2006年12月， 人生第一次 🍎 C1 頭版 #一擲千金輸到喊惹TVB憐憫 #1蚊雞猛男一鋪踏星途 前晚無線遊戲節目《一擲千金》的參賽者游茛維（ Joe），因慘變樓蟹，希望靠贏得最高300萬元獎金一鋪翻身，故堅拒接受 banker開出的39萬現金誘惑，結果貪字得個貧，最後只有一蚊獎金，令高大威猛的阿 Joe當眾流下男兒淚。但這一哭，卻令他博得無線（ TVB）總經理陳志雲的憐憫和欣賞，力邀他試鏡做藝人，可謂塞翁失馬焉知非福。 無線遊戲節目《一擲千金》前晚播映第8集，25歲參賽者游莨維（ Joe）因堅拒 banker開出的39萬現金誘惑，一心希望博取300萬元最高獎金，結果打開寶箱後發現獎金只得1蚊。回顧第6集參賽者 John接受 banker開出的24萬，結果發現自己的寶箱內是300萬元現金，所以繼續博沒有對錯，視乎運氣如何。 高層大讚 「佢真情流露好可愛」 得個桔的阿 Joe在加拿大大學畢業後返港，現時擔任保險業市場主任，他因去年買樓又慘變「大閘蟹」，故希望靠《一擲千金》一鋪翻身。前晚阿 Joe帶同兩位好友及母親羅世平充當軍師，女友 Kathy也有到場支持，當現場只剩下1元、15,000元、40,000元及300萬元寶箱未開出時， banker開價39萬元買阿 Joe揀選的16號寶箱，當時阿 Joe母親在旁勸說：「 I think enough（我覺得已經足夠）。」 但抱「 never give up」格言的阿 Joe一口拒絕，結果寶箱開後獎金只得1元。 阿 Joe自覺愧對母親，賽後抱母親大哭，其母即發揮慈母本色安撫兒子說：「唔係對唔住媽咪，係自己性格，你唔可以喊，你聽媽咪話， just a game， mummy never mind（只是一場遊戲，媽咪冇所謂）。最緊要大家健健康康，做人唔可以博，博心態唔好，知足常樂， OK？」場面感人。 這真情流露的一幕更令無線總經理陳志雲深受感動，欲招攬阿 Joe成為旗下藝員，日前已通知藝員部安排他試鏡。陳志雲昨日在電話中說：「我覺得佢真情流露好可愛，又睇到現場好多媽咪級觀眾好支持佢，所以安排佢試鏡。」 許冠文讚1蚊雞猛男演技掂 由許冠文主持的《一擲千金》最近發掘了一蚊雞猛男游莨維（ Joe），他因堅拒 banker開出的39萬現金誘惑，最後只得1蚊獎金，為此當眾流淚，成為全城話題，無線更有意與他簽約。昨日許冠文、無線高層陳志雲和阿 Joe接受商台電話訪問，許冠文說：「佢（ Joe）完全好得，可以突然喊得勁，但其餘45分鐘你唔會見到佢有喊可能。玩遊戲時好亢奮、好有膽識，呢場戲佢做得好足，我畀佢90分。」

【@businessfocus.io】「輸到懷疑人生」帖文惹共鳴股民紛訴苦 月入2萬連登仔慘蝕過百萬嘆一舖清袋 . 近日中美科網股暴跌，比特幣卻又因Tesla馬斯克「胡言亂語」暴跌逾2成，股市及幣市出現「雙殺」，香港不少股民叫苦連天。有網民近日在連登發帖訴苦，指去年辛苦賺來的數十萬元因孖展炒股全輸掉，「輸到懷疑人生」。結果一帖捲起千尺浪，三日內有逾200個回應，不少人都紛紛留言講自己「輸得有幾慘」，有月入僅兩萬多元的連登仔坦承多年來辛苦儲蓄及賺來的百多萬，近日一鋪清袋；亦有人嘆稱輸到「過去幾年白做，人生冇咗幾年」。眾人希望樓主振作之餘，有人則語重心長提醒大家一定要吸取教訓，小心孖展風險及學懂止蝕及投資紀律，否則將來恐繼續一敗塗地。 . 「上年profits勁快輸晒。玩大咗，孖展埋，帳面輸緊30幾萬。（冇錢補倉）唯有等佢慢慢跌自己清倉…人生一鋪清袋…輸到懷疑人生了！」連登仔戴先生（化名）3至4日前在連登討論發出上帖文訴苦。他直言自己持倉超過八成是科網股包括中概股，輸錢實是愚不可及，回想也覺得自己蠢。