好多人講返當年佢哋聽節目記得嘅點滴，好多謝咁多位，原來有好多嘢我自己都唔記得咗。 要數到第一個weekday節目，好似係《好心情》，果時有陳小芝同候嘉明，關於呢個節目，我記憶真係好模糊，印象最深，係幾乎晚晚兩點收工，都同alyson傾到三四點。果陣好似有個環節，係話我要整宵夜嘅，然後俾小芝同alyson評分，其實晚晚我都係無煮嘅，只係扮嘢搵食譜講到似層層，哈! 根本係騙子! 不過真心佩服alyson，當時佢主力做三台，但係佢思考完全唔港台，係business woman思維，跳出港台典型構思，佢嘅節目好似business model，會諗點樣可以跳出電台框架，點樣brand一個節目，又點樣用個節目brand自己，老實講，我到而家都未識，哈! 同埋佢係港台入面其中一個mixing最professional嘅人，所有嘢sharp and punchy，呢方面對我好大啟發。 《好心情》做咗一年左右就完結，之後就輾轉做過《萬王之王》替工，認識到曾淑儀，又係另一個反應極快嘅女子，果時我做親訪問都好淆底，唔出聲㗎，係好彩shirley忍耐力夠，一路俾膽我。印象中，果時好似係我做港台最struggle嘅時候，因為係最多是非嘅時候，聽眾又唔鍾意我，當時好多難聽嘅傳聞都有，話你搶人飯碗啦，踩人上位啦乜都有，最過份試過俾人指控我挪用公帑做自己嘢，好彩當時上司信任。 果兩三年最難捱，我完全唔信任身邊任何一個人，除咗fion，alyson仲有一個叫may嘅好同事。因為怕俾人傷害，所以我盡量唔同任何人打交道，但亦因為咁，更多人覺得我西口西面，有心造謠嘅人亦更加可以落井下石，果幾年，我最靜，但係又最憤世，開mic如果越hyper，一off air就越沉鬱；表面上你鍾意點講就點講啦，但心底其實好介意人點睇。 然後。 然後本來有一個星期，《萬王之王》由shirley同我接手，但正式restart當日，收到公司電話，叫我同天頤一早返去urgent meeting，一返到去，公司話事情有變，即日下晝開始，係，係即日，我同天頤要開一個新節目，放喺萬王時段。。。當時我好想搵埋fion一齊，因為3個人火花較好，亦都weekend夾開一段時間，可惜一直爭取不果。 當日心情真係好亂。shirley點呢? 我同天頤要點呢? 我可以點呢? 當時開完會，大概11點，節目5點live，做乜嘢節目? 你哋諗吓啦；節目叫乜名？你哋諗吓啦；今日兩個鐘做乜？得㗎喇，對你有信心；點同聽眾交代？你淨係講有新節目得㗎喇。我諗呢個係史上最快生成嘅weekday節目之一喇。同天頤食咗個lunch，都兩點，都唔知傾咗啲乜，都唔個可以點，返到公司，老闆話你哋叫Gimme5啦！因為5點做節目吖嘛，five咪啱囉！哦，好呀！於是兩個新人就要做jingle，搵background music，搵料，準備兩個幾鐘頭後嘅live。 果兩個鐘嘅airtime，我真係無印象，只係記得由當日開始，差唔多有成年，做緊節目就不斷有人fax嚟鬧，鬧我哋霸咗人哋個airtime，害人精，垃圾，難聽，鬧埋老豆老母要我哋死全家。 然後，當年十大中文金曲頒獎禮，公司要我做其中一個司儀，當年我只有一兩次school tour同TeenPower event經驗，金曲台？吓？我未ready at all！咁都要做，果個show，我緊張到完全唔識反應，台詞當然唔多，我成晚一碌葛咁企喺個台上面，之後，網上海量留言狠狠地屌，啞㗎佢？咁樣衰就落台啦！由頭到腳被批到一文不值。 就係咁奇，個天俾個機會你，有時可能就係試驗你，有幾襟用。我當然唔會懶大方話多謝果啲留言啦，痴線咩，但可能因為咁，我慢慢變得「唔鍾意就咪聽囉，get a life」。我做嘅嘢，我會盡專業，但口味嘅嘢，我控制唔到，百樣米養百樣人，我唔啱你口味，只係大家唔夾，你可以俾意見，但如果因為口味唔啱，你走嚟小我全家，我就會反你檯，因為你做西客在先。識得反檯，有時會令自己心健康啲。但係呢排，好似又睇得再輕少少，見到，咪笑吓囉，難得你咁take me serious日日send message嚟話你唔聽，係憎我blahblahblah... Dear, I wish u find something that you LOVE instead. 由好心情到Gimme5開頭，都算係人生其中一個dark age。 再續。

