［阿豬阿狗都出書，好似係］TLDR：第一本書呀！可能最後一本添！有今生冇來世，唔係唔支持呀？所有作者收益全數撥歸「馬蘭頭獎學金」（搞緊）（講到好多錢咁）。Patreon 20蚊/40蚊年費會員免費送書。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

1. 之前講過Andrew Wiles，我嘅大搞作，（https://fbook.cc/3W4s），都真係閉關咗兩星期，雖然Patreon照寫，但Facebook 都寫少咗。

2. 事實證明我唔多守到秘密，好多熟朋友都已經知，但呢度再正式講一次：

3. 卒之出書了。

4. 呢篇文講本書，至於我嘅感想，會再寫多篇文

5. 固然有啲我講嘅嘢你會聽過（唔通我精神分裂打倒昨日之我？），但全新內容，所有嘢由零寫起。過程極之痛苦，咪搞我，下次唔會再寫，寫都應該只會玩新曲加精選。所以處女作，亦係收山之作。寫乜Q嘢書丫，講真。

6. 點解我要出書？

7. 冇，英雄主義，過癮，自high，圓夢。你唔係以為為錢下話？你有數得計，128蚊一本，初版2000本，賣晒26萬—但你唔會以為我分晒下話？咁你計我分嗰份，計分時間，會唔會我寫多幾篇Patreon簡單啲？

8. 本書7萬字，寫咗……一個星期多啲（你可以睇返我幾時出講Andrew Wiles），當中仲要有幾日冇寫，即係一日寫10000字左右，你可以試下，真正日理萬姬，亦註定我食呢行飯。

9. 冇錯，阿豬阿狗都出書，但我都唔同你討論質素，你拎本聖經或乜，照打7萬字，打完我先同你討論。

10. 點解你要買？

11. 好簡單，支持我，食餐飯都唔止咁嘅錢。至於你冇時間睇，作者我睇得好化，賣咗畀你我錢已收，話知你拎成條大拖羅打邊爐。當然，我都會想你睇晒佢嘅，應該會幫到你。

12. 另外，亦都支持啲山區（？）小朋友。講過，全數作者收益都會撥去「馬蘭頭」獎學金，未搞，但絶對公開帳目。亦講真，啲收益冇可能夠冚條數咯，不過如果奇蹟地賣到成行成市，就代我中學師弟師妹多謝你先。係喎，受惠者係我中學啲師弟師妹，青山仲唔係山區？我並唔係對我中學特別有感情，但我諗唔到有乜更好選擇。況且，呢個年代冇錢嘅大西北學生，要上位，比起我以前更難。

13. 十分宇多田光地，寫呢本書就橫跨咗我43歲生日（＊），亦係畀自己嘅生日禮物，夠晒大份。BTW，陸東寫《智者傲行》時，亦係43歲。我本書就係類似咁嘅嘢，雖然我同佢比爭好遠，但，街邊啲肥仔都係學佐敦學美斯之嘛。

14. 本書講乜？你可以睇目錄（下面有）。但主要係字，圖好似10張都冇，冧把亦都冇多個。主要分為三部份，好似剛好三三四比重。

15. 第一部份，我的求生指南。就係我43年嘅故事。你心諗關我春事？我嚟求財的。但，你唔知我經歷，就唔知點解我今日有咁嘅思想。當然你買咗返去唔睇亦得，大拖羅嘛。入面仲會講我小小人生法則，點樣6年加咗4倍人工。仲有啲讀者問我入行呀，平時睇乜書乜文呀，甚至創作心得都會有講下。雖則唔覺得我有乜咁巴閉，但話晒都出到本書，話晒Facebook 都有20000人， Patreon 都有1800 人，都唔係個個得。

16. 第二部份，職場求生指南。應該唔使點解啦？教你點上位，點轉工，點跳草裙舞，揀入邊行，揀咩工做，有乜要留意，點揀個好老細。雖然講到尾，我覺得爬Corporate ladder 呢個遊戲已經玩完。但呢部份都係好重要，你以為我啲錢點嚟？除非你有父幹或者畀人包（我冇），否則，啲錢唔係打工嚟可以點嚟？咁冇錢，，投乜資？你十皮嘢我畀你贏十倍又點？

