《 得罪人系列又來了：騙徒手法層出不窮 》🧨💸💸

近日有點一言難盡的煩瑣家事，和友聊起兩年前曾發現「疑似假護膚品騙局」，一直以為已寫過，原來無 （哈哈），在此分享一下提醒大家。

和某家美容公司合作試做醫美療程，第一次是PR A找我，體驗過程很好 （無論是療程效果或推薦文的free style任你點寫）。據說feedback不錯 （ 🧎🏻‍♀️下跪感謝大家），因此在PR A離職後，PR B再找我合作另一療程。

療程後美容師幫我塗上防曬用品，質地清爽透薄。美容師聊起這是近日賣得火熱的防曬產品，是🇬🇧英國品牌、物理防曬、防敏感、六個月以上嬰兒或孕婦均可使用、由皮膚科醫生推薦 （.......很完美是不是？），她也買了給寶寶用。我的防曬剛用完，因此離開時也入手一支 （ ＄600／50ml ）。美容師是我的讀者，還打趣說好用的話你可在「星期五的無聊小物分享」推薦啊。

由於打算和小丫共用，認真拿出說明書研究成份，竟發現說明書英文錯漏百出。但，某些入口產品香港代理會重新包裝（例如加入繁體中文說明），有可能只是代理誤找英文不好的人。

說明書內有網站 (現已沒了），某版面有堆金髮藍眼外國人拿著產品拍照推薦。去找這幾個外國人的IG，發現他們全數住在香港。

網站內有公司英國地址📮

打開google map查找，發現地址是一家英國連鎖診所叫York Medical Group （ 港台有些醫療集團有生產自家護膚品，但英美醫藥分家這情況較少見）。我打長途電話詢問，負責人說集團沒出產護膚品，從前也見過fb或ig有用戶拿著護膚品tag過他們地址，但內容是中文看不明白以為搞錯。

把以上情況告訴PR B。她最初聽後感事態嚴重，說會問問代理那邊拿取更多資料。

第二天她轉發一張品牌在英國註冊TRADEMARK的証書說我搞錯了，這真的是英國牌子。大佬呀，TRADEMARK係人都可註冊，只証明註冊了名的專利。

然後，PR再發給我「產品入口証明」（見圖），看到時驚嚇指數一億。那是去英國郵局寄小郵包時「報關」的貼紙 ，嗯，即是香港綠色的那張呢，隨手去郵局可拎一疊。HELLO? 你覺得這是出入口証明？！📦📦

叫PR B直接給公司的英國聯絡方法或地址，我親自了解。她說問了代理，英國那邊可能寫錯網站地址，晚點給我正確地址 。

💀來到這階段相信PR B已好想殺死我。她提過多次這兩張不是足夠証明嗎？（個性天真單純），如我對產品有懷疑她可直接退款。別傻了，我要的不是退款，我要查明防曬的真相 （握拳））。

及後她們再給一個英國地址📮

網上查看是英國辦公室，嗯，共享的，虛擬類別月租28磅 （現在要33磅），公司會給一個辦公室地址幫你收信聽電話，香港現在也流行啊。但，他們做事不認真又沒恆心，打去細問發現共享辦公室沒續租。給我的地址寫著三樓某室，人家的大樓只得一層。

🔍 用TRADEMARK資訊查到「真正的」註冊地址是香港一家在加連威老道的樓上小美容院 (不肯定現在是否還在），店主L小姐是註冊人。

🔍公司名叫Global Resource Network Limited，也在尖沙咀。但從香港註冊公司查證後該公司狀況是「已解散」（見圖）

🔍2018年幫她申請英國trademark的，則是一家叫Accolade IP Limited （卓遠）的知識產權公司，只要付＄5500便可申請十年英國trademark （卓遠在英國地址也是virtual 共享辦公室，但卓遠是合法正當經營，就是中介申請服務的一種）

L小姐的美容院當然有賣這「皮膚科醫生推薦的英國品牌」。除了防曬，還有面膜，近年賣得最火熱的是豐胸產品。

轉交以上調查資料後，PR B應感到本人煩膠到癲😂 開始說不清楚公司入手產品的過程 （簡稱「單野唔係我跟開」），把我轉給另一產品部經理。

產品部經理態度正常很多 （並非PR B那種禮貌地hea9me），說了解後會回覆我，如有問題產品會下架，也感謝我查証了這麼多 。

由於那次醫美療程是不錯的，我最後有寫分享 （但中間被PR B瘋狂要求改稿又乜又乜，要改的部分並非資訊錯誤，我堅持不改，這枝節與案情無關不多述，總之肯定已被黑名單）。

