《最後派對》

♂：早晨

♀：早晨，尋晚玩到好夜？成兩點鐘先講早晨

♂：好早，早到天光先訓……

♀：可以玩天光好難得，要珍惜呢種機會

♂：呢種機會的確唔多了……我有個好熟既兄弟要移民，下星期就走

♀：你地呢次係為左同佢farewell？

♂：本來唔係，我地尋晚先發現係farewell party

♀：你唔係應該習慣左人來人往咩？我以為你成日走來走去會睇得好開

♂：我係習慣左人來人往，但亦習慣左同佢地一齊，細個我地同一條村，中學我地同一班，大學同一個宿舍，畢業之後我地都住係行十五分鐘距離既地方，呢個習慣比起我習慣一個人早太多

♀：其實科技咁發達，去地球上任何一個地方都只係一日，移民又唔係永遠唔見

♂：你有冇最親密既朋友移民？

♀：我朋友唔多，所以未有

♂：的確我地飛去搵佢唔難，但只有我同佢，四個兄弟一齊既機會少左好多，最初大家都會text同facetime，但時間過，佢有自己既工作生活，係時差之下，我地會愈來愈少搵，當佢結婚，有小朋友，我地各自過唔同既生活，話題愈來愈少……

♀：喂喂喂，你都諗得幾多喎……

♂：可能係職業病，我會諗得比人多，所以會感受到比人多既痛苦

♀：仲有快樂，呢項才能有好有壞

♂：我地曾經有個夢想，就係一齊住係同一層，行過隔離就可以見到大家

♀：呢種夢想我都係第一次聽

♂：尋晚我地傾過一輪，就係幻想如果大家真係一齊住會點……

♀：如果其他人只係聽呢句，以為你地係情人關係

♂：兄弟情其實唔比愛情少，只係兄弟關係比較隨心，少左責任，大家都好知距離

♀：我都好想見下你班兄弟，想親眼睇到你地既相處

♂：佢地把口好衰喎，你認真？

♀：認真啊，從朋友口中會知道更多真實既你，可以睇到你係咪重色輕友

♂：你呢，你好少講你既朋友，你幾時介紹你既閨蜜我識？

♀：有一個你都見過啦，你仲差少少同佢發生一段美好既情緣

♂：我記得佢，仲有呢？

♀：仲有一個中學同學，叫阿包；一個行山既朋友，叫Chole；一個同行，唔開名住

♂：咁同我都差唔多

♀：我強調，我都係普通人黎，會食飯訓覺痾屎！

♂：但你既粉絲係ig只係見到你食飯

♀：蔣生，我痾屎都post ig一定紅，但想靠實力你明唔明

♂：但我如果咁post的話，一定會死

♀：講返你移民既朋友

♂：發生左d事，我遲少少先再覆你

♀：好

♂：我終於知佢點解要移民……

♀：講唔講得我聽？

♂：太長，都夜喇，我打比你講？

♀：好

♂：晚安

♀：晚安，唔好諗太多，有好多事你都控制唔到，作為朋友，你只需要好好既陪伴佢，記得你講過既距離感

今天將會有Patreon獨家內容，訂閱了我讀者記得觀看

【四個兄弟去Staycation，呢個故事，係充滿腥味、咸味、甜味、苦味定係酸味？

幾個男人興高采烈咁check in，垂頭喪氣咁check out，三日兩夜，關係變了，或者人大左，學會Let go，即使做唔到，都唔會比人知道】

《走先啦~》

唔知呢句説話，大家近來會聽咗幾多次呢？
每次一知道識得嘅親友、朋友，準備移民同離開…
個腦都會空咗一陣，之後會係戥人哋準備有新生活而感到開心，但同時自己又感到唏噓🥲

你哋係唔係㗎？

#移民 #走先啦係咁先啦下次再玩啦

睇到朋友不斷send 左膠點為呢個星期拜登既決定同行為開脫我忽然覺得好治癒。一堆自命有學識有見解的所謂KOL 充分體現什麼叫「對人不對事」、「小罵大幫忙」呢d 佢地用黎攻擊本土派KOL既罪名係自己身上一一出現，呢種聽講叫 ＃回力鏢。

最好笑既係，早排係呢度瘋狂撒野既泛民打手，個個都奉登為神，話 ＃光明頂集團 （我都係上年先同陶傑飲過茶，好耐我都冇去過光明頂啦，不過你寫過一日蘋果你都係蘋果人，呢d 叫 ＃出身，跟一世既）撐川普＝撐陳百祥，又話拜登上台會令英美聯盟再次攜手，轉個背就爆出英軍同美軍係阿富汗口角，再加一句拜登話「我地走之嘛冇人話你唔可以留低」，咁樣叫英美聯盟？而家隔日就有「阿富汗少女書信post」，「有阿富汗女人將自己女兒都殺掉再自殺以保清白」之類既帖文喺果d左膠的ig story 出現，讀完之後，甚為神傷。oh，下一個ig story 就係露出半個乳房玩滑板既短片，又或者係喺西環某cafe 喝咖啡打卡嘅story。