17. 第三部份，股市求生指南。冇教你睇圖睇年報，冇交易系統。好心啦，居然有人覺得百幾蚊有必勝法。主要講心法嘢，改變你自己。但我亦都有講一個「全天候投資法」，萬用理財方案。

18. 講到尾係你自己，投資法則網上一大堆啦，有啲好似矛盾，又好似好難執行。係冇得速成嘅，只有倉頡，速成害咗你。等於啲餐廳煮嘢咁，傳統做法工序多，你要速成一樣煮到丫，但做唔到人地嘅味道咯。等於你睇戲咁，你可以睇谷阿莫，好多戲嘅情況都係幾分鐘講完，但你唔由頭睇到尾，冇浸落去，就係唔同的。學藝不精嘅，我畀你好彩贏到幾倍，都一定輸返。除非你個本夠大，中完一舖夠勁嘅即時退休—但可能你再搞其他嘢都會出事，大把故事啲窮人中完六合彩好快又破產啦。

19. 冧把，好似冇喎，我點知你買本書嗰時啲嘢升到幾多？諗住買書聽冧把嘅，講真，不如檢討下。但但約略有教你點揀股。

20. 最後講埋，書展係有一個簡單而隆重嘅介紹會的，可以影相簽名，不過嗰個位冇得買書的，自己小心。7月18日夜晚19:30 – 20:15，會展四樓S428會議室。書展入口1樓行到上4樓就係。

21. 咁去邊買？經HomeBlogger網上買。 一係你自己去尖沙咀拎。一係就順豐寄畀你，多廿蚊。詳情呢度：（https://bityl.co/7mCx）。 工作日 Whatsapp 客服91010168亦都得

22. 唔想見我嘅？咁仲簡單，之後書局有得賣，或者網上買都得。

（＊）宇光田光拍Can you keep a secret嘅MV就橫跨咗佢18歲生日。我完全唔係歌迷，但居然都知呢啲嘢。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折

＝＝＝＝＝＝＝＝＝＝＝＝＝＝＝＝＝＝＝＝
買<事先張揚>書本
$128 尖沙咀到取
$148 順豐本港到運
方法1:
https://homebloggerhk.com/BUYBOOK/
接受網上信用卡付款或銀行入數
方法2:
whatsapp 91010168註明例: 書x1
https://wa.me/85291010168
*whatsapp客服在工作日回應

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
<事先張揚 - 一書保平安>目錄
自序 - WTF 哲學
關於本書
鳴謝
第一章 ─ 我的求生指南
我呢一生，可恥嘅事甚多（不過唔話你知）
由下級中產家庭到狀元學霸
迷失嘅大學年代
我的打工生涯：由教書到分析員
隱青，麥當勞，教書佬，中環工
轉戰分析員，卒之搵到錢
被炒，再轉工，開始寫文，又再被炒
我好少最早，但亦好少係最遲。
Luck is a function of surface area

第二章 ─ 職場求生指南
揀個好老細
如何Networking
草裙舞攻略：靠公司自動自覺加你人工，就死得
搵個好嘅舞台：你份工有幾重視個人能力？
又或者，搵份hea嘅工
從小愛閱讀，長大倍幸福
第三章 ─ 股市求生指南
投資必勝法（好似係）
四大投資定律：永遠炒預期，只係你啱並不足夠，乜都有個價，股市同實體經
濟脫節
阿煩的故事：全天候投資法，人人啱用
唔好借錢買股票
股票長線係升嘅
一隻好股票可以頂好多隻total loss
你根本避免唔到股災
不止賺，更加不止蝕
Don’ time the market, stay invested
買股票，時間就站在你一邊
護城河：如何挑選優質股
結語 — 兩大敵人：無知與虛偽

素食薄餅超好食的 Pizza Express 原來已經在港開業20周年，慶祝生日除了推遊戲送出全年薄餅通行証，亦從意大利帶來西西里美食，到底這個地中海城市的餐點有何特色？來吃一次就一清二楚！

這個西西里特色菜單於全線 Pizza Express 分店供應，一直到8月都有得食。

🥗西西里風味沙律 (素菜款式) 港幣$128
我覺得這個沙律最特別之處是辣得好醒神，入面的青辣椒唔係得個樣。沙律有西柚、鮮橙、香草菲達芝士、橄欖、洋蔥、青辣椒、火箭菜、羅勒和薄荷，材料都幾豐富，配搭起來口味清新有趣。

