【我和肥媽的快樂回憶～2005日本九州七天之旅(二)】

上次分享咗第一 & 二日嘅行程，今次輪到第三 & 四日喇！再次多謝大家陪我一齊回味我同肥媽嘅快樂回憶！

為咗令到行程得以連貫，以及讓啱啱嚟到夜空嘅朋友都能加入，我會重覆張貼之前(第一&二日)嘅行程！如果大家之前已經睇過，可以飛過佢；如果未睇過或者唔介意睇多次，歡迎陪我一齊回味吖！期望大家睇完俾個讚好或表情我吖！多謝大家！

我，好鍾意日本！唔係鍾意嗰度嘅名店同繁華，而係鍾意嗰度嘅優美同寧靜！做咗近四十三年人，我曾去過三次日本；第一次係喺2000年12月，同五個中學女同學去、第二同第三次都係同肥媽去！我以為今生我可以帶肥媽去好多好多次日本，可惜最終只有兩次！我同肥媽相依逾四十二年，唯一嘅兩次！

第一次帶肥媽去日本係喺2003年9月，當時我帶佢去咗東京同北海道；但我好衰，全程虐待肥媽、唔俾佢有啖好食之餘(事緣我當時好緊張自己嘅體重，四個月跳舞絕食激減70幾磅後減到short咗！)，仲激到肥媽病咗！

第二次，亦係最後一次，係喺2005年3月，肥媽中風前五個月！嗰次我帶咗肥媽去九州，喺豪斯登堡影咗好多靚相！而俾我無意中搵返、希望同大家分享嘅片段，就係呢一次！

七日日本之旅，係我當時帶完肥媽去旅行返嚟寫嘅！我會分成四篇分享，如果大家睇完之後喜歡，歡迎俾個讚或者留個言俾我！再次多謝大家！

日期：28-3-05(一)~3-4-05(日)
時間：(去程)5:15p.m.登機 5:35p.m.起飛 (回程)1:45p.m.登機 2:05p.m.起飛
旅行團：JKE07 0328
旅行社：東瀛遊
領隊：Vincent
司機：田代先生(TA SHI RO SAN)
全團人數：43人

第一日
福岡~酒店
~由於飛機遲咗起飛，抵達福岡已經夜晚九點幾！即時取消拉麵行程，喺領隊安排下，全團坐車去便利店，挑選自己心愛晚餐，再坐個幾鐘車去酒店！
~酒店有溫泉，但我同肥媽無浸到！因為食完個心水選擇(冷麵+凍飲)後，已經晚上十一點!!

第二日
太宰~天滿宮~豪斯登堡~酒店
~行去天滿宮途中係一啲寧靜嘅小街道，我好鍾意！我買咗個梅子紅豆餅同肥媽一齊分享，但無乜梅子味！影咗幾張相，買咗啲飲品，再去豪斯登堡！
~豪斯登堡啲風景好靚！有好多鬱金香、風車、西洋別墅、海洋…..
~但餐廳選擇好少！啲嘢食好貴！而且冇乜特別嘅舖頭！
~我同肥媽去咗間中華料理食lunch，兩碗拉麵+4粒公仔點心feel蝦餃，盛惠2600 YEN!!之後去食Tea Set ~ 1件蛋糕+ 1杯 熱飲+粟米湯，盛惠 800 YEN!!!
~有2間零食店有得試食（嘿.....嘿.....）
~嗰日好大風，天氣頗凍，肥媽吹到騰騰震！傍晚陪佢返酒店後，夜晚8:30我再自己一個膽粗粗"轆"去碼頭睇煙花！沿途一個人都冇，好黑、好凍、有少少緊張(驚盪失路)、亦有啲寂寞，好彩最後成功到達，啲煙花亦好靚！
~返到酒店，帶肥媽浸溫泉；再用1995 YEN請肥媽做咗15分鐘腳底按摩；之後再返去幫佢搽摩擦止痛膏！

