【貓你有冇︱#中國以外嘅十二生肖】⠀ 「鼠、牛、虎、兔、龍、蛇、馬、羊、猴、雞、狗、豬」⠀ -⠀ #十二生肖 大家一定唔會陌生，中國會以十二種動物來表示一年，每十二年為一個 #循環，每一個人出生年份嘅象徵動物，就會成為自己嘅生肖。不過，除咗中國之外，其實唔同國家也有類似嘅十二生肖，不如睇下當中嘅差異：⠀ -⠀ 越南：冇兔年，取而代之嘅係貓年，除此之外，越南嘅生肖排位同中國嘅生肖相同。⠀ 柬埔寨：十二生肖與中國一樣，但係排序唔同，排行第一嘅係牛，最後嘅係鼠。⠀ 日本：十二生肖與中國嘅一樣，但「豬」所指嘅係野豬，而唔係家豬。⠀ 印度：冇老虎，只有獅子，十二生肖動物係依照印度神話為十二個神嘅坐騎，當中獅就係宮毗羅神嘅座騎。⠀ 埃及：唔受 #漢文化 影響，十二生肖完全唔同嘅體系，有牡牛、山羊、猿、驢、蟹、蛇、犬、貓、鱷、紅鶴、獅子、鷹⠀ -⠀ 雖然東方各國嘅十二生肖有些少差別，但係都相當接近，也許係受到古代嘅漢文化圈所影響，所以鄰近地區嘅神話也會相類似！⠀ ------------------------⠀ 延伸閱讀：【#屬雞請迴避｜農曆新年快樂！！！！】 ------------------------⠀ ◆ 每日分享知識、每月提供課程⠀ ◆ Beginneros網站: https://buff.ly/2OqJv15⠀ ◆ Youtube：https://buff.ly/2y4WjjI⠀ ◆ Instagram：@beginneros⠀ ◆ Facebook：Beginneros （書面語版本）⠀ ------------------------⠀ #Beginneros #冷知識 #hk #hkig #農曆新年 #生肖 #文化