［1000蚊美金個雪糕，梗係好味，但點解？］朋友兼舊同事LinkedIn睇返嚟嘅故事，作者唔係佢，係另一印度人Rajan Singh（https://bityl.co/3nP0）（＊）。

TLDR：1000蚊個雪糕，梗係好食啦，因為你自製浪漫。但，更高境界，應該係食垃圾都可以當米芝蓮咁食。

1. 作者講返，拿，紐約Serendipity 3呢（＊＊），可以叫個1000蚊美金的雪糕。呢度就收藏住快樂嘅秘密啦！點解？睇落去

2. 食1000蚊美金個雪糕，是好快樂的。但點解咁快樂？1000蚊美金嘅雪糕係咪好食過牛奶公司？咁肯定，但絶對唔會好食幾百倍。固然用料靚啲，你坐在餐廳裝修又靚啲，侍應又靚啲，加埋你仲可以打卡晒命。但，作者話呢度都唔係重點。重點係，好大程度個快樂嚟自你自己，你嘅心靈，你嘅腦袋，自製出嚟的。Mindfulness 呀（＊＊＊），佛教嘢呀。

3. Up乜？做乜1000蚊美金雪糕都關佛教事？佛祖都會食雪糕咩（答案係會嘅，但應該唔係1000蚊美金一個）

4. 你諗下你食平嘢，牛奶公司雪糕（我食緊），點食架呢？咪上住網食，寫住文食，一路玩住電話食，然後諗聽日要返工。買嗰時？去七十一買返10個8個（呢排特價喎），質落個袋度（唔係YUU會員，唔使問）。「真係唔係幾尊重隻牛」。食嗰陣？大大力咁筆，甚至飛埋落枱都有。

5. 但你去食個1000蚊嘅雪糕係點架？嘩，唔同喎。事先已經心中J咗一輪，睇咗一輪歷史。去到正襟危坐，抹乾淨個電話（影相嘛）。食嗰時？嘩，影完相，仲要睇下個色澤，聞兩聞，細細啖先放入口，吞落去時感受下個溫度，感受下佢點在你口中喉嚨中融化（＊＊＊＊），然後奶埋隻羹（一千蚊美金唔係唔奶下話？）。真係每一啖都係工匠精神，黃子華話頭，人地開法拉利，最鍾意塞車，每分鐘都晒緊條命呀。

6. 作者話，拿，呢啲就Mindfulness Eating啦！生活中嘅小確幸呀！（你個小確幸都好貴）。去唔到澳洲咪去澳門再唔係去大澳門，入鹽田梓打卡都等於去瀨戶內海藝術祭呀！

7. 苦樂嘅嘢，在主觀的心呀！不在客觀的事！樓下飲冰室主人都係咁講！

8. 作者亦話，真係架，呢啲只係業障（佢冇用呢個字，我講嘅）。平價十蚊紅酒，倒落支一千蚊嘅靚酒酒樽，飲起上嚟都好high架！（我諗起李兆波，不如拎個星巴克紙盃去裝公司啲即溶咖啡，「然後落樓下星巴克望女」）

9. 真的，如此類推，攬住李嘉誠都當係李嘉欣，攬住鄭欣宜都當係鄭希怡！手痺？it’ nothing！用你嘅意志克服佢。

10. 好似係，除非唔係。

11. 其實背後嘅理念，我係同意兼且明嘅。就係講集中，心無旁騖。真的，食平嘢你真係唔多尊重，一路食一落諗其他嘢。但食貴嘢喎，幾大都只係專注當下啦。每一啖都係錢，每滴水都係道呀。

12. 不過，有冇諗過，「正係因為平價嘢難食，我先要一路諗住其他嘢！」。邊個係因邊個係果？雖然，照計貴嘢，唔會好食到你即時忘記晒所有煩惱—但我估我攬住周迅而唔係他信，應該都十分忘我，唔會諗甚麼其他嘢。

13. 我自己想發表嘅係：over咗了。其實咁玩法先係業障！肯定釋迦牟尼聽到都激到返生呀！

14. 都話本來無一物，何處惹塵埃。要1000蚊美金食個雪糕先mindfulness，就肯定披上袈裟事更多。點解係要裝落個La Fite樽先覺得好飲？

15. 記得睇過《酒佬日記》，成套戲不停Pinot Noir。但我最記得係，最後呀男主角撞到前妻同前妻新老公，仲知道佢大咗肚。男主角大受打擊，開咗佢支珍藏，一支1961嘅 Château Cheval Blanc—但點飲？佢在路邊搵間快餐店，拎個發泡膠杯飲咗佢！唔記得有冇拎嚟送薯條。

