【深宵不負責任影評系列】 見連登開PO講爛片講得咁過癮 我都決定的起心肝開個不定期專欄講吓電影 呢套Netflix新上嘅《鬼影特工:以暴制暴》 好多人話爛，冇劇情，多犯駁 其實今時今日睇得Michael Bay 都應該知道佢得返幾多斤兩 你鬧Michael Bay嘅戲冇劇情 正如你鬧李力持唔好笑一樣 根本就係default咗嘅嘢 有咩好鬧呢 講真又唔係爛到《變形金剛》最尾2集咁辣殺 但比起《變形金剛》第1集 或者佢全盛時期嘅動作片嚟講呢 又真係爭咗好多皮 劇情已經無需深究 敘事整蠱做怪零碎多餘 一味就係炸炸炸笨蕉笨蕉 但又枯燥乏味 睇到人好出戲 自問已經係無腦爽片忠實觀眾 最鍾意玩暗榮《無雙》系列 都覺得呢套嘢唔太對味 好似今時今日睇返唐季禮再拍動作片咁 成套《鬼影》都充滿住其他職業特工片嘅鬼影 即係山寨版嘅《Mission Impossible》 或者五星戰隊啲friend 賴恩雷諾士就繼續扮返佢嘅老翻Deadpool 不斷自我複製千人一面嘴炮嘴炮再嘴炮 咁搞法，距離下一個尊特拉華達 或者尼古拉斯基治已經不遠了 仲有，今集懶得意嘅視覺效果 大玩皆大歡喜磁力共鎮 其實咪又係重覆佢老變4嘅招數 正所謂老狗變不出新把戲 曾經風光嘅咪鳩悲 啲戲已經開始有陣《賭城風雲》味 要睇動作片我都係睇返《The Rock驚天動地》 或者翻睇101次《Die Hard》系列好過 講劇情訊息量，2粒幾鐘嘅內容 其實仲簡單過一隻MV 可以媲美佢嘅 應該得彭順彭發當年果套爛到凳嘅《風雲2》 呢套又係搵日要特登開PO再講 響戲院睇chef lemon同卡士蘭扮絕心絕無神 睇到我爆晒粗，嬲到勁咒個導演絕子絕孫 #6underground #netflix #不負責任影評 #michaelbay #actionmovies #ryanreynolds