第三日
三井動感樂園~鹹蛋超人館~別府海地獄~晚餐(Shabu Shabu)
~上晝去三井動感樂園，同領隊Vincent & 幾位團友玩咗個suggest除鞋玩（因為玩時雙腳會懸空兼四圍飛，轉到七彩）嘅過山車~OK好玩啦!!
~玩多個機動遊戲，同肥媽坐咗分半鐘觀光吊車，行吓、影吓相、請佢食吓軟雪糕，已經食lunch，無時間去埋對面間鹹蛋超人館添！
~個心囉囉孿！好彩Vincent好人，預鬆啲時間，等我哋可以去埋！點知....
~裡面超級細！得十幾行位！睇超人喺台上打怪獸，左邊入，右邊出，行勻全「館」路程無需半分鐘～Finished!!
~別府海地獄啲溫泉水好煙、都幾靚；啲糖果 & 雞蛋布甸亦頗吸引!!
~我請肥媽食布甸，自己就買糖食，見司機咁辛苦，請佢飲咗樽蘋果汁!!
~嗰晚入住別府灣酒店，對正成個別府灣，個view超靚！我仲識咗個喺嗰度做part-time嘅越南女仔，佢特登去日本讀書，我仲同佢交換咗e-mail添!
~個晚溫泉好靚！室外嗰個溫泉，泉中仲有好多沙田柚同玫瑰花添!!

第四日
Hello Kitty Land~綾文化村(釀酒廠)~酒店
~Hello Kitty Land得個門口花園有啲花花同公仔，地方頗細，亦冇乜嘢睇；機動遊戲適合2-12歲，不過我都排隊玩咗3個!!
~同東京個Hello Kitty Land完全冇得比！好鄉下式！肥媽就好開心咁用咗500 YEN抽中個Hello Kitty環保袋!!
~下晝餐定食勁肥膩！坐車停休息站期間，我又狂掃咗一大包木瓜乾&無數糖果落肚,麥兜變身進行中…..
~領隊Vincent話佢今日生日，所以前一晚特登畫咗張咭，沿途買多個puff送俾佢！點知佢食完個puff 嚟手就將張精美咭紙DUMP咗!!要同佢講先執返出嚟！
~夜晚餐buffet好豐富，好多嘢食！我食咗好多冷麵、沙律、和果子同曲奇餅，仲有朱古力咖啡同雪糕添!!大大鑊!!!
~夜晚浸溫泉，分室內 & 室外，質素普通！
~是日行程特色：車程頗長，沿途不時停車休息，狂掃零食！夜晚buffet超heavy，又有和果子試食，塊面 & 個肚腩圓咗1吋!!

(待續.....)

【我和肥媽的快樂回憶～2005日本九州七天之旅(一)】

終於超過60個讚好同表情！好多謝大家俾機會我，陪我一齊重溫我同肥媽一齊嘅快樂回憶！

我，好鍾意日本！唔係鍾意嗰度嘅名店同繁華，而係鍾意嗰度嘅優美同寧靜！做咗近四十三年人，我曾去過三次日本；第一次係喺2000年12月，同五個中學女同學去、第二同第三次都係同肥媽去！我以為今生我可以帶肥媽去好多好多次日本，可惜最終只有兩次！我同肥媽相依逾四十二年，唯一嘅兩次！

第一次帶肥媽去日本係喺2003年9月，當時我帶佢去咗東京同北海道；但我好衰，全程虐待肥媽、唔俾佢有啖好食之餘(事緣我當時好緊張自己嘅體重，四個月跳舞絕食激減70幾磅後減到short咗！)，仲激到肥媽病咗！

第二次，亦係最後一次，係喺2005年3月，肥媽中風前五個月！嗰次我帶咗肥媽去九州，喺豪斯登堡影咗好多靚相！而俾我無意中搵返、希望同大家分享嘅片段，就係呢一次！

七日日本之旅，係我當時帶完肥媽去旅行返嚟寫嘅！我會分成四篇分享，如果大家睇完之後喜歡，歡迎俾個讚或者留個言俾我！再次多謝大家！

日期：28-3-05(一)~3-4-05(日)
時間：(去程)5:15p.m.登機 5:35p.m.起飛 (回程)1:45p.m.登機 2:05p.m.起飛
旅行團：JKE07 0328
旅行社：東瀛遊
領隊：Vincent
司機：田代先生(TA SHI RO SAN)
全團人數：43人

