Hello同大家update下！
離開 Comfort Zone

近排都發生左幾件事，
第一件想同大家講嘅就係……

我離開咗一個廿年嘅comfort zone，
即係我合作左廿年嘅經理人公司。

其實，
廿年裡面都做過好多嘢，
因為呢行真係唔係咁穩定，
做下呢樣嗰樣製作呀幕後呀專欄呀餐廳都搞過，
但係演藝方面，
一直都冇轉過其他公司。

今次呢一步對我嚟講絕對唔容易，
畢竟，
我中學三年級十四五歲開始拍廣告簽經理人，
中五畢業就入行拍戲，
一做就做到依家，
睇住呢一行嘅轉變，
亦睇住時代嘅轉變，
試過成功失敗迷惘一沉百踩，
記得有段人生跌到谷底再谷底嘅時候，
身邊有人仲話想提點我話我嘅事業有危機，
我真係多＿謝，
然後，
就算個天跌落嚟我都要食飯㗎所以周圍搵下機會，
終於真係有導演老闆俾機會，
結果仲忙過之前，
所以記住就算幾唔掂都唔好俾人打沉，
因為有「危」就有「機」，
然後，
咁就廿年。

返翻嚟正題，
其實今次做呢個決定，
真係都冇咩好特別嘅原因，
老土啲講係想繼續Push自己，
要發掘新嘅嘢就要務險，
所以決定改變。

諗返起，
經理人睇住我由小朋友成為大朋友，
𡃁仔成為人夫，
大家都經歷咗好多，
真心非常多謝佢嘅照顧，
亦非常感恩呢段緣份。

冇咩嘢嘅又唔係轉行，
換個環境，
換個模式，
繼續出發！

期待快啲有新戲新劇新歌新廣告俾大家，
大家繼續多多支持，
就係咁講住咁多先，
大家都要... Work hard Play hard！
身體健康！

［一股兩名］YesAsia！元祖電商！回憶返晒嚟！

TLDR：小時侯，鄉愁是一枚小小的郵票，我在這頭，母親在那頭。長大後，鄉愁是一張窄窄的船票，我在這頭，新娘在那頭。後來啊，鄉愁是一方矮矮的墳墓，我在外頭，母親在裏頭。而現在，鄉愁是一灣淺淺的海峽，我在這頭，大陸在那頭。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
1. 我就係留意埋啲冇人留意嘅嘢，咁先有獨家（＊）

2. 以前有個同事，花名叫做「吉吉」，因為佢叫做阿喆。幸好，自從有咗陶吉吉後，好多人都知呢個字讀「哲」。不過目測好多人都仲係叫佢陶吉吉，未必唔知係「哲」，但怕同人講去聽陶喆，人地以為你去聽陶傑，或者曹捷。正如我上次寫仙台（https://lkdin.io/3TPk），話我寫咗篇文講魯迅，都有人以為係佬訊。（我話：係呀，嗰條友抄咗佬訊個logo）

3. 其實應該話，「喆」「哲」根本就係同一個字，異寫。正如「碁」亦即係棋，不過好似圍棋專用，或者係ACER。有型啲咁解。

4. 而作為一個文青，我當然早就知道「喆」字。都唔係好深啫，金庸嘛，王重陽咪王喆，歲在甲子，陽者為吉，重陽咪喆（亦所以重陽係九月九）。

5. 至於呢間公司，我一路都以為係「喆麗」（請睇招股書），做乜變咗「哲麗」？而且我見好似係得aastock（巧似中資背景喎btw，因住拎晒你啲data，知道你睇過乜股票），同埋好少部份嘅大陸網站。

6. 但係咪關簡體字事？又似乎唔係。就我理解，簡體字都有個喆字。呢，之前盛傳呀Bill Gates件翻譯小三，咪正係「王喆」，大陸都有個歌手叫「王喆」。

7. 又，呢啲咁嘅問題呢，我唔知會唔會遲早搞到出法律問題。「所以都係要有common law」（＊＊）。你見啲文件全部都講，中文名嘅嘢，for identification only

