雖然這篇諗粵語鄉民發文沒有被收入到精華區：在諗粵語這個話題中，我們另外找到其它相關的精選爆讚文章
在 諗粵語產品中有654篇Facebook貼文，粉絲數超過0的網紅，也在其Facebook貼文中提到， 我個仔去咗祭河神（下） 上集：https://bit.ly/3mg9APm 我只在乎一件事，佢哋鍾意搞咩咪搞咩，點解要殺我嘅小利？ 原來，阿龍識咗一個靚女，動咗色心，又用雞蛋嗰套，想呃靚女性交驅魔。 點知靚女冇上當，阿龍實在心痕，就落藥迷姦咗靚女。 靚女梗係報警啦，警察拉咗阿龍，阿...
同時也有139部Youtube影片，追蹤數超過2萬的網紅Lau Kin Lam - 林仔，也在其Youtube影片中提到，話說KLEVV新代理QC就返咗佢地最新型號嘅SSD 分別係PCIE 4.0x4嘅C920 同PCIE 3.0x4 嘅C720系列 KLEVV方面強調SSD係採用Phison控制器嫁！ 雖然性能唔係市面上最高嘅一款 但淨講性價比，依兩款SSD真係未必輸 甚至乎C720幾令我有諗法 頻道會員已開!!!...
「諗粵語」的推薦目錄
諗粵語 在 陳美濤Tomato Chan Instagram 的最佳貼文
2021-09-15 21:59:14
我嘅職業係：同性戀治療師（下） . 我開始諗，同性戀未必係激素問題，可能係心理病。 . 就好似有啲人受咗刺激，從此陽痿一樣。 . 我決定利用「巴甫洛夫的狗」嘅理論，巴甫洛夫每次餵狗前，都會搖吓個鈴鐺，後來即使佢冇準備食物，隻狗聽到鈴鐺聲都會流口水。 . 按照呢個理論，如果患者每次諗起同性戀，都有痛苦...
諗粵語 在 陳美濤Tomato Chan Instagram 的精選貼文
2021-09-15 21:59:14
我嘅職業係：同性戀治療師（上） . 「踏入嶄新嘅20世紀，醫學發展一日千里。希望在座各位，都可以為現代醫學盡一分力。跟住落嚟，我哋要解決嘅世紀難題係：同性戀！」 . 導師講完呢段說話，在座嘅學生紛紛鼓掌。 . 我都好激動，我哋嚟緊要研究嘅課題，居然係近期最熱門嘅「同性戀」。 . ， 同性戀，有人...
諗粵語 在 陳美濤Tomato Chan Instagram 的精選貼文
2021-09-03 12:53:55
一個演員一隻汪（上） . 阿天，係一個全職演員。 . 佢演過咩角色？呃……我都唔太清楚。 . 總之，佢從演技學院畢業後，一直喺度演戲，咩角色都會去試，但做嚟做去都冇人認得。 . 人人都讚佢演技好，但冇人諗住畀機會佢。 . 前年，佢終於喺某套電影度，演咗一個有對白嘅配角，但套戲依加都未上，亦唔知幾...
-
諗粵語 在 Lau Kin Lam - 林仔 Youtube 的最讚貼文
2021-06-24 18:30:13話說KLEVV新代理QC就返咗佢地最新型號嘅SSD
分別係PCIE 4.0x4嘅C920 同PCIE 3.0x4 嘅C720系列
KLEVV方面強調SSD係採用Phison控制器嫁！
雖然性能唔係市面上最高嘅一款
但淨講性價比，依兩款SSD真係未必輸
甚至乎C720幾令我有諗法
頻道會員已開!!! 加入助養小林林啦!
會員加入: https://www.youtube.com/channel/UCo-mxhiCrlNb9P3DVLkOpKw/join
Patreon 贊助: https://www.patreon.com/lkl0120
林仔Facebook專頁: https://www.facebook.com/OCFAT/
林仔IG: https://www.instagram.com/siulamnotfat/
夾錢買玩具計劃
https://streamlabs.com/laukinlam-/tip
助養小林林 PayLink
一按即 PayMe！
https://payme.hsbc/lkl0120
#林仔 #電腦 #開箱 #評測 #砌機![post-title]()
-
諗粵語 在 ONETAKE 一鏡過 Youtube 的最佳貼文
2021-06-18 21:30:04Facebook：https://www.facebook.com/onetake.vdo
Instagram：https://www.instagram.com/onetake.vdo/
【情緒勒索】
好多人為咗滿足自己
就會用情緒去強迫人妥協同讓步
? 其實大家覺得點樣先為之情緒勒索？
?我哋登陸咗MeWe啦！快啲follow啦！?
https://mewe.com/p/onetake
——————————————————
‼️ONETAKE 小粉俱樂部‼️
各位鍾意我地嘅小粉可以係嗰度互相交流下，大家有興趣就一齊傾下計啦?
