去完個快閃北海道之後，抖都無得抖同另一間朋友去來一個聖誕白川鄉三日兩夜白雪雪滑嘟嘟之行！行程首要當然係自我制定個Budget用幾多，皆因點睇都係一位「月光族」榮譽會員😂😂😂

一行四人放晒工／學之後，以自駕遊方式出發。真心佩服我嗰個曉揸車，行程計劃都係佢既朋友仔😘👍🏻第一站就係去全日本僅於十二座現存天守之一位於日本長野縣松本市「松本城」👏🏼👏🏼👏🏼👏🏼👏🏼

其他天守參考 https://zh.wikipedia.org/wiki/天守

其實都唔難去，我地落左車後行10分鐘就已經到松本城。邊行就有一D以前既家紋（かもん）既符號，只要沿住走就去到目的地。丫仁對日本戰國歷史唔太清楚，織田信長、豐田秀吉同德川家康都係靠打機先得知其名🙈🙈入場每人610円，門口就有一個將軍／武士既人歡迎你！講堅～我真係好想試着一下🤔

注意：入城土足禁止（どそくきんし即唔可以着鞋）要易穿易除會比較好，仲有呀！！記得着襪呀·～

每層既樓梯高度都好唔同，城入面好似玩緊歷奇冒險，而且條梯好似搭棚咁用繩作接合位，行幾步都會有「依～依」聲🤣🤣🤣同行既朋友遇到少少畏高症，加上身上背着重GEAR，上落都遇到唔少困難😅😅😅入到去會介紹好多以前既武器、急救用品、如果對付爬牆上城既敵人等等，當然還有唔少既出土文物同真跡。我就比較鍾意門口個D花紋，同以前中國個種大閘門花紋好似，夠DETAIL精美。如果對戰國時期有興趣既朋友，入到去應該會爆開心。我就CHECK個IN就夠😎👍🏻 部分照片特別鳴謝：Goxi goxi 四圍瓹 // 攝。旅。遊記

起行，去下一個目的地～Go Go Power Ranger

＃大丈夫 ＃工作遊記 ＃白川鄉 ＃大閘門 ＃出土文物 ＃畏高症 ＃歷奇冒險 ＃土足禁止 ＃德川家康 ＃豐田秀吉 ＃織田信長 ＃自駕遊 ＃天守 ＃松本城 #聖誕節 #北海道