「倫敦總依戀雨點」 - Bowmore 18 Year Deep Old and Complex

Patreon Link: https://www.patreon.com/posts/35084976

Medium Link:
https://medium.com/…/%E5%80%AB%E6%95%A6%E7%B8%BD%E4%BE%9D%E…

//

記得呢句歌詞嘅朋友，容許賴叔煞一煞風景：你老喇。《不如不見》呢首舊歌，早喺 2006 年發表。當年世界盃仲講緊係施丹對簡拿華路 (雖然意大利門神保方仍然踢緊意甲) ，而當年嘅 NBA 總冠軍，係邁亞密熱火。唔好以為係 LeBron James make "the Decision" 嗰隊，而係仲有 Shaq O'Neal 夥拍 Dwayne Wade 嗰隊。

俱往矣， right ？ Dwayne Wade 最近一次成為公眾人物，大概要數返去剛過去嘅 NBA 明星賽入樽賽環節，佢嘅一次富爭議性嘅評分，令眾望所歸嘅 Aaron Gordon 落敗，而同樣來自 Miami 嘅 Derrick Jones Jr. 就喺大家呆撚晒嘅情況之下勝出。昔日「閃電俠」，作為評判似乎冇咁受歡迎。

---

2006 年大家做緊啲乜嘢？我記得自己做 Part Time ，亦去咗次歐洲長途旅行，係人生第二次踏足倫敦。第一次已經係 1995 年前後嘅事，太湮遠亦冇乜印象，淨係記得坐旅遊巴去到 Oxford 然後落狗屎，冇入去睇。

2006 年嘅英國，天氣好似比較好。或者係因為正值暑假，天氣熱啲，印象自然係陽光多啲。人嘅記憶，有時就係咁唔可靠。嗰次去倫敦做過啲咩呢？其實，都係唔記得嘅多，畢竟嗰次旅程後續喺德國同法國嘅事情比較令人記憶深刻。

嗯，我記得，喺希斯路機場落機，想去買支蒸餾水。哇，仆你個街，一鎊幾兩鎊？我窮遊歐洲，即時畀 price shock 嚇到鳩都縮埋，隨後十日八日都面黑黑，冇咩興致遊山玩水。

又咁講，倫敦嘅賣點，或者玩意，其實唔係當年二十出頭，沉迷電腦遊戲 (例如 "Football Manager") 、對於藝術或文物興味索然嘅窮撚所能欣賞。你話去德國一歐羅一杯啤酒就話爽啫。當年都未識得飲咩叫威士忌，去程回程都唔會喺 Duty Free 買酒，而家諗返，其實都好嘥。

---

14 年後，賴叔又又又喺倫敦出現。喺武漢肺炎嘅陰霾之下， #酒精抗疫 就係主題。於是，去程出發之前，我已經喺免稅店買咗嘢。

或者大家會問，免稅店買酒真係平啲咩？係，如果你唔係買葡萄酒或者啤酒嘅話。多謝唐英年，今時今日香港嘅紅酒白酒 (葡萄酒，唔係貴州茅台嗰啲) 入口係免酒稅嘅，所以一般日常 daily drinking 嘅紅白酒都可以一百蚊港銀左右有交易。 (當然如果你純粹要啲紅色液體去醃肉或者煮餸嘅，就可以買啲非飲用級別，會再平一截)

但目前為止，烈酒，即係酒精濃度 30% 以上嘅威士忌、 Gin 、 Rum 、 Vodka 、白蘭地等，仍然係要畀 100% 酒稅嘅。所以呢，如果大家鍾意飲烈酒又會搭飛機的話，呢個免稅優惠係幾抵撚嘅。
咁都有唔少酒廠會把握呢啲免費商機，推出一啲「免稅店限定」嘅酒款，專門針對一啲精打細算嘅酒頖嘅荷包。當然啦，喺香港都有好多細嘅酒舖同網上店會透過免稅店入貨，然後轉手賺你一支一百幾十咁。貿易嘅嘢，向來都係 middlemen 為買家賣家行個方便，賺個水腳嘅原理。

其中， Bowmore 喺機場 (無論喺希斯路抑或香港) 都係擺咗三款有年份嘅 Travel retail-exclusive 出嚟： 10 年、 15 年及 18 年。 Bowmore 10 Years 係賴叔嘅生活日常，有機會先寫。今次，分享下支 18 年，機場價買兩支折實每支 HKD 680 ，唔算貴。