(Youtube既觀眾可以喺我地既首頁右上角，揾到我地小粉俱樂部架?)
——————————————————
#ONETAKE #情緒勒索 #朋友 #同事 #相處 #工作 #自私撚 #自我中心 #強迫 #影響 #壓力 #唔開心
【ONETAKE】?
??諗住開口同朱英講清楚男：伊仁
??發現朱英坐一陣就要走女：陳婷
???不斷用情緒勒索人女：朱英
【幕後】?
剪接：Candice、 Azter
攝影：Wayne
平面設計：Candice
_____________________________________
Instagram：onetake.vdo
YouTube：ONETAKE 一鏡過
個人粉絲揮手區??
??陳婷 (IG: candice.chan_ting)
??伊仁 (IG: ian_chan1991)
???朱英 (IG: chuying2003)![post-title]()
-
諗粵語 在 歡樂馬介休Bacalhau Youtube 的最讚貼文
2021-05-26 20:00:09每個街口都有一個未解決的誤會。
為此～我諗到一個好方法！
@conil之哇
@打咩Jason
▼ ▽ ▼ ▽ ▼ ▽ ▼ ▽ ▼ ▽
馬介休口罩及自家設計禮品
YT粉員有專屬優惠啊～留意粉員社群！
https://shop.mycart.ai/bacalhauent
成為粉員：https://www.youtube.com/channel/UC1WLQD_3Lblql-PFN6Qgcqw/join
不要按這裡：https://www.instagram.com/bacalhau.ent/
馬介休最喜歡的FB Page：https://www.facebook.com/bacalhau.ent
入黎傾計：https://www.facebook.com/groups/bacalhauent/
#誤會 #短片 #馬介休![post-title]()
諗粵語 在 Facebook 的最讚貼文
我個仔去咗祭河神（下）
上集：https://bit.ly/3mg9APm
我只在乎一件事，佢哋鍾意搞咩咪搞咩，點解要殺我嘅小利？
原來，阿龍識咗一個靚女，動咗色心，又用雞蛋嗰套，想呃靚女性交驅魔。
點知靚女冇上當，阿龍實在心痕，就落藥迷姦咗靚女。
靚女梗係報警啦，警察拉咗阿龍，阿龍保釋之後，案件繼續調查。
阿龍搵唔到方法脫罪，居然諗咗一個奇怪嘅招數。
阿龍決定用更嚴重嘅案件，轉移警方嘅注意力。
同時，阿龍睇咗一啲民間傳說，佢相信，只要將小朋友獻祭畀河神，河神就會保佑佢，唔再被警方調查。
兩個「聖妻」對阿龍千依百順，即刻執行佢嘅命令。
於是，「聖妻」捉咗小秀，佢哋三個一齊殺人、放血，將血抹喺河神神像上，再棄屍。
下一個受害者，就係我嘅小利。
佢哋雖然對小利落咗鎮靜劑，但小利突然醒咗，不斷掙扎。
三個人好驚慌咁制伏小利，所以小利受咗好多折磨。
處理屍體嘅時候，佢哋因為疏忽，冇將血跡處理乾淨，所以好容易就俾警方追蹤到。
我可以想像到，小利臨死前嘅恐懼同痛苦。
但喺阿龍口中，講起殺小利嘅過程，就好似殺咗一隻豬、一隻羊咁。
「你真係痴線嘅。」我嘅語氣仇恨又絕望。
我以為，呢單案證據確鑿，案情令人髮指，阿龍三個人一定會被判死刑。
但估唔到，辯方就係話，阿龍係痴線嘅，當事人精神失常，唔應該承擔殺人嘅全部責任。
一個正常人，點會相信只要殺兩個小朋友，就會被神靈保佑，唔會再被官司纏身？
一個正常人，點會用殺人罪嚟逃避強姦罪？
而兩個女人相信自己係「聖妻」，聽晒阿龍話，更加係痴線㗎啦。
