作為今個星期最後一 post，緊係介紹重頭戲皇牌比大家啦 🥰 今次去到中環上到半山，人生人海發生咩事呢，原來開咗一間好似本地開嘅茶飲店，開係不要對我尖叫隔離，想有顆打殘人的心！我就有興趣去試試去 🤪 - 首先飲左 menu 上第一款嘅 #百果之香 $55，一啲都唔平呀，杯嘢上面果層就係紅火龍果，中間就係芒果同百香果，然後用錫蘭茶同冰打埋一齊變成冰沙咁嘅樣，個底就有奇亞籽同巴西莓珍珠，普遍嚟講都係水果冰沙一杯，茶味就飲唔到架啦，巴西莓珍珠都有咬口嘅，莓味都有啲，呢杯嘢都叫做 ok 😊 - 到到最重要嘅時刻，就係皇牌飲品 #圓貝之戀 $38，首先，個名真係浪漫死人，然後就係個樣好似珍珠奶茶咁樣，上面放兩塊玫瑰花瓣，呢個奶茶號稱用左杏仁腰果奶 x 祁門玫瑰花茶，然而飲落係一啲奶味都冇，茶味其實都冇，似係玫瑰香精溝水，啲竹炭珍珠又霉霉地味，可能啲炭燒燶咗，真係極品到一個點，咁個朋友就走去問下店員點解會咁啦，佢話呢個signature 珍奶係主打健康，咁我就話飲珍奶健康不如飲水啦，洗係到飲你啲奶？定係太多人嚟飲，揸奶揸到乾哂變水呀，大佬呀，你唔好咁痴線啦，冇奶就唔好賣啦，唔好 1:99 咁稀釋咁賣比人架 😗 - 不過，佢地都有個優點，除左個杯響應唔到環保要用膠之外，因為響應環保條飲管就用左米飲管，條飲管飲飲下痴到，想郁下食下珍珠搞到隻手痴到膠哂，即係痴膠咗，然後飲到最後條米飲管仲碎埋，差啲同我割喉，好彩我嘔返出嚟，唔係大家唔會再見到我 ☺️ 做鬼都上返嚟搵你飲浪漫健康珍奶水 🤤 - 圓貝 中環擺花街 23-39 號中環大厦地舖 - #珍珠奶茶排行榜 (分先後)(只作參考) 1. 迷客夏 (珍珠伯爵紅茶拿鐵) 2. 圓圓 (圓圓炭焙烏龍奶茶) 3. 田籽茶事 (雙重珍珠厚奶茶) 4. 小黑糖 (古早味珍珠奶茶) 5. 木衛二 (泰晤士茶那堤配蜜香珍珠) 6. 手作功夫茶 (鐵觀音珍珠奶茶) 7. 里喝 (皇家觀音珍珠奶茶)(元朗) 8. 一芳 (粉圓鮮奶茶)(觀塘) 9. ShareTea (珍珠奶茶)(天后) 10. 我想和你無所事事 (珍珠鮮奶祁門紅茶) 11. 大卡司 (白玉珍珠奶茶) 12. 沐白小農 (珍珠紅茶拿鐵) 13. 微酵烘焙 (珍珠鮮奶茶) 14. 上海灘 (原味蛋糕珍珠奶茶) 15. 爽一爽 (珍珠奶茶) 16. 貢茶 (珍珠奶茶) 17. 珍煮丹 (珍珠伯爵拿鐵) 18. 老虎堂 (波霸紅茶拿鐵)(銅鑼灣) 19. 純茶 (經典珍珠奶茶) 20. Sofu (蛋糕珍珠奶茶) 21. Kiki (烤茶珍珠鮮奶) 22. 兔子兔子茶飲專賣店 (阿薩母珍珠奶茶) 23. 清玉 (四零二珍珠奶茶)(觀塘) 24. 圓貝 (圓貝之戀) 🌟 - #窮豬中環 #窮豬港式 #窮豬飲品 #窮豬伏之選

浪奔！浪流！萬眾期待嘅上海灘呀，前身係壹茶，轉左手加轉左名之後，其實 menu 上嘅飲品全部都冇變 😂 仲有唔少新飲品添，今次純粹去為大家做白老鼠，就睇飲品嘅水準有冇高質或者劣質，同樣飲返蛋糕奶茶，#原味蛋糕珍珠奶茶 $20，果然長江後浪推前浪，價錢一樣抵玩，但係質素完全唔同差左好多 👍🏿👍🏿 啲奶茶冇乜奶茶都算了，蛋糕真係跌左幾個 level，蛋糕味冇乜，完全冇前一手果隻香同滑，而且珍珠又硬硬地，真係我們不一樣，每個人都有不同的境遇 ❤️ - #珍珠奶茶排行榜 (分先後)(只作參考) 1. 迷客夏 (珍珠伯爵紅茶拿鐵) 2. 圓圓 (圓圓炭焙烏龍奶茶) 3. 田籽茶事 (雙重珍珠厚奶茶) 4. 木衛二 (泰晤士茶那堤配蜜香珍珠) 5. 手作功夫茶 (鐵觀音珍珠奶茶) 6. 里喝 (皇家觀音珍珠奶茶)(元朗) 7. 一芳 (粉圓鮮奶茶)(觀塘) 8. ShareTea (珍珠奶茶)(天后) 9. 我想和你無所事事 (珍珠鮮奶祁門紅茶) 10. 大卡司 (白玉珍珠奶茶) 11. 上海灘 (原味蛋糕珍珠奶茶) 🌟 12. 爽一爽 (珍珠奶茶) 13. 貢茶 (珍珠奶茶) 14. 珍煮丹 (珍珠伯爵拿鐵) 15. 老虎堂 (波霸紅茶拿鐵)(銅鑼灣) 16. 純茶 (經典珍珠奶茶) 17. Sofu (蛋糕珍珠奶茶) 18. Kiki (烤茶珍珠鮮奶) 19. 兔子兔子茶飲專賣店 (阿薩母珍珠奶茶) 20. 清玉 (四零二珍珠奶茶)(觀塘) - 上海灘 葵芳葵涌廣場 3 樓 301P 號舖 - #窮豬葵芳 #窮豬伏之選 #窮豬台式 #窮豬飲品