真係好治癒呀。

講明先，唔係怪呢d網紅，對佢地黎講，阿富汗局勢其實同「七師傅如何處理林作家事」，係呢種水平既「資訊」，有聊備一ig post 已係佢地「扮關心社會」既入場費及通行證。對香港人，尤其係普通香港人有太多及太大既期望只會令你身處香港不化不慣，呢種痛苦根源，最好及早放下。

最可笑既呢堆所謂 KOL 幾乎壟斷所謂「國際關係」論述既解說形象，佢地講就係天下第一，人地講就係無理鬥噏（各位如果唔知咩叫 ＃鬥噏 可以search 下國父做政府年代點樣為前特首於立會疑似講粗口事件解畫，你就知咩叫做 ＃對人唔對事 ，同埋 ＃屁股指揮腦袋）。總之自己講既就一定啱，然後就覺得自己認識左世界對自己有幫助。真係要救難民，香港有冇救過？成日拎越南同阿富汗比，香港就有一段好長既時間係電台一定要播「不漏洞拉」（bắt đầu từ nay），越南話就係「從現在開始」。點解會播？果時香港係第一收容港。香港政府同埋市民，係有用香港既地方為越南難民付出既。

而家中國同阿富汗友好，香港係咪將來要畀阿富汗人民免簽入境，一帶一路建設係咪要加埋阿富汗呢d最好都係唔好提啦。因為左膠會話好，因為佢地唔身處香港（佢地大部份都去左英國，台灣同澳洲啦，你試下問佢地阿富汗難民去英國佢地點睇？會唔會用華文講好抑或唔好？講唔好，就同佢地破壞人設； 講好呢？佢地華文世界果堆課金金主內心深處自己都會驚，驚外來非華語圈移民會影響佢地「歲月靜好」既生活，你叫佢地點評？！）哈哈哈。而本土系呢？er……well sorry，香港已冇晒本土系，自從初選佢地自稱抗爭派跟泛民合流之後，本土派係政論圈子之中，應該已經從缺。佢地用初選向世界證明，佢地係泛民一份子。而政權亦用法律程序重申，佢地係泛民一份子。

好多時都會勸朋友唔好再睇政治，尤其是果幾個大台捧出黎既KOL。除左可笑，就係可笑。不過冇所謂。反正移民左既人，大把錢，好得閒，唔上網有咩做？上下網，嬲下呢個怨下果個話下第三個，之後又轉發一下香港淪落既新聞，轉貼下阿富汗世界既消息，真真假假沒有所謂，反正都係想自己情緒有d起伏等自己好似活著咁之嘛，都係一種需要，可以滿足呢d 人既需要，我估都係功德黎既，你話係咪？

圖：網路圖片。

「公司又要我哋開新嘅節目，係咁OT我畀埋條命你好冇……」粉絲聚會中，大夥兒手執印有保錡樣子的面罩，在餐廳合唱《ERROR自肥企画》的主題曲，旁邊食客笑不攏嘴。ERROR和「無制限OT編集團」製作的節目令港人着迷，除了ERROR四子風格搞笑、人前人後同樣真誠坦蕩蕩，偶像和粉絲的關係，亦由神與人之間的距離變成朋友般的存在。ERROR中的郭嘉駿（193）和吳保錡出名錫粉絲，到底「老婆」和「Pokimon」眼中的偶像，有多貼地、有多入屋？

還未到集合時間，周日的銅鑼灣街頭已聚集幾百人，有一家大細，也有大叔拿着應援物獨個兒站着，大家都響應193 Fans Club的號召，參加這天的雪糕車應援活動，宣傳193推出首支派台歌《睡到三點》。個個大汗淋漓，口罩下難掩興奮，一邊排隊拎雪糕，一邊跟雪糕車旁的「33豬」易拉架瘋狂合照，沿途粉絲向路人派發不同款式應援物，繼上次「姜濤灣」引起的風暴，今天再有193這位「接近完美」的男子，令港人再次上街追星。

跟193的老婆（193粉絲的統稱）Sushi和Haha約在銅記，她們忙着疏導聚在SOGO門外的人群，Sushi打趣道：「這是個偶像勵志故事，193由一開始寂寂無聞，到現在真的紅起來，今天人多得我有點怕。」游學修說過，如果MIRROR是個奇蹟，ERROR一定是個神蹟，這天大家再次見證，這神蹟並不是幾百部電視機的收視率能定義的。

