足本睇片👉🏼：https://bit.ly/3uITD6y
從長沙灣一家街坊小店經營至分店遍佈全港的連鎖店，再計劃上市，香港人對譚仔及譚仔三哥米線有多熱情相信不用多說。最近中環有一間新張的九頭鳥米線店，被不少網民指和譚仔及譚仔三哥的餐牌、裝修甚至制服都十分相似，更有人大讚她比譚仔更美味。到底是否屬...
足本睇片👉🏼：https://bit.ly/3uITD6y
從長沙灣一家街坊小店經營至分店遍佈全港的連鎖店，再計劃上市，香港人對譚仔及譚仔三哥米線有多熱情相信不用多說。最近中環有一間新張的九頭鳥米線店，被不少網民指和譚仔及譚仔三哥的餐牌、裝修甚至制服都十分相似，更有人大讚她比譚仔更美味。到底是否屬實﹖記者今次邀請了一星期起碼食四天的譚仔靚女粉絲Zoe，一起實試這間米線店！
菜單設計似九成 唔只似譚仔 仲有雲南小鍋影子
先看裝修，九頭鳥裝修跟兩間譚仔連鎖店完全不一樣，主要是卡位，牆上掛上畫作，全店都是淡色原木裝修，感覺清新。
不過打開餐牌，立刻有似曾相識的感覺！設計、排版、顏色都跟連鎖店似足九成，分配料、湯底、小食和飲品四大部份。湯底共有六款：四川麻辣、重慶麻酸辣、湖南酸辣、雲南酸辣、番茄湯底和清湯，除了雲南酸辣，另外五款連名字也和譚仔相似。
配料除了有譚仔招牌的腩肉、炸醬等，九頭鳥還設辣滷水系列：豬大腸、豬肚、雞翼尖、豬脷。特色配料還有螺旋藻、墨魚頭，愛吃米線的粉絲，應該會記得這兩款配料是葵涌及荃灣另外兩間米線名店的招牌菜，似乎此店不只以譚仔為參考目標。小食款式數目就遠勝譚仔連鎖店，雞翼有三種口味，也有豬腸、豬頸肉、海蜇頭等等，十分豐富。
價錢貴不過份量大兩成 湯底整體有水準
記者一行三人點了三碗米線、兩款小食和三杯凍檸茶，一共$256，平均每人$85，比譚仔貴約兩成。
平均一星期光顧四次譚仔的粉絲Zoe又覺得小店味道如何呢？點選腩肉、雞翼尖、墨魚頭重慶酸辣二小辣米線（$56）後，她認為酸辣湯底明顯比連鎖店濃稠，入口更酸辣，單論湯底是更佳。另一款豬大腸 螺旋藻、腩肉、麻辣小辣米線（$52）湯底辣度麻香都略嫌平板。店內特有的魚肉春卷、豬肚、雲南酸辣二小辣米線（$50）湯底有驚喜，比其他湯底多了花生、辣椒和芫荽，除了開胃的酸辣味，還帶有花生醬味道，感覺很特別。不過兩碗米線都煮得偏腍，要改進一下。
配料方面，腩肉是米線店配料主角，Zoe認為半肥瘦腩肉入口爽彈，不會咬到軟骨相當不錯。豬肚爽口彈牙。不過春卷質素一般，魚肉份量太少，口感頗結實。
餐廳獨有的滷水雞翼尖、豬大腸都做得不錯，十分入味，加上麻辣湯底，適合重口味客人。不過Zoe就覺得把這些當成米線配料，總有種在吃車仔麵的感覺，感覺跟米線不太配搭。
土匪雞翼變霸王雞翼 姐姐無口音
小食選了霸王雞翼（$35）和巴蜀海蜇頭（$36），霸王雞翼也有分三隻和五隻的份量，賣相和味道都跟譚仔一樣，不過此店更大隻，每隻表面都佈滿黑芝麻。海蜇頭配搭口水汁，酸酸辣辣很開胃，海蜇頭爽口，夏天吃一流。不論是小食及米線，份量都非常大份，建議女生選擇少米線。
說到米線店，譚仔話口音一定是網民焦點所在！這店的店員雖然不是操純正的廣東話，但沒有「懶肉勿丸扇小辣，SHOW到」誇張口音問題。另外店員制服十分相似，都是全黑、在腰間綁上圍裙。整體服務很友善，經常問客人口味對不對、份量夠不夠等，這方面是遠勝譚仔了。
吃罷後，Zoe認為九頭鳥的米線不論味道、份量都勝過譚仔，酸辣湯底有驚喜，配料亦入味，霸王雞翼更是份量十足。
有網民表示曾聽見店員跟熟客說老闆曾是譚仔開店元老，因此自立門戶後也有譚仔色彩，記者在試食前後都曾聯絡店方希望作訪問，但截稿前都未收到餐廳回覆。
#九頭鳥米線
地址：中環域多利皇后街4號利隆大廈地下
電話：2489 9970，2489 9971
營業時間：11am-8:30pm
採訪、攝影：《飲食男女》
#飲食男女 #香港 #香港美食 #美食 #852food #hkfood #instafood #譚仔 #中環 #米線店 #土匪雞翼 #中環米線
譚仔三哥分店數目 在 香港經濟日報 hket.com Facebook 的最讚貼文
譚仔最賺錢?