🍕辣茄子薄餅 (素菜款式) 港幣$138
我很喜歡吃茄子，所以見到薄餅和意粉都有茄子勁開心，原來西西里人都好鍾意用茄子入菜。又大又薄又脆的羅馬餅底上面有茄子、醃辣甜椒、墨西哥辣椒、烤燈籠椒、洋蔥、橄欖、車厘茄、馬蘇里拉芝士、提子乾和松子仁，吃起來都有少少辣味，中間又咬到香氣十足的松子仁，材料豐富幾有特色。

🍆茄子番茄寬條麵 (素菜款式) 港幣$118
這個茄子意粉的靈魂絕對係軟芝士，半溶化的芝士混合番茄醬再配意粉超好食，我差唔多食晒全碗。

喜歡吃意大利菜十個有九個都常去 Pizza Express，不妨就約朋友試下新西西里餐牌，順便參加遊戲睇下贏唔贏到個全年通行証日日食薄餅。

完整圖文：
https://misskitb.blogspot.com/2021/04/pizzaexpress-20.html

［大姆指尋找馬蘭頭］四千幾字。再講一次點解我冇教書。而明顯如果我仲教緊書，會比而家更富貴，但我全無後悔。因為而家過癮好多，教書就冇呢個 Page，就冇你地了。大吉利是我死撚咗，咪得一百幾十個學生加一百幾十個舊生唔開心。而家唔同，「Patreon畀咗年費嗰啲一定記得我」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 之前寫過「安雅會談」（https://lkdin.io/3LYM）（唔睇舊文當全新故事聽亦得），反應唔太好，睇返篇文的確麻麻地。咁點？寫多次！呢間「大姆指」執笠（做埋呢幾日），注定我要寫多次「安雅會談」。

2. 實在唔想雙春悲秋咁寫咩「一個時代嘅終結」，亦唔係咩「童年回憶」。但的確，如果我成咗名，第時就會有人去呢度尋找返我足跡。正如《緬甸尋找奧威爾》一樣，我去仙台尋找魯迅（https://lkdin.io/3LYN），亦都去東京明治神官野球場尋找村上春樹（仲去埋神戶嘅Pinocchio酒吧）（＊）。呢間咁嘅「大姆指」，係我唔教書走去做金融嘅轉捩點，然後就差不多廿年。一切就由呢度開始。再講一次，我成咗名，呢度就變景點。

3. 上次寫「我自信有日如願　縱使天高地厚　仍被我逆轉」（https://fbook.cc/3NSr），反應不錯。第一日返工同我食飯嘅三個中學同學，到我Last Day又在同一個地方同我食。當中科學家L君而家正職渣鑊鏟副業補習天王，T君同我一樣做金融，呢篇文會再出場。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

4. 冇人係一出世想做金融的，正如冇人一出世想渣鑊鏟。我個年代嘅新界牛屎仔，係冇咁嘅嘢的。聽聞早前啲小朋友話細細個想做ibanker，我覺得真係錯撚晒。你不如想大個做雞丫。我知職業無分貴賤笑貧不笑娼，但都真係唔使立志的。而家啲小朋友好似話想做KOL 或者想搞 Start up，「仲衰過做雞」「等於畀人免費上」。

5. 我地年代嘅我的志願，都係嗰幾味，科學家啦，醫生啦，運動員都有嘅，歌星就多數唔敢寫落文。而我地幾個，唔係虛偽到會寫我的志願做教師咁刷鞋（我唔同虛偽嘅人為伍）—但偏撚偏就齊齊教撚晒書！命運就係咁神奇。一路都好相信「大家命中注定成為自己細個討厭嘅人」，雖然冇乜科學根據。

6. 點解我地教咗書？我都唔知，但又係偶然中嘅必然。肯定唔係由細到大嘅理想，但玄啲講，唔係我地選擇咗教書，係教書選擇咗我地。我地三人，共通點冇乜，但都可以勉強搵：三大畢業啦（＊＊），唔靚仔啦（重要，因為求職），不太presentable 啦，有啲稜角啦，憤世嫉俗啦。正面啲嘅？叫做鍾意睇書啦，成績還不錯啦—呢啲咁嘅 Profile，加埋2003年沙士嘅就業市場，去咗教書，真係十分合理。提返你，當其時一個GM（學位教師，但有學位嘅唔一定係學位教師，而而家做得學位教師既又好少冇學位），萬八定萬九蚊人工。