再，私下有聯絡那天的美容師讀者告訴她防曬產品可能有問題，不要再給小寶寶用。

+++

也順便說明一下護膚品市場的運作。

除了大牌，現在很多所謂醫學美容或clean beauty的小眾品牌 （主打純素／天然／沒動物測試）是以OEM的代工形式生產。

例如某兩個I字頭和s字頭的大牌，創辦者是香港人，產品在美國實驗室工廠代工生產 （有江湖傳聞說他倆用同一家廠）﹐formula由創辨人自行加加減減。他們也多數沒外國公司地址，但細問一定有詳細實質出入口証明或美國公司資訊查証，絕不會隨便找別人的診所扮成公司地址。

OEM產品不一定不好，就視乎用哪家工廠和原材料。當然有害群之馬只用了1％的瑞士原材料，其他內地貨再亂找內地黑心工廠廉價代工再包裝成「瑞士美容品牌」，在美容業界朋友口中聽不少這種奇怪事。

老老實實從前飛日韓也會貪得意買些一百幾十蚊的面膜仔粗用，我不會誇張到每用一樣東西也尋找他鄉去找公司背景和研究成份。

🧸 但，這產品說明是幼兒和孕婦可用，如果是黑心產品，影響可大可小 （市面有些某些產品就曾驗出類固醇或激素）。

他們說是「皮膚科醫生推薦」，哪位醫生推薦呢？！無講囉，這已是違反商品說明條例 （ 有趣的是發現有醫療集團在賣，致電向醫生查詢再分享疑惑後他們才下架 ）。

再說，醫美療程是我推薦的，雖說沒推薦產品，但如美容師說「ah-yo也買了這給小丫用啊」，大家爭相搶購 （誇飾手法～）但原來產品有問題，我也有一點點的責任嘛 （淚）。

事情的後續是醫美公司經理說會回覆，等了數月也又不了了之。

📝 我同時報了消委會但作用不大，情況是用後敏感、爛臉才能作出投訴或退款 （對方答應退款，但我不要）。這產品只得我投訴過，証明大家不看說明書，更有某些媽媽KOL推薦。

也報過海關，對方說產品用假地址肯定有問題，但很難証明是否「英國製造」，始終現在很多oem產品。2019年我也好忙，沒去再追問醫美公司是否把產品下架。

++

數月前經過那家醫美公司時想起這事，好奇去望望他們還有在賣這品牌嗎？

仍有呀 （暈倒）。轉了新包裝、產地有美國／法國，但寫invention UK ( invented in UK／UK invention啊），跟員工說這牌子好像有問題，他們一臉黑人問號 （唉）。

更奇趣的是PR B事隔兩年後完全忘了我是那位偵探ah-yo （誰叫我不紅），前排竟像「初次見面」般詢問有沒有興趣試做他們的醫美 （再次暈倒），當然拒絕了。

🩸我發誓平日選合作公司超小心，有些美容院網上讀到太多負評或硬銷也一定拒絕；這家醫美公司療程不錯的，但報告產品有問題仍是隨性處理，心中已扣晒分 byebye（但重申：療程不錯的，可惜啊。。。。）

這事告誡自己要更慎選醫美公司、網上購買什麼也不要人云亦云別人說好就衝 （女生常見之毛病）。疫情關係已很少上美容院 （ 都無開 ），如心水清少少也會發現我這兩年來來回回只去某家S字頭的醫美店，看細節位表示很可靠 （賣的產品都正常），近日做了個療程，找天分享。