好彩，三個被告罪名成立，被判處絞刑。
最令人心寒嘅係，阿龍行去絞刑台嗰陣，係笑住嘅。
佢話，佢唔係去死，係去成為新一任嘅神，應該開心至係。
我諗，小利在天之靈，應該可以安息。
不過，我忍唔住諗，阿龍到底係咪癲㗎呢？佢嘅迷信同行事方式，好明顯同正常人唔同。
但就算佢係癲，因為痴線而做咗咁殘忍嘅事，就可以唔洗死？
究竟一個人有幾衰，係睇佢做咗啲咩，定睇佢行事嘅動機？
—完—
真人真事改編自新加坡「大巴窯殺童案」。
自稱靈媒的林寶龍誘騙女性，提供金錢和性服務，以換取治癒、美容及財運。
後來，其中一名被害人控告林寶龍強姦，他決定殺害兒童，阻擾警方再查下去。
在兩名「聖妻」的協助下，他們殺了一男一女兩個兒童，以祭祀神明。
辯方律師求情時說，被告精神失常，無需承擔全部責任。
心理學家作證，斷定被告有精神分裂症、精神病性抑鬱症及輕度狂躁的症狀。
但法官同意控方的說辭，結果，三人被處以絞刑。
林寶龍沒有尋求赦免，面帶微笑地登上絞刑台。
不少記者認為，此案是80年代最轟動的案件。
新書《真實虛擬一鏡過》已經出版了，現正發售中，
詳情可點擊這裡：https://bit.ly/3eTPuHL
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #我個仔去咗祭河神
諗粵語 在 Facebook 的最佳貼文
我個仔去咗祭河神（上）
我係一個普通嘅女人，嫁咗個普通嘅老公，搵咗份普通嘅清潔工作。
我生咗個仔叫小利，小利同我一樣咁普通，成績唔特別好，唔係特別乖，亦唔係特別曳。
我好滿意我嘅生活㗎，平淡是福嘛。
直到小利十歲嗰年，佢失蹤咗。
呢個城市治安好好，加上我要返工，冇咁多時間睇住佢，所以小利八歲之後，我就畀佢自己出街同朋友玩。
然後有一日，小利失蹤咗，好夜都冇返屋企。
我即刻報警，警察睇cam，見到小利同一個陌生女人上咗的士，就咁消失咗。
個女人係邊個？點解要捉走小利？小利依加喺邊？
我個腦有無數個問號，但呢個時候我睇到一單新聞，上個禮拜有個九歲嘅女仔小秀失蹤咗，依加已經搵番……搵番佢嘅屍體。
佢身上有被強姦過嘅痕跡，但仲未搵到凶手。
一個咁平靜嘅城市，同一個地區，接連發生兩單兒童失蹤案，我好難唔將兩件事聯想埋一齊。
我唯有安慰自己，可能殺小秀嘅，係一個凶殘嘅淫賊，佢鍾意細路女，唔會向小利落手嘅。
我知道咁樣諗好衰，但作為一個母親，呢一刻我除咗亂諗同祈禱之外，咩都做唔到。
我亂諗嘅時間好短，因為三日後，警察就發現咗小利嘅屍體。
佢冇被性侵犯過，但受過折磨，背上有灼傷，連血都被放埋。
小利身上嘅致命傷同小秀一樣，似係同一個凶手所為。
我十月懷胎生出嚟嘅仔，好似隻豬一樣，俾人殺死放血。
我唔需要描述我有幾傷心，我亦冇畀自己沉浸喺傷心之中。
作為一個母親，我必須報仇，必須睇住凶手被繩之於法。
捉凶手嘅過程唔算好難，喺小利嘅屍體附近，警方發現一道隱隱約約嘅血跡，滴到隔離大廈嘅七樓。
警察敲門調查，屋內有一男兩女，係一個叫阿龍嘅男人，加佢嘅老婆同女朋友。
警察搜屋後，發現咗血跡，仲有一張寫咗小利同小秀個人資料嘅紙條。
警察拘捕咗佢哋，叫我去認人。
去警局嘅路上，我一直喺度諗，到底我有咩仇人，有幾深嘅仇恨，先會令佢哋殺咗小利。
出乎意料地，無論係我定我老公，都完全唔識呢三個人。
我忍唔住對為首嘅阿龍大叫：「小利先十歲咋，你哋係咪癲㗎？」
其中一個女人即刻反駁：「唔准咁話龍哥，龍哥係神嘅代表，有神力㗎！你個仔係去咗祭河神，你應該覺得光榮至啱。」
河神？我聽過古代有人祭河神，祈求河水唔會泛濫，但我哋住市區，附近得幾條就嚟乾涸嘅小河，邊度仲有人講河神。