7. 而早少少，因為佢兩位介紹，我甚至有在元朗教夜校嘅經驗。（而家仲有冇夜校？）。教會考班呀，好似五舊水定一千一晚？但一個星期好似得一兩晚。最頂癮係，本人就教數學物理，L加就教化學生物，T君就英文經濟—You see？根本成間嘢就係我地三條友教晒

8. 總之，2003年夏天，我地三個都叫做教緊書，就在呢度舉行咗，改變咗我地各自生命嘅，安雅會談。至少係改變咗我。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
9. 2003年嘅夏天，沙士嘛。第個唔知，我真係悶出鳥來，但又好似冇固定女朋友。沙士一早停課，我當年教中五中七，噢耶，停完課就study leave，之後佢地就考試。我白白玩咗半年手指拎咗半年人工，日日在屋企睇有線播友坂里惠嘅金田一，以及打紅白機模擬器。悶到好似日本料理咁出汁。

10. 我嘅生命，亦係差不多。2003年，25歲。拖拍過，愛做過（咪話1998年2月14號港大太古堂801室下格床咯，我成咗名就有人返去打卡！），書教過，歐洲去過，日本未去過，儲蓄係零，甚至負（少量卡數），拎緊萬八萬人工。工作經驗？亦係零，甚至負。真的，對非教書嘅工嚟講，你教書嘅經驗等於零，甚至負—因為啲人覺得教書嘅人都忽忽地，同社會脫節—事實亦係。理想？冇。夢想？冇。同期啲同學？樓都買埋。仔都生埋。你三條友去食大姆指。

11. 但你當係棋局，或者牌局咁，嗰時我地副牌雖然唔太好，但都仲係開頭初頭，勝在仲有無窮可能，仲可以搏同花順。而家呢？大家42歲，牌開咗唔少，冇想像中咁爛，唔係十三不搭 積 pair—無—無 但亦知道冇乜可能有咩大牌食得出，至少我冇。

12. 我由頭到尾都係個比較保守嘅人（風險厭惡度，唔係講性觀念）。安雅會談之前嘅幾年，即係我畢業後，喂大佬，我真係想搵份兩皮嘢嘅工架咋。請恥笑，當時我以為我可以做一世的。咁到安雅會談嘅2003年，教緊書啦，萬八九人工，年年加，兩三四皮根本指日可待。串啲講句，老校個計劃有我，我肯騾仔嘅，SGM（傳說中嘅「主任」）位，必有我份。咁你可以睇下一個SGM幾錢人工。嚇撚死你呀

13. 所以，當時我嘅想法，一定係「唔好搞咁多嘢啦」。「我個個月拎份糧去供盈富基金好過啦」（＊＊＊）。

14. 但，嗰次安雅會談，不著邊際吹咗一輪水後，朋友T忽然間嚟咗句：「拿，咁之後點先？」。朋友L當然都係答「屌佢老味梗係玩撚大佢啦」，但我當然都係「慢慢儲下子彈先」「拿我過幾年SGM架啦，唔好搞咁多嘢啦」「拿個個月供下盈富基金咪好咯」

15. 然後，朋友T對我呢啲答案唔多滿意。佢嘅特色係會迫人埋牆角，佢唔接受我呢啲和稀泥嘅答案。你人生為乜？為錢嘛，講，幾多？為女人嘛，咁講，想要乜？（係咪好似啲乜乜正能量課程咁呢！我們要乜？要錢要女人！幾時要？現在就要！）

16. 真的，佢無啦啦，同我講起安雅。你自己Google邊個係安雅，應該嗰期出事畀人拉咗。我好奇怪佢會同我講起安雅，因為朋友T向來都唔多講呢啲女色嘅話題。但佢就係話我知，拿，你咁搞落去呢，畀你SGM，安雅都係 out of reach的。我想想，好似有啲道理。