8. 加埋簡體字就更煩，例如肖剛到底係姓肖定姓蕭，佢本人都未必知。更煩嘅，例如美團嘅蔡文胜，我到而家都唔知係蔡文勝定蔡文胜。因為繁體字版招股書都係寫佢係蔡文胜。

9. 最後都講返呢間「喆麗」，咩東東？正係Yes Asia！嘩，啲回億返晒嚟，我估四十幾歲嗰班人（即係我）就會識！元祖電商公司！（甚麼點點紅 博學堂嗰啲就香晒）

10. 第一個反應應該係：嘩，間嘢仲未死的？第二反應係，嘩，仲搞上市？

11. 唔失禮的，14億市值。收入又係十幾億港紙，舊年純利成億港紙，唔係啲假大空嘢。「王維基檔嘢半年計埋保就業都係賺1億咋」

12. Yes Asia做乜？知嘅自然知，我年代嘅人，識呢檔嘢，九成係上網搵啲港產片VCD，歌手CD，香港小說咁。正係咁嘅生意！

13. 事實公司今年24年，你見到了，都話第一代電商股，亦係我讀大學嘅年代，初接觸互聯網嘅年代，生存到今日仲上埋市，真係好嘢

14. 公司成立源起，就真係因為創辦人在美國唐人街買四大天王CD，發現好貴，然後覺得不如自己做。果然係解決痛點。最初只係都係拎唐人街啲貨上網賣，後來甚至繞過中介，直接同唱片公司拎！

15. 當然公司後來慢慢轉型（仲有人聽CD睇VCD睇書？），變成賣衫賣化妝品，但的確係賣香港CD VCD 同書起家的。又，仲有留意一樣嘢：CD VCD 書都可以數碼化，但化妝品同衫暫時都未得。見到分別冇？

16. 寫到呢度，想講係，呢種「思鄉」，亦係一門幾好嘅生意。當然唔多唔少會被互聯網鏟平，但仲係有啲嘢取代唔同。

17. 例如我寫過，我阿爺當年係差佬（死咗十世，你鍾意我畀個地址你起佢出嚟鞭屍都得），怕老廉（但佢堅持自己清白），著咗草去台灣。咁佢地成班友，在台灣，就真係好似「大時代」咁，去租TVB錄影帶睇，貴一貴都租。

18. 你笑佢？到我在英國讀書時，雖然我嘅懶係懶到連唐人街都唔去（我在Warwick，最近要去到Birmingham，都搞你粒幾鐘，我除咗飛髮外就好少去）。但，如果去開倫敦（咁有一排在嗰度返intern添），我都係去唐人街，食旺記（好撚好食，特別係同其他嘢比），然後買張小嫻買亦舒睇。（＊＊＊）

19. 然後又諗下，我而家Patreon讀者，居然都唔少係嚟自海外。冇正式統計，但有啲畀英鎊畀加紙澳紙嘅，就一定係海外。亦都有啲私下有同我傾計，日本嘅有，韓國有，去到芬蘭愛沙尼亞都仲有。而好明顯，我啲讀者應該全部都係香港人，我難以想像一個台灣人或大陸人或馬來西亞華人會睇我寫嘅文。

20. 一方面，固然亦係「思鄉」，我會講到香港嘅嘢，或者畀佢睇到廣東話嘅文。雖然你可以話大把人都有寫文，但，就係唔同。

21. 另一方面，亦係科技真偉大。你諗下，雖然金庸年代之類，寫文真係發達。但，你賣文賣唔到去芬蘭啦？但而家多得科技先進，我在香港寫文，甚至芬蘭嘅朋友都睇到。

22. 仲有？甚至有住加拿大嘅讀者請我食飯傾計。點請？咪佢幫我叫外賣（可惜只係UBEREAT，唔係女），然後佢在加拿大食，我在香港食，開個Zoom傾計。

23. 所以呢，都係應該感恩，感恩過郭感恩（＊＊＊＊）。當然我要投訴嘅，扯，我而家Patreon真係可以在邊度寫都得，我可以住兩個月日本，然後住兩個月韓國，又住兩個月越南，照樣寫文，爽到極。以前啲作家都未必有咁爽，至少仲要咩搵個Fax機交稿。