---

Bowmore 18 Years Old Deep and Complex ，喺 Oloroso 及 PX (Pedro Ximenez) 兩款雪梨桶釀製而成。典型雪梨桶佳釀嘅深啡色，畀到賴叔一份安全感。或者因為以前飲啲波本桶嘅 Whisky 中伏較多，見到淺色嘅酒體會有少少陰影。

由於 landing 係天濛光嘅關係，酒店房未有得 check-in ，支酒唯有連同行李一齊擺住先。喺天寒地凍嘅倫敦大街鳩 fing 完一輪之後，終於可以入房。擺低行李，第一件事係一打開樽蓋：乾果味道已經令一室芳香，橙、杏、柑，帶同煙薰泥煤味陸續登場。飲得多威嘅朋友大概知道，好多酒都係「聞好過飲」嘅。第一次見面，喺未試味道之前，就先好好享受芬芳撲鼻嘅果香啦。

及至終於覺得頸渴，要倒少少入口。 Bowmore 18 Year Old Deep and Complex 酒如其名，深沉嘅泥煤味 (有人形容係 iodine 味，但我嘅問題係，咩人會擺碘液入口試？) ，混合果實嘅甜味，複雜得嚟，依然好和諧，有性格得嚟又唔乞人憎。最緊要係餘韻悠長，煙火久久不散。

望向窗外，倫敦白茫茫嘅天際，似有還無嘅雨絲，再舉杯深深聞一下。從呢一日開始，我會記得倫敦嘅味道。

---

臨尾附上官方 tasting note (賴叔英譯中) 畀大家參考返：
聞香：濃厚嘅黑朱古力、糖霜拖肥糖、椰棗油。
嚐味：甘甜嘅橙皮，與泥煤烤過嘅咖啡。
餘韻：絲絨朱古力咖啡、夏威夷果仁朱古力 (黑人問號中)

---

[頭盔] 賴叔係鼻敏感患者，嗅覺係正常人一半；又由於青春期喪食白烚翠玉瓜同娃娃菜，味覺都係正常人嘅一半。

所以，我講啲咩都好，大家最好 take it with a pinch of salt 。唔好阿叔講乜就講乜，自己用個鼻、用條脷，試真佢。 [/頭盔]

#london #Bowmore #hkig #whisky #hongkong #nofilter #patreon #blogger

【深夜食間 - 貴州花溪北方餃子】
　
穿著 NBA 球衣與短褲的主任醫師查完房後，我看了旁邊用紙張朝自己臉搧風的年輕護士一眼。她翹著腳坐著，白色裙擺底下是藍色條紋的底褲，右手搧著風，左手時不時的拉著裙擺，但卻總是遮不住那一片天空藍。
　
「這麼熱，為什麼不開空調？」
　
她搖了搖頭，無奈地看了護理長一眼。
　
那段時間的貴安，溫度大約在 37 度上下。
　
從醫院到 3C 賣場，從服裝店到餐廳，全部都不開空調，每個人都拿扇子在搧風，或是把窗戶打開吹著既黏且熱的自然風。
　
是政府的節能政策，還是電費太貴？
　
我站在重症加護病房，渾身是汗，隔壁床剛送走了一個腦漿四溢的病人，卻又來了個生殖器受創的患者，因為沒有空調，房間內滿是煙味、汗味以及刺鼻的消毒水味道。
　
我忍不住又朝護士看了一眼，她的臉上與腿上都滿佈著汗珠，時不時拉開胸口的衣服朝裏頭搧風。
　
重病的下屬再度陷入昏睡之後，我撫了撫他的肩膀，走出醫院，另外兩位同事在門口等著。
　
「吃個早餐吧。」
　
「這附近除了德克士好像沒什麼特別好吃的，要不，吃個餃子如何？」
　
點了一份豬肉餃子以及一份稀飯，原以為是清粥，送上桌後發現是紫米粥，喝入口後才發現...
　
啊，原來是清水煮米啊。
　
清爽，清爽到幾乎沒有任何味道。
　
如此清爽的味道讓我感動不已，我已經受不了貴州的酸與辣了。
　
店名：北方餃子
地址：中華人民共和國贵州省贵阳市花溪区花溪大道
價格：如照片