【#狂迷投稿】 文：Andy Mak 《#熱血合唱團》
「信我，絕對值得一睇！！因為真係好感動！！（ 劇透影評 ）」
🎵 🎶 🎵 🎶 🎵 🎶 🎵 🎶 🎵 🎶 🎵 🎶 🎵 🎶
感動係，成班學生由互不相識到變得團結；由唔識聲樂到特登揀嚴sir為大家講解歌詞嘅《獅子山下》去初次蹄聲...
.
感動係，成班學生同嚴sir，由陌生變熟絡，到唔捨得；連痴脷根兼冇咩自信嘅小龍，都企出嚟做代表致詞多謝嚴sir...
.
感動係，自閉嘅妙麗主動關心嘉碧；信希同博文嘅友誼；仲有成班同學特登喺門口等住送別博文...
.
感動係，嚴sir返美國前為“熱血合唱團”成員準備好演出嘅服裝，仲要排好晒喺每個座位上面...（ 我由呢幕開始眼濕濕 😬）
.
感動係，博文爸爸主動揸機直播，等博文可以上台合唱，“熱血合唱團”終於可以齊腳演出（ 謝君豪仲要保持到嗰個一臉嚴肅嘅表情 ）
.
好鍾意“熱血合唱團”呢一個演出方式，劇情特登留白，唔講輸贏，個人覺得，佢哋揀得呢一個方法去演出，其實早早就將輸贏拋諸腦後！！
.
仲有嚴sir喺機場，隔空指揮嗰幕，候機室嘅乘客當然會覺得好奇怪，但隔住螢幕，跟住劇情發展嘅觀眾，會覺得成件事好自然同好感動！！（ 最後有乘客鼓掌，其實就連我都好想鼓掌埋一份！！）
.
係嘅，可能你會覺得華仔依然係“動作很劉華”，但嚴sir嘅人設，本來就係chok得嚟帶點冷臉，自白撞傷人逃去嗰幕，我覺得華仔發揮得恰到好處！！
.
仲有合唱團“年紀最細”嘅小龍，都勇於承擔責任，令到合唱團“年紀最大”嘅嚴sir都反思決定要返去美國自首，我好鍾意呢一個對比！為人師表，要做好榜樣！！
.
電影中段插播咗林子祥原唱嘅《誰能明白我》，但作為fans我始終係偏心片尾曲華仔嘅版本，（ 當然兩個版本都各有特色 ）
.
作為華仔多年嘅fans，最令我感動係，除咗億元大製作，佢會監製同主演呢一類嘅小品（ 其實今日嘅香港電影更加須要呢類充滿人情味嘅作品呢 ）
.
一套講熱血得嚟，帶出“有教無類”，講香港學生嘅電影作品，Overall拍得到嚴sir同學生ss嘅互動，值得支持嘅港產小品！！
.
P.S:如果要數電影嘅不足之處，我會覺得：
1.開場嘅剪接好混亂，嚴sir好多大頭失落無奈同飲酒鏡頭，如果穿插番幾幕撞車鏡頭，留番演奏廳嚴sir自白去解釋番，咁會更加好
.
2.香港人但玩wechat，好冇說服力囉，既然唔錄音應該用whatapps嘛🤣🤣🤣
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤 instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】

