好彩當年考得唔夠好 今日文憑試放榜。作為一個N年前考文憑試嘅老鬼，今日唔講荷蘭，長氣少少分享吓。 我係一個好典型高中選錯科嘅人。中三時期各個科目非常平均，加上老竇係讀工程出身，唔多唔少就有一種「揀理科出路比較多」嘅感覺。雖然心底裏有少少鍾意文科多啲，結果都係揀咗理科，讀 phy + chem + econ + M1。 上到中四，仆街，原來我啲理科完全唔得。結果就放棄咗Physics（個人覺得好有趣，但係真係讀唔到），我直情連M1都想放棄埋，不過學校老師「唔鼓勵」。差到一個地步，啲理科次次都包艇。只能夠靠啲主科站穩住腳🤦🏻‍♀️ 中學嘅老師會好鼓勵語文叻嘅學生揀法律，理科叻嘅學生就揀醫科/商科。托賴語文底子唔錯，只要本身叻嘅科目考得好，入LLB都仲有一線生機。放榜嘅時候，主科考得幾好(但選修課奇差)。盡地博一舖，結果Jupas咁樣填： A1 HKU GLAW A2 CU LLB A3 HKU BA 其實當年中大法律系有叫我去面試。但最終Jupas放榜，我以1分之差入唔到A2，結果入咗薄扶林大學文學院（A3）。點解我咁肯定係差1分呢？因為我隔離班有個同學，高我1分，入咗CU LLB。（最近見到呢個同學而家做緊大狀，其實都幾戥佢開心） 嗰陣時我老竇馬後炮咁講咗句：「讀法律咁悶，唔啱你啊；你個人都坐唔定，塞翁失馬焉知非福？」 其實我又唔係特別想做律師，只不過係覺得差少少入唔到神科，有少少耿耿於懷。就係咁，我耿耿於懷左好幾年。直至到讀第二個碩士嘅時候，先至讀同法律相關嘅嘢。 事隔咁多年，終於讀返法律嘅嘢，有咩領悟呢？ 「X！好彩當年考得差，冇讀law！」 嗱，知女莫若父就真係咁解喇。老竇當年一語中的，讀法律真係唔啱我。並唔係我智力/能力上做唔到律師（講明先，我法律學院啲老師讚我㗎），而係我性格上真係唔啱做呢行，對我來講太悶，太多繁文縟節，工作量太多，頂唔順。 加上如果當年係讀法律，好難講會讀得開心，亦都會少咗好多時間去讀其他科/識人/探索世界等等等等。今時今日就唔一定會輕輕鬆鬆咁生活喺荷蘭，相反可能繼續留喺香港從事相關行業。即使唔係神科畢業，幾年後嘅今日，事業/收入上不比一般律師差。 有時呢啲領悟，真係隔咗好多年先會突然發現。回頭一看，有啲嘢真係整定嘅。 老土啲引用喬布斯當年喺史丹福講嘅說話: You can't connect the dots looking forward; you can only connect them looking backwards. So you have to trust that the dots will somehow connect in your future. You have to trust in something - your gut, destiny, life, karma, whatever. This approach has never let me down, and it has made all the difference in my life. 無論你係剛剛放榜嘅考生又好，已經讀緊大學甚至乎做緊幾年嘢嘅人都好。希望你哋會記住一句，塞翁失馬焉知非福。 #荷蘭 #荷蘭生活 #歐洲 #歐洲生活 #海外職場 #香港人在歐洲 #香港人在荷蘭 #文憑試 #放榜 #大學

#大學唔係呢回事🌋 #HKUST #GlobalChinaStudies 唔少人都以為科大淨係得 Business呀，Engine呀，Science呀呢啲讀，但其實科大都有 Humanities 同埋 Social Science 讀架～ - 科大嘅 Human 同 Soc Sci 分兩科，「定量社會數據分析學」同埋「環球中國研究：人文及社會科學」。前者比較適合一啲對數學有興趣嘅人，中學讀M1嘅都有啲著數架～ 而後者呢就係我宜家讀緊嘅嗰科。話明係環球中國研究，唔多唔少都要讀下關於中國嘅歷史。除咗中國歷史，世界歷史都需要讀架！大家如果讀呢一科嘅話其實好多機會俾你讀唔同範疇嘅人文學同埋社會科學。印象最深嘅係對上一個sem喺一個course入面讀咗三個有關人文學嘅野：人類學、語言學、文學。不過讀得呢科要有個心理準備就係你讀嘅野真係會好表面、好淺層。但有個好處係可以俾你樣樣都淺嚐一下，令將來有意繼續讀研究生嘅人更清楚自己想讀咩範疇。 - 可能有人會疑惑：讀咁多中國嘅嘢，會唔會唔適合喺香港做嘢？