24. 可惜疫情關係，以上呢啲我諗咗好多年嘅嘢，理應可以實現，但就實現唔到。不過唔緊要，心存樂觀。

25. 多謝大家一直嘅支持。下半年仲有更多更精彩嘅嘢。

（＊）雖然獨家is overrated。N年前女朋友做記者，日思夜想就係做獨家（財經咋喎，唔係水門海南雞事件），當時我已經隱約覺得唔妥。然後你而家發現，獨家is overrated，creativity is overrated，唔係唔重要，但唔好過份強調。蘋果唔係第一間出智能電話，又唔係第一間賣平板，更唔係第一間賣MP3。但點解唔係潘蘇通松日MP3 Matsunichi變2萬億市值企業？寫文嘅嘢，光有idea冇用，仲要execution，當然好多時亦係寫得好不如寫得快，寫得快又不如有無限資源谷traffic（即係，用公司資源） — 而最重要係：加張靚女相，話知你莎士比亞加陶傑都即時收皮。愛恩斯坦話a picture is worth a thousand words嘛。你睇我都係冇樣賣冇波賣先要打咁多隻字，人地一個月就出幾十張相，我就打幾萬字咁咯。

（＊＊）日本又有common law啦，而未有中資股年代，東京先係亞洲金融中心咯。

（＊＊＊）點解係買張小嫻亦舒，唔係倪匡金庸陶傑？兩個原因。第一，keep your friends close and your enemies closer，要搞掂港女，先要了解港女。但第二，倪匡金庸陶傑甚至畢華流梁望峰嘅書，我早早已經睇晒。

（＊＊＊＊）有讀者同我反映，基本上一見到感恩，就知道我下一句係郭錦恩。但冇問題嘅，洛賓的軌蹟你都知道次次咁玩，但依然防唔到，依然好睇。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

講返琴晚，首先多謝100毛邀請我睇「大MK日」！第二多謝Yellow樂隊主音我好朋友歌手小胡肯陪我去睇！最初其實我有啲擔心，因為我自細從來都唔去旺角玩或者食飯，我擔心完全冇共鳴，點知根本成個旺角消失故事，其實係香港消失故事嘅縮影，好有共鳴好好睇，不過腦細林日A就再三提醒唔好講述太多內容，因為仲有幾十場人未睇！不過我有幾樣野想講，第一，嘩！利君牙真係好戲到冇得頂！第二，我哋呢場東方昇又發生「靈異事件」，佢唔小心喺台上除咗自己條外褲，露咗條紅色底褲出來，搞到專家Dickson台上唔記得咗台詞笑到收唔到聲！ ！ ！第三，我發現有一個好好戲、好壓到埸嘅新進演員叫翁演陞！大家可以留意下！仲有仲有仲有，就係腦細林日A之前跛撚咗，都可以完美演繹街舞，我開始懷疑佢係外星人！
#100毛
#大MK日
#龍志權係靚仔
#白只好大隻

越南菜，對一般家庭來說，是偶然會出去吃的菜式。但對我來說，是家常便飯，更是童年回憶，真正由細食到大。除了因為媽媽是越南華僑，我阿姨是個烹飪高手，以前在美國開越南餐廳及超級市場，對味道的要求食材的選擇全部一絲不苟。我自小耳濡目染，加上為食又好奇，所以識得煮好幾味越南菜。由今集開始一連5集為大家示範，我最拿手的越南菜式。

