銅鑼灣 抵食大件豬扒飯🐷 終於食到好出名的炊豕店 (讀音: 吹始)，只要諗起崔始源就記得點讀😂 下午3點幾去，都要排半個鐘😶 每位最低消費$40，食一個飯已經夠錢，不過規定一人剔一張紙真係好唔環保😂 環境裝潢下篇再講❗ _ 🐖秘製豬扒飯(肉燥汁) $56 + 炒滑蛋$8 塊炸豬扒真係好大塊，好厚身！😍 外脆內鬆軟，不過調味不足，肉味較淡 而滑蛋又係唔夠味，半肥瘦的肉燥太少，下次加$8要碗肉燥汁或者咖喱汁，有得撈飯會開心d😂 我覺得麻麻啫，不過阿爸阿媽就覺得塊豬扒好好好食~ _ 🐖話梅花雕豬手撈粗麵 $52 豬手皮非常軟滑，滿滿的骨膠原，又有香甜酒味，真係幾好食！彈牙粗麵撈埋炸蒜、豬手汁，香口又好味，推薦！ 個人覺得依碗好食過豬扒飯😋 _ 🐳辣味海蜇 $20 爽口唔韌，好鍾意食👍 不過鹹咗D，冇咩辣味 _ 🦑椒鹽魷魚鬚 $38 👌，但唔夠香口 _ 飲：汽水$5 & 橙汁$8 橙汁係葡萄牙牌子，出面買都唔平👍 #炊豕店 👆銅鑼灣加路連山道11號地下 (銅鑼灣站F1出口) 中環威靈頓街148號地下 (上環站E1出口) 營業時間：星期一至六12-9pm

成日行過炊豕店都好多人,今次5點幾去唔使排隊 其實見到menu冇咩衝動入去,不過咁出名就試下啦 係張紙度tick左秘製豬扒(肉燥汁)$45、炒滑蛋(+$10)、多飯(不用加錢) 特登叫俾@timjaisweety 估唔到豬扒有驚喜!份量相當多,舖滿係飯上面 炸漿唔厚,豬扒唔算好脆,肉質軟腍,非常鬆化,入味但不過鹹 豬扒稱不上鮮嫩多汁,但唔油膩,咬落啖啖肉,真係幾正~ 肉燥其實唔係好睇到...(太少汁)不過腩肉幾香 炒滑蛋其實唔太滑,撈埋枱上嘅辣椒油同肉燥飯一齊食都唔錯 第一次食呢種米,飯粒較短身,帶點甜味 p.s. 我終於肯定炊豕店嘅讀音😂店中用粉筆寫上炊 音:吹 義:燒火做飯,豕 音:始 義:家豬也