👏捐出利是錢 🧧 送上祝福 💕 #幫助經濟困難讀寫障礙小朋友 有冇諗過，小朋友學習成績唔理想，唔係因為佢蠢，唔係因為佢懶，其實有可能佢只係一位 #讀寫障礙學童。 Bat Bat 近日睇緊嘅呢本《完美的聲音》繪本，唔止故事有趣、繪圖可愛，而且每買一本，仲可以為讀寫障礙兒童出一分力，為看不到的障礙、送上見得到的祝福 💕 其實「讀寫障礙」係因為神經系統發展異於常人，所以需要特別嘅教導方式，先可以改善學習上嘅困難。不過讀寫障礙不易被察覺，令到呢班小朋友成日俾人標籤為無心向學嘅一群；根據統計，喺香港每10名學童就有一位有不同程度嘅讀寫困難，情況好普遍。我哋喺幫緊人嘅同時，分分鐘可能都係幫助緊自己嘅小朋友㗎。 今次由博思會進行義賣嘅繪本《完美的聲音》，由本地新進作家梁雅怡及插畫師温柏萱精心製作，旨在宣揚傷與健之間合作、包容嘅訊息，將障礙化作美好嘅事情。小朋友一邊睇故事，就好似進入咗一個生動有趣嘅森林王國，一齊感受溫暖又快樂嘅共融世界。 博思會透過今次義賣籌募經費，將善款資助俾有經濟困難嘅讀寫障礙小朋友，為佢哋提供學習支援、評估及治療服務，幫助佢哋跨越困難，重拾學習嘅興趣與自信，其實只要俾佢哋搵到合適嘅學習方法，呢啲小朋友一樣可以激發積極表現，重建正面嘅自我價值觀 🥰 #鼓勵孩子幫助其他小朋友 之前我喺親子理財專欄都提過，小朋友從小學習理財非常重要嘅一環係：除咗識得先儲蓄、後消費，捐助別人亦不可或缺！新年之後，小朋友除咗儲起利是錢、買吓玩具，家長都可以鼓勵佢幫助其他小朋友，令經濟困難嘅讀寫障礙學童，得到專業學習支援嘅機會。 #網上購買《完美的聲音》 訂購表格👉👉http://bit.ly/2NgLupZ HK$120 已包郵費 贊助 : 德和慈善基金 查詢：3105 2311 (博思會) The Pathways Foundation Ltd. 博思會 網址：www.pathways.org.hk #讀寫障礙 #義賣 #繪本 #共融 #非牟利團體 #請多多支持 #讓小朋友感受關愛💗 #完美的聲音 #募捐經費 @thepathwaysfoundation