17. 然後佢話我知，一切都應該量化—先有個目標。就當你晚晚要搞明星，咁你咪計下要幾錢，然後計個discounted cash flow．

18. 原諒呢啲對話咁物化女性，我好肯定朋友T係為咗投我所好先咁講的。但大家真係唔好錯重點，重點根本唔止係安唔安雅，事隔十年，係連詩雅又好，衞詩雅又好，根本不重要。安雅就只係一個token，一個icon，一個dummy variable，一個placeholder．佢就代表住所有慾望嘅投射。名利權色，酒色財氣，貪嗔癡，求不得苦。

19. 咁，我係人嘛，人就梗係有慾望架啦。咁咪去追求點滿足呢啲慾望咯（係咯，啲色魔好似都係咁諗嘢的）。

20. 無論如何，並唔係好似拍戲咁，第二日我就返學辭職，另外仲發生咗唔少事。但總之，之後嗰年，2004年嘅7月2日（咩日子？我25歲生日嘅翌日，舊文有講），我就在慈雲山學校村保良局何蔭棠中學部電梯，當住個女同事面（冇錯，早排見報嗰位！），同校長（亦冇錯！早幾年見報嗰位！）辭咗職。

21. 2004年9月1日（咁你都要問點解9月1日？），夏愨道美國銀行中心21樓招商銀行香港分行，我就開始咗金融界嘅第一份工。如果係拍續集嘅，會見到我同一個光頭鬼佬刷身而過，嗰條鬼佬就係後來我在耆英證券嘅老細 占士咖啡—冇錯，嗰時耆英證券仲係在美國銀行中心。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
22. 要解釋我點解唔教書去咗做銀行，都真係有啲難，有唔少唔同嘅事件。有人以為我追搣時不遂所以唔教書—前半啱，但我只係打算離開教嗰緊學校啫，我大可以去第間教。後來見工都總有人問，我總會有答案，嗰啲中環廢話你都唔想聽，但唔係完全假 — 我假假地讀精算，又Master in Financial Mathematics，中環都未返過，就甘心在學校村，同班友玩宮心計 奶校長屎忽 （仲要幾臭下）摶SGM然後好彩升副校做埋校長咁一世？

23. 定係我地可以試下啲其他嘢？

24. 如果講我只係貪戀中環嘅酒色財氣，又好似講得太簡單。不如我用個全新角度講，過癮。做人嘅嘢，最緊要好玩。人其實天生賓放貪玩。

25. 我早早已經決定唔做精算師，應該話佢早早排除吴我，主要係我冇能力，亦冇興趣，我冇能力嘅嘢我自然冇興趣，令我生活冇咁痛苦。T君嗰時已經話，得罪講句，你唔做精算師，對個世界冇乜損失。的確如此，雖然如果我做到，我可能會畀而家更有錢。但個重點係：冇咗 埃汾ASA FSA，呢個世界係唔會有丁點不同的

26. 然後，教書。同好多人估嘅唔同，根據合理估計，如果我一路教緊書，我而家嘅身家應該更豐厚 —留意我講身家，即係net worth，唔係收入。因為，如果我一路教緊書，無論如何我點都會2005或2006年買樓（＊＊＊＊），但現實中嘅我2013年先買，呢度已爭一截。再加上我唔會出現啲轉工或被炒要沽股票之類。

27. 冇錯，我就係話你知，根本就唔係因為錢，正好相反。我仲教書嘅，而家一定更多錢—但我嘅人生一定少好多樂趣，你地都少好多樂趣，因為根本唔撚會有君子馬蘭頭。我啲教書嘅朋友，自己Facebook 都唔多敢講嘢。如果我唔教書嘅，社會有少少損失，但我嘅人生就冇咁過癮，你地亦睇少好多嘢。

28. 所以最後，好似而家咁，幾咁好呢？我照樣可以春風化乳 有教無淚 誨人好倦將啲後生仔打成一片片。錢係少咗啲，但過癮嘛！大家話係咪？

29. To sum up：做精算師Ivan Li ASA FSA嘅（當我做到先啦），錢多過而家，但生活冇咁過癮，對社會貢獻係零。

30. 做李老師 附加數學科主任 李蛇 PGDE（＊＊＊＊＊），錢都係多過而家，生活更加冇癮，對社會貢獻有些少，但只係我教嘅一百幾十個學生，教廿年三十年，咪幾千個，記得你嘅有冇七十二個？

