【 港味自慢 ── 世界養生組織 】 先旨聲明，今次文章的標題擺明玩食字 ── 「自慢」是日文「じまん」，跟「慢」完全無關，意思是自己讚自己，賣花讚花香，值得驕傲，假如出街食飯見到日式料理餐廳，招牌寫有「味自慢」，就是老闆都於店內推出的菜式信心滿滿。那麼「港味自慢」又是怎箇一回事？其實解作「香港人細味獨自慢活」的意思，那是myTV SUPER全新原創節目《世界養生組織》的中心思想，是繼《超齡打工假期》（2014）、兩輯《Do姐去Shopping》（2015／2017）、《晚間看地球》（2019）和《Testing Menu》（2021）後，監製周子妮的最新作品，旨在帶出身處「無法出走」的疫情時空裏，香港人怎樣可以找到療癒的方法？ _ 老實講，好多人都以為最出名的「Made in Hong Kong土產」是樓貴，人多，不不不！是單字一個「快」，此字並非單純形容對於所有事情從開始到結束的推進速度，還帶有「不能慢」的潛台詞。不是嗎？香港人彷彿就是一班永遠不能夠「慢」的族群，與其說「不能慢」，更準確是「冇資格慢」！因為你慢了，就趕不上社會步伐，行路要快、做嘢要快、食飯要快、睇劇要快，就連借錢都要「特快批核」，真係反晒白眼：唔該唔好咁黐綫啦！ _ 所以《世界養生組織》的製作團隊想嘗試在講求「黐鬼綫速度」的電視業界裏，推出一個「慢到冇朋友」的節目，還要找陳自瑤和黃翠如主持，帶住觀眾在港九新界尋找養生之道，從內到外增強抵抗力。兩位主持首集去到大埔慈山寺體驗山林療癒、行禪、茶襌，感受生活中應有的「慢活」，透過五感活在當下，視、聽、觸、嗅、味，最直接自然的感受，卻是都巿人最常忽略的環節。 _ 且慢，翠如加YoYo？慢活？養生？非常沒說服力吧？！黃翠如自從由有線電視轉投大台之後，最初主力與洪永城複製舊東家招數 ── 環遊世界拍攝旅遊節目，足跡遍佈全球，到後來主力拍劇，女一作品接二連三，「0628｣（清晨6時至翌日凌晨4時）通告習以為常，手停口就停，怎可以慢？Yoyo又如何？自從《那些我愛過的人》（2020）後演技開始受人注意，加上《萬千星輝頒獎典禮》的「黑面事件」成為網絡熱話，緊接在《好聲好戲》及《識貨》又獲冠軍，令入行20年的她再度人氣急升，另一方面她又積極經營個人YouTube頻道，工作量之大可想而知，花無白日紅，怎能夠慢？興許如此，監製決定邀請同樣患有「不能慢重症」的雙姝上陣，透過節目，促使她們學習放慢腳步感受人生，嘗試引起觀眾共鳴。 _ 其中一幕，由山林療癒陪伴員歐仲南陪伴下，翠如跟Yoyo學習行路……「行禪」才對。 _ 「平時如果喺街度咁行路，畀人鬧呀！」陳自瑤說。「行禪」就感受自己步伐，由提腿到向前踏步，一字記之若「慢」，對香港人而言，難度有十粒星。相信搭港鐵或行商場的朋友都一定試過，只要唔覺意進入扶手電梯左邊，莫講話企定定，只要你行慢些少，恭喜您獲得連串「嘖」聲，繼而就會抵受不住後方的壓力而飛快向前行。（利申：本人確實會嫌別人行路太慢，朋友則投訴我行路太快。） _ 周三（9月15日）凌晨，蘋果公司（Apple Inc.）主席Tim Cook在新產品發布會上，對於應用程式「Apple Fitness+」著墨不少，將運動課程、時間表、身心狀況等資料變成數據，希望方便繁忙的都市人更有效率地做運動。作為其中一家全球重要巨企，Apple此舉說明「保健」和「養生」乃世界潮流，因為有利可圖，產品才推陳出新，但問心這些不是能夠從大自然唾手可得嗎？