【譚仔上市】譚仔雄心壯志走向國際 一文看清譚仔拓展大計 https://inews.hket.com/article/2934670
譚仔三哥分店數目 在 香港經濟日報 hket.com Facebook 的精選貼文
譚仔上市，點解三哥會輸俾譚仔？
【譚仔上市】同一家族、兩碗米線 三哥同譚仔營銷有咩分別？（附短片）https://inews.hket.com/article/2933566
譚仔三哥分店數目 在 君子馬蘭頭 - Ivan Li 李聲揚 Facebook 的最佳解答
(01 原POST: http://bit.ly/2pAXzcX)
譚仔10億好貴? 點睇都唔算貴. 計比你睇
鳩威下先, 本專頁呢個 post 真係 分分鐘香港最早報導, 快過所有傳媒網媒. 不過我都係站在巨人肩膊上, 有朋友話我知.
結果好多人 share 好多人 like , 好過我平時寫 十萬字. N年苦讀 兼做到 仆街, 不及一碗譚仔.
丸龜買譚仔(定三哥?), 大家最關心既除左係 阿姐廣東話都未識就講日文, 同埋烏冬有冇大中小辣, 有冇譚仔豚肉烏冬 之類. 最關心梗係 10億(港紙, 下同)? 唔係下話?
潛台詞就係, 譚仔都值10億? 或者再簡單啲, 譚仔咁cheap咁濕鳩都值 10億?
先旨聲明, 本人食過譚仔唔超過5次, 明顯唔鍾意食. 但分析既野, 唔好感情用事. 你亦唔好用 "你好鍾意" 就 justify 個估值, 否則澳牛應該大過 騰訊
譚仔唔係上市公司, 唔會比晒數你睇. 咁但分析員既挑戰梗係 incomplete data. 有晒 盈利有成盤數使撚你計咩. 機械人都識啦.
咁我地首先睇下, 由報導我地有乜 線索. 報導話 收購目標, 同心, 一年做7億生意, EBITDA 1.5億.
EBITDA 者, Earning before interest, tax, depreciation and amortization, 利息稅項折舊及攤銷前 利潤. 頭三樣可能易啲明, 攤銷呢味野, 你當係"無形資產既折舊"啦下.
EBITDA 當然唔係 真利潤, 蔡東豪定龔耀輝既名句係 :你試下 下個月拎 EBITDA 去交租. 咁但, 冇更好資料下, 唯有用呢個
10億 買 7億生意 1.5億 EBITDA, 即係 1.4倍 price to sales, 或者 7倍 price to EBITDA 左右
貴唔貴? 聽落都唔貴
咁但, 我地唔可以"聽落" 咁唔科學嘛, 比啲實證. 就用上市公司做例
可惜香港上市既飲食公司, 十居其九都濕鳩 (間公司濕鳩, 但餐廳唔一定濕鳩, 之後再解)
比較正常既, 只有 大家樂 341 大快活 52 之類. 翠華原本都OK, 但近期太多複雜野, 費事慢慢拆條數
睇番 舊年年報 (其實今年半年報都得, 但費事慢慢同你 X 2 ), 大家樂, 稅前盈利, 6億多啲.
咁未計稅, 所以加番 利息 折舊 攤銷上去就係.
睇番大家樂, 攤銷冇乜, 利息開支都冇乜 (其實係冇負債的), 收入就有, 但小小唔計. 折舊就一年 3億幾.
咁埋單, 大家樂 EBITDA, 一年 10億港紙左右
大家樂幾錢市值? 講緊 150億. 即係 15倍 price to EBITDA. 譚仔而家只係賣 7倍, 好難話貴
用sales 去睇仲簡單. 大家樂一年 75億生意, 150億市值. 剛好 2倍 price to sales, 譚仔賣 1.4億, 一樣, 好難話貴.
當然你可以拗好多野, 幾肯定既係 大家樂既 net profit margin 應該高過 譚仔.
規模經濟呀 中央廚房呀 之類, 100蚊生意 大家樂應該賺得多啲. 咁所以似乎用 price to EBITDA 睇會準啲.
同樣, 你可以用分店數目, 一間分店值幾錢, 一樣計到. 但我唔主張用呢個方法
一來, 其實而家都唔肯定 買果間 "同心" 係 譚仔, 定三哥, 定BOTH. 分店爭一倍喎! (但表面資料睇黎應該係 譚仔, 非三哥. ). 我用 price to EBITDA 或 price to sales 就冇呢啲問題.
二來, 最煩既係, 你啲鋪面大細係咪一樣? 大家樂一間值咁多, 譚仔一間值咁多, 其實難比. 鋪頭SIZE呢? 地段呢?
三來, 鋪面還鋪面, 做外賣既能力亦好唔同
所以講到尾, 我寧願用 price to EBITDA 或 price to sales.
你絶撚對可以質疑 兩者都係不能比較, 我知, 咁你世上冇兩間公司可以直接比較添, 大家樂同大快活都唔同.
所有呢啲估算都有局限, 可能10億個數係假既, 可能啲EBITDA 同 銷售係老吹既. 可能譚仔 利息好重呢. 你要拗既聽日都未完, 除非你係三哥拎盤數出黎睇
咁但, 不完全既估法, 有得參考下, 就好過攤直坐低乜都話 "冇得比較". 教埋你打工既道理啦
又即係, 翡翠拉麵小籠包 都賣 10億啦.....
(舊文: http://bit.ly/2pAPhlu)
結論: 10億買譚仔點都唔算貴, 因為家下10億真係唔係咩錢.