該好過癮（我指個結果，過程就唔使講啦），否則唔會咁多人生。

    10. 但又講下，所謂咩「環保」，其實都係人類角度。我避免太過環保膠動物膠，咁so far啲狗呀花花草草呀墨魚滑呀響鈴呀未出嚟一齊反抗（＊），我當佢地同意啦下。

    11. 所以呢，其實應該更正，地球唔會玩完的，最多人類玩完之嘛。

    12. 又真係，去過切爾諾貝爾嘅埃汾（你估好似你咁睇完Netflix先Google咩，先知就係早你少少），都知道，當地其實啲生態就最好，大把嘢睇。唔係啲畸型輻射三頭馬，而係真係生物多樣性—原因？因為咁多年冇人去搞咯，直到有啲唔撚識死嘅遊客（well）走去睇

    13. 咩啫，學者科學家都話安全架，梗係，你去之嘛，又唔係學者科學家去。我只記得係要簽生死狀（！）。仲有，當年去完，我部相機都打埋柴！好驚。唔知點解。啲相都死咗唔少，當年仲係用SD卡。打後幾年我都有啲輻射後遺症，主要係成日發火啦，日頭冇乜精神啦，鍾意食炸嘢啦，夜晚唔願訓啦，成日都好累啦咁。不過多數星期六日就好返。

    14. 無論如何，我去威尼斯（意大利嗰個，唔係澳門）嗰時，當然已經係人山人海好多人，時為2012年（正係我去完切爾諾貝爾之後）。當其時坐Gondola，好似八舊水兩條友，但還好，雖然人山人海，意大利佬又好忙，但都做戲做全套，會唱下歌咁。但同你想像中嘅「鷹粟粉確係好，煎炸係唔同播！」就真係唔多同咁咯（＊＊）。

    14.5 反而再早年，我同條女（呼，人地條女添）去康橋（唔係護老院），就真係可以「撐一支長篙，向青草更青處漫溯」（＊＊＊＊）。咁梗係人地撐啦，唔通我撐。但威尼斯船同康河係唔同玩法的。

    15. 正如我去嵐山（梗係京都啦）睇櫻花，簡直係一生人最錯嘅決定，亦都令我力排眾議，相當唔鍾意京都，仆你個街，去到電話上網都收唔撚到，你想像有幾多人？而冇網上我會發癲的。「冇人叫你旺季去」「京都都有淡季？」「有，而家咯，不過去唔到」。呢啲，一樣係全球化嘅禍。而再政治不正確啲，其實我接受到港女，或者大陸妹著和服浴衣扮可愛影相，韓妹更好，「但我真係好難接受黑妹著和服」。不過唔緊要，黑人都覺得你亞洲人整黑人頭係文化剝削，咪大家互相鬧。

    16. 再講開少少，疫情之前已經係全球化退潮，有埋肺炎更加會多人講。但我就冇咁悲觀。其實啲友反全球化，唔係想人唔好嚟，係「冇錢就唔好嚟」，高質遊客，即係有錢嘅，依然人人歡迎。又或者，人地就破壞環境異化當地人，但本人例外。講真的，你睇反全球化啲友，自己一撚樣一年去幾次日本，一撚樣去睇英超西甲炒貴人啲飛玩到足球仕紳化。你有得睇波有得一年去幾次韓國有得食靜岡蜜瓜，全部多得全球化。否則你就去裕華國貨打康樂棋啦（都幾過癮的）

    （＊）建議你去睇《群》呢本小說（http://bit.ly/2Uc6EVS），好厚。講「當海洋有了意識，第一個念頭居然是殺人」，真係啲扇貝呀脆肉鯇呀打打下邊爐上嚟搵滾水潑你的，好撚痴線。有一期成日有啲扶手梯意外，我都懷疑係啲扶手梯有意識，開始攻擊人類

    （＊＊）應該好多人都知，真係意撚歌，Santa Lucia。亦都真係船歌，意文歌詞有講。不過係拿坡里／拿不勒斯，唔係威尼斯。而其實大利同越南一樣，雖然一國，但向來都有南北之別，越南好啲，北越打贏，河內首都，但最大城市依然係南邊胡志明（西貢），意撚啦喎，向來北方人都覺得啲南方人係生番窮撚黑手黨冇文化，唔信你可以問下。梗係問北方人啦。意甲球會亦一路係北邊為大，「意甲七雄」（＊＊＊）亦全數係北部。拿坡里？馬勒當拿年代後就收咗皮，近幾年先再冒起的。去過拿坡里，馬勒當拿真係神，唔係講笑，啲餐廳將佢張相放在聖母側邊，因為佢難得地幫南部出頭。

    （＊＊＊）其實唔鍾意附注再附注，但，意甲七雄呢啲真係出賣年紀，祖雲達斯米蘭雙雄羅馬拉素柏爾馬費倫天拿。

    （＊＊＊＊）有人話呢句嘢其實係暗示，你懂的。

你可能也想看看

搜尋相關網站