死pk 死八婆 死仔包 死狗公 死啦 死死死... 香港人成日將死字掛在嘴邊, 卻永遠唔會作更深一層嘅討論。 啋過你 大吉利事 唔好成日講死 到底講得多死係咪真係會死得快啲？ 抑或係大家對呢樣嘢嘅認識太少，所以往往會逃避提起佢？ 封建嘅思想係所謂開放嘅香港入面，其實已經植根咗喺好多香港人當中。 死，就好似佛地魔咁，講出口你就GG... 大學喺學傳，其中一個我好鍾意同陌生人打開福音話題嘅方法就係問: 你死咗會去邊？ 因為呢條問題好多時人都唔會諗，唔想搵/唔知答案係乜，咁就係可以到我講嘅時候。 我哋最初接觸嘅死應該係公主們嘅母后都死晒，耶穌死後3日復活，之後好似都冇乜。 太婆應該係我人生第一個識嘅死人，對幾歲嘅我嚟講我淨係知道坐喺屋企瑟縮一角嘅老人家，以後唔會再坐喺到。之後係姑丈媽媽嘅死，應該係我第一次參加喪禮。記得嘅就只係包吉儀，係一個唔可以開心嘅Gathering。細佬出世嗰年，到爺爺死。我淨係記得我同媽咪落樓吓接救護車上樓，之後就看爺爺死咗。到細細佬出世嗰年，婆婆嘅死應該係我印象最深刻，因為有瞻仰遺容嘅環節，係我最後一次見婆婆亦係我第一次見死人，婆婆瘦，下巴好尖，媽咪話死咗之後係會瘦啲。之後初小我都冇乜接觸過死嘅議題，淨係記得隔離班有個我唔太熟嘅男仔病死同埋去過2 3次遠房親戚幾乎冇見過面嘅喪禮。 呢啲嘅死對我嚟講一直都冇乜太大感受，可能係太細個。但一直以嚟除咗人之外，我身邊一直都有唔同嘅動物死。我嘅寵物們，爸爸會用袋/盒包起掉落垃圾桶，之後掉走，以前唔敢去垃圾房嘅我每次都會做嗰晚去掉垃圾嘅人，當做送佢哋最後一程。到大個咗我會夜晚偷偷地去屋企後面嘅山，一棵我成日去影相嘅樹到埋葬佢哋。印象中我都唔係會喊得多，大部分嘅離開我都仲好記得。一直以來我最concern 嘅都係佢哋死嗰陣痛唔痛苦，佢哋嘅一生我有冇做好主人嘅責任。最深刻嘅幾次有，被咬散嘅巴西龜，我一直相信冷血動物都有性，所以呢一次對我嘅信念有好大嘅動搖，不過最後用經驗同埋資料蒐集我得出嘅結果應該都係佢有病，所以先會發生呢個情景。之後係手養嘅小蜜bb，其實哺乳類阿媽棄養嘅BB多數都係有問題所以佢哋媽咪先會唔養，所以對我同佢嚟講，由我手養佢係垂死掙扎。嗰陣真係帶埋佢返工定時餵奶，而最後佢都係屋企飲埋最後一餐奶先死。之後喺我第一對刺蝟生嘅第一胎，由出世湊大，到佢死之前已經係行唔到，食唔到嘢。爸爸話不如毒死佢，唔好等佢咁辛苦，但我始終覺得冇人有權利決定其他人嘅生命去向，anyway安樂死係另一個議題....最後我都係每日陪住佢希望佢快啲死唔好咁辛苦... 我唔知呢個係啱定錯不過係我堅持嘅原則。 題外話，如果有啲乜嘢事我寧願安樂死都唔想無意義咁就等死，但起碼呢個係我自己做嘅決定。 題外話2，小五鄰居嘅西施去安樂死，我喺診所喊到死咗。 再之後嘅死就係我中三，有個師妹跳樓。同佢由小學就識，到佢死之前冇耐都仲有傾計，唔好諗歪，但真係mk時代嘅嗰種兄妹。佢死咗之後，好多媒體有唔同嘅報道，令我對傳媒嘅價值另有一番睇法，不過呢個都係另一個故事。Anyway學校有好多措施，好多不切實際嘅措施，對當時嘅我直到而家都係覺得佢哋係怕有人會同佢一樣尋死，驚瀨屎。嗰陣嘅我好down，覺得成件事好得意好唔真實，但係一滴眼淚都無流過。係直至到而家我都好難會喊得出。心理治療師比喻為我老死蓋埋個渠蓋，所以條渠塞咗，其他我唔係好記得佢點講，因為呢個比喻稍為淫賤所以我好記得。 講到好遠，睇到呢到會發現香港垃圾教育制度當中，生死教育好真係好不足。骨灰龕位天價並且嚴重不足，有紀念花園撒骨灰，填咗器官捐贈記得同屋企人講。仲有呢？ 又題外話 @staywithinbookspacehongkong @sayyeah.org.hk #假如我明天會死 呢幾個page/入面嘅書/專訪etc都好值得睇吓 死亡可唔可怕我唔知，我都唔驚。 但提及死亡就一定唔可怕，人總有一死，呢個幾月入面講親死大家都會叫我正面啲積極啲，講死唔等於負面消極。 我係一個好怕煩嘅完美主義者，所以我好想死得好好睇睇，都想唔好搞咁多無謂嘢。今次無事咪留返真係死嗰日先實行，遲早都有需要。 sorfor1999 最後交代吓 報告出咗 係血癌 不過存活率好似幾高 所以我應該冇咁易死 成因係乜嘢醫生都話話唔埋 唔好彩囉lol Anyway sofar除咗屋企人煩啲之外我個人touch wood都冇乜抱恙 只係開到嗰度條神經線會keep住頭痛 不過我都叫醫生停咗止痛藥 不過因為唔係淋巴瘤所以都轉左去其他專科 所以之後嘅路係冇保險包lu 有心嘅 搵我可以直接關心唔好再用問句lol 得閒出街睇吓我食飯包養我啦 🏴仲有 聽日 71Sogo大特賣 cwb見🏴 自行判斷&Bewater!!! ps我出press #Lamk抗癌日誌 . #白血病 #血癌 #抗癌鬥士 #霍奇金淋巴瘤 #Hodgkinslymphoma #Leukaemia #51 #lymphomasurvivor #lymphomacancer #lymphoma #淋巴癌 #死 #死亡 #生與死 #其實血癌都唔係咁可怕