31. 而家變咗 馬蘭頭CFA嘅，錢真係冇以上兩個選擇咁多。但，好撚過癮！最重要係，對個社會有貢獻。我Patreon寫文嘅宗旨，呢度都講下：好彩嘅你會贏到錢，但贏唔到錢至少你都學到嘢—就算worst case你學唔到嘢，你都會有啖笑下嘛！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
32. 再換個方法講，我係精算師，我死撚咗，有誰關心？冇。我係教師，我死撚咗，有誰關心？有嘅，我未失敗到啲學生要開香檳。但而家我死咗，呢度都話晒一萬幾千人關心我喎（當然仲有Patreon啲讀者）（特別係畀咗年費嗰啲！）。而反正，呢度唔少讀者，咪就係我以前嘅學生咯！（＊＊＊＊＊＊）

33. 正如我呢度寫咗5000字，為乜？唔通為錢？當然係為過癮。呢個亦係我同好多金融人唔同嘅地方。

34. 錢當然重要，但過癮都好重要，最好就當然係why not both．所以我開咗個Patreon，係我一生人做得有啲成績嘅三件事合理：Writing, Teaching, Finance。正係WTF

＝＝＝＝＝＝＝＝＝＝＝＝＝＝＝＝＝＝
35. 村上春樹式，有頭有尾，或者套戲交代返啲人物嘅現實結局咁。呢間嘢，燉奶佬集團，係十分之咁難食嘅。即使在美食地獄嘅屯門市中心，都真係劣中之劣，我已經好多年冇再食呢間嘢，反而你話咩太興 麥當勞 MOS Burger 大家樂 大快活我都食。但當年，一來可能未係咁難食，二來可能當時未食咁多好嘢。我相信係前者。無論如何，一間咁嘅嘢，可以屹立在時代廣場（屯門啦仆街，你不如問係咪紐約丫）廿五年，都真係一個奇跡。幾多人你想佢死佢都未死？幸好，我地三個嘅友誼，都outlast咗呢間劣食，已經三十年朋友，and still counting，For auld lang syne（然後諗起《無間道2》智叔吹口琴）

（＊）村上春樹鐵粉會知，啲友年年在嗰度睇諾貝爾文學獎結果，年年落空，十足十等安踏（2020）入藍籌咁 – 咦？！所以我話你知，村上春樹今年會拎諾貝爾文學獎。

（＊＊）我到而家都覺得發明「三大」呢個講法嘅香港科技大學，應該拎諾貝爾數學獎。我當然知諾貝爾冇數學獎啦，講Fields medal你咪又係 Google，咪又係要我括住「等同數學嘅諾貝爾獎」

（＊＊＊）真的，當時我已經有月供盈富基金！早過龔成！當時只係想買架車，所以當時叫做「Lancer基金」，後來目標越嚟越遠大，我話會變咗做「港女基金」，「新芬基金」甚至「移民基金」—結果都一一畀我做到，港女泡咗 芬結咗 民移咗。都話「我自信有日如願縱使天高地厚仍被我逆轉」，下一步，終極版，就係「勞蘇基金」。

（＊＊＊＊）點解係2005/2006年買？好簡單，嗰時有個rule of thumb，話教書嘅人，頭三年唔走，就之後教一世。因為人工太高，同埋同出面脫節。我2002年開始教書，計做GM就2003年。

（＊＊＊＊＊）所謂嘅教育文憑，並唔係PTGF嘅朋友，雖然唔少PGDE都要搵PTGF。又，當年PGDE收咗我的，錢都畀埋，但我去咗中環返工嘛。所以咪畀港大沒收我啲錢，好似都兩皮嘢？所以從來舊生叫我捐錢我都話一早捐咗。

（＊＊＊＊＊＊）都係忍唔住講。N年前有舊生帶我去唱K，真係十分之咁尊師重道，另外過時過節佢就send 啲乜乜流出相畀我，都唔使我開聲，呢啲咪好學生。又，其實我有幾個學生做咗O靚模，可惜佢地從來都唔嚟搵下我，嗚。見字記得PM我

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折

【賀YOUTUBE破2000訂閱】吃貨嘅大胃王系列又來啦！今次我食嘅呢間百里香係我之前響觀塘返工的食堂！非常之出名嘅平靚正性價比超高的一間餐廳～之前我嘅食評都有介紹過呢間餐廳，佢最出名係佢嘅皇牌燒雞套餐～因我最近要要轉工的關係～怕以後少咗機會再食～～所以今次要一口氣吃六份百里香皇牌燒雞餐～～！滿足一下自己～哈哈！請大家多多支持和分享??等更多人認識一間咁正嘅餐廳啦！

最後吃貨提提你：
1. 想食皇牌燒雞記得要預訂啊！否則就白走一敞，下面有電話
2. 每日12點半前離開或者兩點半後去食仲可以減$5，真係好抵呀！
3. 百里香唔開晚市同星期日㗎!