與大家分享我演繹的《痴心絕對》粵語版《殘酷遊戲》

《殘酷遊戲》

作詞：林夕
作曲：蔡伯南
原唱：衛蘭
翻唱：張哲生

誰能用毅力便換來感情
誰憑施捨可保得住慘勝
你有多大量 亦未敢領我的情
但就算是惡夢 拒絕甦醒

如何用玩命 換來溫柔
如何比她好 一樣不夠
談情像奮鬥 共誰在鬥
沒人道別亦知一早要走

其實自命受苦都只因我能離不離
看著對你愛得彷似愛情欲避不避
若能耗盡力氣 去捕捉你
亦能剩下自己可挽救自己

我也知越是幻想不准想你更記得起
我在故意去將苦澀替代寂寞滋味
用殘酷遊戲 製造卑微
自由自在莫非慘過永遠受氣

對你怎麼好 亦無所圖 同情分多少 都也得到
明明避過你 未憑命數 明明極易活得比死更好

我也知越是幻想不准想你更記得起
我在故意去將苦澀替代寂寞滋味
用殘酷遊戲 製造卑微
自由自在莫非慘過永遠自欺

我也知道遠處有人愛惜我
也知做人無求最好不過
我肯知錯也是錯 我想知道也做到
埋頭事業便令大家好過

其實自命受苦都只因我能離不離
看著對你愛得彷似愛情欲避不避
若能耗盡力氣 去捕捉你
亦明如何才可釋放我傷悲

我也知越是幻想不准想你更記得起
我在故意去將苦澀替代寂寞滋味
用殘酷遊戲 製造卑微
自由自在莫非慘過永遠受氣

若然被嫌棄 也是天理
自憐自虐自討苦吃 貴客自理

［情人請知道 在這天 誰已經開始挑戰你］英國Metro Bank，一晚跌三成

繼Thomas Cook爆煲後（http://bit.ly/2mxiwox），呢間英國公司Metro Bank都不遠了。一晚跌咗三成。不過其實兩間公司冇乜可比性，一間二百年老店，一間後起之秀，十年未夠。Metro Bank最新問題係發債唔成，但一早已經問題多多。跌三成之前，已經跌咗九成（而the beauty is，一隻股票跌完九成可以再跌九成）

Metro Bank啦喎，我見都冇見過！因為我在英國讀書已經係廿年前嘅事（呼，人生）。而呢間咁嘅嘢，十年歷史都未夠 — 就已經分分鐘收檔。銀行嚟講都幾短命。因為銀行呢啲嘢，好似碟仙咁，易請難送。

諗諗下都幾勁，呢間Metro Bank係英國150年來第一間新銀行 — 指high street bank，匯豐萊斯巴克萊之類。真係傳統開地舖之類。固然而家你恥笑話人人都virtual bank Fin Tech — 而家阿水都知。 但其實十年前都應該估到呢種模式相當雞肋。

記得初做銀行時，標哥成日話做銀行最搵笨實。諗落都有理。佢個邏輯係，你去雲吞麵舖打工，儲夠錢偷夠師可以自己開一間，對抗返你老細 — 但你做銀行會唔會可以自己開間銀行？梗唔會。因為銀行係一個入行門檻好高嘅行業，特別係而家。以前咩潮洲三角碼頭咕喱佬炒舖炒油（食油！唔係石油！）炒金，搵到第一桶金，然後開間銀行服侍啲架忌冷，而家邊有呢支歌仔唱

（順手講埋，標哥故事下半部係講，做銀行搵笨實，做中資銀行就笨實中嘅笨實，嗰時唔知邊個中資銀行高層畀人判死刑。標哥話都痴Q線，做銀行做到打靶，中國先有。所以呃錢都去外國呃，你睇啲鬼佬仲可以拍戲出書）

（而當然我地係在間中資銀行入面講呢啲嘢）

講返，Metro Bank當然其志可嘉，但do try harder。顛覆行業嘛，你顛埋我嗰份。點解冇乜人支持？好簡單，因為今日今日可以搞間銀行嘅，本身都係極有錢嘅人。

Metro Bank，好大程度美國佬話事。好架，顛覆行業，佢定位做challenger bank（大吉利是，李小加咩，挑戰者號就爆炸埋）。針對傳統英國啲大銀行嘅不知所謂地方，搵其「痛點」，去解決

解決咩「痛點」？哦，原來係話早啲開門，晏啲閂門，星期日都開。同埋啲服務冇咁老味。去過外國銀行就明香港啲分行職員幾咁好容忍力，個個西客只係敢在香港啲分行撒野，我冇見過呢啲人夠膽在外國銀行咁多事實，幾十萬存款就叫人經理見佢。正如在香港食飯就多多事實，去到日本呀料理長喝你一聲即時收晒皮電話都唔膽拎出嚟，仲要話人地好有匠人精神。賤人就欺善怕惡，唔屌唔鬆化。

搵到「痛點」 — 可惜搵唔到個G點

G點為何？就梗係賺錢。同好多顛覆行業一樣，就梗係燒錢，但型。積極擴張，但輸錢。冇事還冇事，但總有一日有人覺得唔對路。UBER呢啲就叻仔快手上市，Wework就慢一步