入正題之前先和大家分享一個好消息，我在這個「Son姐煮場」示範的第一個越南菜「越式茄汁牛肋條」，在飲食男女的YouTube頻道5月7號才上載，至今已經超過460,000人次點擊，多謝大家支持！更開心的是不斷有讀者觀眾message， send相給我，說這個牛肋條易整又好味，全家人都鍾意食。當中一個令我最感動的，是一位讀者的爸爸，手術後胃口一直不佳，但這個茄汁牛肋條，令爸爸食不停口要添飯！炎炎夏日，買餸買到身水身汗，煮完又再出一身汗，堅持繼續煮下去的動力，絕對不只是填肚食飯咁簡單，透過食物傳遞的，是關懷還有愛。


這個豬肉蛋，越煮越入味，媽媽最喜歡煮一大鍋，然後分開幾餐慢慢食。小時候我專挑瘦肉食，我阿媽專食肥肉。後來當我做了阿媽，承繼了我阿媽的口味衣鉢的大T，兩婆孫的口味是一致的，所以婆婆打正旗號因為孫女鍾意食，大條道理繼續買肥腩肉，激到我扎扎跳！發夢都未曾想過，一直投訴嫌棄阿媽買的豬腩肉太肥的我，竟然會有朝一日會投訴大呻買肥豬腩肉太難。

雖然炒糖色爆炒雞蛋比較麻煩，但是必須。糖色除了增加顏色，亦增加香氣香味；爆炒過的雞蛋不容易煮爛，可以吸更多汁。不要看今日的小T高高大大，小時候個子偏小，不像家姐只要有得食就開心甚麼都食一餐。但這個豬肉蛋，他最愛用汁撈飯，一餐可以食三、四隻雞蛋。婆婆但求小T肯食多碗飯，一想不到煮甚麼菜就煮這個。

其實家庭主婦真的不容易做，煮甚麼菜式從來都以家人的喜好口味為依歸，做家人的做子女的，即使餸菜不怎麼合胃口，都應該常存感恩感謝之心，不要嫌三嫌四唔該都冇句。


日日煮飯為了煮甚麼菜式，都夠煮婦們頭痛，只要睇「Son姐煮場」，大把煮意，止痛餅都慳番唔少！煮得開心，食得開心，一家人同枱食飯，有傾有講有笑，心開更開心！

材料：
豬腩肉 2磅
雞蛋 4-6隻
香茅 數支
南薑/薑 數片
蒜頭 1個
黑糖/黃糖 1小碗
魚露 1小碗
胡椒粒 適量

做法：
1.腩肉洗乾淨汆水切件備用
2.雞蛋煮熟剝殼抹乾淨備用
3.燒熱油加入黑糖煮溶成糖色
4.加入雞蛋爆炒上色取出
5.加入腩肉、香茅、南薑、薑、蒜頭爆炒
6.炒香後加入魚露、胡椒粒
7.加蛋、加水至蓋過豬肉
8.中火炆大概半小時，然後熄火焗1小時
9.可以重複炆焗程序直至豬肉夠軟熟

Vietnamese Pork and Eggs Braised in Fish Sauce

Ingredients:
Pork belly 2 lbs
Eggs 4-6 pcs
Lemongrass Several pcs
Galangal and ginger Several slices
Garlic 1 head
Black sugar / brown sugar 1 small bowl
Fish sauce 1 small bowl
Black peppercorn Some

Steps:
1. Clean pork belly, boil for a few minutes, remove from water, cut into pieces, and set aside.
2. Boil the eggs, peel the shells, pat dry, and set aside.
3. In a pot, heat some oil, add black sugar and cook until sugar caramelizes.
4. Add boiled eggs to the pot to stir-fry with the caramel. Remove once colored.
5. Stir-fry pork belly, lemongrass, galangal, ginger, and garlic together.
6. Once you can smell the aroma, add fish sauce and peppercorns.
7. Add eggs and water to cover pork belly.
8. Braise in medium heat for half an hour, then remove from heat, leave covered for 1 hour.
9. Repeat step 8 until pork belly is tender.