「總之，龍哥法力無邊，唔係你呢啲凡人會明白嘅。」另一個女人冷笑。
我難以置信：「佢哋三個都癲㗎？」
警察落完口供之後，證實到我嘅說話。
阿龍本來係一個普通職員，結婚生仔後，開始學做靈媒。
佢學咗幾招魔術，例如將針燻黑，插入個生雞蛋度，再用粉末封番住個針孔。
做法事嗰陣，阿龍就叫個客敲開隻蛋，蛋裡面係黑色，令客戶以為自己真係中咗邪，對阿龍千依百順。
阿龍用呢一招，呃咗四十幾個女人。
騙財騙色之餘，佢仲呃埋自己嘅老婆，話自己要同後生女人發生關係，先可以保持自己嘅法力。
然後，阿龍又呃咗一個結咗婚嘅女人，同屋企人疏遠，搬嚟成為「聖妻」，從此佢哋就開始咗三個人嘅生活。
下集：https://bit.ly/3upAfNk
Patreon訂閱即時睇下集，快人一步：https://www.patreon.com/tomato28
#短故 #短篇 #小說 #陳美濤 #廣東話 #粵語 #tomatochan #我個仔去咗祭河神
諗粵語 在 Facebook 的最讚貼文
書生捕獵團（下）
上集：https://bit.ly/3hWLRm4
做官夫人雖然威風，但做唔到丫嘛。
以小姐嘅樣貌家世，做唔到官夫人，但嫁個富家公子做少奶奶，真係一啲難度都冇。
點解一定做官夫人呢？點解要對嗰啲負情薄倖嘅書生，有咁多幻想呢？
件事好明顯，書生一係考唔中科舉，一係考中咗，覺得自己高貴咗，就翻面唔認人。
小姐淚流滿面：「我阿爹係商人，我係商人個女。我唔想我嘅丈夫、我嘅下一代都係低賤嘅商賈！」
總之，小姐就係要堅持呢條錯誤嘅路。
直到有一次，小姐「遇到」柳公子。
柳公子唔算好靚仔，但有一種憨厚樸實嘅氣質，好似會守承諾咁。
小姐施展混身解數勾引佢，佢偏偏唔鍾意大家閨秀，睇中咗小家碧玉……即係我。
柳公子好似柳下惠咁拒絕小姐，不斷表達對我嘅好感。
柳公子含情脈脈咁望住我，柳公子真心真意咁愛上我，柳公子誓神劈願咁應承我。
呢一次，反而係小姐憂心忡忡咁望住我。
小姐冇嫉妒我，柳公子只係佢其中一個獵物，但小姐擔心，我會好似佢咁畀人呃。
我諗咗好耐，如果我唔捉緊柳公子，我可以嫁畀邊個？
大概係嫁一個管事，我生出嚟嘅仔女，依然係奴隸。
柳公子真係好有才華，佢話佢一定會考到科舉，一定會八抬大轎返嚟娶我。
如果我成功咗，我就係官夫人，就係小姐都要仰望嘅女人。
小姐已經失敗咗十八次，我作為第十九次，冇理由咁黑仔掛。
我鼓起勇氣，將自己交畀柳公子，將私房錢都畀晒佢。
柳公子同我依依惜別，上京趕考。
冇幾耐，我發現我有咗柳公子嘅骨肉。
而且，小姐都收到消息，柳公子中咗狀元！
我好開心，呢次仲唔到我做官夫人？
我等啊等，我個肚愈嚟愈大，我個仔出咗世，柳公子都冇嚟搵我。
我託人送咗好多封信去京城，都石沉大海。
隨住個仔一日一日咁長大，我終於確定，柳公子唔會返嚟。
柳公子，已經拋棄咗我。
呢個時候，小姐已經認命，嫁咗一個門當戶對嘅富家公子。
而我就帶住個仔，一個人生活。
條件好少少嘅管事，都睇唔上我。
我成日問自己，點解我係咁勸小姐，唔好信啲書生，但輪到我嗰陣，我都忍唔住淪陷咗。
因為「成為官夫人」實在太吸引，旁觀者睇到背後嘅陷阱，但身在局中嘅人，只會被迷人嘅果實吸引。
責備人哋傻嘅人，往往輪到自己嗰陣，都一樣咁傻。
—完—
新書《真實虛擬一鏡過》已經出版了，現正發售中，
詳情可點擊這裡：https://bit.ly/3eTPuHL
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #書生捕獵團