💥醫美公司的名就不透露了，始終有合作過，除了這產品事件外，整體經驗不錯的。

💥那個疑似有問題的牌子，叫：

Dr. mXX Cxxxxxxxxxx

牌子近日火紅的產品是豐胸膏。那位「現已投身保險界的打拳KOL大律師」的日本漂亮女友曾推薦過，影片中更是大律師幫她搽豐胸膏的啊。好奇的話自己去找吧。

人微言輕的我上次也沒做到什麼伸張正義 （都叫你退款啊你又不退），海關上次跟我說，你查完後他們花幾千蚊註冊另一家公司另一個trademark換個包裝又捲土重來的。

只能說香港美容產品監管很寛鬆，大家日常購物也小心啊🌸

尋晚同 #濕疹女生自救行動 嘅Hilda同埋 #不想靠塗濕疹店 嘅小生開左個Live去講下點解佢哋兩位濕疹達人都咁唔主張搽野？

市面上一般都賣好多咩膏咩lotion去幫助濕疹
但係佢哋都不約而同堅持要由內去幫助濕疹問題
如果唔係只係治標唔治本
我私下有好幾個好朋友
什至我媽媽都係靠佢哋兩位幫手去解決皮膚問題
大家可以放一萬個心去搵小生幫手
不想靠塗濕疹店《濕疹.敏感.戒類固醇》

以下是尋晚我地live嘅文字recap 😚

1. 點解主張唔搽野？
濕疹唔止係一種皮膚疾病，亦係免疫功能失調引發的慢性疾病，當你身體某些屏障系統崩潰，徵狀會顯現係皮膚，我都試過搽唔少野，
屋企有好多一支二支過曬期...哂錢浪費又佔位
當你發緊既時候，不斷搵野搽，個人好心急，忽略身體內部和營養補充，好大機會有反效果。

2. 搽野有咩唔好？
皮膚有開放性傷口，發炎狀態已經好嚴峻， 什至有液體流出，仍然不斷保濕會加重皮膚負擔，延緩皮膚屏障的恢復，令傷口更容易滋生細菌，造成感染。
提高用錯補濕品的機會，引起過敏反應，最後更加惡化。

3. 咩係類固醇反彈？
任何藥物都會有副作用，身體對類固醇出現耐藥性，番發次數頻密左，有擴散跡象，需要用更高制量去控制濕疹，停藥後出現反彈症狀，包括血管擴張，出水，火燒感等等... ...

4. 稀釋類固醇搽比例低左就好安全？
類固醇分7級，1級最強，7級最弱。
%不代表級別（例如1%7級 比0.1%5級弱）
身體各部位皮膚厚度亦影響吸收程度
（例如前臂係1倍，頭皮3.5倍，眼週42倍！）

BB真皮同角質層比成年人薄，皮膚滲透性同面積比例對吸收藥物程度更快更多，外用藥物不是一個最安全的選擇。

5. 唔搽野咁點搞？
從飲食調整，情緒壓力，生活習慣等各方面，配合適合的營養補充品，認識背後原理，減少使用藥物影響身體自癒力，平衡免疫系統，尋找最適合你既身體既方法。

6. 不想靠塗濕疹店同其他濕疹店唔同？
所有關於皮膚問題/ inbox都會由店主 (小生) 親身回覆，詳細了解大家背景，尋找源頭解決皮膚問題，而唔係求其戒口搵啲野搽，希望將這兩年集合既經驗，用一個成功戒類固醇穩定濕疹過來人既身份，去建議點樣用生活習慣配合supplement 去解決困擾既濕疹，盡力減少用藥。

坊間好多幫助supplement, 大家或者唔識點食/點選擇。所以本店會有跟進服務，根據身體情況調整份量/種類，另外有飲食記錄，定期個案分享，有同路人support, 令大家了解自己身體反應，復原進度。相信你係出面買，係唔會有的。

🤩
教你擊退 #口罩肌
前日出咗動態先知原來好多朋友都有呢啲問題🤦🏻‍♀️

👇🏽係長編咗少少
分享親身經歷恐怖😱嘅半個月

😭😩😫😖👇🏽
天呀！⋯⋯
成40歲先一夜之間變咗做#敏感肌🤯從來未試過多過三粒紅點喺塊面度，早兩星期一夜間變到成塊面都係紅粒粒😭😱對住塊鏡👀都嚇到傻，即刻花咗成千蚊睇醫生問點算好⋯⋯