結果打後（即係近十年）發生嘅事，都係好簡單，亦唔難估。前無去路，唔多動搖到傳統銀行，後又有追兵，新型嘅「銀行」直頭分行都唔使，全部用手機用virtual bank。標基話齋Banking is necessary; banks are not ．其實好怕／好憎人講呢句嘢，cliché是也。人地1994年講啦。不過好似好多人都未聽過，證明都未係好cliché．反正林肯都話，網上啲嘢都好信嘅？
咁，就梗係蝕錢啦，仲話計錯數，計多咗資本，明明係窿當咗係資本，咁都得？資本開始滿足唔到監管需求，然後啲金主開始唔肯再玩，撥備升，資不抵債，股價跌，信心動搖，仲有銀行出事必備嘅，擠提。

股價呢？年頭仲有兩千，而家？兩舊都冇。半年多啲跌九成，同爆煲有乜分別。得返三十億市值左右，港紙啦大佬。

不過又講下，銀行呢味嘢，係相當paradox的。一方面，佢係最能夠代表資本主義，liberal右翼嘅行業，正所謂百業之母。但另一方面，全世界嘅銀行，亦都係最嚴格規管嘅。所以差不多一定係幾間獨大。

或曰，你科網都係winner take all 。係，但有啲唔同，銀行嘅winner take all，主要係嚟自監管。頭先已經講咗入場門檻高，幾個小朋友可以車房搞間蘋果，溝唔到女返哈佛宿舍可以搞間Facebook。但你總冇可能在銀行排咗個幾鐘隊把幾火然後返屋企搞間銀行

跨過個門檻後，要stay in the game，亦都唔易。Metro Bank又跌三成嘅導火線，咪話發唔到債。但做乜要發債？主要亦係要滿足監管需求。仲要係之前發過新股，滿足完一個機構又要滿足另一個。然後你睇到個矛盾啦。個個都話要監管銀行，多啲監管 — 但正正會令到冇新公司入到場，繼續係匯豐花旗。當然亦有人冇所謂，反正可以罰佢錢，呢度又十億嗰度又十億，幫下庫房，係幾爽的。但罰左去政府又唔係去你度。
________________________________________
點歌時間，羅敏莊，挑戰者（http://bit.ly/2lwtpqn）。其實當年唔覺得好好，但相當有特色。特別係唱副歌時，相當咬牙切齒。當年啲小花女歌手唔興的。不過講唱得最好聽，係佢後來翻唱《沉默的眼睛》。原唱係安全地帶嘅玉置浩二（http://bit.ly/2lynZey），張學友改編過，李克勤都唱過。但真係羅敏莊唱得最好，不過個版本有啲難搵，上大陸網搵到，自己去。

都話我對歌嘅版本好執著，對龍馬都係，對龍一都係。
________________________________________
彩蛋：上次篇文畀女讀者投訴有啲重口味（http://bit.ly/2lzeEmz）（男讀者嘅理得你啦）。今次成篇只係用咗一個粗口字咋，巧有進步巧叻叻。歡迎你去搵下在邊度用咗。而我諗嚟諗去都諗唔到可以點唔用粗口而表達到嗰句嘢。即係好似張學友隻《餓狼傳說》大碟咁，原本係想全本地創作，但佢實在太鍾意《來來回回》，所以保留咗唯一一首改編歌。正如我都係太鍾意呢句「唔屌唔鬆化」，唯有保留。

以上「本地創作」種種，如是我聞。當年已經質疑，李偲菘都本地創作？坡佬嚟喎。但畢竟劉諾生都係算本地創作，而再想當年芹澤廣明啲歌係專幫譚詠麟作，唔係改編。正如李偲菘劉諾生啲歌都係特登寫，唔係改編第啲，冇問題，過骨。

《來來回回》，張學友（定歐丁玉？）好鍾意，過骨。但，《天與地》都唔係改編？李東珍係香港人貪潮改個韓國名？哦，我地當年香港人呢，啲標準好隨意嘅。改編日本或英國美國咪係改編，因為你有機會聽過。改編韓國歌咪唔係改編，韓國都未開化，有流行曲架咩？改咗抄咗你都唔知啦。所以只得《來來回回》係改編喎，咁咯。

打後香港樂壇點解黑暗期啦喎，近年鍾意自省嘅廢老可以講埋呢啲。日本歌好嘅年代，陳慧嫻唔止改編荻野目洋子啲歌，連造型MV表情神態都抄足。正如韓仔歌出色嘅年代，鄭秀文一樣改編李貞賢啲歌，一樣係造型MV表情神態都抄足—不過韓妹就冇架妹咁厚道，有開口出嚟鬧的。（講明，我實話實說，我對陳慧嫻鄭秀文冇乜意見，狂粉勿吠）

串爆黄絲仔改編歌"滿城風雨" 影射黃絲亂港份子大限將至?I高Sir耳朵流膿系列02082020(將被YT封台請訂閱分享救台)

網紅改編歌曲"滿城風雨" 影射黃絲亂港份子大限將至?