男友變情夫　TG陪偶像傾心事
「我當大家係老婆」是193三年前在TG中說出的知名台詞，粉絲們把11月4日定為結婚紀念日，自此叫他做「老公」。正印是193，男朋友變成情夫，難道不介意嗎？「有點無奈，不理他了！我把追星當是娛樂是興趣，難道我不給他看AV？」做了三年郭太的Sushi甜滋滋講出老婆們的心聲。

兼職當插畫師的Sushi自《全民造星1》看過193唱《大懶堂》後，就愛上這位舞姿怪異又五音不全的騎呢參賽者。2018年開始，全民造星不少參賽者也開了Telegram跟粉絲交流，193亦不例外，群組現有二萬多人，193至今仍會間中上水跟粉絲聊天互動。

「《花姐ERROR遊》日本回來那程機，193叫我們不要去機場找他，因為12點已很夜，但我們堅持去接機。193出來時就緊皺眉頭，我心想死了，他不喜歡嗎？怎知他一來就說：『都叫你哋唔好嚟，又唔聽話』嘩！你感覺到那種震撼嗎？」就是因為這句甜到漏的說話，令曾迷上w-inds.、BIGBANG等外地明星的Sushi再次追星，「我曾以為再沒一位港星值得追，但只要跟33相處過，都會被他所吸引。他跟fans的互動貼地、反應快，那種快樂是其他星畀唔到我的。」以前遙不可及的明星由天堂落入凡間，這對粉絲而言也是種神蹟。

要支持騎呢偶像，老婆們也用最騎呢方式應援。例如曾在Chill Club頒獎禮門口跳Pixel快閃舞給193看；拍MV翻唱193參賽歌曲《大懶堂》哄老公；接機接船，跟193聊天至凌晨兩三點。平日設計不同應援物為老公宣傳，每次都會留一份給193及奶奶（郭母），最窩心是得到193回禮，「我們常笑說為他應援像返工但冇糧出，於是他送我們『工資袋』，裏面有他的自拍照、好老婆證、名牌等，上面印了老婆賤人、老公嘉駿等字。」193每次出埠後，亦不忘買手信給到機場接機的粉絲，堪稱「愛妻號」。

老夫老妻唔使見　留機會畀新娘子
身為193的「大婆」，Sushi跟一班初代粉絲現在採取佛系應援，說大家已是老夫老妻，見不見到真人都沒所謂，寧願將機會留給新入門的老婆，「193之前有段時間少工作，當時ERROR中三人都有工作，只有他沒有，他很難過和負面，就在TG跟我們訴苦傾通宵。這些事跟朋友說可能難開口， 亦難明白，我們算是陪他一路走來的人，他願意分享心事，我們就一起想辦法鼓勵他。」

早前193在訪問中談到粉絲，平日嬉皮笑臉的他激動落淚，鏡頭前真情感謝一直支持他的同行者。Sushi說193鏡頭前真情流露的演出，背後花了不少努力，會看不同綜藝節目研究幕前演繹，希望觀眾欣賞他直率敢言之餘，也多留意他的作品，「33一開始覺得自己沒才華，會自卑，但仍有班儍更更粉絲支持他，我看到他哭自己也流淚，因他記得我們為他做過的事，今天他真的做到了，我們能大聲說：『我哋係193老婆，知我咩料啦！』」

染了一頭金黃短髮，身穿保錡品牌tee及行山帽的Wing，說話爽快直接，無論外表或談吐，都有點保錡的影子。「可能太喜歡他，外形不自覺會模仿了，偶像嘛！」保錡的粉絲自稱Pokimon，會稱呼保錡做大佬，緣於經常在TG跟粉絲談心的他說了一句「一世人兩兄妹，有你有我」，家人冇得揀，叫妹妹給人感覺更親。

Wing播放着保錡Telegram對話中的唱歌錄音和合照，回想起跟大佬過電的一剎那，只因一個IG動態，「我第一次接觸保錡是在IG看見他有個post說自己在減肥，我第一次回覆這些story，說希望你減肥成功，外形更好看，沒想過他很快回覆我：一定會！他現在的確成功瘦多了。」因為這三個字，令30歲人從沒試過崇拜一人的Wing驚喜萬分，翻看他所有節目，聽他創作的歌，更成為了保錡Telegram及fans club的admin。