原來天氣變化大又乾又濕仲要成日戴住口罩，加上我皮膚偏薄年紀越大🙈，引致出現皮膚過敏面層過分活躍所致，可以用即時見效嘅類固醇藥膏，但只會令皮膚變得更薄，日後更容易有同類事情發生，醫生話只要勤力啲不停補水便可以改善問題，前後試咗四隻有貴有平嘅牌子又花咗二千幾都冇起色😭😖好彩最後有朋友推介我試（圖中1）呢隻 #opmask3d立體保濕面膜 佢話叫我連續用10日基本療程保證見效，見佢主要成份都係透明質酸鈉 + 甘油葡糖苷 ，每包約60g勁多精華，唔算貴又放膽一試，點知只係連續用咗6日紅點已經自然減退8️⃣成🤩，喺動態已經分享左幾日用後感，見好多網友留言有同類問題，喳喳林出個post 話比大家知效果🥰#自購分享 效果禁好😍應大家要求，我決定開團購🤩

我另特意訂咗40片送比係之前三次團購中都有支持我嘅網友抽出幸運兒，為答謝大家對我嘅支持當做聖誕禮物 #joan好物分享❤ ！
☝🏻兩天內會收到我inbox☝🏻

聖誕優惠團購要夾50set以上先有優惠有興趣一齊夾單嘅網友，🌟記得分享此post 即留言「我要join團」及inbox我攞資料😜

#四孩媽媽保養心得
#1set10塊我原價買嫁
#送份聖誕禮物俾自己
#皮膚敏感左好易再敏感
#我以後要再錫自己多啲
#四孩媽媽瘋狂日誌
#beauty #hkig #goodmask #happyshare #joanfamily #fourkidsmammy
Opmask - OnePersonalization

#高cp值必買 #東京便利店 #東京便利店手信 #主婦手藥 #7eleven
#7elevnTokyo #東京711必買

Hello大家好, 我係呀Tsar, 今日又為大家介紹東京池袋無敵家對面嘅711便利店下集, ,喺我未介紹產品之前, 想同大家分享一啲關於711嘅冷知識
,大家知唔知7-Eleven嘅logo顏色係代表咗乜嘢？「橙色＝日出」、「綠色＝綠洲」、「紅色＝晚霞」，代表住由朝到晚都好似顧客嘅綠洲咁樣。
日本嘅便利店, 已經成為遊客嘅人氣景點,一個成功嘅公司logo, 可以反映出佢哋對顧客嘅服務承諾, 大概睇佢業務嘅發展, 同埋佢哋推陳出新嘅服務同產品
都略知一二, 所以你哋咁鍾意睇我去日本便利店嘅介紹呢? 睇完影片記得留表情符號以示支持呀!

講返池袋係喺東京旅程中一個幾好住嘅住宿地區, 大家可以去無敵家食完宵夜, 再過嚟呢間7仔買妝藥、生活用品,可以慳番好多時間, 快啲睇下今日嘅十大必買, are you ready,
上次十大必買, 可以睇返上次條片, 今日講11至20必買。

第11必買, 超強護手秘寶YuskinA乳霜, 強效滋潤嘅護手霜， 佢連腳踭龜裂紋與及主婦手都有幫助, 含有豐富嘅維他命B2, 甘油成份高達40％,
由於不含類固醇, 所以由bb到老人家都可以用到, 體貼你一家人嘅需要, 除咗潤膚系列之外, 仲有潤唇膏添, 有時我見到啲男同事, 冬天個嘴爆曬拆流曬血, 我個心真係寒一寒
返工見客同人握手, 如果人哋feel到你隻手鞋十十, 不論男女, 其實感覺都唔係太好, 其實呢啲都係儀容嘅一種,大家千祈唔好觀音頭, 地盤手呀!

第12必買, LuLu滋養口服液, 當身體因為發燒、感冒, 而冇胃口食嘢嘅時候,呢個飲品嘅營養成分, 正正係有1000mg嘅人參營養成分, 胡蘿蔔1000毫克和蜂王漿200毫克，
,維他命B 1、B 2同B 6,令到你有加速康復能力嘅功效。由於佢不含咖啡因成分, 所以飲咗都可以瞓覺, 適合15歲以上成人使用, 每日食用一次30毫升
病就飲多啲水啦。

第13必買, 30mL嘅花王便擕式除菌去味消臭劑 , 冇香味嘅,採用檸檬酸嘅技術除臭, 包含天然綠茶除臭成分。雙管齊下, 99.9％滅菌, 適用於衣物、布料、空間都用到
有人喺你身邊放屁、搭飛機隔離嗰個腳臭, 噴一噴就聞唔到, 但係如果對方口臭, 呢樣幫你唔到, 因為唔食得落肚嘅!