他指最慘的是不單輸掉去年的利潤，而且因孖展戶口保證金不足，已被證券行富途把其賬戶列為「危險」狀態，不斷發出短訊要求他在48小時內存款補倉。但他暗示自己已難再補倉，唯有看著自己戶口「清倉」，不禁哀鳴。 . 不少網民讀帖後卻感同病相憐，原來近日不少連登仔在股票或加密貨幣市場都損失慘重，遂紛紛講述自己「貪勝不知輸、貪字得個貧」的經歷，他們損失由數萬到過百萬不等，對輸錢忿忿不平，因覺得除了是大戶作祟外，亦埋怨Tesla馬斯克胡亂發言累比特幣等加密幣無端暴跌逾2成，實在是死得不明不白。雖然有人指樓主「抵輸錢」，但更多的人表示同情。亦有人因戶口由30萬輸剩一萬多元及感到「人生冇希望」，故決定盡地一煲，把餘款借十倍孖展去炒加密幣希望收復失地，令人聽見也不禁為之抹一把汗。 . 有居民於屯門的網民則指，他輸得比樓市主更多，共輸了50萬，苦笑指「諗緊點樣著草」。也有網民指上一代即自己母親已是股災受害人，十多年前試過輸掉兩個物業單位之餘，還要倒欠銀行200萬，幸好母親咬實牙筋繼續投資，到去年「終於買得返樓」，故呼籲樓主及各位輸了錢的股民加油。眾留言者之中，輸得最慘烈但亦最淡然的，應該是一名自稱孤獨男的連登仔，他指由於沒甚麼娛樂及使費，每月人工雖只有兩萬多元，但他每月把大部份收入儲起加上投資，截至數個月前原賺了一百多萬。但近月大跌市，卻令這一百多萬元化為烏有一舖清袋，引來網民嘩然及替他難過。但苦主處之淡然，指自己已「輸到冇感覺」。 . 有網民嘆稱，早兩個月已明知通脹升溫下，市場資金會由科網股轉去傳統股，卻未肯收手提取利潤，反而在跌市盲目地繼續加注買科網股及溝貨，才會害自己損失慘重。不少人指現時虧損之慘烈，等如「之前幾年白做，人生冇咗幾年」。亦有留言者不甘心，打算「Strong Hold」手上的殘股望「復仇」。不過亦有不少較資深投資者留言，嘆稱太多網民「唔識止蝕但又做孖展，即係等如花式自殺」，故呼籲大家買股票時一定要注意風險，短炒要設止蝕位，獲利後也要懂止賺，而且要嚴守紀律，否則亂借孖展只會繼續在股場輸大錢，「問題不是買了甚麼股票，而是在市況不明朗的時候用孖展買得太大」。他們認為唯有大家吸收教訓，才有機會收復失地，及不再輸身家。 . Text by BusinessFocus Editorial . #BF投資焦點 . @businessfocus.io 瞭解更多商業財經資訊 .⠀ #money #investment #business #finance #life #startup #startups #management #company #expert

人生真係特別多課題需要學習，近日我學懂了每人都有廿四小時，如何好好地善待自己？如何好好地分配？ 近日我亦學懂了事不關己己不勞心！有時候唔係話對事情漠不關心，而係有時候你越勞心分分鐘惹禍上身！幫得越多亦唔代表人哋會感激你反而仲更加討厭你！何必要自己攞苦嚟辛？ 近日我亦學懂了女人要好好地善待自己的青春，自己健康緊要過一切，呢啲唔係叫做自私！不好好照顧自己才叫做自私！你嘅人生不是任由別人踐踏，為別人而活！因為別人從來唔會理會及照顧你的生理與心理！何必還要繼續為別人而擔憂？ 近日我亦學懂了人生投資學，人生如賭博，唔係你話付出幾多就等如有幾大嘅收穫。有時候去到有一個你控制唔到的位置，唔好以為繼續賭落去就一定會贏。有時候搏唔過，斷臂離場都未必係一件壞事。投資涉及風險，落注之前要諗清楚！冇咁大個頭就唔好冒險啦！正所謂貪字得個貧！  #做女人唔可以一蠢再蠢 #人生投資學 #好好愛自己 #hkig #hkiger #instadaily #instagood #lifequote #chelffy #chelffyyau #邱芷微 #賈名媛