——————————————————
店名：百里香 (觀塘)
地址:
觀塘駿業街67號熟食市場1樓44號舖
電話: 67092851

____________________________________________________________
◎其他大胃吃貨系列◎
⊿生日特別企劃～大胃吃貨為自己慶祝生日!一次過懲罸幾間黃店｜HAPPY BIRTHDAY TO ME！｜大食mukbang｜利口福快餐店｜合發茶餐廳｜開心餅店｜吃播
https://youtu.be/qULyBxpplkk
⊿吃貨挑戰食生命麵包｜一共可以食到多少片呢？食生命麵包一D都唔慘仲好正添
https://youtu.be/ML1S6oihEqk
⊿今次吃貨要食100粒魚蛋燒賣｜渣哥一九九六｜良心食店｜懲罰黃店系列
https://youtu.be/5P93ZuqcUbo
⊿入元朗挑戰食泰式船麵｜成為四月份冠軍兼破店家紀錄！究竟吃貨吃到多少碗呢？？
https://youtu.be/QQRJHvg3NEI
⊿今次吃貨要挑戰吃2個大批｜食PIZZA HUT和飲寶礦力｜支持良心店鋪｜香港人加油！！
https://youtu.be/PsqHIC1na-s
⊿吃貨挑戰8吋巨型漢堡！大過我個頭｜40分鐘內完成免費｜究竟我可否成功呢？？？
https://youtu.be/h6su9BQB9Hc
⊿我的YOUTUBE CHANNEL終於突破1000訂閱了！吃貨挑戰食100隻餃子賀賀佢啦！大胃王挑戰又來了！！
https://youtu.be/V4Br7FtwvIg
⊿今次大胃王要挑戰99件麥樂雞！我自已都好奇究竟我食到幾多件呢?！
https://youtu.be/SN8pDXFkpkA
⊿挑戰丼丼屋MEGA唐揚雞丼｜4KG要在15分鐘內完成就免費並有200元現金券！有人食到想嘔！能成功嗎?
⊿今次我要挑戰食五碟我至愛的叉燒滑蛋飯啊！
https://youtu.be/gppIemYz_uY
⊿大胃王挑戰食三碗「譚仔三哥」的特大過橋米線！一般兩人會分一碗來吃｜究竟我食到幾多碗呢？
https://youtu.be/ncTDTuASnjI
⊿大胃王挑戰超大丼丼屋MEGA海鮮丼｜限時15分鐘內完成！究竟我們能否贏到現金券呢？
https://youtu.be/FbU9ttv0lsU
_________________________________________________
◎Facebook: 吃貨玩樂foodielok
https://www.facebook.com/foodielok
◎IG: Foodie_siulok
https://www.instagram.com/foodie_siulok/
#吃貨玩樂

上星期我的YOUTUBE CHANNEL［吃貨玩樂FOODIELOK］終於突破1000訂閱了！沒想到我這個由一開始訂立的小小目標終於達成了～真的很激動T_T！！！！

回想起8個月前我說要做YOUTUBER～一個電腦白痴去自學拍片剪片～～所有東西由零開始，到真正UPLOAD第一條片，想不到我出的片真的有人睇，由一開始得一百幾十人睇，都慢慢用四位數字甚至乎五位數嘅人數觀看，真的沒有想過！很感恩！其實我每次親自製作完成一段影片UPLOAD上YOUTUBE便已經會很大滿足感，好似自己的親生仔出世，當然如有觀眾回應說喜歡睇我的影片，或吃了我介紹的東西覺得好吃，我也覺得開心，對我而言這是BONUS^^～

