【新居甲醛濃度高 ！擺植物光觸媒真係可減毒？】⁣ ⁣ 新居 #入伙，夢想中嘅家終於成真，叫人期待又興奮。但當打開大門一刻，一種刺鼻氣味湧出嚟，你又知唔知道，新居將成健康嘅危機？#甲醛 係常見嘅化合毒物，可由家具、油漆、地板、裝飾物料、牆紙等釋出，污染室內 #空氣。唔想新居入伙變與「毒」同眠，專家給你幾個建議。⁣ ⁣ 🔽🔽🔽🔽🔽🔽🔽🔽🔽🔽🔽⁣⁣⁣⁣⁣⁣⁣ 關注自己及家人健康？⁣⁣⁣⁣⁣⁣⁣ 立即 Follow @LikeMagazineHK ， 每日送上健康生活Tips⁣⁣⁣⁣⁣⁣ 🔽🔽🔽🔽🔽🔽🔽🔽🔽🔽🔽⁣⁣⁣⁣⁣⁣ ⁣ ⁣ ⁣ ⁣ 甲醛20年才完全揮發⁣ ⁣ 甲醛係具有特殊刺激性氣味嘅無色氣體，具很高刺激性及腐蝕性。專家指出，當你聞到刺鼻氣味，代表甲醛劑量很高。甲醛對健康影響最多，刺激眼睛及鼻子後，會令人流眼水、鼻水、鼻塞及打噴嚏；長期吸入濃度過高嘅甲醛，更會出現氣管發炎、咳嗽及痰多等慢性呼吸病症狀。對女性而言，甲醛更可能影響生育能力，甚至流產。有指，甲醛要2至20年先可以完全揮發。家係生活裡重要部分，即使香港人出名由日忙到夜，一天裡頭始於約有1/3時間待在家。所以家中甲醛濃度高，等於天天「吸毒」，不病才怪。的確，唔少人新居入伙後便經常病，後來始發現因家中空氣被甲醛污染招病。唔想被甲醛毒害，專家有以下建議。⁣ ⁣ ⁣ ⁣ 1. 選購家具留意來源及品質⁣ ⁣ 雖然新居花費大，但有啲錢總要使，唔可以慳。例如家具，雖然平價唔等於質量差，但在安全標準上未必有保證。在選購時，知名廠商在用材安全方面有一定嘅保證。留心家具嘅材質，如廠家提供安全證明，要睇清楚其來源和標準。如能好好控制甲醛源頭，便能減少吸入甲醛。⁣ ⁣ ⁣ ⁣ 2. 別輕信植物能吸甲醛⁣ ⁣ 網絡上廣傳在家中添置植物，既綠化家居，又可吸甲醛，而且言之鑿鑿指出芸芸植物中，以吊蘭、虎尾蘭、蘆薈、常春藤和綠蘿嘅吸甲醛能力較高。不過上海市建築科學研究院做過實驗，以上植物除甲醛嘅能力有限。五種植物中，常春藤嘅甲醛淨化率最高，但1立方米內只能達到9%。若單靠在家擺放植物吸甲醛，實屬不智。⁣ ⁣ ⁣ ⁣ 3. 保持家居空氣流通⁣ ⁣ 家居空氣要流通，意思係能把外邊乾淨嘅空氣換置到室內，可降低甲醛濃度。打開窗讓外邊鮮風吹進屋內或開風扇，都係最佳又便宜嘅方法。但近年香港樓宇設計獨特，屋內就算大窗戶，都未必打得開。若不能自然通風，在家添置空氣淨化器也可。至於近年大受注目嘅 光觸媒，有醫生指仍欠科學實據。雖然本港醫管局曾做研究，證實使用光觸媒在消毒病房方面有一定效用，比一般病房可減少感染次數，但由於仍未有大型研究證實光觸媒分觸甲醛嘅功效，所以以通風降甲醛較為安全及實際。如有鼻敏感、氣管敏感及哮喘患者，為避免甲醛致敏，建議在新居裝修後一至兩個月，待甲醛稍散先入住更佳。