16. 嗯，其實我屋企都有支在意大利，摩德納（Modena）酒醋莊買嘅Balsamic vinegar。百年嘢，紅藥水咁細支，千幾兩千銀！香港買就一個開。但我而家都冇用過—照計應該搵次拎嚟點麥當勞薯條。

17. 真的，呢啲咁嘅嘢，適可而止，太多咪係負累。特別係買咗唔捨得食嘅窮撚（即係我），就自尋煩惱啦。埃汾太（八周年！！！）話頭，佢啲名校女生中學冋學，著對Timberland去打波，一個月唔夠著爛就換一對！個Prada袋打波隨手掉落場邊花槽架咋！

18. GS Elevator 話齋，” I don't have an iPhone case. I'm not irresponsible or poor.”， 「有冇聽過洗Chanel衫嘅故事呀？」（https://bityl.co/3rIv）

19. 所以呢，「唔好成日去啲你要睇價錢嘅地方食飯」。要睇價錢，咪即係食唔起咯—當然好多人都Afford到買張頭等機票，但你懂的，唔同嘛。正如亦係GS Elevator 講：No first class selfies.

20. 不過其實，又真係沒有最低，只有更低。我以前以為坐長途商務影相嘅人（例如本人）已經夠low—「但而家啲人係拍片甚至開直播的」
　
最尾先廣告時間，其實我Patreon都有分享呢啲有趣小故事，趁月頭訂抵呀（https://bit.ly/31QmYj7）

（＊）我並不認識Rajan Singh，not even on LinkedIn，但由公開資料睇到，佢在賓洲Wharton讀MBA，做過McKinsey，做過私募基金。而家自己搞咗幾檔嘢，其中一檔教下你淨化心靈呀mindfulness呀Zen呀之類（https://bityl.co/3nPF）。寫啲文都不錯（https://bityl.co/3nPI），可以睇下。另外佢仲有搞啲線上嘅不同活動，好多都免費，「例如齊齊讀書一小時」，反正免費，你冇乜損失。又，都話我唔識佢，梗係冇任何利益。至於我舊同事，返咗孟買年幾，咁我總冇理由叫你「去開孟買搵佢」，所以唔開名。「但如果我去開孟買就會搵佢」，去開的話

（＊＊）明顯我冇去過美國，又冇乜睇美劇。但講開好貴嘅雪糕同漢堡包就有印象。又，原來在東京原宿有分店！嗚，可惜之前唔知。

（＊＊＊）Mindfulness中文叫「正念/靜觀/覺察」，雖然講英文有型好多，而我唔明做乜釋迦牟尼講英文。Mindfulness呢味嘢，近十幾年極商品化，十分搵錢，嗰班友搵到你錢就肯定搵到Mindfulness

（＊＊＊＊）你應該知我諗緊乜

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7

——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010

內容:
*軟件股IPO狂潮
*買平台股好過
*人民幣強勢買咩好?

本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

#廣告花絮：關於Ruka 新廣告，你可能想知嘅小八卦

Ruka 係邊個？齋睇名你未必知，但睇樣你肯定醒起，就係幾個月前大熱嘅日本層層疊雪糕廣告中，教大家點向男生耍手段嘅「機心女」！最近，Ctrip香港推出「慳！為咗去日本」宣傳企劃，就搵嚟Ruka擔正，拍攝15條以第一身視角嘅直度片！到底呢個企劃背後有咩小八卦？睇以下訪問就一清二楚！

M：狂人小編　C：年輪事務所（Ctrip 廣告幕後團隊）代表

M：點解搵Ruka做主角？

C：今次客戶想Sell 去日本旅遊，因為數據顯示每年去日本嘅顧客都有增長。而搵Ruka，除咗因為佢係人氣廣告嘅主角，同埋擁有一份獨特嘅氣質之外，最重要嘅係，佢其實係來自重慶嘅女生，但就喺日本打出名堂。Ctrip作為中國品牌，業務正不斷拓展邁向國際化，搵Ruka做代言人，正好暗合佢哋嘅現況。

M：Ruka會唔會真係好似之前嘅雪糕廣告咁，真係一名「機心女」？佢而家紅咗，會唔會好大牌？

C：其實Ruka否認佢好有機心架！不過佢確實好演繹到一個喺戀愛上識得耍手段嘅角色。（一笑）佢真人其實好易相處，不過亦相當專業，為咗確保以最佳狀態演出，佢經理人公司要求每日只可以拍攝6小時，同埋喺4日嘅拍攝期中間放1日day break，因應呢啲要求，製作時間都好緊逼下。