雖然我並不是多產的YOUTUBER，平均1-2星期才出一條片，但是我每條片也認真去製作，希望觀眾感受到我用心～～其實我每條片所花的時間精神和體力都頗多，尤其是我本身有正職，要放工後犧牲一些玩樂和睡眠時間去拍片剪片，真係幾累。雖然如此，但我都覺我是值得的。因我不會忘記初衷去做我自己喜歡做的事，向大家分享我喜歡的事物，紀錄下我這年輕時的瘋狂，待我80歲後慢慢回味返，是多麼開心的事^^

我都估唔到我可堅持到今日，由一開始我相信好多朋友都覺得我玩玩玩下，好快會放棄，但我正正是想用行動證明我並非玩玩下，做自己喜歡的事再累也會堅持，同時我亦想證明現實和夢想是可以取得平衡的，我一方面繼續努力工作為我的生活賺錢糊口，另一方面我繼續努力自己嘅夢想和喜歡做的事，雖然追尋夢想嘅過未必帶來好多直接的收益，但是那份愉悅和滿足感不能用金錢購買得到，所以再辛苦再累也值得～老土啲講句： 為夢想，你可以係都幾盡?

雖然1000訂閱並唔係好多，但這對我而言的意義和鼓勵卻是非常之大，這剛好是我的一個小小的回顧，我試過很多次想放棄，但全靠身邊嘅朋友家人同事同埋觀眾嘅支持，你地每一句說話每一個message都係我繼續堅持下去的動力，日後我會繼續努力，真的衷心想和大家講句：多謝！！

感性嘅說話講完，今次嘅咁開心，慶祝活動我想挑戰食100隻我至愛的圓方餃子賀賀佢啦！！^^希望大家繼續支持我，幫我俾LIKE同埋分享出去啊～THX SO MUCH^^

____________________________________________________________
◎其他大胃吃貨系列◎
⊿生日特別企劃～大胃吃貨為自己慶祝生日!一次過懲罸幾間黃店｜HAPPY BIRTHDAY TO ME！｜大食mukbang｜利口福快餐店｜合發茶餐廳｜開心餅店｜吃播
https://youtu.be/qULyBxpplkk
⊿吃貨挑戰食生命麵包｜一共可以食到多少片呢？食生命麵包一D都唔慘仲好正添
https://youtu.be/ML1S6oihEqk
⊿今次吃貨要食100粒魚蛋燒賣｜渣哥一九九六｜良心食店｜懲罰黃店系列
https://youtu.be/5P93ZuqcUbo
⊿入元朗挑戰食泰式船麵｜成為四月份冠軍兼破店家紀錄！究竟吃貨吃到多少碗呢？？
https://youtu.be/QQRJHvg3NEI
⊿今次吃貨要挑戰吃2個大批｜食PIZZA HUT和飲寶礦力｜支持良心店鋪｜香港人加油！！
https://youtu.be/PsqHIC1na-s
⊿吃貨挑戰8吋巨型漢堡！大過我個頭｜40分鐘內完成免費｜究竟我可否成功呢？？？
https://youtu.be/h6su9BQB9Hc
⊿賀YOUTUBE破2000訂閱！！吃貨一次過吃六份百里香皇牌燒雞餐｜觀塘性價比超高隱世小店
https://youtu.be/oGHVp6CCBZ8
⊿今次大胃王要挑戰99件麥樂雞！我自已都好奇究竟我食到幾多件呢?！
https://youtu.be/SN8pDXFkpkA
⊿挑戰丼丼屋MEGA唐揚雞丼｜4KG要在15分鐘內完成就免費並有200元現金券！有人食到想嘔！能成功嗎?
⊿今次我要挑戰食五碟我至愛的叉燒滑蛋飯啊！
https://youtu.be/gppIemYz_uY
⊿大胃王挑戰食三碗「譚仔三哥」的特大過橋米線！一般兩人會分一碗來吃｜究竟我食到幾多碗呢？
https://youtu.be/ncTDTuASnjI
⊿大胃王挑戰超大丼丼屋MEGA海鮮丼｜限時15分鐘內完成！究竟我們能否贏到現金券呢？
https://youtu.be/FbU9ttv0lsU
_________________________________________________
◎Facebook: 吃貨玩樂foodielok
https://www.facebook.com/foodielok
◎IG: Foodie_siulok
https://www.instagram.com/foodie_siulok/
#吃貨玩樂