終於食到「牛大人」啦 ～ 放大假， 可以同女女去食早段火鍋放題（平日收工堅係爆多人🙈） 牛大人係台灣特色火鍋放題。 食120分， 肉類，海鮮用QR 任點， 仲有唔少台灣直送火鍋料可以係自助區任取， 當然包埋任飲啦。 牛大人最特別係佢有多個好有台灣特色既湯底。 我點既金鑽鳳梨雞鍋，聽個名已知係台野，湯底有成大舊雞， 仲有醃製過既鳳梨，椰菜， 魚仔， 比平時既雞湯味道更濃郁同豐富。 肉類的質素都幾高， 最愛薄切，一燙即熟。 我今日食$258 個個餐，牛肉有澳洲A5和牛，仲有多款安格斯，封門柳，美國prime 肩里肌。除左牛外， 豬同羊都好食呀。 個澳洲羊卷肉超有羊味👍🏻 呢個餐仲每人送2粒和牛丸， 超爆油， 勁濃牛味😋 任食區有好多台灣直送既丸， 仲有好多特色醬汁， 我最鐘意個洋蔥牛肉醬，酸酸甜甜架，用黎食肉可以減去油膩感，再食多幾塊肉🤪 飲品方面有個飲品櫃， 除左有大路野， 仲有唔少樽仔茶😍 用QR code 點仲有台灣特色飲品， 好似金桔椰果（阿女投訴太少椰果🤣）， 酸梅湯， 烏梅汁（呢個超正😘 ）。 呢度上菜既速度超快，無漏單。 而收碟既速度都超快，一清左個碟就有人收🙈 一舉手又好快有人黎。不過佢2粒丸又一個碟， 洗死人個女🙈🙈 其實我唔介意group 埋一齊既。 食到最後30分鐘就會截單唔俾再落order ( 但可以繼續食）。 同埋有一張甜品紙 可以點雪糕同台式甜品仙草凍架 😍 我傻下傻下， 即刻走去點雪糕， 搞到都唔知繼續打邊爐好定食左雪糕先好😂 呢度既食物質素高， 價錢抵， 服務人手都好足， 唔會叫十年都無人，而且服務態度都好好。 呢餐飯好滿足😋 @masterbeef.hk #Beauty #kid #food #lifestyle 邀稿合作，請電郵：[email protected] #hkblogger #hkig #beautyblogger #beautyblog #hkgirls #hkgirl #instablogger #hkinstagram #foodie #foodporn #foodieshk #foodies #foodlover #台式火鍋 #牛大人 #打邊爐 #火鍋放題 #放題 #旺角美食 #瓊華中心

【Sea Shell Waffle 貝殼窩夫】 又一間人氣打卡咖啡店，以為都係得個樣打下卡就算，點知主食同甜品都有驚喜，質素都很不錯，價錢唔算太離地值得一試 手撕豬肉班尼迪蛋$95 (hollandaise sauce另上)，手撕豬肉唔乾，bbq sauce的味道突出亦帶少少甜味。個toast就唔多似sourdough似係普通多士，脆就好脆但超乾柴太dry啦。 日式燒雞沙律碗 $85 比想像中大碗，好豐富，沙律菜主要係用火箭菜，連埋啲莖而且好長好似處理得唔多細心，如果可以用羅馬生菜或波菜會更理想。燒雞成了配角，切得太細粒撈完唔見哂，雞份量略嫌少咗啲..亦唔夠焦香，味道偏甜。最特別之處係個薑黃汁，淡香薑黃味但又唔會過嗆，怕薑辣的都唔使怕，再配上酸薑超夾，而且係沙律甚少有的combo. 醬汁俾得好足夠哂撈哂成個沙律。 貝殼窩夫 $88 一上枱嚇親 原來是超大塊😆有4大件「窩夫」 其實似台灣的雞蛋糕多於窩夫 新鮮烘暖暖的邊位烘得勁脆 喜歡佢沒有因為要賣相而切掉邊邊多出的脆漿 個啲先最脆最正 識食一定要keep! 中間超級鬆軟好似蛋糕咁軟綿綿 亦非常moist超濃蛋香 做得好出色 再沾冰凍vanilla雪糕食 一冷一熱又係另一層次享受 貝殼窩夫都好大粒加上一大杯雪糕加忌廉 食完勁飽 一定要share食 伯爵茶焦糖布甸 $45 香濃伯爵茶味，甜味不算高茶味更突出，滑溜creamy的口感，但食完感覺會有少少膩。 