M：睇呢條片，令我諗起新垣結衣早前幫一款車拍攝嘅直度片，但感覺又有啲唔同，你哋嘅結局比較SAD啲。不如你介紹下個故仔丫。

C：先旨聲明，其實我哋早喺新垣條片出街前已經Propose 咗呢條橋架啦。呢輯廣告其實講有個男仔，係兵嚟嘅，去咗日本搵Ruka慶生，於是Ruka就帶住隻兵去不同景點，從中帶出喺日本係有好多經濟玩意可以去玩。一次過睇晒15條片，應該更加有feel。

M：咁我就結集咁多條片，畀大家一次過欣賞啦。

Ctrip 年輪事務所 GrowthRing & Co
#特約訪談

==========
窺探狂人小小編的生活，兼展開激情對話！立即follow
👉 http://instagram.com/madmanmonogram 👈

[On my way to Happiness - 在找尋幸福的路上]

小時候學英文，有兩個詞語都可以表示幸福 - Fortunate / Happy。小孩子覺得幸福很簡單，一杯雪糕，一個漢堡，都可以是幸福的來源。怪不得大家都說天真多好，幸福來得多麼容易，因為長大後才發現，幸福原來是最難的課題。

幸福這個詞語，博大精深，看似簡單，卻比登天更難。佛學經常教誨，人生中執著越多，越難幸福。但偏偏在這個紫醉金迷的世界裡，我們總是迷失。

朋友和我聊天談到，為錢而煩惱，為將來而煩惱，為找個對的人而煩惱。有人追求高尚奢華的生活，享受金錢帶來的物慾滿足。這些快樂短暫得猶如並沒存在過，卻偏偏令我們墮進慾望無限的圈套。有說毒品危害生命，那物慾無非也是危害思想的一種毒。它難以滿足，亦難以放手，只是華麗又吸引的廣告將它包裝得有了個天使的面孔，遮蔽了其魔鬼的實質。有人害怕孤獨，卻忘了與自己相處的快樂。一個人的時候，心靈寂寞，胡思亂想，鑽牛角尖。我記得這種感覺我也曾經有過，特別是中學時代，覺得世界裡已經沒有人會明白自己，孤立無援的悲情來襲，貪心得想擁有全世界人的關心與愛，慘情得幻想自己是悲劇女主角。要大家屈指一算現在的困擾，大概比流水帳更要長。人生的存在，好像煩惱太多，快樂太少。

而我人生裡最大的轉捩點，大概是當旅行發現了我，帶我走出黑暗情感的那一段回憶。一個人旅行的時候，心裡特別平靜，猶如一張白紙，沒帶上過往的執著，只攜上人生基本的善良與勇氣，探索世界，欣賞美好的東西，面對自己的厭惡，挑戰自己的恐懼。要得到幸福，原來我們需要柔韌得像橡皮圈，得到時要感恩，失去時不要太惋惜。從來以為Peaceful這個字用來形容世界和平，但原來每個人的心裡都極需要一種平安。當你在勉強自己做一些不喜歡的事的時候，又或者找不到自己所喜歡的事的時候，又或者太多執迷不悟的煩惱，平安都不會靠近我們。然後，走到街上，即使再小的瑣事 - 塞車、下雨天、悶熱天氣，全都令我們心緒紊亂。我們看不到塞車裡的有趣城市風景，聽不見淅瀝卻又令人平靜的雨點聲，看不見盛夏裡的藍天。

對，在長大的過程之中，我才逐漸發現，人生是場選擇，由各種大大小小的選擇一點緊連著一點而成的一個過程。當你選擇了不喜歡的工作，每日就會過得如苦差一樣。當你選擇了不開心的情感，開心的情感自然被縮小。當你選擇相信未來還有很多時間，你便會忘記短暫人生裡需要珍惜每一刻。所有的選擇，決定你一生怎樣過。而當下的每個選擇都錯了，你回頭便會發現，恨錯難返。當你還有選擇的機會時，稍微靜靜地坐下來，播一首令人心裡平靜的純音樂，看一夕斜陽，聽聽自己心裡的聲音吧。

每個人都有不一樣的故事，不一樣的包袱。而我大概是幸運的一群，有選擇的空間本來就是福氣。於是我決定，往後一生只會做自己喜歡的事。能夠說得出這番話的我，現在的確過得很幸福，也曾花了很多時間與自己對話，了解自己。因為我還相信另一件事，就是愛。要找到一個和我一起找尋幸福的人，我必須先要令自己過得幸福快樂，才會知道幸福的泉源在哪裡。社會告訴我們 - 虛無的外表、身高與財富，是令人幸福的元素。但當你真正找到幸福的那一刻，你定必會驚訝地發現，幸福原來與這些都無關。在Fortunate與Happy之間，我選擇了Happy。