真的需要花錢擁有？ _ 說穿了，那是另一種的「活受罪」。香港人有句俗語 ── 「慘過死」，說出口的通常都是四肢健全，沒病沒痛，甚至頗有經濟能力、生活富足的人，事關忙著搵錢工作、「辛苦得嚟為供樓」而每天要營營役役的「不能慢重症病人」，什麼視、聽、觸、嗅、味覺早已淪為「急促」的附屬品，享受生活？講笑咩！所以節目中提及的「活在當下」才是香港人最需要學習和掌握的事，懂得在適當的時候放慢腳步。回歸自然，那種療效只有親身體驗過的人才會明白，幾年前我的情緒曾經出現問題，需要看心理輔導，而其中一個救活我的，就是大自然，無論去行山、露營，這位從來神隱的「山先生」總是不介意接收我散發出來的負能量，而且不收分毫，過程中你只能集中精神享受當下環境、應付眼前的難關，如果嫌這些都太過Hardcore，也可以像翠如和Yoyo那樣，簡單的熊抱大樹或者赤腳在草地上走，作為上一步的喘息，亦為迎接下一步作準備。 _ 當然，養生是一回事，拍節目介紹養生又是另一回事，《世界養生組織》意念雖新，但執行上似乎充滿旅遊綜藝節目的影子，無法成功透過畫面帶出安靜的感覺（幾年前香港電台的《好想藝術》做得到），結果有些時候Yoyo太似背稿，顯得不自然，我會懷疑，到底拍攝時Yoyo有沒有用心感受？有些部份則太拖拉，塞車開Tab睇真係會瞓著。今時今日拍節目真的要求做足功課，瞓身投入，如果要讓觀眾看得舒服，有想「Join埋一份」的衝動，台前幕後先要理解養生的獨有節奏和氣息，「搣甩」拍緊節目的意識，才能夠吸引觀眾有動力追看下去。 _ 《世界養生組織》： ＊第一集免費試睇，共13集，逢周二更新。 _ （18092021） _ #游大東影視筆記 #游大東 #世界養生組織 #黃翠如 #陳自瑤 #慈山寺 #mytvsuper #18092021 @mytvsuper

何詩蓓喺100米自由泳項目再贏得一面銀牌之後，香港破紀錄喺同一屆奧運累積三面獎牌，將全城對體育賽事嘅關注度推到前到未有嘅新高。 ⠀⠀ 我見到有種講法話香港人平時完全唔關心運動，到有獎牌先走出嚟做「忽然體育迷」，無可否認，運動項目喺香港的確唔太受關注，大多數人（慚愧地說，包括我自己）都喺四年一度嘅奧運會先至學下各種比賽嘅規則。 ⠀⠀ 但係運動員用十年起計嘅時間同汗水去磨練技藝，喺國際賽上燃燒極限，唔單止係一種自我追求，我相信佢哋都會希望藉住呢個機會，推廣自己所熱愛嘅運動，難得而家香港人懷住激動同自豪嘅心情去投入奧運，唔係一個值得鼓勵嘅進程咩？ ⠀⠀ 雖然呢種講法可能只係愛之深責之切，但係與其潑冷水去淋熄觀眾嘅熱情，不如積極啲鼓勵大家去延續呢份關注，就算奧運完咗之後，大家都可以繼續支持香港嘅運動員，所以下面我整理咗今屆香港代表隊成員嘅IG，方便大家follow。當然啦，一個like唔可以令佢哋有更多資源，喺香港做運動員仍然係路漫漫其修遠兮，但係多一份關注，多一句鼓勵，等佢哋知道自己唔係孤身上路，係我哋至少可以做嘅事。 ⠀⠀ 做「忽然體育迷」唔係最好，但係更差嘅係做「勝利體育迷」，無論比賽結果係點，佢哋都值得更多嘅掌聲同敬意。 ⠀⠀ ⠀⠀ 游泳 何詩蓓 @siobhanhaughey01 黃筠陶 @totoo_ro 何南慧 @_hotinkynw_ 鄭莉梅 @camillelcheng 譚凱琳 @tamhoilam 楊珍美 @jamieyyyyy 歐鎧淳 @stephaniehsau 何甄陶 @amph1b_ian ⠀⠀ 馬拉松游泳 方胤 @bill.thorley ⠀⠀ 劍擊 張家朗 @cheungkalonggggg 張小倫 @siulun_shawn 蔡俊彥 @ryanchoiiiii 吳諾弘 @lawrenceng_1999 江旻憓 @vmwkong 佘繕妡 @kaylinhsieh 連翊希 @linyikhei 朱嘉望 @moonieckm ⠀⠀ 場地單車 李慧詩 @sarah_leewaisze 梁寶儀 @boeyleung 逄瑤 @pangyao_ 李海恩 @jlee_721 楊倩玉（search唔到，如有資料請幫手補充） ⠀⠀ 公路單車 蔡曉鋒 @hiufung_choy ⠀⠀ 羽毛球 伍家朗 @ngklangus 謝影雪 @tseyingsuet 鄧俊文 @jordan_tcm 張雁宜 @cheungyuenyii ⠀⠀ 乒乓 蘇慧音 @minniesoo 李皓晴 @leehoching1124 吳柏男 @nam_980818 何鈞傑 @ansonho420 杜凱琹 @hoikem 黃鎮廷 @tingwong0907 朱成竹 @zenobia_bb 林兆恒 @lsh__lamos ⠀⠀ 賽艇 洪詠甄 @winne_wingyan ⠀⠀ 帆船 洛雅怡 @snort0n ⠀⠀ 滑浪風帆 陳晞文 @chmhayley 鄭俊樑 @michael_hkg16 ⠀⠀ 體操 石偉雄 @stone_shek ⠀⠀ 馬術 何誕華 @thomasho4 ⠀⠀ 空手道 劉慕裳 @gracelaukarate ⠀⠀ 田徑 陳仲泓 @arenaschan 程小雅 @jessicaching211 ⠀⠀ 高爾夫球 陳芷澄 @tiffchangolf ⠀⠀ 三項鐵人 奧斯卡 @oscarcoggins P.S. 由於IG擺唔晒咁多位運動員嘅相，容許我揀咗最難忘一刻嘅定格。

💛《煮宮》 📍觀塘開源道60號駱駝漆大廈三期7樓S室 ～～～～～～～～～～ 初嘗私房菜，有預早幾日訂位，揀定想要既菜式😋呢間中菜走樸實路線，成間餐廳得自己一枱，坐得舒服，又可以傾得盡興啲😆 店家推薦左兩種套餐，我地選擇左每位$388既餐，總共八道菜，有唔同款式俾我地逐項二選一✌🏻另外係疫情之下，大部分菜式都係逐位上，食得都方便啲👍🏻 🥢甜蜜咕嚕肉 炸粉薄薄一層夠香口，咬落大大啖肉，唔會太肥，酸甜度適中，好開胃，仲有啲糖絲點綴😍 🥢花膠瑤柱燉響螺 本店皇牌，真材實料，食到花膠、響螺、雞腳、豬肉等，好出味！而且好大盅，飲完其實已經飽😂 🥢香酥奶油蝦 輕輕炸過，外皮帶少許香脆，蝦肉夠彈牙，個汁都好味，但唔係重味，仍然食到蝦既原味，冇喧賓奪主🤣 🥢金蒜薑花蒸蟶子 蒸得啱啱好所以完全唔韌，個汁唔會死鹹👍🏻 🥢秘制妙齡乳鴿 呢個真係有驚喜，因為本身唔太好乳鴿，覺得乳鴿好食極有限，但呢個真係比平時係酒樓食既乳鴿高質，皮脆肉嫩，真係有妙齡既感覺🤣 🥢蟲草花鮮菌浸菜苗 味道清甜，但略嫌啲菜煮得老左少少😳 🥢霹靂泡飯 睇住店員將炒飯倒入一大鍋滾湯，果種炸開既畫面就明點解叫霹靂泡飯😂佢個湯都係濃得黎但味道係鮮甜的！ 🥢棗皇燉桃膠 甜甜既燉桃膠作結，感覺好滋潤😆 #hkig #hkfoodie #omg觀塘 #omg黃店