#Repost @weekendweekly • • • • • • 【#影視娛樂】方東昇再爆頂癮金句，詳情：www.weekendhk.com/1063582 . 方東昇因主持《長命百二歲2》時狂爆頂癮金句，深受觀眾和網民喜愛！他今期又有新搞作，再度主持TVB新節目《這麼遠那麼近》，今個星期每晚30分鐘，再帶觀眾走出香港，遊歷5國泰國、美國、重慶、巴基斯坦及美國探討各國嘅交通問題，節目中佢繼續發揮「金句王」的幽默本色大搞爛gag，展現才子風趣的一面。 唔講唔知，原來外型正正經經的「昇爺」除左「冷面笑匠」，仲係兼癡心情長劍，初戀女友就係老婆。 早於5月，《這麼遠那麼近》已在無綫新聞台播出，每集時間為3分鐘，但方東昇仍日日有驚喜，節目狂爆搞笑金句，從未令觀眾失望。而今次節目就改為一星期5集的30分鐘版，一連十集由8月31日起在翡翠台播出，讓觀眾可以一次過睇足半小時！ 由新聞主播方東昇做主持的資訊節目《世界零距離》、《世界零距離II》後，無綫再推出過《世界零距離III》，紹一些較偏遠、鮮有港人去旅行的國度，加上方東昇在節目中一改嚴肅形象，旁白方式生鬼有趣，並加入大量搞鬼爛 gag 金句，小編都要叫佢一聲「昇爺」！ 方東昇節目中的金句為人津津樂道，大受觀眾同網民歡迎，唔講唔知，呢位「爛Gag」主持本人好有料到！方東昇有「中大才子」之稱，98年加入無線新聞部，99年畢業於香港中文大學新亞書院新聞及傳播學系，並以一級榮譽畢業，更獲得新亞書院獎學金最高榮譽誠明獎。為人不但風趣幽默，而且又有內涵，難怪咁出位！ 方東昇在《世界零距離》中搞過「抱得美人龜」呢個食字Gag，而佢本人早在2006年已經「抱得美人歸」，另一半係舊同學主播吳先瑩的妹妹吳先玲，仲係方東昇的初戀情人！方東昇26歲才開始初戀，一個條件咁好的人，之前竟然從未拍過拖，連身邊朋友都難以相信。 話說早年另一主播吳先瑩結婚，同學兼同事的方東昇為婚禮擔任大會司儀，結果就遇上為姐姐做伴娘的吳先玲。方東昇對吳先玲一見傾心，展開猛烈的追求攻勢，例如參加女方的教會聚會，爭取見面機會。最後成功「抱得美人歸」，亦成為了基督徒。 作為「才子」的方東昇，原來另一半亦非常厲害，外表斯文的吳先玲係一位運動健將，小六時已加入香港乒乓球代表隊，為港爭光。不過因順從爸爸的意願，所以在中文大學英文系畢業後，就成為了中學老師，任教英文。而吳先玲與方東昇未認識之前，有日吳媽媽在電視上睇到方東昇報道新聞之後，大讚：「這小伙子真不錯，我有這樣的女婿就好了！」結果吳媽媽的願望竟能成真撞正口卦，相信佢一定好鐘意呢個女婿。 方東昇除咗對老婆好，仲係一名孝順仔。由於做主播，收入都算穩定，方東昇2000年就決定同媽媽聯名買樓，以268萬買入青衣海欣花園一個單位，婚後仍與母親一齊住。有個「才子」囝囝，方媽媽一定好安慰。不過原來方媽媽都係一名「才女」，同囝囝一樣文筆極好，仲曾經在公開徵文比賽中贏得冠軍，果然係「有其母必有其子」。 雖然方東昇經常都要周圍飛，做採訪工作。但老婆同媽媽相處非常融洽，冇乜拗撬，令佢非常放心。方媽媽在一篇名為「方老太寫給方太的信」中透露，兩婆媳有共同興趣，鐘意一齊下棋打乒乓波，亦有共同敵人 — 方東昇！方媽媽話方東昇經常掛住工作，唔肯休息，所以兩婆媳就會夾計迫佢唞，好有默契！「才子」方東昇有個好老婆之餘，又有個咁叻咁有才華的媽媽，真係令人羨慕。最緊要係一家人可以相處融洽，無婆媳糾紛，好幸福！ 「搭車要帶安全帽，流汗總比留血好」 方東昇亦在節目中響應泰國政府的呼籲，帶起頭盔說道「搭車要帶安全帽，流汗總比留血好。」 「呢個唔係自動波，係『被動波』」 泰國考車牌只需要約港幣$1,600，上課5個鐘就可參加筆試，然後再過3關路試，由報名至考完最快1日就可K.O.。