其實就唔會嘅，呢一科同普遍社科一樣，出路都係好廣闊，畢業嘅師兄師姐投身嘅行業有：Marketing、PR、HR、公務員等等，亦有人選擇繼續讀 Master。雖然出路同讀緊嘅嘢可能有天淵之別，但呢科可以訓練你嘅多角度思考，亦都可以訓練你嘅語文能力。所以，如果你係對人文學同埋社會科學有興趣，而又想涉獵多個範疇，都不妨考慮下呢科～ // Writer: Clio @vocabno , UST Global China Studies, Year 2💕💕💕 #Vocabno #English #DSE #19DSE #2019DSE #20DSE #2020DSE #21DSE #2021DSE #Reading #Writing #Speaking #Wordoftheday #Vocabulary #Expression #Phrase #HKDSE #LiberalStudies #通識 #LS #Dsetips #Linguistics #語言學 #Morphology #JUPAS #升學 #大學

-杜氏數學【你問我答】Q16~Q20 （歡迎inbox發問） - -Q16: 今朝Jupas放榜，我入咗中文大學，話要揀書院，我想問書院係咩來？ - -杜氏數學 Herman To Math: - -「書院」類似中學的「社」，是一個由大學安插給你的身份，取決了你往後大學生涯兼畢業後的福利，包括獎學金、資助、宿舍、興趣班、週會講座、校友網絡等，另外也取決了你畢業時是否需要額外的通識Final Year Project。 - -個人【強烈建議】選擇崇基書院，因為宿位最多，首年必宿，申請宿舍非常容易；而且崇基資助很多，我讀三年總共由崇基書院身上獲得了幾萬元。 - -有些人不選崇基，因為每年強逼出席的週會講座最多，其實雖然比其他宿舍多，但也只是每學期六次，而且講者大多數都很有趣，大部份都不是講宗教，「佢親中但中唔親佢」嘅葉劉淑儀主講過，「佔中三大剃頭佬之一」陳建民主講過，「通便都感謝主嘅廢話王」高皓正又主講過，仲有鍾氏兄弟、永續農業發起人等，其實不強逼也吸引人去。 - -至於通識Final Year Project更加是沒所謂，因為主題任你定，不想自組又可以等書院幫你編組，過程很自由，不太辛苦。 - -補充: 崇基最近火車站，出入宿舍都方便。 - -＝＝＝＝＝我是分隔線＝＝＝＝＝ - -Q17: 阿Sir我入了中大，我記得你都是中大人，你對上莊和住宿有什麼看法？ - -杜氏數學 Herman To Math: - -上過、quit過、住過、quit過，一句講曬：人夾人，唔夾就嘥時間，請果斷止蝕。 - -＝＝＝＝＝我是分隔線＝＝＝＝＝ - -Q18: 讀政政（政治及行政）有咩出路? - -杜氏數學 Herman To Math: - -我問了政政學生和畢業生朋友，都說沒特定出路，看過一些統計數字，各行各業的百分比都很平均，教育、政府工、做生意等等。 - -其實都很正常，今時今日除了需要專業資格的學科，都沒特定出路。在互聯網時代，你本人有價值就有出路。你這個問題就像說文科沒出路一樣，很原始，嚴重過時。 - -難道網紅達哥是「打機系」畢業麼？ - -＝＝＝＝＝我是分隔線＝＝＝＝＝ - -Q19: 我想問IAL(International Advanced Levels)難過DSE幾多? - -杜氏數學 Herman To Math: - -其實各有各難，IAL難在課程廣，香港舊制的高考Pure Maths和Applied Maths的課程都有包含，也有些直頭超越了香港中學，總括而言要讀的數學比DSE Core M1 M2多很多。而且所有題目都是結構題，沒有選擇題，想撞也難，很多DSE的神技在IAL都無用武之地。 - -但若然你真的是讀通數學的人，在IAL考A必定比在DSE考5**容易，畢竟DSE數學課程太窄，變相越來越陰濕，卷二MC只得75分鐘作答，鼓勵奇技淫巧，不想花太多時間於考試技巧的學生，或許在DSE會遭遇滑鐵爐。相比之下，IAL更能試出你的真材實料。 - -＝＝＝＝＝我是分隔線＝＝＝＝＝ - -Q20: 你個頭像隻卡通公仔你自己畫架? - -杜氏數學 Herman To Math: - -非也。是一位舊生畫的，事隔一年再由另一位舊生填色，感激感激，美化了我「抽象」的容貌！