第一日
福岡~酒店
~由於飛機遲咗起飛，抵達福岡已經夜晚九點幾！即時取消拉麵行程，喺領隊安排下，全團坐車去便利店，挑選自己心愛晚餐，再坐個幾鐘車去酒店！
~酒店有溫泉，但我同肥媽無浸到！因為食完個心水選擇(冷麵+凍飲)後，已經晚上十一點!!

第二日
太宰~天滿宮~豪斯登堡~酒店
~行去天滿宮途中係一啲寧靜嘅小街道，我好鍾意！我買咗個梅子紅豆餅同肥媽一齊分享，但無乜梅子味！影咗幾張相，買咗啲飲品，再去豪斯登堡！
~豪斯登堡啲風景好靚！有好多鬱金香、風車、西洋別墅、海洋…..
~但餐廳選擇好少！啲嘢食好貴！而且冇乜特別嘅舖頭！
~我同肥媽去咗間中華料理食lunch，兩碗拉麵+4粒公仔點心feel蝦餃，盛惠2600 YEN!!之後去食Tea Set ~ 1件蛋糕+ 1杯 熱飲+粟米湯，盛惠 800 YEN!!!
~有2間零食店有得試食（嘿.....嘿.....）
~嗰日好大風，天氣頗凍，肥媽吹到騰騰震！傍晚陪佢返酒店後，夜晚8:30我再自己一個膽粗粗"轆"去碼頭睇煙花！沿途一個人都冇，好黑、好凍、有少少緊張(驚盪失路)、亦有啲寂寞，好彩最後成功到達，啲煙花亦好靚！
~返到酒店，帶肥媽浸溫泉；再用1995 YEN請肥媽做咗15分鐘腳底按摩；之後再返去幫佢搽摩擦止痛膏！

(待續.....)

阿曼造衫記

已經到了阿曼Oman 七天了，要看的東西也太多，沙漠、峽谷和海龜也是我這次來看的目的，不過天氣太熱四十多度加上不是經常有網絡所以很懶記下。

分享阿曼有甚麼好玩的事情之前先和大家説説他們的傳統服飾。如果你一直有看我的分享也知道我最愛在不同地方造當地傳統衣服，不過這次在阿曼卻沒有造衣服，反而和我的導遊去造衣服。

話說我抵達阿曼的機場後已經見到很多穿白色長袍的男子，他們的白袍跟阿拉伯酋長國那些不一樣的，頭戴的帽子也很特式每個也有不同的顏色和圖案。買電話sim card時我忍不住問那個年青人「你的帽好漂亮啊，你是不是有很多的？ 」他回答我：「在家𥚃差不多有二十多頂不同的帽子。」因為帽子打開了話題，我付款之後他滿臉笑容向我説：「我額外送你1GB。」我沒有去深究是否真的多了1GB ，但果然傳統服飾確實是一個好話題。題外話阿曼的物價頗高，電話卡上網的價格表可看相片知道。機場的兌換匯率不是太好，我直接從HSBC櫃員機提款，排我前面的人在只提了5 Oman Rial出來，1 Oman Rial 大約是港元$20 ，可想而知這𥚃的貨幣多強！

我早已預約了旅行社第二天早上來接我展開四天的行程，阿曼很多自然景色值得去看而且地方也頗大，我沒有車牌唯有包車四天看我最有興趣的，畢竟包車有點貴但如果靠自己比較難到達所有目的地，這裡的公共交通系統配套不太方便遊客，阿曼人都自己駕車，誰會去坐巴士！ 有關行程的分享遲一點，先説我的導遊兼司機早上准時八時到達酒店，穿上畢直的全白色傳統長袍和我打招呼，就是這樣展開四天旅程。