Pulled pork egg benedict ($95) is nice, flavorful tender pork. Roasted chicken bowl ($85) is a pleasant surprise with a vibrant pungent turmeric tahini sauce that is very tasty especially pair well with the pickled ginger, the chicken though is a bit dry. The Sea Shell waffle ($88) dessert is definitely the showstopper, it’s freshly made served hot, it’s more like a egg puff cake (reminds me of the egg cake in taiwan), so fluffy and eggy, enjoyed the hot and cold contrast with the vanilla ice cream. It’s very delicious and highly recommended! The Earl grey egg pudding ($45) has a nice earl grey tea aroma and pretty creamy, but a bit too dense for my liking. A very IG-able cafe with surprisingly good quality of food (not just for camera’s sake) at reasonable price. Worth a visit. • #foodiejojo_cafe #foodiejojo_princeedward • 🇭🇰 Tuned Coffee & Roastery (Prince Edward) 太子洗衣街163-163A號鴻德大廈地下B號舖 Shop B, G/F, Hung Tak Building, 163-163A Sai Yee Street, Prince Edward

呢間叫做春禧堂嘅台式餐廳今日正式開業，進駐尖沙咀中港城，小弟早前有幸獲邀出席佢哋嘅試業派對🥳率先試左佢哋多款的台式美食和飲品，等我同大家逐一介紹下啦😋 . 👉🏻紅燒腱心牛肉麵🍜 一上枱嘅時候俾佢個大碗震撼到，個碗真係超級大，入面嘅份量當然都唔少啦。首先第一時間試吓佢個湯，湯頭有好濃牛骨味但不會很俗，入口都好清好順，飲得出應該熬製咗好耐👍上面嘅牛肉都唔少，有啲似我哋平時食開嘅牛𦟌，仲有牛肋條同埋牛筋，超豐富，而且每一舊都炆得夠腍又好入味，正😋。麵底方面佢係用類似手工麵，煙韌得來比較掛湯，整體來講係一碗出色嘅牛肉麵，而且價錢都係介乎$6x至$7x蚊一碗，以佢嘅份量同埋質素黎講CP值高！ 👉🏻鹽酥雞扒滷肉飯🍛 除咗頭先嘅牛肉麵，佢呢一款飯都會配前菜，好有返左台灣嘅感覺😋佢的前菜分別係青瓜，茄子同埋小雲耳，三款都係微辣而且好開胃😋呢個鹽酥雞扒，真係不得了佢嘅外皮炸到夠晒酥脆，入面嘅雞扒又唔會好乾仲保持到肉汁，佢嘅炸物真係唔錯👍滷肉飯都好大碗，上面嘅滷肉都好多，出手絕對唔吝嗇，而且味道都做得好似台灣地道，係食完一口仲想再接一口嗰種，我同朋友好快就清晒🤣 👉🏻秋分鮮雞台式火鍋🍲 呢款係一人一鍋嘅台式火鍋，呢個鍋的材料包左鮮雞件，手工餃子，豆腐，雞髀菇，金針菇同娃娃菜，呢個火鍋相對地比較清淡，雞件都算新鮮同埋清甜，所以我哋就要點佢哋自己自家製隻辣椒油，佢個辣椒油又係好得，又辣又香，我同朋友問老闆有冇得賣，佢話遲啲係會有得賣，不過因為琴日係試業所以仲未有，下次我都會記住返嚟買佢嘅辣椒油㗎啦🤣 👉🏻台式小食🧆 我哋響等餐嘅過程都點左一啲唔同嘅台式小食一邊食住等，有古早味滷水雞翼，椒鹽花枝丸同埋炸地瓜條，個椒鹽花枝丸一定要試，出面佢係包左一啲好似瓜子等果仁嘅脆脆去炸，而且個火候控制得啱啱好，唔會覺得好油膩，超級好食😋 👉🏻喺呢度仲有好多特色嘅台式飲品，我點左一杯芝士奶蓋火龍果茶，角色係用紅肉火龍果所以好靚，飲落就比較清淡，芝士味都唔算好濃。朋友嗰杯係藍柑梳打，個樣都係好靚，佢話味道都唔錯😋 . 整體來講食完呢一餐台式晚餐感覺真係好似返咗台灣咁，夠晒地道可以一解我對台灣嘅思鄉之情，下次經開尖沙咀我都會返嚟解下鄉愁㗎😋 店名： 春禧堂 地址：尖沙咀廣東道33號中港城2座PL層3號舖（柯士甸站E出口 / 尖沙咀站A1出口） #春禧堂 #尖沙咀中港城 #台式餐廳 #台式美食 #眷村牛肉麵 #春禧牛肉鍋 #台式四季火鍋 #台式蚵仔酥 #芝士奶蓋火龍果茶 #藍柑梳打 #好掛住台灣