《港區國安法》實施已經足足一個月，香港警方國安處繼日前拘四名涉嫌違《港區國安法》的「港獨」組織「學生動源」前成員後，日前再次「亮劍」，正式通緝六名香港人，包括前「香港眾志」主席羅冠聰、「學獨聯」召集人陳家駒、前「學生動源」成員劉康、英國駐港總事館職員鄭文傑、朱耀明的兒子朱牧民，以及前「本土民主前線」召集人黃台仰。

“天網恢恢，疏而不漏”，正義從不會缺席。幾位香港網紅 ( 高松傑@高Sir、新潮民劉文杰、大眼、格仔及石房有)特意製作改編歌曲，滿城風雨。希望影射一些犯法未被捕人士，籍此提醒年輕人《港區國安法》巳生效，切勿以身試法，作品於2020年8月2日於三個Yourube 頻道同時全球放送。

滿城風雨 （幾許風雨 原曲）
原唱：羅文
改詞：大眼@新潮民
監製 : 劉文杰@新潮民、高松傑@高Sir
主唱 : 大眼@新潮民、格仔@新潮民、石房有@Man哥、高松傑@高Sir

黃絲踎喺街邊　
令到世界急也亂
似個痴漢　每晩玩野　
活著是厭倦

停低點起香煙
回望爆破的片段
判了幾碌　佢也衰過　
入獄到目前

監倉之中誰沒有煙
R煙少不免
你要作惡冇得寬恕
一張醜惡面
身處高院　期待法官
偏坦的寬免
可惜信錯了律師
入獄極凌亂 死?仔不知分寸
監倉亂踩線
手足煲底不相見　心虛兼氣喘


逃走他鄉當天　
遺下兩老不見面
孤單走過 每個佳節
實在犯了賤

庭庭急於認罪
難望佢洗心革面
背棄香港　背棄祖國
賣肉作自然

監倉之中誰沒有煙
R煙少不免
你要作惡冇得寬恕
一張醜惡面
身處高院　期待法官
偏坦的寬免
可惜信錯了律師
入獄極凌亂 死?仔不知分寸
監倉亂踩線
手足煲底不相見　心虛兼氣喘

肥必樣樣衰衰
人漸老去醜態現
每晚痾血 染滿底褲　
墮落到目前
人渣痴蜂收錢
荼毒少女不間斷
有國安法　塔曬返去　暴動坐十年


YT技術限流，片常被打壓，請多分享。YouTube?高Sir正能量?訂閱?新片即時通知!每天早上6:00 準時出片:https://www.youtube.com/jackyko1109kosir?sub_confirmation=1

*YC耳朵流膿糸列回顧:*

1. "教育之死" (高Sir、Man 哥、榮輝)
改編洗腦神曲「黑人抬棺舞」諷刺香港教育已死

https://youtu.be/Hk4-Z-TrvF4


2. 《警方努力地耕耘》(高Sir、黑超哥)
冀重建警民關係,向全世界推廣香港警察專業精神。

https://youtu.be/VUwKwtvLymQ

3. 打氣歌曲:《武漢加油》　(亞伯林、高Sir、何志光 空姐牛肉飯Annie、榮輝)
為武漢、湖北及中國加油，香港同胞與您同在！

https://youtu.be/-aRMj0437oU

仲有其他作品,串爆YC,宣揚大愛?

https://www.youtube.com/playlist?list=PL5iLhEtuZGbo8bjLoXIMkvkLlPVbxIVgU

#小市民憑良心
#做實事講真相
#支持國安法
#男人幫大聯盟
#KOL100
#青年快閃社區清潔大行動
#人間記者會
#青年護旗手

——————————————————
五星正能量? 真係爆哂燈?

高Sir疑遭技術限流，請大家幫幫手：

1. 訂閱「高松傑 - 高Sir正能量」youtube 頻道 (訂閱係免費架) https://www.youtube.com/jackyko1109kosir?sub_confirmation=1 /高Sir第二頻道 https://www.youtube.com/channel/UC4bhcFYIoJl06PM1xzTg-QQ?sub_confirmation=1 ；
2. 撳?搶先睇
3. 贊好並留言支持；
4. 將影片分享開去。