足本訪問： https://bit.ly/3hIkVV7


===================================


? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

相關影片:
【生命鬥士】值得鄭秀文都讚 前女歌手車禍癱足27年 靠聲控製花椒辣椒油：即使手腳不能動 腦袋仍可很靈活(飲食男女) (https://youtu.be/gREGjaLELTg)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【問問日本人】點樣分辨中國人VS香港人中國旅客經常大聲說話？ （果籽）(https://youtu.be/MaMNuX7464I)
【白化病】全身白色途人見到即彈開 白化三兄弟：變相唔使排隊都幾好 (果籽) (https://youtu.be/eZfM1wgm84w)
【的士急色男女】 男女車廂纏綿全城睇晒 業界轟放片者累死同行 20200712 (壹週刊) https://youtu.be/qCtU5Lc07Sg

#越式魚露炆豬肉蛋 #越南菜食譜 #張慧敏 #炆豬肉蛋做法
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9

疫情之下，不少人轉行做「外賣仔」。本是香港紅十字會急救員的梁永燊Darwin，從沒想過自己有一日都要「送外賣」，為家居檢疫隔離人士送藥。

大眾在疫症當前停工停課，Darwin則每天出入紅十字會總部、醫療輔助隊總部、各大醫院及家居檢疫人士的住所，為的只是讓有長期服藥需要的檢疫人士能準時吃藥。「之前每日最少八單，試過最多十三單，十一點收工都試過」。訪問當日是Darwin口中比較「輕鬆」的一天，全日只有兩單個案，但都花了大概十二小時完成。

Darwin每日上午八時半就要到醫療輔助隊總部候命，確認過個案的資料及需要後，會先出車到檢疫人士住處領取覆診文件，再到醫院代領藥物，最後將藥物掛在他們家門口。為素未謀面的人四出奔走，最後只獲得隔着大門的道謝，Darwin依然覺得有莫大的使命感。

原因是他確切感受到自己正在幫人，每一句「唔該」都是動力。記得有一次，個案是一對老夫婦，太太不斷「急Call」Darwin稱其丈夫需要打胰島素︰「佢冇藥真係會死！」言談間他感覺到太太的焦慮，於是嘗試安撫其情緒，並作出適當的工作調動，最終成功將藥送上，太太不斷答謝他。「講句『唔該』好似好易，但我哋聽到已經好開心！」

每日在同幾個地方之間「無限輪迴」，Darwin很多時都是在「等」。他雖然是衞生署特派職員，但絕無特權，到醫院取藥時一樣要排隊，一等便是一個多小時。還未計路程，「有時個案住得遠，住柴灣但睇開屯門醫院，行車時間都好長。」

面對冗長的工時，Darwin堅持「任務第一，食飯第二」。訪問當日工作量相對少，Darwin和同事們可以「坐定定」食飯，直言「已經好幸福」！他憶述高峰期時，「買到個包食已經好好，忙起上嚟試過全日冇啖飯食。」

晚上七點半訪問結束後，Darwin仍閒不下來，趕緊為車輛進行全面消毒及個人消毒才能下班。那麼疲累值得嗎？Darwin用力地點點頭︰「無論需要嘅程度大小都好，我哋都係切切實實幫到一個人！」

我地仲玩左其餘兩首歌^^大家可以去柏力芝個人Channel欣賞下我地既歌藝xD
[使乜斷片酒]自High Mode試Q7(song cover - 伍仔,柏力芝)
https://www.youtube.com/watch?v=C_KeU4BW0qo
伍仔FB(ig:fivreson5)
https://www.facebook.com/fiveson55555/?ref=settings
柏力芝(ig:crztoto)
https://www.facebook.com/Crztotozhichun/?fref=ts
特別鳴謝：柏力芝送左枝新的正版Q7咪俾我！(雖然佢生日我都未同佢食飯xD)因為我之前已經買左枝Q7，但音量一向遍細=="我懷疑在市面上買左流野…但柏力芝話呢隻途訊咪去翻港澳代理King Power一定買到原裝行貨。