音樂能力被看低　初心未變
「保錡對音樂的熱誠真的很瘋狂，每晚收工做音樂至3、4點，但翌日8點要工作， 為了夢想去到盡。」外形MK搞笑的保錡以獨立音樂人身份出道多年，自己編曲填詞，自資買器材拍MV，然而網上歌曲點擊率不高，能力常被看低。Wing說從未接觸過保錡創作的音樂類別，故尤其喜愛《ikigai》、《秋冬4U》、《Get A Real Life》等拍子和旋律都引人入勝的作品，「很多歌都由音樂人JNY監製， 為更了解大佬的歌，我就去了JNY的studio學整beat。」保錡知道Wing這舉動，提議Wing製作一隻beat，更承諾親自為她編曲和填詞，令中學時也夾過樂隊的Wing更有動力重新玩音樂。

保錡說如果要玩音樂，首先要買器材學習製作，不可以紙上談兵。由網友變成朋友的JNY跟保錡合作做過不少歌，深知他不想被人界定為搞笑藝人，因為初心是當音樂人，「他諗旋律很強，亦很有毅力，錄音即使聲沙了，都要錄到滿意才離開，平日一有新想法就不停問我意見。我們很夾，初次見面jam了幾小時，就寫出《ikigai》。」Wing在旁補充：「他們以前每月能出一首歌，很癲，都是沒錢賺的。去年6月至12月是保錡的低潮期，你聽他的歌就知他的心路歷程。」

學音樂轉工　「人生冇起跌冇意義」
雖然保錡最近因工作繁忙，加上音樂事務都需經公司批准，暫時不能兌現為Wing編曲填詞的承諾，但他對夢想的堅持，令Wing當頭棒喝。Wing成長於小康之家，體育系畢業後再修讀教育課程，當時她對生活毫無想法，也沒有想做的工作，最後選擇回家打理家族生意，家人退休了，她沒有生活負擔，別人以為她過得無憂無慮，她卻形容這些日子似條鹹魚，「未試過跌，也未試過很成功，就像一條平線，好冇意義。但保錡的人生給了很多啟發我，令我想改變、進步。」

保錡家境清貧，15歲輟學開始打工，茶餐廳、售貨員、髮型屋等都做過，課金追音樂夢，卻挫敗連連；早前曾因負面新聞、粗口罵粉絲事件惹起不少誤會，支持他至今的Pokimon為他申冤：「因大佬太直腸直肚不懂修飾，常被人誤解。」為了令保錡進步，Wing笑指偶爾也會給予偶像一些提點，指他開始時較我行我素，現在多了思考反省，願意接納別人意見，也是種進步。保錡在《自肥》成功被Mike導團隊「打救」，熱淚盈眶找回熱血初心，高低起伏的人生本來已夠勵志，「因為大佬，我也想感受吓高低起伏，今年轉工後發現職場果然很陰險，工作不順利令人沮喪，但我真的get a real life了。」Wing今年把心一橫去轉工，重投教育事業，現職教授社交禮儀成人證書班，更會在堂上播保錡的歌和片，以他的經歷鼓勵學生。

生於錯誤的時代，ERROR的出現好像我們凡人自身，岩岩巉巉，甩皮甩骨，但卻勇於擁抱缺陷與失敗，不斷嘗試，至死方休。因為沒有偶像光環，這種自由奔放堅持真我的態度，反而引起大眾的共鳴，連結了那些一直還在堅持的人。

粉絲×193搞笑互動
1. 派糧贈墨寶

193偶爾「派糧」給老婆，例如贈墨寶，在月曆寫上老婆生日日期，亦曾恥笑老婆身高創新低，更為粉絲們改名字。193為Sushi起名為阿屎，圖中則畫了嚿壽司給她。

2. 同老婆自拍

193太愛跟粉絲聊天，有時給經理人催趕也不願離開。例如有次出席金像獎走過紅地毯，他竟走回頭跟老婆自拍，最後給老婆大聲趕走。

3. 「對唔住老公」

MIRROR演唱會193做完表演嘉賓後出去找fans，去了吃飯的老婆立即衝回去「跪地」說「對唔住老公」，哄得193邊笑邊叫黐線。

4. 家用工資袋

老婆常笑說為193應援像返工，193就送出了「工資袋」，裏面有他的自拍照、好老婆證和名牌等，十分窩心。

5. 貪佢夠靚仔

在餐廳碰見193跟花姐和MIRROR同場，Sushi走過去叫老公，再問准花姐能否跟193合照。花姐說：「你咪影囉， 到底你鍾意193啲乜？」Sushi說：「靚仔。」

6. 真老婆no way

會否幻想成為193真老婆？Sushi耍手擰頭：不要了，佢太煩！她重申老婆很多瘋狂應援行為都是為搞笑，潛規則是絕不影響偶像私生活，也不能有任何身體接觸。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#ERROR #193 #保錡 #Mirror #郭嘉駿
#果籽 #StayHome #WithMe #跟我一樣 #宅在家