但方東昇在導師指導下體驗了3關路試就以為自己已經Pass路試，調侃自己Pass係因為架車唔係自動波，係「被動波」，科科。 「這麼遠，那麼都係遠」 首兩集走訪重慶時其實已經頻出金句，重慶唔止有著名的「天梯」，仲處處係樓梯。不過唔係每條樓梯都可以行得好似「天梯」咁浪漫。每段樓梯都相當於十層樓高，真係諗下都覺得攰。令昇爺不禁感嘆這麼遠，那麼都係遠。 「又要威，又怕坐電梯」 .－－－－－－－－－－－－－－ . #新假期生活 #方東昇 #這麼遠那麼近 #做足準備 #環遊世界 #weekendweekly #新假期 #新假期周刊 . Follow me 👉🏻 @weekendweekly，每日同你分享社會熱話、吃喝玩樂旅遊靚相靚片！💛

浪漫月巴睇2000（101） 【有關金像獎的延伸思考】 每年4月，大概是香港人最關心香港電影的時候。 1.因為有香港電影金像獎。 2.你趕得切睇今年的金像獎嗎？5月6日下晝3點前嗰一分鐘，我正走入一幢大廈，準備搭電梯前往樓上一間快餐店，就在這段兩分鐘左右的路程，爾冬陞已經宣布了幾個獎——我趕唔切開電話，就Miss了幾個獎。到我買完嘢，找錢，拎飛去俾水吧阿姐時，第39屆金像獎已經圓滿結束。沒有人頒獎，一早知；沒有人領獎，亦一早知，但估不到，連候選片段都沒有。一切，只是須臾之事。 3.沒有了實體頒獎禮，可惜嗎？是應該可惜的，但問心，今年這種網上讀獎形式，又不失乾淨俐落。 4.至少不用再捱某些頒獎嘉賓的懶風趣幽默。 5.撇除去年找來一批影壇新人肩負起金像獎這個Show，過去很多年，來來去去，金像獎都是由某一批香港影星或藝人「負責」——今年我做司儀你做頒獎嘉賓，下年就輪到你做司儀我做頒獎嘉賓。我曾經以為香港電影界好大，但原來，這個Universe好細小，小得只容下某一撮人。 6.這一撮人，每當站上金像獎個台，就似乎必定會變成諧星——因為金像獎就是一場Show。既然是Show，就絕不能夠悶，務必要有娛樂性，而最能夠提供快捷即時娛樂性的，自然是搞笑，於是某些頒獎嘉賓會因為提名名單有自己老公份，就開懷地把頒獎禮當成自己的家庭Party；某些頒奬嘉賓又會把某齣描述作家蕭紅的提名電影，夾硬Tag落砵蘭街的「蕭小姐」（或許當事人以為這是本土意識的另一種宣示吧）。我不知道其他觀眾有冇笑，但可以肯定，現場觀眾是有笑的——這批現場觀眾固然知道自己在睇的不是一場（沒有水準的）棟篤笑，而是一個展示香港電影力量的頒獎典禮，但他們選擇了笑，他們的笑，若不是出於真心，就純粹是俾面。還有另一種俾面：某些巨星做戲多年人緣又好正所謂冇功都有勞，輪都輪到佢攞啦——明明視乎演技而論的影帝影后，變成了勤工獎或服務多年獎。 7.但這場Show也可能是一面鏡（我不想講到明是照妖鏡）。《十年》獲最佳電影那一年。好記得，爾冬陞拆信封前，先說了一段話，一段語重心長的話，並引用美國總統羅斯福的話，我哋最需要恐懼嘅係恐懼本身；然後，宣布得獎電影，《十年》，現場響起一連串歡呼，得獎者上台，講心聲……期間鏡頭固然捕捉到一些起晒身歡呼的電影人，亦唔覺意捕捉到某些人的嘴臉，有電影老闆的不滿和輕蔑，也有影帝影后盡量扮冇嘢但一臉表情已經不自覺洩露了的老尷，老尷或許來自：應該拍掌好還是不戥人高興好？拍掌，容乜易俾人誤會我支持這齣政治不正確的電影？掌都唔拍一下，又好似好唔大方…… 8.金像獎由最初一個展示香港電影實力的儀式，漸變成一個（懶好笑的）Show，再變成一面呈現意識型態和內心的鏡。意識型態，有時根本連你自己都不信奉，所謂跟隨，只是為了跟大隊；但內心，卻騙不了誰。 9.然後來到今年，第39屆了，一切從簡，只有身為主席的爾冬陞把獎項逐一說出，真的只是簡單地說出，頂籠只是頒到某些獎項時加多句「恭喜晒」（唯獨說到《大象席地而坐》的胡波，有提及對方已去世，希望能夠把獎座交給他的家人），刪除了所有繁文縟節衣香鬢影後，重點，再一次回到得獎人 / 得獎電影本身。 10.只是意識型態這回事已注定揮之不去。愈想融合，愈見分歧，尤其當最佳電影頒了給《少年的你》。其實，甚麼才是「香港電影」？ （原文刊於am730） #浪漫月巴睇2000