不知道為什麼突然談到有關他身上的那套白袍，他非常自豪的認為阿曼的傳統服飾是多麼有型（其實我也認為是），於是又展開一連串滿足我的求知欲的問答。

導遊Abdullah 簡稱A
Pinky簡稱P

（阿曼男子傳統長袍Dishdashs。دشداشة ）

P:那麼你家𥚃有多少件長袍？
A:五六件左右！
P:全部也是白色的？
A:對呀白色最好看。
P:咁有幾多頂帽呀？
A：兩頂！
P:（心諗咁少嘅！？）你哋全部都著白色袍但好乾淨又直永遠好似新嘅一樣，有無咩秘訣教我一洗白色衣服咁乾淨？
A:秘訣係去乾洗 ！
P:(車！以為有傳統秘方添）咁喺白袍𥚃面要唔要再著褲咖？
A: 我哋要包一塊布在下半身，再著內衣在內令到汗唔好直接流在白袍以保持更乾淨。
P：咁日日都要著咖？ 好似無換過衫咁好悶啊！
A:如果帶團要行山露營就著運動裝，其他時間就每日都著。
P: 嘩，咁你得五六套一定唔夠著啦！
A: 係呀所以我又造左兩套今日下午去取，如果造得好再造多套。你咁有興趣不如一齊去睇。
P:佢未講完個睇字我已經大叫好呀⋯⋯ （我呢個人一聽到造衫就興奮）

下午到了造衫的地方，他首先去試之前訂造的白袍，我就在店內周圍看，原來只是白色布料也有大量選擇，怪不得他們可以造到一屋也是白袍！他和裁縫討論一輪要點修改之後，就向我説了一句。

A: pinky 今次我造那個領邊好？
p: 我突然（雙眼發光）望到一塊我最愛的紫色布料靈機一觸，Abdullah 不如你今次造紫色啦，你成屋都白色咁悶，試下新嘢啦！
A: 紫色真係啱我咩？
p: 紫色好靚咖信我啦！
A: （佢一臉茫然咁望住我）真係要紫色？ 我從來未造過紫色咖？
p:真係靚又襯你喎！
A:好啦，就試一次紫色啦！你幫我看看揀咩領邊？

於是我哋又㨂左一輪又襯色，又襯領邊，然後佢又堅持造多一套白色，我當然又比了好多意見，之後比曬錢推門出去，我突然醒起⋯

P:你幾時先可以攞件新衫？
A:兩套都要下星期先攞到。
P:咁我咪睇唔到你著新衫囉？
A: 你等我一陣，於是佢又入去裁縫店𥚃嘰哩咕嚕一輪（我聽不明白的語言） 我明天可以先攞紫色果套著比你睇。
P:真嘅，咁好（勁開心，明明套衫又唔係我都唔明我做咩咁興奮）
A:我叫裁縫快手造紫色先，白色我之後遲D嚟攞。
P:你太醒目👍🏻

第二日離開Nizwa之前我哋去攞衫，見到實物之後真係幾靚，Abdullah 即去換新袍出來，

A: 紫色襯唔襯我？ 係咪睇落都幾靚仔？
P: 全阿曼你最靚仔啦，我都話紫色好靚啦，下次唔好只係造白色，試下其他顏色啦！
A:咁下次你再幫我諗下點設計。
p:（我一時唔知點接落去） 突然攞起佢領邊的蘇蘇其實這個有咩用咖？ 點解每件都有呢個嘅？

之後我哋去左市集行街佢應該周圍在炫耀自己件新衫，佢話全部人都話好睇，我講了一句我叫你揀紫色咖！然後發現了原來佢頂帽唔係好襯紫色，唯有之後又去買。之後我哋去沙漠順便幫佢影了佢覺得自己好靚仔嘅相。

謝謝大家收看超級長文， 旅行好玩的地方就係你永遠估唔到遇見甚麼人和事，一齊估下領口蘇蘇有咩用？😝

阿曼的故事待續⋯

************************************************
別忘了把Facebook專頁為"搶先看"（See first）以及"開啟通知"（Notification On）

較詳盡的更新在Facebook: indiapinkpink
濕濕碎碎的更新在Instagram：indiapink