第14必買, 有冇人知道可口可樂公司原來係有出酒精飲品㗎?佢係罐裝嘅檸檬汁燒酒蘇打水「檸檬堂」,個英文名好得人驚, 叫 CHU-HI, 我驚你哋以為我講粗口
,都係講返中文名啦, 檸檬堂系列汽水酒分別有 4 款口味，包括蜂蜜檸檬（酒精含量 3%），經典檸檬（酒精含量 5%）、鹽味檸檬（酒精含量 7%）及鬼檸檬（酒精含量 9%），每罐 350 毫升，
,香港就喺銅鑼灣sogo 2樓超市有得賣。

第15必買, Chocola BB Light2 美容護膚飲品, 有助加強體內脂肪代謝，添加咗能夠增加能量轉移的維他命B2、蜂王漿、氨基酸、牛磺酸等成分，有效改善疲勞體質。
一支100ml嘅份量, 只有4.5Kcal, 相等於一粒櫻桃嘅卡路里, 適合減肥但係又想補充營養嘅你,都係只適合15歲以上人士飲用,飲咗之後啲尿可能會少少黃, 其實係由於維他命b2所致
,你可以放心, 因為呢點說明書裏面有寫到。

第16必買, Asahi clear cooler strong 系列嘅果汁酒, 佢係Vodka加入幾種唔同嘅水果酒, 分別有青檸、檸檬糖西柚味道, 通過冰點冷凍技術添加了水果酒，並通過專利技術濃縮了水果的風味
,口味清淡，我認為呢種酒好適合打邊爐, 近排香港天氣凍咗好多, 大家記得著多件衫呀。

第17必買, 711嘅沙律亦都係有好多選擇, 唔知大家有冇去旅行水土不服嘅問題, 如果去旅行冇屎屙, 就一定要食返啲蔬菜,清下個腸胃, 因為便秘會產生好多身體問題
,例如面色唔好啦、出暗瘡啦，口臭喇, 如果因為腸胃唔好而引致嘅口臭, 係最難頂嘅, 最慘口臭, 當事人未必知道, 如果人哋唔係同你有番咁上下親密關係
,亦都唔會話畀你聽, 所以自己都係要注意一下。

第18必買, 除咗沙律之外, 清腸胃可以飲yogurt drink, 呢隻士多啤梨味, 好好飲, 但係我要提醒大家, 買乳酪飲品嘅時候, 睇一睇是否低糖,
根據香港政府網頁資料, 低糖嘅定義係每100克含不超過五克嘅糖, 每100克中如果高於7.5克就算為高糖, 所以大家買乳酪飲品嘅時候, 就要喺營養標籤注意呢一點
,吸收過量嘅糖分, 容易致肥。

第19必買, Body Fantasies 香氛噴霧 , Body Fantasies的淡香水香精濃度比一般香水低，但係價錢比香水平好多, 我認為如果學生哥, 或者年輕嘅少女, 收入唔係咁多, 咁就可以試下買呢類產品
,因為而家一支香水係好貴好貴嘅, 年輕時唔需要用得太貴嘅嘢, 如果唔係好難返轉頭嘅, 稍為個身有少少香味就夠,到你再多少少收入嘅時候, 先至去買啲名牌子都未遲啦
,不過而家啲細路女好叻㗎喇, 如果唔係又點會有娘娘收兵呢!呢方面你哋叻過我!我就唔夠膽班門弄斧啦!

第20必買, 當然七仔就真係有好多雪條甜品啦, 我自己就好鍾意食綠茶，或者果仁嘅雪條, 個味好濃, 呢度齋買冰都有㗎喎, 唔好以為冰, 只係愛嚟作飲品之用
, 有一次有個朋友喺日本屈親腳, 佢即刻whatsapp我, 我叫佢即刻入去便利店睇下有冇冰賣, 敷下傷腳消腫, 好快就消咗腫喇. 唔知道你哋喜唔喜歡我今次係介紹呢
,記得留表情符號以示支持呀,我哋好快又下一條片再見, 88 !

請用片右下角調4K睇片。